Կարճ լուրեր
Միասնական քննություններում 100 միավոր ստացողները կպարգևատրվեն 100 000 ռուբլի մրցանակով: Այս մասին հինգշաբթի օրը հայտարարել է հանրապետության ղեկավարի պաշտոնակատար Սերգեյ Մելիքովը:
Աղբյուր՝ tass.ru
Նախագահը կնոջ՝ Ջիլ Բայդենի հետ հինգշաբթի օրը ուղևորվեց Ֆլորիդա՝ հանդիպելու հանդիպելու մեկ շաբաթ առաջ ափամերձ բազմաբնակարան շենքի փլուզման պատճառով տուժած ընտանիքներին: Իսկ փլատակների տակ ողջ մնացածների գտնելու հույսերը բոլորովին անհետացել են: Մայամիի լողափերից մեկում ողբերգական փլուզման հետևանքով զոհերի թիվը հասել է 18-ի, ավելի քան 140 մարդ դեռ անհայտ կորած են: Զոհերի թվում կա 4 և 10 տարեկան երկու երեխա:
Աղբյուր՝ france24.com
SpaceX-ի Falcon 9 հրթիռակիրը հունիսի 30-ին հաջողությամբ ուղեծիր դուրս բերեց 88 արբանյակներ: Դրանց թվում կան չորս սարքեր, որոնք աշխատելու են ի շահ ԱՄՆ զինված ուժերի: Այս մասին հայտնում է SpaceX-ը: Իսկ Starlink-ի երեք արբանյակները դուրս են եկել ուղեծիր՝ գլոբալ ինտերնետային ծածկույթի համաշխարհային ցանց ստեղծելու համար:
Աղբյուր՝ korrespondent.net
Հուլիսի 1-ին Հայաստանի գեղարվեստի պետական ակադեմիայում տեղի է ունեցել բուհի և Իրանի Իսլամական Հանրապետության արվեստների ակադեմիայի միջև հուշագրի կնքման արարողություն:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Կազմակերպիչները հայտնում են, որ դա կլինի առաջին ցուցահանդեսը՝ նվիրված պոստիմպրեսիոնիզմի հոլանդացի ներկայացուցչի ինքնապատկերներին: The Courtauld Gallery-ում փետրվարին կբացվի ցուցահանդեսը, որում ներառված կլինեն, օրինակ՝ «Ինքնադիմանկար`գորշ, թաղիքե գլխարկով» աշխատանքը, «Ներկապնակով ինքնադիմանկարը»: Հավաքածուի մաս կկազմի նաև «Ինքնադիմանկար՝ վիրակապած ականջով» հայտնի կտավը, որը Վան Գոգը նկարել է 1889 թվականին՝ ականջի մեծ մասը կտրելուց հետո:
Աղբյուր՝ reuters.com
Նիդեռլանդների Լյուվարդեն քաղաքի ավիաբազայում թռիչքի ժամանակ բելգիական ռազմաօդային ուժերի F-16 կործանիչը բախվել է շենքին: Դեպքը տեղի է ունեցել տեղական ժամանակով ժամը 12: 00-ի սահմաններում: Միջադեպի պատճառն անհայտ է: Բելգիայի Պաշտպանության նախարարությունը պարզաբանել է, որ օդաչուին հաջողվել է կատապուլտով դուրս նետվել:
Աղբյուր՝ rbc.ru
Չորեքշաբթի երեկոյան Հարավային Լոս Անջելեսում տեղի ունեցած խոշոր պայթյունը վնասել է շրջակա տները և վիրավորել 17 մարդու, ներառյալ ոստիկանության աշխատակիցներին, երբ մի խումբ սակրավորներ փորձել են անվտանգ կերպով գործարկել ինքնաշեն պայթուցիկ սարքերը, որոնք, հրավառության մոտ 5000 ֆունտ ապօրինի նյութերի հետ, առգրավվել էին տանից:
Աղբյուր՝ latimes.com
Ուելսի արքայադուստր Դիանան (Դիանա Ֆրենսիս Սպենսեր) ծնվել է 1961 թվականի հուլիսի 1-ին: Նա Բրիտանիայի գահաժառանգ, արքայազն Չարլզի կինն էր, սակայն, շատ կենսագիրների վկայության համաձայն, ամուսնության մեջ դժբախտ էր: Դիանան ստացավ մարդկանց սրտերի թագուհու կոչումը բարեգործական և սոցիալական իր ակտիվ գործունեության համար: 2002 թ.-ի BBC-ի հարցման համաձայն, Դիանան զբաղեցրել է երրորդ տեղը մեծանուն բրիտանացիների ցուցակում:
Աղբյուր՝ russian.rt.com
Gap-ը՝ ամերիկյան նորաձեւության հսկան, հաստատել է, որ մտադիր է փակել իր բոլոր 81 խանութները Մեծ Բրիտանիայում և Իռլանդիայում և շուկայում լինել միայն առցանց եղանակով: Ձեռնարկությունը հայտարարել է, որ իր բոլոր խանութները «փուլային եղանակով» կփակեն օգոստոսի վերջից մինչև սեպտեմբերի վերջ: Ընկերությունը չի հայտնել, թե քանի աշխատակիցների վրա է ազդելու փակումը, բայց շուտով սկսելու է անձնակազմի հետ խորհրդակցական գործընթաց:
Աղբյուր՝ bbc.com
Սեւ ծով է մտել իտալական «Վիրջինիո Ֆազան» պահակային ծառայության ռազմանավը: Ըստ ՌԴ Ազգային պաշտպանության վերահսկման կենտրոնի, Սեւծովյան նավատորմի նավերը հետեւում են նրա գործողություններին:
Աղբյուր՝ ria.ru
Դեպքը տեղի է ունեցել հունիսի 29-ին Շոտլանդիայի Գլազգո քաղաքի «Հեմպդեն Պարկ» մարզադաշտում՝ Եվրո-2020 առաջնության 1/8 եզրափակչի Ուկրաինա- Շվեդիա խաղի ժամանակ: Ուկրաինայի հավաքականի երկու երկրպագուներ մոտեցել են Սմոլենսկուն, ով հանդիպմանը եկել էր Ռուսաստանի հավաքականի համազգեստով ու դրոշով, և հարձակվել նրա վրա: Պատռել են նրա շապիկը և խլել դրոշը: Ըստ տուժածի, հարձակման հտևանքով վնասվել է իր հոնքը:
Աղբյուր՝ gazeta.ru
Կինոարդյունաբերությունը նվաճելուց հետո, այժմ Յոհանսոնը ուժերը փորձում է գեղեցկության ոլորտում: Դերասանուհին հայտարարել է, որ 2022-ին կգործարկի մաշկի խնամքի իր սեփական բրենդը`համագործակցությամբ գեղեցկության և նորաձեւության ոլորտի մասնագետ Քեյթ Ֆոստերի հետ:
Աղբյուր՝ lofficielusa.com
Ռուսաստանում անցած օրվա ընթացքում 672 մարդ է մահացել կոռոնավիրուսային վարակից, որը համավարակի սկզբից ի վեր դարձել է նոր առավելագույնը, ըստ դաշնային օպերատիվ շտաբի տվյալների: Մահացության օրական ռեկորդը թարմացվում է երրորդ օրն անընդմեջ. հունիսի 29-ին հայտարարվեց, որ հիվանդությունից մահացել է 652 մարդ, իսկ հունիսի 30-ին՝ 669 մարդ:
Աղբյուր՝ rbc.ru
Առնվազն 486 հանկարծամահության դեպք է գրանցվել հինգ օրվա ընթացքում Բրիտանական Կոլումբիայում՝ աննախադեպ շոգի պատճառով, ինչը թույլ է տալիս ենթադրել, որ ծայրահեղ եղանակային պայմանները, որոնք վերջին օրերին տիրում են Կանադայի արևմուտքը, շատ ավելի մահացու են, քան նախապես ենթադրվում էր: Սովորաբար, այս ժամանակահատվածում նահանգում տեղի է ունենում 165 հանկարծակի մահ, հայտնել է նահանգի գլխավոր դատաքննիչը՝ ենթադրելով, որ ավելի քան 300 մահվան դեպք կարող է վերագրվել շոգին:
Աղբյուր՝ theguardian.com
Ֆրանսիացի հանրահայտ դերասան Ալեն Դելոնը մտադիր է վերադառնալ մեծ էկրան: Այս մասին նա հայտարարել է France 5 հեռուստաալիքին տված հարցազրույցում: Ֆրանսիացի դերասանի խոսքով ՝ ինքը կարող է միայն մեկ ֆիլմի մասնակցել, ապա կրկին կհեռանա: 85-ամյա Դելոնը նկարահանվել է ավելի քան 90 ֆիլմերում:
Աղբյուր՝ tass.ru
Չորեքշաբթի օրը Լոս Անջելեսի Գերագույն դատարանի կողմից ներկայացված դատական նոր փաստաթղթերը ցույց են տալիս, որ դատավորը մերժել է Սփիրսի փաստաբան Սեմուել Ինգամ III-ի մեկ ամիս առաջ ներկայացրած հայցը՝ հորը` Ջեյմի Սփիրսին, խնամակալության իրավունքից զրկելու մասին:
Աղբյուր՝ variety.com
Երկրում վարակի առաջին դեպքից մինչ օրս հաստատված COVID-19-ի դեպքերի ընդհանուր թիվը 367 058 է: Վերջին օրվա ընթացքում ապաքինվել է 877 մարդ, ընդհանուր առմամբ ապաքինվածների թիվն աճել է՝ հասնելով 352 624-ի: Վերջին 24 ժամվա ընթացքում Վրաստանում կորոնավիրուսից մահվան 11 նոր դեպք է գրանցվել: Համավարակի սկզբից մինչ օրս Վրաստանում ընդհանուր առմամբ կորոնավիրուսի զոհ է դարձել 5 327 մարդ:
Աղբյուր՝ apsny.ge
Երկրի արևմուտքում գտնվող Հերաթ նահանգում տեղի ունեցած պայթյունի հետևանքով զոհվել է ութ ոստիկան եւ մեկ զինվորական: Պայթյունը տեղի է ունեցել ոստիկանության շտաբի տարածքում: Պայթուցիկ սարքը տեղադրված է եղել մեքենայի մեջ:
Աղբյուր՝ ria.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
