Կարճ լուրեր
4-րդ զորամիավորման ենթակա զորամասերում հուլիսի 16-ին անցկացվել է մարտական հերթափոխ: Հերթափոխից առաջ ստորաբաժանումների անձնակազմերի հետ անցկացվել են գործնական պարապմունքներ, զինծառայողները հրահանգավորվել են կցագրված զենքերի կիրառման և անվտանգության կանոնների պահպանման վերաբերյալ։
Աղբյուր՝ ՊՆ
ԱՄՆ-ի սպառողական ապրանքների անվտանգության հանձնաժողովը հայտարարել է, որ Amazon-ն իր հաճախորդներին վաճառում է վտանգավոր ապրանքներ: Անվտանգության դաշնային ծառայությունը Amazon-ից պահանջում է դադարեցնել գործունեությունը: Հայցում նշված ապրանքներից են ածխածնի մոնօքսիդի դետեկտորներ, որոնք չեն աշխատում, բազմաթիվ հրդեհավտանգ մանկական գիշերազգեստները, և գրեթե 400,000 վարսահարդարիչ, որոնք կարող են էլեկտրահարել մարդկանց, ջուրն ընկնելու դեպքում:
Աղբյուր՝ cnn.com
Զինծառայողների բարոյահոգեբանական վիճակի ամրապնդման, միջանձնային հարաբերությունների կարգավորման, մարտական ոգու բարձրացման նպատակով հուլիսի 16-ին 5-րդ զորամիավորման նորակոչիկների հետ անցկացվել է հավաք-խորհրդակցություն: Հրամկազմը ստուգել է նաեւ տարածքի սանիտարահիգիենիկ պայմաններն ու սննդի որակը:
Աղբյուր՝ ՊՆ
Փարիզի «Երկաթե լեդին» վերաբացվում է այսօր՝ Երկրորդ համաշխարհային պատերազմից ի վեր ամենատևական ժամանակով փակվված լինելուց հետո: Սոցիալական հեռավորության պահպանման համար այցելուների ամենօրյա թիվը կսահմանափակվի 13 000 մարդով, որը սովորական այցելությունների թվի գրեթե կեսն է: Իսկ հաջորդ չորեքշաբթի օրվանից այցելուներից կպահանջվի ցույց տալ պատվաստման վկայականներ կամ բացասական թեստի արդյունքներ:
Աղբյուր՝ france24.com
Այն բանից հետո, երբ Լիեժ նահանգի Տրոզե կոմունայում հայտնաբերվեց երեք դի, ջրհեղեղի զոհերի թիվը հասավ 15-ի: Իշխանությունները չեն բացառում, որ ջրհեղեղից զոհերի թիվը կավելանա ջրի նահանջից հետո: Եղանակային պայմաններից առավելապես տուժել են Լիեժ, Նամյուր, Վալոնյան Բրաբանտ նահանգները: Լուրջ վնասներ են կրել նաև Լյուքսեմբուրգ, Անտվերպեն և Ֆլամանդական Բրաբանտ նահանգները:
Աղբյուր՝ ria.ru
Մեքսիկայում հիմնվել է առաջին «Մարադոնյան եկեղեցին», որի մուտքը զարդարում են գնդակներով լի զույգ գավաթները, իսկ հավատացյալներին ողջունում է Դիեգո Մարադոնայի պատկերը՝ չարրո գլխարկով: Եկեղեցու ներսում կաթոլիկ Խաչի կայանները վերստեղծված են Մարադոնայի լուսանկարներով՝ մանկությունից մինչ Կուբայի հանգուցյալ առաջնորդ Ֆիդել Կաստրոյի և Հռոմի պապ Ֆրանցիսկոսի հետ խորհրդանշական հանդիպումները: 1998 թվականին Արգենտինայում երկրպագուների կողմից ստեղծվել է հանգուցյալ ֆուտբոլիստին փռաբանող «կրոնը»:
Աղբյուր՝ reuters.com
«We are together» ամենամյա մրցույթին այս տարի կարող են հայտ ներկայացնել կորոնավիրուսի համավարակի դեմ պայքարում անշահախնդիր ներդրում ունեցած քաղաքացիները և կազմակերպությունները: Ֆիզիկական ու իրավաբանական անձինք մրցույթի պաշտոնական կայքում՝ wearetogetherprize.com-ում, կարող են հայտեր ներկայացնել՝ «Առողջապահություն», «Բիզնես», «Կրթություն և տեխնոլոգիաներ», «Քաղաքացու անձնական ներդրում» անվանակարգերում: Հայտերի ընդունման վերջնաժամկետը 2021 թ. հուլիսի 31-ն է: Մրցանակակիրները կհրավիրվեն Մոսկվա՝ մասնակցելու մրցանակաբաշխության պաշտոնական արարողությանը: Բոլոր ծախսերը կհոգա ընդունող կողմը:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Դերասան Անտոնիո Բանդերասը կմիանա «Ինդիանա Ջոնս» արկածային կինոնկարի հինգերորդ մասի դերասանական կազմին: Թե ում կմարմնավորի իսպանացի 60-ամյա արտիստը, դեռ հայտնի չէ: Հնագետ Ինդիանա Ջոնսի արկածների մասին նկարահանումները սկսվել են 2021 թվականի հունիսին: Ֆիլմի պրեմիերան նախատեսված է 2022 թվականի հուլիսի 29-ին:
Աղբյուր՝ gazeta.ru
Դեպքը տեղի է ունեցել չորեքշաբթի օրը Արևմտյան Կալիմանտանի ափերի մոտ, որտեղ մինչև հինգ մետր բարձրությամբ ալիքները ծածկել են տասնյակ ձկնորսական նավեր և երկու քարշակող նավեր: Հաստատվել է, որ ինը մարդ զոհվել է, ևս 46-ը անհետ կորած են, հայտարարել է Պոնտիանակի փրկարարական գործակալության ղեկավար Յոպի Հարյադին՝ հավելեց, որ նավերում գտնվող 81 մարդ փրկվել է: Փոթորիկը հեղեղել է մոտ 50 գյուղեր՝ ավերելով տներ և այլ շինություններ:
Աղբյուր՝ france24.com
Այս մասին Գերմանիայի կանցլերը հայտնել է Վաշինգտոնում ԱՄՆ առաջնորդ Ջո Բայդենի հետ համատեղ մամուլի ասուլիսում: Նրա խոսքով, եթե Ռուսաստանը չհարգի վառելիքի տարանցման Ուկրաինայի իրավունքը, Գերմանիան «ակտիվ կգործի»: Նա պարզաբանել է, որ խոսքը գնում է որոշակի «գործիքակազմի» մասին, որը կարող է կիրառել ոչ թե հենց Գերմանիան, այլ Եվրամիությունը: Մերկելը հավելել է, որ «Հյուսիսային հոսք-2»-ը լրացուցիչ նախագիծ է, այլ ոչ թե փոխարինող՝ գազի մատակարարման գոյություն ունեցող եղանակին:
Աղբյուր՝ rbc.ru
Դեպքը տեղի է ունեցել կղզու հյուսիս-արեւմուտքում գտնվող Տիլիրիա շրջանում: Ըստ Կիպրոսի CNA գործակալության, Թուրքիայի առափնյա պահպանության աշխատակացիները չորս նախազգուշական կրակոց են արձակել: Կիպրոսի պետական RIK հեռուստատեսությունը հայտնում է, որ Թուրքիայի առափնյա պահպանությունը շարունակել է հետապնդել կիպրական նավին գրեթե մինչև Կատո Պիրգոս ձկնորսական նավահանգստի մուտքը:
Աղբյուր՝ ria.ru
ԱՄՆ-ը պատրաստվում է պատժամիջոցներ կիրառել Չինաստանի մի շարք պաշտոնյաների նկատմամբ՝ Հոնկոնգում Պեկինի կողմից ժողովրդավարության դեմ ճնշումների պատճառով, ինչպես նաև այնտեղ գործող միջազգային ընկերություններին նախազգուշացնում է պայմանների վատթարացման մասին: Ըստ Reuters-ի աղբյուրների՝ ֆինանսական պատժամիջոցների թիրախը կլինեն Չինաստանի կապի Հոնկոնգի գրասենյակի յոթ պաշտոնյաներ՝ պաշտոնական պլատֆորմը, որը ծրագրում է Պեկինի ազդեցությունը չինական տարածքում:
Աղբյուր՝ reuters.com
Հուլիսի 19-ին, ժամը 17։00-ին տեղի կունենա Հայաստանում ֆրանսիական համալսարանի «Conférence inspirante» (Ոգեշնչող դասախոսություն) շարքի հերթական հանդիպումը՝ Լիոնից ժամանած պարուսույց Միշել Ալե Էգայանի հետ, ով Պարի տան համահիմնադիրն է և Ալե Էգայան համույթի հիմնադիրը։ Դասախոսության սկզբում «Մի ոստ դուրս կգա» եռամաս ներկայացման շուրջ կներկայացվի պար, խոսք և երգ։ Միջոցառման երկրորդ մասում նախատեսվում է մտքերի փոխանակում Միշել Ալե Էգայանի և ներկաների միջև։
Աղբյուր՝ Հայաստանում ֆրանսիական համալսարան
Ավելի վաղ հաղորդվել էր 58 մահվան մասին: Կոբլենց քաղաքի ոստիկանության խոսնակը հայտնել է, որ 50 մարդ է զոհվել Ռայնլանդ Պֆալց դաշնային նահանգում, 30-ը՝ Հյուսիսային Հռենոս-Վեսթֆալիա: Նրա խոսքով՝ զոհերի քանակը կշարունակի աճել:
Աղբյուր՝ ria.ru
Ռուս երգիչ Նիկոլայ Բասկովը հաղորդել է, որ «Սլավյանսկի բազար Վիտեբսկում» փառատոնի բացմանը. նրա ջերմությունը բարձրացել է: Իր Instagram-ում երգիչը հիշել է, որ 22 տարի առաջ է առաջին անգամ հայտնվել փառատոնի բեմում:
Աղբյուր՝ ria.ru
18-ամյա պատանին կդառնա տիեզերք թռչող ամենաերիտասարդ մարդը, երբ հուլիսի 20-ին միանա Ջեֆ Բեզոսին՝ նրա տիեզերական ընկերության առաջին մարդկային թռիչքի ժամանակ: Օլիվեր Դեմենը կփոխարինի աճուրդի անանուն հաղթողին, որը ձեռք էր բերել տիեզերանավում իր տեղը 28 միիոն դոլարով: Աճուրդի հաղթողը չկարողացավ մասնակցել առաքելությանը «ժամանակացույցի անհամաձայնության պատճառով»,- հայտարարել է «Blue Origin» տիեզերական ընկերությունը:
Աղբյուր՝ bbc.com
2022-2023 թվականներին Մոսկվայում կստեղծվի էլեկտրական փոքր տրամվայների կանոնավոր տեղաշարժի երկու երթուղի, որոնցով կանցնեն քսան նավեր, հայտնել է մայրաքաղաքի քաղաքապետ Սերգեյ Սոբյանինը: Նա հիշեցրել է, որ Մոսկվայում գետով կանոնավոր ուղևորափոխադրումը գոյություն է ունեցել մինչև 2006 թվականը, որից հետո միայն զբոսաշրջային նավերը մնացին Մոսկվա գետի վրա:
Աղբյուր՝ interfax.ru
Հոլանդացի ֆուտբոլիստը հինգշաբթի օրը հայտարարեց «Գրոնինգեն» երիտասարդական ակումբից հեռանալու և իր 20-ամյա կարիերան ավարտելու մասին: Իր սերնդի լավագույն եզրային հարձակվողներից մեկը համարվող, 37-ամյա Ռոբենը ֆուտբոլային ակտիվ կարիերան թողնելու մասին հայտնել է Tweeter-ի իր էջում: Ակումբը հաստատել է լուրը:
Աղբյուր՝ france24.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
