Կարճ լուրեր
Դանիան չորրորդ անգամ անցնում է Եվրոպայի առաջնության կիսաեզրափակիչ՝ Բաքվում 2: 1 հաշվով հաղթելով Չեխիային: 1992թ.-ին մրցաշարը հաղթաց Դանիայի հավաքականը, որը վերջին քառյակը էր հասել նաև 1964-ին և 1984-ին, կիսաեզրափակչում Ուեմբլի մարզադաշտում կմրցի Անգլիայի հավաքականի հետ:
Աղբյուր՝ eurosport.com
Իտալիայում 300 բուժաշխատողներ դատական հայց են ներկայացրել՝ վիճարկելու համար կորոնավիրուսի պատվաստման պարտադիր պահանջը: Ամբողջ հյուսիսային Իտալիայի տարածքի բժիշկների կողմից հարուցված գործը կքննվի հուլիսի 14-ին: Ապրիլին Իտալիան օրենք էր ընդունել, որով պարտադրվում էր բոլորին, ովքեր աշխատում են առողջապահության ոլորտում, պատվաստվել կորոնավիրուսի դեմ:
Աղբյուր՝ korrespondent.net
Ռազմաօդային ուժերի՝ կիրակի օրը վթարի ենթարկված ինքնաթիռի բոլոր 96 ուղևորները հայտնաբերվել են: Վթարի հետևանքով ուղևորներից զոհվել են 47-ը , 49 զինծառայող վիրավորվել է: Զոհերի թվում են նաև՝ աղետի ժամանակ տարածքոււմ գտնված 3 քաղաքացիական անձինք: Ֆիլիպինների ռազմաօդային ուժերի C-130 ինքնաթիռը կործանվել էր Սուլու նահանգի Հոլո կղզում վայրէջք կատարելու փորձի ժամանակ:
Աղբյուր՝ theguardian.com
Հրաձգությունը տեղի է ունեցել Տեխաս նահանգի Ֆորտ Ուերտ քաղաքում՝ ավտոլվացման կետի մոտ: Տուժածները հիվանդանոցում են, նրանց կյանքին ոչինչ չի սպառնում: Ձերբակալություններ դեռ չեն իրականացվել. ոստիկանությունը պարզում է միջադեպի պատճառները:
Աղբյուր՝ ria.ru
Կուբայի հարավային շրջանում տարհանման պատճառը մտավախությունն է, որ «Էլզա» փոթորիկը կարող է ուժեղ ջրհեղեղներ առաջացնել՝ Կարիբյան մի քանի կղզիներ հարվածելուց և առնվազն երեք մարդու կյանք խլելուց հետո: Տարհանվածների մեծ մասը գնացել է հարազատների տներ, իսկ շուրջ 23,000-ը պատսպարվել են կառավարական ապաստարաններում: Լեռնային շրջաններում շուրջ 400 մարդ ապաստանել է արտակարգ իրավիճակի համար նախատեսված քարանձավներում:
Աղբյուր՝ theguardian.com
Լոնդոնում երկրպագուներն անկարգություններ են սկսել այն բանից հետո, երբ Անգլիան Եվրո-2020-ի քառորդ եզրափակչում հաղթեց Ուկրաինային: Անկարգությունների ընթացքում երկու ոստիկան է վիրավորվել: Ընդհանուր առմամբ, միջադեպի առնչությամբ ինը մարդ էվբերման ենթարկվել:
Աղբյուր՝ gazeta.ru
«Թալիբան» շարժման արագ առաջխաղացումը Աֆղանստանի հյուսիսով շարունակվեց կիրակի օրը. Զինյալները գրավել են մեկ տասնյակից ավելի շրջաններ: Աֆղանստանի անվտանգության ուժեր ի ավելի քան 300 ներկայացուցիչներ փախել են Տաջիկստանի սահմանից այն կողմ՝ զինյալներից փրկվելու համար, իսկ Բադախշան և Թախար նահանգները այժմ մեծամասամբ գտնվում են «Թալիբան»-ի վերահսկողության տակ:
Աղբյուր՝ theguardian.com
Շաբաթ օրը Նախագահ Հասան Ռոհանին մտավախություն հայտնեց, որ Իրանը կբախվի Covid-19 նոր ալիքի՝ Մերձավոր Արևելքում ամենաշատ տուժած երկրում Դելտա տարբերակի բռնկման պատճառով: Կորոնավիրուսը, ըստ պաշտոնական տվյալների, ավելի քան 84,000 մարդու կյանք է խլել Իրանում՝ գրանցված ավելի քան 3,2 միլիոն վարակներից, որոնք, ըստ իշխանությունների, չեն ներառում բոլոր դեպքերը:
Աղբյուր՝ france24.com
ՄԱԿ-ում Իրանի մշտական ներկայացուցիչ Մաջիդ Թախտ-Ռավանչին ժխտել է ԱՄՆ մեղադրանքները, թե Թեհրանը մասնակցում է Իրաքում և Սիրիայում ամերիկյան հենակետերի վրա հարձակումներին: Նա այս հարցի վերաբերյալ Իրանի դիրքորոշման մասին նամակ է ուղարկել ՄԱԿ-ի Անվտանգության խորհրդի նախագահ Նիկոլյա դե Ռիվիերին:
Աղբյուր՝ russian.rt.com
Թուրքիայի մշակույթի և զբոսաշրջության նախարար Մեհմեդ Նուրի Էրսոյը հայտարարել է՝ երկրի հյուսիս-արևելքում գտնվող Տրապիզոն նահանգում Պանագիա Սումելա ուղղափառ վանքի վերաբացման մասին:
Աղբյուր՝ ria.ru
ԱՄՆ Վիսկոնսին նահանգի Walmart սուպերմարկետի աշխատակցուհին բռնել է սրահում շրջող եղնիկին: Տեսանյութում, որը նկարահանել են խանութի այցելուները, երեւում է, որ կինը մարմնով ամբողջությամբ ծածկել է եղնիկին: Նա ամուր սեղմել է կենդանուն գետնին և պահել այնքան մինչև մյուսներն օգնել են դուրս բերել նրան: Ոչ եղնիկը, ոչ էլ կինը չեն տուժել: Կենդանուն բաց են թողել:
Ջուլիան Ասանժը ծնվել է 1971 թվականի հուլիսի 3-ին: Ավստրալիացի լրագրողի աշխատանքի և նրա ստեղծած պլատֆորմի շնորհիվ աշխարհը տեղեկացավ մի շարք գաղտնի փաստաթղթերի մասին, մասնավորապես, Աֆղանստանում և Մերձավոր Արևելքում Միացյալ Նահանգների բանակի ռազմական հանցագործությունների վերաբերյալ: Այս տվյալների հրապարակման ֆոնին ԱՄՆ արդարադատության նախարարությունը լրագրողին առաջադրեց մի շարք մեղադրանքներ: Նրան կարող է սպառնալ մինչեւ 175 տարվա ազատազրկում: Այժմ Ասանժը գտնվում է Բրիտանիայի Բելմարշ բանտում:
Աղբյուր՝ russian.rt.com
«Երևանյան հեռանկարներ» միջազգային երաժշտական 22-րդ փառատոնը հյուրընկալում է Ռավեննայի հեղինակավոր փառատոնի համերգը Երևանում: «Բարեկամության շառավիղներ» խորագրով համերգը տեղի կունենա հուլիսի 4-ին՝ ժամը 19:00-ին, Ա․ Սպենդիարյանի անվան օպերայի և բալետի ազգային ակադեմիական թատրոնում: Մաեստրո Մուտին Երևան կժամանի իր Լուիջի Քերուբինիի երիտասարդական նվագախմբի հետ։ Համերգին կմասնակցի նաև Հայաստանի պետական կամերային երգչախումբը ։
Աղբյուր՝ ԿԳՄՍ նախարարություն
Ֆորմուլա-1-ի յոթակի չեմպիոն Լյուիս Հեմիլթոնը նոր պայմանագիր է ստորագրել «Մերսեդեսի» հետ: Բրիտանացի ավտոարշավորդի նոր համաձայնագիր երկու տարի ժամկետով է:
Աղբյուր՝ korrespondent.net
Եթովպիայի Տիգրայ շրջանում վերջին ժամանակներում ունեցած մարտերը հանգեցրել են սովի, որից տուժել է այժմ արդեն ավելի քան 400,000 մարդ, հայտնում են ՄԱԿ-ի ներկայացուցիչները: Ճգնաժամի վերաբերյալ իրենց առաջին հանրային քննարկմանը ՄԱԿ-ի Անվտանգության խորհրդի անդամները նախազգուշացրել են, որ շուրջ 33,000 երեխայի մոտ կա լուրջ թերսնում: Պաշտոնյաները հայտնել են, որ եւս 1,8 միլիոն մարդ, ութամսյա հակամարտության պատճառով, սովի մատնվելու եզրին է:
Աղբյուր՝ bbc.com
Վրաստանում Տղիբուլիի Մինդելիի անվան հանքավայրի հանքագործները պահան5ում են աշխատավարձի բարձրացում: «Սաքնախշիրի» ընկերության հաղորդմամբ, խորհրդատվական խորհուրդը կհանդիպի և կքննարկի հանքափորների պահանջը, որից հետո հայտնի կդառնա ընկերության դիրքորոշումը:
Աղբյուր՝ apsny.ge
Հնդկական Bharat Biotech ընկերությունը հայտարարել է, որ COVID-19 պատվաստանյութի փորձարկումը վերջին փուլում ցույց է տվել 77.8% ընդհանուր արդյունավետություն բոլոր տարբերակների նկատմամբ: Ընկերության հայտարարության մեջ ասվում է, որ ներկայումս բանակցություններ է վարում Առողջապահության համաշխարհային կազմակերպության հետ՝ COVAXIN անվանմամբ իր պատվաստանյութը արտակարգ իրավիճակներում օգտագործման ցուցակում ընդգրկելու համար:
Աղբյուր՝ apnews.com
Վերջին մեկ օրվա ընթացքում Ռուսաստանի Դաշնությունում հաստատվել է COVID-19-ով վարակված հիվանդների 697 մահ, ամբողջ ընթացքում գրանցված մահերի թիվը 137 262 է: Այս մասին լրագրողներին հայտնել են կորոնավիրուսային վարակի տարածման դեմ պայքարի օպերատիվ շտաբից:
Աղբյուր՝ ria.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
