Կարճ լուրեր
Netflix-ը թողարկել է «Մարդն ընդդեմ մեղվի» կատակերգական մինի սերիալի առաջին թրեյլերը։ Տեսանյութը հրապարակվել է հոսքային ծառայության YouTube-ալիքում։ Սերիալի ռեժիսորը և սցենարիստը Դեյվիդ Քերն է։ Գլխավոր դերում հանդես է գալիս Ռոուեն Ատկինսոնը։ «Մարդն ընդդեմ մեղվի»-ն Netflix-ում կթողարկվի հունիսի 24-ին:
Աղբյուր՝ kulturomania.ru
Նիգերիայի ոստիկանությունը հայտնել է, որ հետաքննություն է սկսել այն բանից հետո, երբ հարավային Պորտ Հարքուրտ քաղաքում հրմշտոցի պատճառով 31 մարդ է մահացել։ Դա տեղի է ունեցել շաբաթ երբ եկեղեցին սնունդ էր բաժանում աղքատներին, որոնցից ոմանք այնտեղ սպասել էին ողջ գիշեր։ Ամբոխը «դարձել է աղմկոտ ու անկարգապահ», իսկ կազմակերպիչներին չի հաջողվել հանդարտեցնել իրավիճակը։ Մահացածներից շատերը կանայք և երեխաներ են։
Աղբյուր՝ bbc.com
Եգիպտացի զինվորականները Սինայի թերակղզու հյուսիսում շարունակվող լայնածավալ գործողության ընթացքում սպանել են ահաբեկչական խմբավորումներից մեկի 10 անդամի, հայտնում է Եգիպտոսի պաշտպանության նախարարության մամուլի ծառայությունը։ «Ահաբեկչական խմբավորման առանձնապես վտանգավոր տասը անդամներ սպանվել են, նրանց մոտ հայտնաբերվել են զենք ու պայթուցիկ նյութեր»,- ասվում է ՊՆ հաղորդագրության մեջ։
Աղբյուր՝ ria.ru
Առնվազն 56 մարդ է զոհվել Բրազիլիայի հյուսիս-արևելյան Պերնամբուկո նահանգում հանգստյան օրերին հորդառատ անձրևների հետևանքով, հայտնում են նահանգի քաղաքացիական պաշտպանության ուժերը: Բրազիլիայի տարածաշրջանային զարգացման նախարար Դանիել Ֆերեյրան կիրակի օրը հայտնել է, որ ևս 56 մարդ անհետ կորել է, առնվազն 25-ը՝ վիրավորվել։ Ֆերեյրան հավելել է, որ ավելի քան 3900 մարդ կորցրել են իրենց տները ավերիչ անձրևների պատճառով։
Աղբյուր՝ cnn.com
Կիրակի Ռաֆայել Նադալը աշխարհի թիվ 1 ռակետ Նովակ Ջոկովիչի հետ հերթական աստղային խաղը նախանշեց՝ էպիկական հաղթանակ տանելով Ֆելիքս Օժեր-Ալիասիմի նկատմամբ հինգ սեթից բաղկացած խաղում: «Ռոլան Գարոսի» 13-ակի չեմպիոն և «Մեծ սաղավարտի» ռեկորդային 21 տիտղոսակիր Նադալը չորս ժամ և 21 րոպե տևած խաղում հաղթեց կանադացուն՝ 3-6, 6-3, 6-2, 3-6, 6-3 հաշվով: Նադալն ու Ջոկովիչը կհանդիպեն 10-րդ անգամ Ռոլան Գարոսում և 59-րդ անգամ՝ 2006 թվականից սկսած ընդհանուր մրցակցությունում:
Աղբյուր՝ france24.com
Զլատան Իբրահիմովիչի ծնկի վիրահատությունը բարեհաջող է անցել: Իտալիայի չեմպիոնների գլխավոր մարզիչ Ստեֆանո Պիոլիի խոսքով՝ 40-ամյա ֆուտբոլիստը չի պատրաստվում ավարտել կարիերան և մտադիր է շարունակել ելույթները: Սակայն Զլատանը խաղադաշտ կվերադառնա ոչ շուտ, քան վեց ամիս անց:
Աղբյուր՝ vesti.ru
Ընդդիմադիր քաղաքական գործիչները ավելի վաղ հայտնել էին, թե թուրք առաջնորդը մտադիր է փախչել հանրապետությունից:
Աղբյուր՝ tass.ru
Կիրակի Նեպալում ամպամած եղանակին անհետացել է փոքր մարդատար ինքնաթիռը, որում 22 մարդ է եղել, և իշխանությունները դադարեցրել են որոնումները դժվար տեղանքում, երբ գիշերն ընկել է: Իշխանությունները հայտնում են, որ վատ եղանակը և լեռնային տեղանքը խոչընդոտել են իրենց ջանքերը՝ գտնելու ինքնաթիռը, որը շահագործվում է մասնավոր Tara Air-ի կողմից:
Աղբյուր՝ reuters.com
Հնդկաստանի արևմուտքում շաբաթ օրը շահագործման է հանձնվել արևային և հողմային առաջին էլեկտրակայանը: Ինչպես հաղորդում է The Economic Times թերթի կայքը, էլեկտրակայանը բացվել է Ռաջասթան նահանգի արևմտյան Ջեյսալմեր քաղաքի մոտ: Ե՛վ արևի, և՛ քամու էներգիայի օգտագործումը թույլ է տալիս նոր 390 ՄՎտ հզորությամբ կայանին լուծել էլեկտրաէներգիայի արտադրության ընդհատման խնդիրը՝ կախված եղանակից և օրվա ժամից, նշում է հրատարակչությունը:
Աղբյուր՝ tass.ru
1947 թվականի բաժանման ժամանակ իր ընտանիքից բաժանված պակիստանցի կինը 75 տարի անց առաջին անգամ անցյալ ամիս հանդիպեց իր հնդիկ եղբայրներին: Մումթազ Բիբին, ով խռովության ժամանակ բաժանվել էր իր սիկհ ընտանիքից, ապրիլին Պակիստանի Կարթարպուր քաղաքում առաջին անգամ հանդիպեց իր եղբայրներին՝ Գուրմուկհ Սինգհին և Բալդև Սինգհին: «Մենք այնքան երջանիկ ենք, որ կարողացանք հանդիպել մեր քրոջը այս կյանքում», - ասել է Գուրմուկհ Սինգհը:
Աղբյուր՝ bbc.com
Mercedes-Benz-ն ամբողջությամբ կդադարեցնի մեխանիկական փոխանցումատուփով մեքենաների արտադրությունը 2023 թվականին: Այս մասին հայտնում է Automobilwoche-ն: Հրատարակչության համաձայն՝ ընկերության ղեկավարությունը որոշել է հրաժարվել «մեխանիկայով» մեքենաներից՝ նման մոդելների ցածր պահանջարկի պատճառով: Բացի այդ, ընկերությունն աստիճանաբար մեծացնում է էլեկտրամոբիլների արտադրությունը:
Աղբյուր՝ gazeta.ru
Ինդոնեզիայի ափերի մոտ լաստանավի վառելիքը սպառվել է, և այն խորտակվել է վատ եղանակի պատճառով, հայտնել են պաշտոնյաները: Երկրի որոնողափրկարարական գործակալությունը հայտնել է, որ նավը, որում եղել է 43 մարդ, շրջվել է հինգշաբթի Մակասարի նեղուցում, որը բաժանում է Սուլավեսի և Բորնեո կղզիները: Տասնյոթ մարդու փրկել են երկու քարշակներով, որոնք անցնում էին մոտակայքով:
Աղբյուր՝ theguardian.com
Քատարի ճանապարհային ոստիկանության վարչությունը առցանց աճուրդում վաճառել է Աշխարհի գավաթի լոգոտիպով՝ ավտոմեքենայի 50 համարանիշներ, որոնցից ամենաթանկը վաճառվել է 1,8 միլիոն քաթարական ռիալով (մոտ 495,000 դոլար), ասվում է սոցիալական ցանցերում գերատեսչության տարածած հաղորդագրության մեջ: Էլիտար համարանիշ ձեռք բերելու իրավունք ստացածները պետք է վճարեն դրա համար երկու օրվա ընթացքում, հակառակ դեպքում կկորցնեն այն և տուգանք կստանան։
Աղբյուր՝ ria.ru
Էստրադային երգիչ Ֆիլիպ Կիրկորովը հեռուստահաղորդավարուհի և երգչուհի Օլգա Բուզովային առաջարկել է ելույթ ունենալ Եվրատեսիլ երգի մրցույթում՝ ներկայացնելու Սան Մարինոն: Կիրկորովը բազմիցս պատրաստել է երգի մրցույթի մասնակիցների համարները՝ ներառյալ Մոլդովայի, Ուկրաինայի և Բելառուսի համարները: Նա նշել է, որ Սան Մարինոն երբեք աչքի չի ընկել մրցաշարային աղյուսակում, և Բուզովան կարող է շտկել այդ իրավիճակը, եթե երկիրը նրան ուղարկի մրցույթի:
Աղբյուր՝ lenta.ru
Նախքան Beatles-ի հայտնի դառնալը արված և նախկինում չհրապարակված հուշաիերի հավաքածուն վաճառվել է աճուրդում: Այն ներառում է լուսանկարներ, որոնք արվել են խմբի ելույթի ժամանակ Սոմերսեթ կոմսության Ուեսթոն-սուպեր-Մար քաղաքում 1963 թվականին: 16-ամյա Սանդրա Վուդրուֆը՝ լիվերպուլյան քառյակի մեծ երկրպագուհին, խմբին հետևել էր՝ Royal Pierce հյուրանոցի 49-րդ համարում նրանց գտնվելու մասին տեղեկություն ստանալուց հետո: Աճուրդում հավաքածուն վաճառվել է 11.360 ֆունտ ստեռլինգ:
Աղբյուր՝ bbc.com
Իսպանացի դեռահաս Կառլոս Ալկարասը դարձավ ամենաերիտասարդ մարդը, ով ուրբաթ դուրս եկավ Ֆրանսիայի բաց առաջնության չորրորդ շրջան՝ 2006 թվականին այդ հաջողությանը հասած Նովակ Ջոկովիչից հետո: 19-ամյա Ալկարասը 6-4, 6-4, 6-2 հաշվով հաղթեց Սեբաստիան Կորդային՝ վրեժ լուծելով անցյալ ամիս Մոնտե Կառլոյում ամերիկացուց կրած պարտությունից, որն այս տարի նրա միակ պարտությունն էր՝ հողածածկին անցկացրած 21 խաղում:
Աղբյուր՝ france24.com
Չինաստանի իշխանությունները 7,22 միլիոն յուանով (մոտ 1 միլիոն դոլար) տուգանել են դերասանուհի Ջին Ջյանին՝ անօրինական գովազդի համար: Այս մասին շաբաթ օրը հայտարարել է ՉԺՀ-ի շուկայի վերահսկողության պետական վարչությունը: Վարչության տվյալներով՝ դերասանուհին սննդամթերք է գովազդել տեղական Wuxianchang Jiankang ընկերության համար՝ առանց պաշտոնական փաստաթղթի, որը հաստատում է ապրանքի հենց այն որակները, որոնց մասին նա հայտնում է սպառողին:
Աղբյուր՝ tass.ru
Disney+ հոսքային ծառայությունը ցուցադրել է «Օբի-Վան Քենոբի» սերիալի առաջին երկու մասերը: Գլխավոր դերում հանդես է գալիս Էվան ՄաքԳրեգորը: Շոում ներկայացվում են իրադարձություններ՝ Էնակին Սքայուոքերի Ուժի մութ կողմն անցնելուց տարի անց: Օբի-Վան Քենոբին թաքնվում է ինկվիզիտորներից, ովքեր ցանկանում են սպանել բոլոր ջեդայներին: Սերիալի երրորդ սերիայի պրեմիերան կկայանա հունիսի 3-ին:
Աղբյուր՝ kulturomania.ru
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
