Կարճ լուրեր
Վրաստանի խորհրդարանում ծեծկռտուք է տեղի ունեցել ընդդիմադիր կուսակցությունների պատգամավորների և իշխանության ներկայացուցիչների միջև: Վրաստանի ընդդիմադիր հեռուստաընկերությունների ներկայացուցիչները և ընդդիմության անդամները ուժով մտել են օրենսդիր մարմնի նիստերի դահլիճ: Ընդդիմության պատգամավորները պահանջում են՝ մուտքի մոտ հավաքված բոլոր վրացի լրագրողներին, ովքեր պահանջում են վարչապետ Իրակլի Ղարիբաշվիլիի հրաժարականը, ներս թողնել խորհրդարան:
Աղբյուր՝ ria.ru
Համայնքներին տարհանումներ են հանձնարարվել, մինչ հրշեջները փորձում են ծայրահեղ պայմաններում պայքարել հրդեհների դեմ: Արիզոնայում երկու հրշեջ է զոհվել, երբ նրանց ինքնաթիռը վթարվել է՝ անտառային հրդեհի հետևանքով: Միևնույն ժամանակ, Լաս Վեգասը շաբաթ օրը հասավ ռեկորդային՝ 47,2 ° C (117 ° F) ջերմաստիճանի:
Աղբյուր՝ bbc.com
Ֆրանսիան Ազգային գրադարանի համար ձեռք է բերել Մարկիզ դը Սադի «Սոդոմի 120 օր» վեպի բնօրինակը՝ 4,55 միլիոն եվրոյով, հայտնում է հանրապետության մշակույթի նախարարությունը: 2017-ին հրաժարվել էին «Սոդոմի 120 օր» ձեռագրին արտահանման վկայական տրամադրել՝ այն «ազգային գանձ» հռչակելով: Մարկիզ դը Սադի գլխավոր աշխատությունը երկրից դուրս հանելու արգելքը կապված է եղել ֆրանսիական գրականության պատմության համար դրա կարևորության հետ:
Աղբյուր՝ gazeta.ru
Բրիտանացի ձեռնարկատերը թռիչքը կատարել է ԱՄՆ-ի Նյու Մեքսիկո նահանգից՝ տիեզերանավով, որը նրա ընկերությունը կառուցել է 17 տարվա ընթացքում: Երկիրը լքելուց ընդամենը մեկ ժամ անց Բրենսոնը անվտանգ հետ է վերադարձել: Ուղևորությունը նրան դարձնում է նաև տիեզերական զբոսաշրջության առաջին ռահվիրան, որը փորձարկում է իր սեփական տիեզերանավերը՝ առաջ անցնելով Amazon-ի Ջեֆ Բեզոսին և SpaceX-ի Էլոն Մասկին: Unity կոչվող տիեզերական հրթիռի թռիչքի հեռավորությունը կազմել է 85 կմ:
Աղբյուր՝ bbc.com
Թուրքմենստանը սկսել է ծանր ռազմական ուղղաթիռներ և այլ ռազմաօդային տեխնիկաներ տեղափոխել Աֆղանստանի հետ իր սահմանին մոտ, իսկ պահեստազորայինները բերվել են մարտական պատրաստության՝ Աֆղանստանում անվտանգության վատթարացման ֆոնին: Մերի քաղաքի մոտակայքում գտնվող բանակային կայազորից լրացուցիչ զորքեր են ուղարկվում՝ աջակցելու սահմանապահ զորքերին:
Աղբյուր՝ eadaily.com
Աշխարհի առաջին ռակետ Էշլի Բարտին շաբաթ օրը 41 տարվա ընթացքում դարձավ առաջին ավստրալացին, ով նվաճեց Ուիմբլդոնի մենախաղի տիտղոսը, երբ եզրափակչում 6-3 6-7 (4) 6-3 հաշվով հաղթեց չեխ Կարոլինա Պլիշկովային: 25-ամյա Բարտին, ով 2019 թվականին նվաճեց իր առաջին Մեծ սաղավարտը «Ռոլան Գարոսում», կրկնեց իր կուռքի՝ Իվոն Գուլագոնգ-Քոուլի արդյունքը, ով 1980-ին նվաճեց «All England Club»-ի իր երկրորդ տիտղոսը:
Աղբյուր՝ france24.com
Իտալիայի պաշտպան Լեոնարդո Բոնուչին պատմություն կերտեց Եվրոպայի առաջնության եզրափակչում: Ֆուտբոլիստը հավասարեցրեց հաշիվը Անգլիայի ազգային հավաքականի դեմ Եվրո-2020-ի եզրափակչում: Վճռական խաղի օրը նա դարձավ 34 տարեկան 71 օրական: Իտալացին գերազանցեց գերմանացի Բերնդ Հյոլցենբայնի ռեկորդը, ով 30 տարեկան 103 օրական հասակում գոլիհեղինակ էր դարձել Եվրո-1976-ում:
Աղբյուր՝ korrespondent.net
Հայաստանի Հանրապետությունը 126-րդ երկիրն է, որը դարձել է GLOBE ծրագրի անդամ: Ծրագրին ՀՀ մասնակցության մասին քննարկում է եղել ՀՀ ԿԳՄՍ նախարարությունում՝ ԱՄՆ արտակարգ և լիազոր դեսպան Լին Թրեյսիի հանդիպման ընթացքում: Անդրադարձ է կատարվել Հայաստանի ներգրավմանը ԱՄՆ Օդային և տիեզերական ազգային գործակալության (ՆԱՍԱ) «Համաշխարհային ուսուցում և դիտարկումներ հօգուտ շրջակա միջավայրի» (GLOBE) ծրագրում:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Ավստրալիան հայտնել է տեղական կորոնավիրուսից այս տարի իր առաջին մահվան դեպքի մասին: Իշխանությունները հայտնել են, որ Սիդնեյում 90-ամյա մի կին է մահացել: Նա վիրուսով էր վարակվել ընտանեկան պայմաններում: Նոր Հարավային Ուելսը կիրակի օրը հաղորդել է 77 նոր դեպքերի մասին: Այժմ հիվանդանոցում է գտնվում 52 մարդ, 15-ը՝ վերակենդանացման բաժանմունքում: Երկրի խոշորագույն քաղաքում այժմ խիստ սահմանափակումներ են:
Աղբյուր՝ bbc.com
Լիտվայի իշխանությունները մերժել են Բելառուսի գլխավոր դատախազության հայցը՝ Սվետլանա Տիխանովսկայային արտահանձնելու վերաբերյալ, հայտարարել է Բելառուսի գլխավոր դատախազ Անդրեյ Շվեդը: Նա ընդգծել է, որ այդ մերժումը «ոչ մի դրդապատճառ չունի»: Շվեդը շեշտել է, որ իշխանությունները «ձեռնարկում են բոլոր հնարավոր իրավական միջոցները այդ հանցագործներին Բելառուսի արդարադատությանը հանձնելու համար»:
Աղբյուր՝ ria.ru
Էդվարդ Միրզոյանի անվան կոմպոզիտորների միության ստեղծագործական տան Բեթհովենի անվան դահլիճում տեղի ունեցավ Կամերային երաժշտության ազգային կենտրոնի կազմակերպած համերգը՝ ՀՀ և ԽՍՀՄ ժողովրդական արտիստ Էդվարդ Միրզոյանի 100-ամյա հոբելյանին: Մինչ երեկոն ԿԵԱԿ-ն իրականացրել էր դիլիջանյան տեղանքի մաքրման, նախապատրաստական աշխատանքներ և Դիլիջան էր տեղափոխել համերգային տեխնիկա և լուսային սարքավորումներ։ Համերգին հանդես եկավ Հայաստանի պետական կամերային նվագախումբը՝ գեղարվեստական ղեկավար և գլխավոր դիրիժոր Վահան Մարտիրոսյանի ղեկավարությամբ։
Աղբյուր՝ Կամերային երաժշտության ազգային կենտրոն
Մեսսին ազգային թիմի հետ նվաճեց իր առաջին գավաթը, երբ 22-րդ րոպեին, Անխել Դի Մարիայի խփած գոլի շնորհիվ, Արգենտինան 1-0 հաշվով առավելության հասավ Բրազիլիայի նկատմամբ՝ շաբաթ օրը կայացած Ամերիկայի գավաթի եզրափակչում: Ռիո դե Ժանեյրոյի «Մարականա» մարզադաշտում տարած հաղթանակը ավարտեց Արգենտինայի 28-ամյա սպասումը մեծ գավաթին, ինչպես նաև վերջ դրեց Բրազիլիայի՝ ավելի քան 2500 օր տևած տնային անպարտելի խաղերի ռեկորդին:
Աղբյուր՝ france24.com
Թբիլիսիի կենտրոնում հավաքված լրագրողները, ընդդիմադիրները և նրանց կողմնակիցները խոստացան շարունակել բողոքի ցույցերը, եթե վարչապետ Իրակլի Ղարիբաշվիլին չկատարի իրենց պահանջը մինչ երկուշաբթի 12:00-ն և հրաժարական չտա: Ցուցարարները հավաքվել էին քաղաքի կենտրոնում այն բանից հետո, երբ հայտնի դարձավ՝ հուլիսի 5-ին ԼԳԲՏ համայնքի դեմ ցույցի ժամանակ ծեծի ենթարկված, TV Pirveli-ի օպերատոր Լեկսո Լաշքարավայի մահվան մասին:
Աղբյուր՝ ria.ru
Աշխարհի թիվ 1 ռակետը կրկնում է Ռոջեր Ֆեդերերի և Ռաֆայել Նադալի ռեկորդը՝ կարիերայի ընթացքում 20 մեծ սաղավարտ նվածելով և ամրապնդելով իր տեղը սպորտի պատմության մեջ լավագույն խաղացողներից ցանկում: Լարված մեկնարկից հետո Ջոկովիչը 6-7 (4-7) 6-4 6-4 6-3 հաշվով հաղթել է իր իտալացի մրցակցին և նվաճել Ուիմբլդոնի վեցերորդ տիտղոսը:
Աղբյուր՝ cnn.com
Տեսանյութը հրապարակվել է «Movieclips Trailers» YouTube-ի ալիքում: Նախագծին մասնակցում են Լյուկ Քերբին, Էլայջա Վուդը և այլոք: Ֆիլմի ռեժիսորն է Էմբեր Սիլին: Սցենարի հեղինակն է Քիթ Լեսերը: Կինոնկարը պատմում է ամերիկացի հայտնի սերիական մարդասպան Թեդ Բանդիի մասին, որը 1970-ականներին սպանել է երեք տասնյակից ավելի մարդկանց: Ֆիլմի պրեմիերան նախատեսված է օգոստոսի 27-ին:
Աղբյուր՝ kulturomania.ru
Ծրագրի իրագործումը կդառնա Հռոմի Պապի առաջին ուղևորությունը Կիմ Չեն Ընի մենակյաց երկիր: Վատիկանը հայտարարել է, որ նա սեպտեմբերին մեկնելու է Հունգարիա և Սլովակիա, և նպատակներում է նաև Հյուսիսային Կորեան:
Աղբյուր՝ express.co.uk
Աֆղանստանի Բադղիս նահանգի Քալա-է Նաու քաղաքում կառավարական զորքերի և թալիբների բախումներում վերջին երեք օրվա ընթացքում չորս խաղաղ բնակիչ է զոհվել, 77-ը վիրավորվել են, հաղորդում է 1TV տեղական հեռուստաալիքը՝ հղում կատարելով հիվանդանոցի աշխատակցին:
Աղբյուր՝ ria.ru
Ռուսաստանում կորոնավիրուսի պատճառով օրական մահացությունների թիվն ավելացել է 752-ով`մեկ օր առաջվա 726-ի դիմաց: Այն առավելագույնն է համավարակի ողջ ընթացքում: Համավարակի ողջ ընթացքում երկրում կորոնավիրուսի վարակից մահացել է 142 253 մարդ:
Աղբյուր՝ tass.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
