Կարճ լուրեր
Եվրահանձնաժողովը հայտարարել է, որ կաշխատի նոր օրենքների մշակման ուղղությամբ՝ իր տարածքում վանդակներում անասնապահությունը վերացնելու համար: Որոշումը կայացվել է այն բանից հետո, երբ վիճահարույց համակարգը դադարեցնելու պահանջով ստորագրահավաքը հավաքել է ավելի քան 1.4 միլիոն ստորագրություն: Փոփոխությունները կվերաբերեն ճագարներին, հավերին, լորերին, բադերին և սագերին: Նոր օրենսդրությունը կառաջարկվի մինչև 2023 թվականը:
Աղբյուր՝ bbc.com
Սլովենիան ռոտացիոն կարգով ստանձնեց Եվրամիության խորհրդի նախագահությունը՝ փոխարինելով Պորտուգալիային: Այս կապակցությամբ Եվրահանձնաժողովի նախագահ Ուրսուլա ֆոն դեր Լեյենը, Եվրահանձնաժողովի մի քանի անդամների ուղեկցությամբ, մեկնեց Լյուբլյանա:
Աղբյուր՝ dw.com
Բանգլադեշի ափերի մոտ ծովում սատկելուց փրկվել է երկու փիղ: Զույգը բաժանվել էր Մյանմայում գտնվող իր ջոկից, գետով անցել Բանգլադեշի տարածք, իսկ վախեցած տեղացիները նրանց քշել էին դեպի ծողափ: 4 օր ծովով և մարդկանցով շրջապատված լինելուց հետո՝ փղերը լողացել են դեպի Բենգալյան ծոց: Բարեբախտաբար, իշխանությունները կենդանիներին փրկել են՝ տեղի ձկնորսների օգնությամբ պարաններով նրանց ափ դուրս բերելով:
Աղբյուր՝ bbc.com
«Թուրքական ավիաշինական արդյունաբերություն» (TAI) ընկերությունը համաձայնության է եկել ուկրաինական Motor Sich ընկերության հետ՝ ծանր դասի հարվածային ուղղաթիռների 14 շարժիչ գնելու վերաբերյալ: Շարժիչների մատակարարումը կավարտվի մինչև 2025 թվականը, իսկ առաջին երկու շարժիչները կմատակարարվեն 2022 թվականի սեպտեմբերին:
Աղբյուր՝ korrespondent.net
Պենտագոնի նախկին ղեկավար Դոնալդ Ռամսֆելդը կյանքից հեռացել է 88 տարեկանում Տաոս քաղաքում (Նյու Մեքսիկո նահանգ): ԱՄՆ պաշտպանության կրկնակի նախարարի պաշտոնավարման օրոք են տեղի ունեցել Աֆղանստանի և Իրաքի պատերազմները:
Աղբյուր՝ theguardian.com
Ակումբի մամուլի ծառայության հաղորդմամբ՝ մասնագետի հետ պայմանագիրը նախատեսված է մինչ 2023 թվականը: » 2017 թվականից մինչ 2021 թվականի մայիս Նունուն գլխավորել է «Վուլվերհեմփթոնը:
Աղբյուր՝ russian.rt.com
Բրիտանական նկարչության դասական Թոմաս Գեյնսբորոյի հանրահայտ «Տղան երկնագույն զգեստով» նկարը ժամանակավորապես կվերադառնա Լոնդոնի ազգային պատկերասրահ: Ժամանակին Վեստմինսթերի դուքսին պատկանող կտավը մեկ դար առաջ գնել է ամերիկացի երկաթուղային մագնատ Հենրի Հանթինգթոնը, այն ժամանակ համաշխարհային ռեկորդային՝ 728 000 դոլար արժեքով: Այցելուները կտավը կկարողանան տեսնել 2022 թվականի հունվարի 25-ից մայիսի 15-ը:
Աղբյուր՝ theguardian.com
Դերասաններ, մարզիկներ, լրատվամիջոցների ներկայացուցիչներ, բժիշկներ և ուսուցիչներ են եղել հարյուրավոր մարդկանց մեջ, ովքեր հետախուզման մեջ են հայտնվել խունտային ընդդիմանալու համար:
Աղբյուր՝ nbcnews.com
Չելյաբինսկում մետրոպոլիտենի շինարարությունը կսկսվի 2022 թվականին, տեղական իշխանություններն ակնկալում են աշխատանքներն ավարտել 2025 թվականին, հայտարարել է ՌԴ Չելյաբինսկի մարզի նահանգապետ Ալեքսեյ Տեկսլերը:
Աղբյուր՝ ria.ru
«Ուղիղ գիծ՝ Վլադիմիր Պուտինի հետ» հեռուստահաղորդման ընթացքում Ռուսաստանի Դաշնության ղեկավարը պատասխանել է 68 հարցի:
Աղբյուր՝ gazeta.ru
Մեկնարկել է «Մեծահասակների կրթությունը՝ ի նպաստ Կայուն զարգացման նպատակների» արշավը, որն իրականացնում է «Դի-Վի-Վի» ինթերնեյշնալի հայաստանյան գրասենյակը ՀՀ ԿԳՄՍՆ-ի հետ համագործակցությամբ: Այսօրվա ֆորումին օգոստոսին կհաջորդի երկրորդը, որի ժամանակ ընտրված և ֆինանսական աջակցություն ստացած հետազոտողները կներկայացնեն իրենց հետազոտությունների նախնական արդյունքները և իրենց նախընտրած թեմայի շուրջ քննարկումներ կունենան ոլորտի փորձագետների հետ, իսկ երրորդ ֆորումը հոկտեմբերին տեղի կունենա Կապանում՝ հանրայնացնելով արդյունքները:
Աղբյուր՝ ԿԳՄՍ նախարարություն
Warner Bros. ստուդիան ցուցադրել է «Նյուարքի բազմաթիվ սրբերը» ֆիլմի առաջին թրեյլերը: Այստեղ ներկայացվեն «Սոպրանոյի կլանը»-ին նախորդող իրադարձությունները: Տեսանյութը հայտնվել է ընկերության YouTube-ի ալիքում: Սերիալի պրեմիերան նախատեսված է այս տարվա հոկտեմբերի 1-ին, HBO Max հոսքային ծառայության միջոցով:
Աղբյուր՝ korrespondent.net
Թռչող մեքենայի նախատիպը ավարտել է 35-րոպեանոց թռիչքը Սլովակիայի Նիտրա և Բրատիսլավա քաղաքների միջազգային օդանավակայանների միջև: AirCar անվանումով հիբրիդային մեքենա-ինքնաթիռը ապահովված է BMW շարժիչով և աշխատում է սովորական բենզինային վառելիքով: Մեքենայի ստեղծող, պրոֆեսոր Շտեֆան Քլայնը հայտնել է, որ այն կարող է թռչել շուրջ 1000 կմ՝ 2500 մ բարձրության վրա, և մինչ այժմ օդում աշխատել է 40 ժամ: Մեքենայից ինքնաթիռի փոխակերպումը տեւում է երկու րոպե 15 վայրկյան:
Աղբյուր՝ bbc.com
Հունիսի 28-ին՝ Լիսաբոնում, կայացավ ընկերական հանդիպում Հայաստանի և Պորտուգալիայի մինչև 17 տարեկանների հավաքականների միջև։ Մեր ընտրանին զիջել է մրցակցին 0։7 հաշվով։ Թիմերը ևս մեկ անգամ կհանդիպեն միմյանց հունիսի 30-ին։
Աղբյուր՝ ՀՖՖ
Թուրքիայի ընդդիմադիր «Լավ կուսակցության» (İYİ) առաջնորդ Մերալ Աքշեները երկրի իշխանություններին կոչ է արել համաժողովրդական հանրաքվե անցկացնել՝ Ստամբուլի արհեստական ջրանցքի կառուցման որոշման համար: Միևնույն ժամանակ, Մերալ Աքշները խոստացել է, որ ընդդիմությունը չի առարկի նախագիծը և չի դիմի միջազգային դատարաններ, եթե այն կառուցվի հանրաքվեով քաղաքացիների կողմից հաստատվելուց հետո:
Աղբյուր՝ eadaily.com
«Սեւ այրի» մականուն ստացաած 74-ամյա Չիսակո Կակեհին սպանել է իր երեք զուգընկերներին, այդ թվում՝ ամուսնուն, և չորրորդ տղամարդուն սպանելու փորձ կատարել: Կակեհին միլիոնների ժառանգության և ապահովագրության վճարներ է ստացել՝ իր զոհերին ցիանիդով թունավորելուց հետո: Նրա փաստաբանները բողոքարկել են 2017-ի դատավճիռը՝ պատճառաբանելով, որ նա տառապում է դեմենցիայով և չի հասկանում դատական վարույթը: Սակայն երկրի Գերագույն դատարանը մերժել է բողոքարկումը՝ վերջնականապես հաստատելով մահապատժի դատավճիռը:
Աղբյուր՝ bbc.com
36-ամյա դերասանուհի Գալ Գադոտը, ով խաղացել է «Հրաշք կինը» ֆիլմի սուպերհերոսուհուն, լույս աշխարհ բերեց իր երրորդ երեխային: Այս մասին Instagram-ում հայտնել է նորաթուխ բազմազավակ մայրիկը՝ համատեղ լուսանկար տեղադրելով իր ամուսնու՝ Յարոն Վարսանոյի և դուստրերի՝ 4-ամյա Մայայի, 9-ամյա Ալմայի և նորածին Դանիելլայի հետ:
Աղբյուր՝ gazeta.ru
կորոնավիրուսի հակազման «մեծ ճգնաժամի» համար: Կիմը հայտարարել է, որ «պետական կարևորագույն գործերով պատասխանատու բարձրաստիճան պաշտոնյաներն անտեսում են կուսակցության կարևոր որոշումների կատարումը՝ կազմակերպչական, ինստիտուցիոնալ, նյութական, գիտական և տեխնոլոգիական միջոցառումներ ձեռնարկելու վերաբերյալ, ինչպես պահանջում է արտակարգ իրավիճակներում համաճարակների կանխարգելման երկարատև արշավը»:
Աղբյուր՝ news.sky.com
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
