Կարճ լուրեր
Լիբանանի վարչապետ Սաադ Հարիրին հայտարարել է, որ հրաժարվում է երկրում նոր կառավարություն ձևավորելուց: Պատճառը երկրի նախագահ Միշել Աունի հետ տարաձայնություններն են:
Աղբյուր՝ tass.ru
Ամենաավերիչ ջրհեղեղները գրանցվել են Ռայնլանդ Պֆալց և Հյուսիսային Հռենոս-Վեսթֆալիա նահանգներում, որտեղ հեղեղը քշել-տարել է մեքենաները և ավերել շենքերը: Առնվազն վեց մարդ է մահացել հարեւան Բելգիայում, իսկ Լիեժ քաղաքում բոլոր բնակիչներին կոչ է արել հեռանալ: Այս ամենը արևմտյան Եվրոպայում ռեկորդային անձրևների հետևանքն է, որոնց պատճառով գետերը ափերից դուրս են եկել:
Աղբյուր՝ bbc.com
ՌԴ դեսպանատան աշխատակցին պերսոնա նոն գրատա հայտնելու մասին համապատասխան գրությունը հինգշաբթի օրը հանձնվել է հանրապետությունում Ռուսաստանի դեսպան Ալեքսանդր Պետրովին: Այս մասին հայտնել են Էստոնիայի արտաքին գործերի նախարարությունից: Ինչպես պարզաբանել են նախարարությունում, այս որոշումը կայացվել է ի պատասխան Սանկտ Պետերբուրգում Էստոնիայի հյուպատոս Մարտ Լյատտեին վտարելու:
Աղբյուր՝ tass.ru
Հինգշաբթի կանցլեր Անգելա Մերկելը իր դիվանագիտական «կարապի երգով» այցելել է Սպիտակ տուն՝ ընդգծելով, թե որքան կարևոր է գերմանացի վետերան առաջնորդը անդրատլանտյան հարաբերությունների համար, բայց նաև ընդգծելով իր թողած անպատասխան հարցերը: Մերկելը, ով ղեկավարել է Գերմանիան ԱՄՆ 4 նախագահների օրոք, պաշտոնական աշխատանքային այցով հանդիպել է ԱՄՆ նախագահ Ջո Բայդենի հետ:
Աղբյուր՝ france24.com
Ավելի վաղ կառավարության պատվիրակության անդամ Նադեր Նադերին ասել էր, որ «Թալիբան» շարժումը ձերբակալված զինյալներին ազատ արձակելու դիմաց առաջարկել են երեք ամիս դադարեցնել կրակը:
Աղբյուր՝ tass.ru
Հոլանդացի հայտնի լրագրող Փիթեր Ռ. Դե Վրիսը մահացել է մեկ շաբաթ անց այն բանից հետո, երբ նրա վրա հրազենից կրակ էր բացվել՝ Ամստերդամի հեռուստաընկերության շենքից դուրս գալիս: 64-ամյա Դե Վրիսի վրա հարձակումը վրդովմունքի մեծ ալիք էր առաջացրել ողջ Եվրոպայում: Նա մասնագիտացվել է կազմակերպված հանցավորությունների քրեական գործեր լուսաբանելու մեջ և մեծ ճանաչում ուներ Նիդերլանդներում։
Աղբյուր՝ reuters.com
Հնդկաստանի կենտրոնական բանկն անորոշ ժամանակով արգելել է Mastercard Inc վճարային համակարգին նոր դեբետային և վարկային քարտեր թողարկել տեղական հաճախորդների համար: Կարգավորիչը ընկերությանը մեղադրել է տվյալների պահպանման մասին օրենքները խախտելու մեջ:
Աղբյուր՝ interfax.ru
Հուլիսի 15-ին Գարեգին Երկրորդ կաթողիկոսը Մայր Աթոռ Սուրբ Էջմիածնում հյուրընկալեց Հայաստանի Ազգային պոլիտեխնիկական համալսարանի ուսանողական խորհրդի անդամներին: Հանդիպմանը խորհրդի նախագահ Գևորգ Հարությունյանը տեղեկացրեց, որ արցախյան պատերազմից հետո խորհուրդը իրականացնում է նահատակների և վիրավոր զինծառայողների ընտանիքների աջակցությանը և ուսանողների ռազմահայրենասիրական կրթությանն ուղղված ծրագրեր: Նա այս առումով կարևորեց գործակցությունը Հայաստանյայց Առաքելական Սուրբ Եկեղեցու հետ:
Աղբյուր՝ Մայր Աթոռի տեղեկատվական համակարգ
Կուբան հայտարարել է, որ թույլ կտա երկիր ժամանող ճանապարհորդներին ներմուծել սնունդ, դեղորայք և այլ առաջին անհրաժեշտության ապրանքներ՝ առանց ներմուծման տուրքերը վճարելու: Հայտարարությունն արվել է՝ կոմունիստների կողմից կառավարվող կղզում վերջին տասնամյակների ընթացքում տեղի ունեցած ամենամեծ հակակառավարական ցույցերից հետո:
Աղբյուր՝ bbc.com
Փարիզում կայանալիք Sotheby’s աճուրդի աստղային լոտը Նապոլեոն Բոնապարտի որը, ինչպես ենթադրվում է, ճանապարհորդել է նրա հետ 1807 թ. իր հաղթական արշավանքի ընթացքում: Ամենայն հավանականությամբ Բոնապարտը հենց այդ գլխարկն է կրել, երբ ստորագրել է Տիլզիտի հաշտության պայմանագիրը: Սեպտեմբերի 15-22-ին անցկացվելիք վաճառքը կներառի մոտ 100 լոտ, ներառյալ՝ կերպարվեստի, քանդակագործության, արծաթեղենի, կահույքի, ճենապակու, զարդերի, լուսանկարների և հուշանվերների նմուշներ:
Աղբյուր՝ theguardian.com
Չեչնիայում կորոնավիրուսով հիվանդների շրջանում մահացությունը կտրուկ աճել է մեկ շաբաթվա ընթացքում: Անցած օրը 9 մարդ է մահացել, մեկ շաբաթ առաջ գրանցվել է օրական 2-3 մահվան ելք: Այս մասին վկայում են Չեչնիայի «Ռոսպոտրեբնազորի» տվյալները:
Աղբյուր՝ ria.ru
Netflix հոսքային ծառայությունում կայացել է «Հրաշագործներ» ֆենթըզի ժանրի սերիալի պրեմիերան: Գլխավոր դերերումկրկին կրկին հանդես են եկել Դենիել Ռեդքլիֆը և Սթիվ Բուշեմին: Սերիալը պատմում է գավառական քաղաքի բնակիչների մասին, ովքեր տուժել են անբերքատվությունից և խոլերայի համաճարակից: Այնուհետև և՛ քահանայի, և՛ հանցագործի գլխավորությամբ նրանք որոշում են տեղափոխվել նոր վայր:
Աղբյուր՝ kulturomania.ru
Փարիզի ոստիկանությունը բախվել է ցույցարարներին, որոնք բողոքում են նախագահի ծրագրից, ըստ որի հաջորդ ամսվանից բարեր, ռեստորաններ և կինոթատրոններ մուտքի իրավունք ստանալու համար COVID-19 պատվաստանյութի վկայական կամ բացասական PCR թեստ է պետք ունենալ: Բացի այդ, առողջապահության ոլորտի աշխատակիցների համար սահմանվել են պարտադիր պատվաստումներ:
Աղբյուր՝ reuters.com
Ուկրաինան Եվրոպայում ամենավատ ցուցանիշն ունի՝ սննդամթերքի պակաս զգացող բնակչության տեսակարար կշռով: 1,1 միլիոն մարդ սննդամթերքի սուր պակաս ունի՝ 200 հազարով ավելի, քան հիմնադրամի նախորդ գնահատման մեջ էր: Եվս 8.7 միլիոն մարդ դասակարգվել է այն շարքում, որտեղ մարդիկ չեն հրաժարվում սնունդից, բայց ստիպված են կրճատել սննդի ընդունումը, այս ցույցանիշը 200 հազարով պակաս է, քան 2014-2016 թվականներին:
Աղբյուր՝ korrespondent.net
Amazon-ի հիմնադիր և ապագա տիեզերագնաց-ճանապարհորդը նվիրատվություն է կատարել Սմիթսոնյան ինստիտուտին՝ ի աջակցություն ազգային ավիացիոն եւ տիեզերական թանգարանին: Այն հաստատության ստացած ամենամեծ նվերն է՝ 1846 թվականին հիմնադրվելուց ի վեր: Ինստիտուտը հայտնել է, որ գումարից 70 միլիոն դոլարը կուղղվի թանգարանի վերանորոգմանը: Մնացած 130 միլիոն դոլարը կուղղվի` Բեզոսի ուսուցման կենտրոն (Bezos Learning Center) կոչվող թանգարանում կրթական նոր կենտրոնի կառուցմանը:
Աղբյուր՝ apnews.com
Փաստաթուղթը տույժեր է սահմանում նաև՝ կենդանիների բուժման գործունեության իրականացման պահանջներին չհամապատասխանող ապաստարանատերերի համար:
Աղբյուր՝ tass.ru
8,3 միլիոն դոլար արժողությամբ նամականիշը 143 տարվա ընթացքում առաջին անգամ վերադառնում է Մեծ Բրիտանիա այն բանից հետո, երբ աճուրդում այն գնվեց բրիտանական հազվագյուտ նամականիշերի դիլերի կողմից: Եզակի նամականիշը միակ օրինակն է, որ մնացել է Բրիտանիայի նախկին գաղութ Գվինեայում ստեղծվածներից:
Աղբյուր՝ bbc.com
Արգենտինացին հասկանում է, որ «Բարսելոնան» ֆինանսական առումով դժվար ժամանակներ է ապրում, ուստի նա ընդունել է կատալոնացիների առաջարկած պայմանները: Մեսսին կարծում է, որ աշխատավարձի կրճատումը պետք է օրինակ դառնա իր թիմակիցների համար: Այժմ Բարսելոնայի փաստաբաններն ու խորհրդականները վերջնական տեսքի են բերում պայմանագիրը: Սպասվում է, որ կատալոնական ակումբը հուլիսի վերջին պաշտոնապես կհայտարարի Լիոնել Մեսսիի հետ նոր պայմանագիր ստորագրելու մասին:
Աղբյուր՝ gazeta.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
