Ձեր վստահելի աղբյուրը

Սևծովյան տարածաշրջանում կա սպառնալիք՝ ողջ ժամանակակից պատմության մեջ տիրապետության և ազդեցության ամենաթեժ մարտերից մեկի, գրում է 19fortyfive պորտալը: Ըստ փորձագետների, այդ մասին են վկայում Ռուսաստանի աննախադեպ ակտիվությունը, տարածաշրջանում կենտրոնական տերության դիրք զբաղեցնելու՝ Թուրքիայի վճռականությունը, ինչպես նաև Չինաստանի կողմից հետաքրքրության աճը: Նշվում է, որ Միացյալ Նահանգները նույնպես անմասն չի մնում:

Աղբյուր՝ ria.ru

Ծովային փրկարարական խումբը խիստ քննադատության է արժանացրել Լիբիայի առափնյա պահպանությանը այն բանից հետո, երբ ականատես եղան, թե ինչպես են Լիբիայի ծովային ուժերը հետապնդում միգրանտների նավին և կրակում դրա ուղղությամբ՝ ակնհայտորեն փորձելով կասեցնել նավի՝ Միջերկրական ծովը դեպի Եվրոպա հատելը: Գերմանական Sea-Watch հասարակական կազմակերպության անդամները նկարահանել են միջադեպը չորեքշաբթի օրը՝ դիտորդական առաքելության շրջանակներում տարածքով թռչելիս:

 

Մոսկվայում սուր շնչառական վիրուսային վարակներով տառապող բոլոր հիվանդները, նախքան կորոնավիրուսի համար բացասական թեստ ստանալը, այժմ պետք է ինքնամեկուսանան, հայտնում է մայրաքաղաքի սոցիալական զարգացման գծով փոխքաղաքապետ Անաստասիա Ռակովան: Նրա խոսքով, այսօրվանից մայրաքաղաքում սուր շնչառական վիրուսային վարակների բոլոր դեպքերը համարվում են պոտենցիալ կորոնավիրուս:

Աղբյուր՝ ria.ru

Գրքի երևանյան փառատոնի գրական մրցույթը ստացել է «Արձակ» անվանակարգում 70, «Պոեզիա» անվանակարգում՝ 76 հայտ: Գրքի երևանյան 4-րդ փառատոնը կանցկացվի հուլիսի 30-ից օգոստոսի 1-ը։ Մրցույթի արդյունքները հայտնի կլինեն փառատոնի փակման արարողության ժամանակ՝ ս.թ. օգոստոսի 1-ին:

Աղբյուր՝ Գրքի երևանյան փառատոնի կազմակերպիչներ

Դերասանուհի Անջելինա Ջոլին հանդիպել է ռեփեր The Weeknd-ի (Abel Tesfaye) հետ Լոս Անջելեսում: Ըստ ականատեսների, 46-ամյա դերասանուհին և 31-ամյա ռեփերը մի քանի ժամ անցկացրել են ռեստորանում, որից հետո նրանք դուրս են եկել հաստատությունից միմյանցից առանձին:

Աղբյուր՝ the-sun.com

Անցած 24 ժամվա ընթացքում երկրում ապաքինվել է 607 մարդ: Վերջին մեկ օրում ութ հիվանդ մահացել է կորոնավիրուսից: Ընդհանուր առմամբ, Վրաստանում հայտնաբերվել է կորոնավիրուսային վարակի 368 022 դեպք, որից առողջացել է 353 231 մարդ, մահացել է 5335 մարդ:

Աղբյուր՝ apsny.ge

Փորձագետները զգուշացնում են, որ զոհերի իրական թիվը կարող է շատ ավելի մեծ լինել, քանի որ շատ մահեր պաշտոնապես չեն գրանցվում: Մահվան դեպքերի քանակով Հնդկաստանը աշխարհում զբաղեցնում է երրորդ տեղը՝ Միացյալ Նահանգներից և Բրազիլիայից հետո: Երկրում գրանցվել է կորոնավիրուսի վարակման 30 միլիոն դեպք՝ զիջելով միայն ԱՄՆ-ին:

Աղբյուր՝ bbc.com

2020թ. ապրիլի 30-ի N 668-Լ որոշման հավելված 1-ի 48-րդ կետով որոշում էր կայացվել քաղաքացիական պաշտպանության համազգեստի գույնը փոխել մուգ կանաչի: Համազգեստը կարող են կրել քաղաքացիական պաշտպանության ծառայողները, կառուցվածքային ստորաբաժանումների ղեկավարները և Փրկարար ծառայության տնօրենի հրամանով՝ այլ ծառայողներ: Գործընթացը մեկնարկել է. առաջիկայում փրկարար ծառայողները փուլ առ փուլ կապահովվեն նշված համազգեստով:

Աղբյուր՝ ԱԻՆ 

ՄԱԿ-ի Համաշխարհային օդերեւութաբանական կազմակերպությունը Անտարկտիդայում ջերմային նոր ռեկորդ է ճանաչել: Մայրցամաքում գրանցվել է Ցելսիուսի սանդղակով 18,3 աստիճան տաքություն: Նշվում է, որ ջերմաստիճանի այս ցուցանիշը գրանցվել է Անտարկտիկական թերակղզում գտնվող արգենտինական Էսպերանսա (Esperanza) հետազոտական կայանում՝ 2020 թվականի փետրվարի 6-ին:

Աղբյուր՝ korrespondent.net

Ֆրանսիացի դերասան Ալեն Դելոնը Ռուսաստանի նախագահ Վլադիմիր Պուտինին անվանել է «ընդունակ մարդ», ում ուժը հիացնում է ու վախեցնում: Արտիստը նշել է, որ Ռուսաստանի ղեկավարի հետ հանդիպել է մի քանի տարի առաջ՝ Սանկտ Պետերբուրգում կայացած գալա երեկոյի ժամանակ:

Աղբյուր՝ ria.ru

Չիկագոյում չորեքշաբթի օրը բացվեց լրագրող և քաղաքացիական իրավապաշտպան Իդա Բելլ Ուելս-Բարնեթի հուշարձանը: «Ճշմարտության լույս» պաշտոնական անվանում ստացած ազգային հուշարձանը քանդակագործ Ռիչարդ Հանթի ստեղշագործությունն է՝ նվիրված նվիրված Սաութ Սայդ շրջանին, որտեղ Ուելսն ապրել է իր կյանքը:

Աղբյուր՝ apnews.com

Եվրոպայի առաջնության քառորդ եզրափակչի Շվեյցարիայի և Իսպանիայի ազգային հավաքականների հանդիպումը կկայանա հուլիսի 2-ին Սանկտ Պետերբուրգում:

Աղբյուր՝ tass.ru

Երևանում «Դոմ Մոսկվի» մոսկովյան մշակութագործարարական կենտրոնի աջակցությամբ Ռուսական արվեստի թանգարանում տեղի ունեցավ  «Որոնելով գեղեցիկը․ Միխայիլ Վրուբել» ցուցահանդեսի բացումը։ Ցուցահանդեսը նվիրվում է ռուս մեծ նկարիչ Մ. Վրուբելի 165-ամյակին։ Հայաստանում առաջին անգամ մեկ հարկի տակ ներկայացվեցին հեղինակի բոլոր աշխատանքները։ Ցուցահանդեսը բաց է լինելու մինչև օգոստոսի 20-ը։

Աղբյուր՝ Московский культурно-деловой центр «Дом Москвы» в Ереване

82-ամյա կինը, ով վեց տասնամյակ է ծախսել տիեզերք հասնելու համար, կմիանա Ջեֆ Բեզոսին այս ամսվա վերջին՝ Blue Origin տիեզերական ընկերության առաջին թռիչքին: 1960-ականներին որպես տիեզերագնաց մարզված Ուոլի Ֆանկը կդառնա երբևէ տիեզերք թռչած ամենատարեց մարդը: Բեզոսը հրավիրել է տիկին Ֆանկին որպես «պատվավոր հյուր»:

Աղբյուր՝ bbc.com

Իտալական «Յուվենտուս» ֆուտբոլային ակումբը իրավունք է ստացել մասնակցելու Չեմպիոնների լիգայի առաջիկա մրցաշրջանին: Այս մասին հայտարարել է ակումբի նախագահն ու Սուպերլիգայի փոխնախագահ Անդրեա Ագնելին, ում մեկնաբանությունը մեջբերում է «Յուվենտուսի» մամուլի ծառայությունը: Ավելի վաղ ՈՒԵՖԱ-ն կասեցրել էր Սուպեր լիգայի հիմնադիր ակումբների՝ «Յուվենտուսի», ինչպես նաև իսպանական «Բարսելոնայի» և «Ռեալի» դեմ գործերը:

Աղբյուր՝ tass.ru

Աբիմանիու Միշրան ընդամենը 12 տարեկան հասակում դարձել է շախմատի պատմության մեջ ամենաերիտասարդ գրոսմայստերը: Միշրան, ով ԱՄՆ Նյու Ջերսի նահանգից է, չորեքշաբթի օրը գերազանցել է Սերգեյ Կարյակինի ռեկորդը Հունգարիայի մայրաքաղաք Բուդապեշտում: Կարյակինը ռեկորդը սահմանել էր 12 տարեկան յոթ ամսական հասակում, իսկ Միշրան գեազանցեց նրան՝12 տարեկան չորս ամիս և 25 օրականում:

Աղբյուր՝ cnn.com

Նորվեգացին տարածությունը հաղթահարել է 46,70 վայրկյանում: Աշխարհի նախորդ ռեկորդակիրը ամերիկացի Քեվին Յանգն էր, ով տարածությունը հաղթահարել է 46,78 վայրկյանում 1992-ին Բարսելոնայում կայացած Օլիմպիական խաղերում:

Աղբյուր՝ tass.ru

ԱՀԿ տվյալներով՝ Եվրոպայում Covid-19-ի դեպքերի թիվը, երկու ամսվա անկումից հետո, մեկ շաբաթվա ընթացքում աճել է 10%-ով: ԱՀԿ Եվրոպայի տարածաշրջանային տնօրեն Հանս Կլուգեն ասել է, որ ռիսկը մեծացել է պատվաստանյութերի դանդաղ տարածման, նոր տարբերակների: Տարածման վտանգներից կարող է դառնալ նաև Եվրո-2020-ը: Լոնդոնից և Սանկտ Պետերբուրգից վերադարձած հարյուրավոր երկրպագուների թեստերը դրական են եղել:

Աղբյուր՝ bbc.com