Կարճ լուրեր
Գյումրու Վ. Սարգսյան փողոցի 26/6 հասցեում գտնվող 3.000ք/մ մակերեսով տարածքը 2018թ. մարտի 19-ին համայնքապետարանի կողմից, ուղղակի վաճառքի միջոցով, 3.726.000 ՀՀ դրամ գումարով օտարվել է տվյալ ժամանակահատվածում Գյումրի համայնքի ավագանու անդամ հանդիսացած անձին: Այնուհետև, 2018թ. մայիսի 21-ին գրանցվել է նշված անձի սեփականության իրավունքը: 2019թ. մայիսի 5-ին, սեփականատերը նշված հողամասը 12.000.000 ՀՀ դրամով օտարել է «Դոմուս» առևտրային ցանցի սեփականատեր անձին: Հողամասում կառուցվում է պահեստ: Հարուցվել է քրեական գործ:
Աղբյուր՝ ՀՀ Գլխավոր դատախազություն
Ֆրանսիայի նախագահական ընտրությունների առաջին փուլը տեղի կունենա հաջորդ տարվա ապրիլի 10-ին, իսկ երկրորդ փուլը նշանակված է ապրիլի 24-ին, երեքշաբթի հայտնեց կառավարության խոսնակ Գաբրիել Ատալը: Նա հավելել է նաև, որ օրենսդրական ընտրությունները տեղի կունենան հունիսի 12-ին և հունիսի 19-ին:
Աղբյուր՝ france24.com
Սոցիալական ցանցում տեղադրված կադրերում դերասանուհի Ջադա Փինքեթ Սմիթը իր 20-ամյա դստեր՝ Ուիլոուի հետ է՝ ծաղկած թփերի ֆոնին: Մայրն ու դուստրը միաժամանակ սափրել են գլուխները: «Ուիլոուն ստիպեց ինձ դա անել, քանի որ ժամանակն արդեն եկել էր: Իմ 50-ը գեղեցիկ կլինի նման սանրվածքով»,- ասել է նա գրառման մեջ, որն ավելի քան 642 հազար հավանում է ստացել: Փինքեթ Սմիթը իր տարեդարձը նշելու է սեպտեմբերի 18-ին:
Աղբյուր՝ lenta.ru
նկերությունը չի կատարել Google-ի ծառայություններում լրատվամիջոցներին՝ դրանց նյութերի օգտագործման համար վճարումներ կատարելու կանոնակարգի պահանջները:
Աղբյուր՝ korrespondent.net
Զանգերի մեծ մասը վերաբերել է վարկային պարտավորությունների կատարմանն ուղղված պետական ֆինանսական աջակցության ծրագրին, բնակարաններով ապահովման և վնասված տների վերանորոգման, կորցրած գույքի դիմաց փոխհատուցման տրամադրման, տեղահանված անձանց խնդիրներին: Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 118 հետզանգ: Թեժ գծին ՀՀ-ից ու արտերկրից հնարավոր է զանգել +374-47-119-119 հեռախոսահամարով: Սոցիալական բնույթի հարցերով ցանկալի է զանգահարել 114 կարճ հեռախոսահամարով թեժ գծին:
Աղբյուր՝ Արցախի Հանրապետության նախագահի աշխատակազմ Տեղեկատվության գլխավոր վարչություն
Ֆրեդի Գևարան իր մեքենայում է եղել, երբ իրեն բերման են ենթարկել մայրաքաղաք Կարակասի մայրուղում՝ ահաբեկչության և դավաճանության մեղադրանքով: Ձախ կառավարությունը նրան մեղադրում է «ծայրահեղական խմբավորումների» ու օտարերկրյա կառավարությունների հետ կապեր ունենալու մեջ: Գևարան ընդդիմության առաջնորդ Խուան Գուայդոյի մերձավոր դաշնակիցն է, ով հայտնել է, որ իրեն սպառնացել են զինված անձինք, երբ նա գնում էր Գևարային օգնության:
Աղբյուր՝ bbc.com
Ավստրալիացի կենսաբաններին հաջողվել է, օգտագործելով գենային ինժեներիան, լաբորատոր պայմաններում ճնշել SARS-CoV-2 վիրուսի բազմացումը՝ վիրուսով վարակված մարդկային բջիջներում: Հեղինակները կարծում են, որ իրենց առաջարկած մեթոդը կարևոր քայլ կլինի նոր կորոնավիրուսային վարակի դեմ պայքարում:
Աղբյուր՝ ria.ru
Եվրո-2020-ի եզրափակչի պարտությունից հետո ռասիստական վիրավորանքներ ստանալուց հետո, «Մանչեսթեր Յունայթեդի» հարձակվող, անգլիացի Մարկուս Ռեշֆորդն իր հուզիչ հայտարարության մեջ ասել է. «Երբեք ներողություն չեմ խնդրում այն բանի համար, թե ով եմ ես»:
Աղբյուր՝ france24.com
Լրագրող Լուիս Մազարիեգոսը թվիթերում գրել է, որ Հարավային Ամերիկայի ֆուտբոլի Կոնֆեդերացիան առաջարկել է ՈՒԵՖԱ-ին Սուպերգավաթի խաղ անցկացնել Իտալիայի և Արգենտինայի ազգային հավաքականների միջեւ, քանի որ Համադաշնությունների գավաթը այլևս չկա: Նշվում է, որ հանդիպումը չի կարող անցկացվել այս տարի՝ հագեցած գրաֆիկի պատճառով, բայց այն կարող է կազմակերպվել 2022 թվականին:
Աղբյուր՝ korrespondent.net
Քննության ընթացքում պարզվել է, որ 2016թ. հունվարի 6-ին հյուրանոցում տեղի է ունեցել վիճաբանություն, այնուհետև ապօրինի զենքի կիրառմամբ՝ Արթուր Բաբայանը կրակել է Արամ Կարապետյանի ուղղությամբ. ստացած հրազենային վնասվածքից վերջինս մահացել է: Բաբայանին մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասով, 104-րդ հոդվածի 2-րդ մասի 1-ին ու 10-րդ կետերով, 112-րդ հոդվածի 2-րդ մասի 9-րդ կետով և 235-րդ հոդվածի 1-ին մասով: Վերջինիս նկատմամաբ որպես խափանման միջոց է ընտրվել կալանավորումը:
Աղբյուր՝ ՀՀ քննչական կոմիտեի տեղեկատվության և հասարակայնության հետ կապերի բաժին
Իրանը ներկայացրել է պետության կողմից հաստատված իսլամական ծանոթությունների միակ հավելվածը, որի նպատակն է խթանել երիտասարդների «ամուր և իրազեկ ամուսնությունները», հայտնում է պետական հեռուստատեսությունը: «Համդամ» (պարսկերեն` «ուղեկից») անվանմամբ ծառայությունը թույլ է տալիս օգտվողներին «որոնել և ընտրել իրենց ամուսնուն»: «Համդամ»-ից օգտվողները պետք է անցնեն հոգեբանության թեստ, իսկ հաջող միություններին կհետևի խորհրդատուն՝ ամուսնության առաջին չորս տարիներին:
Աղբյուր՝ theguardian.com
Բռնցքամարտի միջազգային ֆեդերացիայի (AIBA) նախագահ Ումար Կրեմլյովը Գիլոյանին հրավիրել է ներկա գտնվելու հոկտեմբերին Սերբիայում կայանալիք բռնցքամարտի աշխարհի առաջնությանը: Հրավերը դրական պատասխան է ստացել:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Ծանր վրավոր ձագը, որին փղերի ջոկը լքել էր հարավ-արևմտյան Չինաստանում, փրկվել է: Ասիական փղերի նախիրը ամիսներ շարունակ թափառել է Յուննան նահանգով մեկ՝ ավելի քան 500 կիլոմետր հեռավորության վրա իր բնական արգելոցից, Չինաստանում իր տեսակի մեջ ամենաերկար գաղթերից մեկի ժամանակ: Անցյալ տարի ճանապարհ ընկնելուց ի վեր թափառող կաթնասունները գյուղացիներից սնունդ են գողացել և ավելի քան 1 միլիոն դոլար արժողության բերք ոտնատակ տվել, հազարավոր բնակիչներ տարհանվել են նրանց ճանապարհից:
Աղբյուր՝ france24.com
ՅՈՒՆԵՍԿՕ-ի երկրագիտության միջազգային ծրագիրը հայտարարում է նոր նախագծերի ընդունման մրցույթ: Նախագծերը պետք է լինեն բազմամասնագիտական և ներառեն հետևյալ գիտական տիրույթներից առնվազն մեկը՝ աշխարհագրական վտանգներ, բնական ռեսուրսներ, գեոդինամիկա, հիդրոերկրաբանություն, գլոբալ փոփոխություն, աշխարհագրական ժառանգություն Կայուն զարգացման նպատակների համար: Նախագիծը կարող է ներկայացնել անհատ գիտնականը կամ գիտնականների խումբը: Դիմելու վերջնաժամկետն է 2021 թ. սեպտեմբերի 15-ը:
Աղբյուր՝ ԿԳՄՍ նախարարություն
Անտուան դը Սենտ-Էքզյուպերիի հայտնի գրական հերոսի պատկերը կցուցադրվի Patrouille de France-ի պիլոտաժային խմբի ինքնաթիռի վրա հուլիսի 14-ին՝ Ազգային տոնի շքերթի ժամանակ: Այս տարի Ֆրանսիան նշում է Սենտ-Էքզյուպերիի գրական ստեղծագործության տպագրության 75-ամյակը:
Աղբյուր՝ tass.ru
Չինացին վերագտել է որդուն՝ 24-ամյա որոնումից հետո, որի ընթացքում նա մոտոցիկլով ավելի քան 500,000 կմ ճանապարհ է անցել ամբողջ երկրով մեկ: Գուո Գանգտանի որդուն երկու տարեկանում առեւանգել էին մարդկանց վաճառքով զբաղվողները Շանդունգ նահանգի իրենց տան դիմացից: Նրա որդու անհետացումը նաև ոգեշնչել է 2015-ին ֆիլմի ստեղծման, որում նկարահանվել է հոնկոնգյան գերաստղ Էնդի Լաուն: Երեխաների առեւանգումը Չինաստանում մեծ խնդիր է, տարեկան առեւանգման հազարավոր դեպքեր են գրանցվում:
Աղբյուր՝ bbc.com
Վերջին շրջանում կտրուկ աճել է անօրինական միգրանտների թիվը, որոնք փորձում են հատել բելառուսալեհական սահմանը, հայտարարել է՝ Լեհաստանի սահմանապահ ծառայության գլխավոր հրամանատար Աննա Միխալսկայի պաշտոնական ներկայացուցիչը: Ավելի վաղ Լիտվայի իշխանությունները արտակարգ իրավիճակ էին հայտարարել՝ կապված Բելառուսից անօրինական միգրանտների հոսքի հետ:
Աղբյուր՝ ria.ru
«Բրայթոնի» դարպասապահ Մեթյու Ռայանը տեղափոխվել է «Ռեալ Սոսյեդադ», հուլիսի 12-ին հաղորդել է իսպանական ակումբի պաշտոնական կայքը: Պայմանագիրն ուժի մեջ է մինչև 2022/23 մրցաշրջանի ավարտը՝ ևս մեկ տարով երկարաձգելու հնարավորությամբ:
Աղբյուր՝ sport-express.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
