Կարճ լուրեր
Արքայազն Հարրին և Մեգան Մարքլը երկրորդ նախագիծն են ստեղծել Netflix-ում`իրենց սեփական ընկերության՝ Archewell Productions-ի հետ համատեղ գործարքի շրջանակներում: Մարքլի կողմից հորինված «Մարգարիտ» («Pearl») ընտանեկան անիմացիոն շարքը 12-ամյա աղջկա արկածների մասին է, ով ոգեշնչված է ազդեցիկ և հայտնի կանանց պատմություններից: Ներկայումս մուլտսերիալը գտնվում է մշակման փուլում:
Աղբյուր՝ hollywoodreporter.com
Մադրիդի «Ռեալը» հրապարակել է 2020/21 մրցաշրջանի իրենց ֆինանսական հաշվետվությունը, որում ասվում է, որ 2020 թվականի մարտից սկսված՝ արքայական ակումբը կորցրել է 300 միլիոն եվրո՝ COVID-19 համավարակի պատճառով: Ձեռնարկված միջոցառումների արդյունքում «Ռեալը» բարելավել է իր ֆինանսական ցուցանիշները նախորդ մրցաշրջանի համեմատ: Անցյալ տարի «սերուցքայինները» վաստակել են 313 հազար եվրո, իսկ այս տարի՝ 874 հազար:
Աղբյուր՝ gazeta.ru
Արդարադատության նախարարությունում հուլիսի 14-ին սնանկության գործով կառավարչի որակավորման վկայականներ են հանձնվել որակավորման եռափուլ ստուգումը հաղթահարած յոթ անձի:
ՀՀ ԱՆ տեղեկատվության և հասարակայնության հետ կապերի վարչություն
Երկրի դատախազությունը հայտնել է, որ 2017-ին Մեխիկոյում փլուզված մասնավոր տարրական դպրոցի պատասխանատու տնօրենը դատապարտվել է 208 տարվա ազատազրկման՝ 26 անձանց ոչ դիտավորյալ սպանության համար: Բացի ազատազրկումից, դատապարտյալը անուղղակի տուժածներից յուրաքանչյուրին պետք է վճարի 377,5 հազար պեսո (18,9 հազար դոլար) ՝ որպես նյութական վնասի հատուցում:
Աղբյուր՝ ria.ru
Իրանը պատրաստ չէ վերադառնալ 2015թ.-ի միջուկային համաձայնագրի վերականգնման բանակցություններին, քանի դեռ նորընտիր նախագահ Իբրահիմ Ռաիսին չի սկսել պաշտոնավարել: Reuters-ի աղբյուրի համաձայն, բանակցությունները չեն վերսկսվի առնվազն մինչ օգոստոսի 5-ը, երբ նա պաշտոնապես կդառնա կառավարության ղեկավարը:
Աղբյուր՝ reuters.com
«Հայկական գրադարանային ասոցիացիա» ՀԿ-ն իրականացնում է «Լավագույն գրադարան» անվանակարգով մրցույթը: Մրցույթին մասնակցելու հայտերի ընդունումը մեկնարկել է հուլիսի 12-ին, և պահանջվող փաստաթղթերն անհրաժեշտ է ուղարկել [email protected] հասցեին մինչև 2021թ. օգոստոսի 20-ը ներառյալ: Մրցույթին կարող են մասնակցել ՀՀ-ում գործող բոլոր գրադարանները:
Աղբյուր՝ Խնկո Ապոր անվան ազգային մանկական գրադարանի լրատվական բաժին
գերատեսչության աջակցող ստորաբաժանումների և սպորտի ոլորտը համակարգող վարչության աշխատակիցների հետ: Հանդիպմանը քննարկվել են ստորաբաժանումներում առկա խնդիրներն ու աշխատանքի արդյունավետության բարձրացման առաջարկները, կազմակերպչական և տարբեր բնագավառներին վերաբերող բովանդակային հարցեր, ինչպես նաև «Վաստակավոր մարզչի» կոչում շնորհելու ընթացակարգային խնդիրներ:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Չինաստանի հյուսիսարևելյան Լյաոնին նահանգի Շենյան քաղաքում սուպերմարկետի աշխատակիցը չորեքշաբթի դանակով հարձակվել է գնորդների վրա՝ սպանելով երկու մարդու և վիրավորելով յոթին, ասվում է տեղական ոստիկանության հայտարարության մեջ: Դեպքը տեղի է ունեցել տեղական ժամանակով ժամը 09.50-ին Դադոնգ շրջանի սուպերմարկետում, երբ մսի բաժնի Թյան անունով 61-ամյա աշխատակիցը վեճի է բռնվել Ու անունով հաճախորդի հետ՝ խոզի մսի վաճառքի շուրջ:
Աղբյուր՝ ria.ru
Չորեքշաբթի Արաբական Միացյալ Էմիրությունները դարձավ Պարսից ծոցի առաջին պետությունը, որը դեսպանատուն է բացել Իսրայելում: ԱՄԷ-ի դեսպանորդը, դրոշը բարձրացնելու արարողության ժամանակ, ողջունել է առևտրի և ներդրումների հնարավորությունները, որոնք կարող են ավելի սերտ հարաբերություններ ստեղծել: Արարողությանը մասնակցել է նաև Իսրայելի վարչապետը:
Աղբյուր՝ reuters.com
Վրաստանի նախկին նախագահ Միխայիլ Սաակաշվիլիի «Միացյալ ազգային շարժում» (ՄԱԿ) կուսակցության վերջը եկել է: Այս մասին հայտարարել է երկրի նախկին վարչապետ, «Հանուն Վրաստանի» կուսակցության հիմնադիր Գեորգի Գախարիան: Ըստ նրա, «Վրացական երազանք - ժողովրդավարական Վրաստան» իշխող կուսակցությունը ոչ մի քայլ չի ձեռնարկում՝ պայքարելու համար ընդդիմադիր քաղաքական ուժի ոչ լեգիտիմ գործողությունների դեմ, որոնք խոչընդոտում են Վրաստանի կառավարության բնականոն աշխատանքին:
Աղբյուր՝ lenta.ru
«Ասպիրանտների և երիտասարդ հայցորդների հետազոտությունների աջակցության ծրագիր-2021» մրցույթի հայտերը՝ առցանց տարբերակով, ընդունվում են մինչև 2021 թ. հուլիսի 30-ը ներառյալ՝ Գիտության կոմիտեի մրցույթների հայտերի և հաշվետվությունների ընդունման համակարգով (https://grants.scs.am). Հայտերի ուղարկման հնարավորությունը կարգելափակվի Երևանի ժամանակով ժամը 18:00-ին: Պահանջվող փաստաթղթերի առձեռն ներկայացման վերջնաժամկետը 2021 թ. օգոստոսի 6-ն է:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Բրազիլիայի նախագահ Ժաիր Բոլսոնարուն հոսպիտալացվել է չորեքշաբթի առավոտյան որովայնի շրջանում ցավերով, հայտնում է G1 լրատվական պորտալը: Նա գտնվում է զինվորական հոսպիտալում՝ հետազոտման համար: Նախագահի առավոտյան միջոցառումները չեղյալ են հայտարարվել:
Աղբյուր՝ ria.ru
18-ամյա Թրեվիս Լադլոուն գերազանցել է Գինեսի համաշխարհային ռեկորդը՝ դառնալով ամենաերիտասարդ մարդը, ով մեկ շարժիչով ինքնաթիռով միայնակ շրջել է աշխարհով մեկ: Թրևիս Լադլոուն՝ Բաքինգհեմշիր նահանգի Իբսթոուն քաղաքից, Նիդերլանդներ է ժամանել երեքշաբթի՝ 44 օրում անցնելով 40,072 կմ ճանապարհ: Իր 18 տարեկան 150 օրականում նա 13 օրով փոքր է նախորդ ռեկորդակրից: Երիտասարդ օդաչուի փոխանցմամբ, դա մի «տարօրինակ զգացողություն է»:
Աղբյուր՝ bbc.com
ՊԵԿ հարկ վճարողների ընթացիկ հսկողության հարկային տեսչություն–վարչությունում որպես փորձնակ ներգրավվելու համար կազմակերպվում է դասընթաց՝ երկուսից երեք ամիս տևողությամբ: Դասընթացին մասնակցել ցանկացողները կարող են իրենց կենսագրական տվյալները (կից ձևաչափով), անձնագրի և դիպլոմ(ներ)ի պատճեները ուղարկել [email protected] էլ. փոստի հասցեին մինչև 2021թ-ի օգոստոսի 15-ը:
Աղբյուր՝ ՊԵԿ տեղեկատվության և հասարակայնության հետ կապերի բաժին
Չորս չինական նավ մտել է Ճապոնիայի ջրերը վիճելի Սենկակու (Դյաոյույդաո) կղզիների տարածքում: Այդ մասին հայտնում է Kyodo գործակալությունը: Լրատվականը նշում է, որ այս տարի ՉԺՀ-ի նավերը 30-րդ անգամ են ներխուժել այդ շրջանում գտնվող տարածքային ջրեր: Նավերից մեկը հագեցած է թնդանոթի նման սարքով, ասված է հաղորդագրության մեջ:
Աղբյուր՝ lenta.ru
Ծնունդով հունգարացի դերասանուհին հայտնի էր իր սրամիտ արտահայտություններով, ադամանե հմայքով և 9 ամուսնություններով: Նրա վերջին ամուսինը՝ Ֆրեդերիկ ֆոն Անհալտը, որի հետ ամուսնացած էր 1986 թվականից մինչ մահը՝ 2016 թվականը, ասել է, որ իր կտակում դերասանուհին ցանկություն է հայտնել թեղվել Հունգարիայում: Ուստի նա կատարել է կնոջ կամքը:
Աղբյուր՝ reuters.com
Հայ-ռուսական երկկողմ ռազմական համագործակցության շրջանակում շտաբային բանակցություններ անցկացնելու նպատակով Հայաստանում է Ռուսաստանի Դաշնության զինված ուժերի գլխավոր շտաբի պետի տեղակալ, գեներալ-գնդապետ Սերգեյ Իստրակովի գլխավորած պատվիրակությունը: Հուլիսի 13-ին Արտակ Դավթյանի հետ հանդիպման ընթացքում քննարկվել է բանակցությունների օրակարգը, նախանշվել են առաջիկա աշխատանքների ծավալն ու ուղղությունները:
Աղբյուր՝ ՀՀ ՊՆ
Ֆրանցիսկոս պապը, ով աղիքային վիրահատության էր ենթարկվել Հռոմում հուլիսի 4-ին, չորեքշաբթի վերադարձավ Վատիկան՝ մայրաքաղաքի «Ագոստինո Ջեմելլի» հիվանդանոցից:
Աղբյուր՝ ria.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
