Կարճ լուրեր
Լատվիայում թաղված որսորդ-հավաքորդի գանգում գիտնականները հայտնաբերել են մոտ 5 հազար տարեկան՝ ժանտախտի հարուցիչ Yersinia pestis-ի մանրէների հետքեր: Ռիննուկալնսի նեոլիթյան տեղանքում մասունքներ հայտնաբերվել են դեռ 19-րդ դարում: Այն ժամանակ գիտնականները հայտնաբերել էին 12-18 տարեկան հասակում մահացած կնոջ և 20-30 տարեկան մահացած տղամարդու կմախքի մասեր:
Աղբյուր՝ ria.ru
Pew Research Center-ի հարցման համաձայն, հնդիկների մեծ մասը իրենց և իրենց երկիրը համարում է կրոնները հանդուրժող, սակայն դեմ է միջկրոնական ամուսնություններին: Հնդկաստանի մի քանի նահանգներում կան օրենքներ, որոնք քրեականացնում են միջկրոնական սերը: Ուսումնասիրության համար Հնդկաստանի ողջ տարածքում 17 լեզուներով հարցում է անցկացվել 30,000 մարդու հետ: Հարցված մահմեդականների 80%-ը կարևոր է համարում իրենց համայնքում նման ամուսնանությունները կանխելը: Հինդուիստների մոտ 65%-ն է նույն կերպ մտածում:
Աղբյուր՝ bbc.com
Նախորդ ռեկորդի սահմանումից ընդամենը մեկ օր անց, Բրիտանական Կոլումբիա նահանգի Լիտոն գյուղում ջերմաստիճանի նոր ռեկորդ է գրանցվել: Երկուշաբթի այն հասել է 47.9C (118.2F), կիրակի 46.6C (116F) էր եղել: Մինչ այս շաբաթ Կանադայում ջերմաստիճանը երբեք չէր անցել 45C (113F):
Աղբյուր՝ bbc.com
Ռուս նկարիչ Վասիլի Կանդինսկու նկարը, որն ավելի քան կես դար եղել է մասնավոր հավաքածուում, Sotheby's-ի աճուրդում վաճառվել 21,2 միլիոն ֆունտով (29,4 միլիոն դոլար): Մոդեռնիստական և ժամանակակից արվեստի աճուրդը տեղի է ունեցել երեքշաբթի օրը Լոնդոնում և հեռարձակվում է ուղիղ հեռարձակմամբ: «Լարվածության հանդարտվածները» (Tensions calm es) վերնագրով նկարը գնահատվում էր 18-25 միլիոն ֆունտ սթեռլինգ (25-35 միլիոն դոլար):
Աղբյուր՝ tass.ru
Հուլիսի 1-ին՝ ժամը 17.00-ին, Ռուսական արվեստի թանգարանում բացվող ցուցահանդեսը նվիրվում է ռուս մեծ նկարիչ Մ. Վրուբելի 165-ամյակին։ Ցուցահանդեսին ներկայացվելիք ստեղծագործությունները Հայաստանի ազգային պատկերասրահի, Ռուսական արվեստի թանգարանի ֆոնդերից են։ Աշխատանքները Մ. Վրուբելին ներկայացնում են՝ որպես գեղանկարիչ, բեմանկարիչ, գծանկարիչ և քանդակագործ։
Աղբյուր՝ Московский культурно-деловой центр «Дом Москвы» в Ереване
«Մեծ սաղավարտի» 24-րդ տիտղոսի համար պայքարից վնասվածքի պատճառով զրկված Սերենա Ուիլյամսը երեքշաբթի արտասվելով հեռացավ նաև Ուիմբլդոնից: Մրցաշարի առաջին տուրում Ուիմբլդոնի յոթակի հաղթողը հանդիպեց Բելառուսի ներկայացուցիչ Ալեքսանդրա Սասնովիչի հետ: Այս անգամ ևս ամերիկացի թենիսիստուհին վնասվածքի պատճառով դուրս մնաց պայքարից: Ուիլյամսը խաղի ընթացքում վնասեց կոճը:
Աղբյուր՝ reuters.com
Անցած 24 ժամվա ընթացքում երկրում ապաքինվել է 603 մարդ: Վերջին օրվա ընթացքում 19 հիվանդ մահացել է կորոնավիրուսից: Ընդհանուր առմամբ, Վրաստանում հայտնաբերվել է կորոնավիրուսային վարակի 366 078 դեպք, որից վերականգնվել է 351 747 մարդ, իսկ 5316-ը մահացել է:
Աղբյուր՝ apsny.ge
Հունիսի 30-ին իրանական բանակը Կասպից ծովում սկսեց ռազմածովային «Amaniyat-e Paidar 1400» («Կայուն անվտանգություն - 1400) կոչվող զորավարժությունները: Ուսումնավարժանքներում ներգրավված են Իսլամական Հանրապետության ռազմածովային ուժերի վերջրյա նավերն ու օդանավերը, ներառյալ ծովային հարթակները՝ հրթիռային կայանքներով, ուղղահայաց թռիչքային ինքնաթիռներով, հարվածային ուղղաթիռներով և անօդաչու թռչող սարքերով:
Աղբյուր՝ eadaily.com
Բրիտանիայի արքայազններ Ուիլյամն ու Հարրին հինգշաբթի օրը մի կողմ կդնեն տարաձայնությունները`մասնակցելու իրենց հանգուցյալ մոր` արքայադուստր Դիանայի 60-ամյակին նվիրված արձանի բացմանը: Թագավորական եղբայրները մտերիմ են եղել իրենց կյանքի մեծ մասի ընթացքում՝ միավորված իրենց մորը կորցնելու ընդհանուր ցավով: Դիանան մահացել է 36 տարեկան հասակում՝ 1997 թ.-ին Փարիզում տեղի ունեցած ավտովթարի հետևանքով, երբ Ուիլյամը 15 տարեկան էր, իսկ Հարրին՝ 12:
Աղբյուր՝ reuters.com
Հանրային շահի անտեսմամբ ապօրինաբար կառուցված շինությունների ապամոնտաժման գործընթացը շարունակվում է։ Հունիսի 29-ին ապօրինի կառույցներ են ապամոնտաժվել Նոր Նորք վարչական շրջանում։
Աղբյուր՝ Երևանի քաղաքապետարան
Երկրում գերիշխող տարբերակը շարունակում է մնալ «բրիտանական» շտամը, բայց արդեն հայտնաբերվել է Դելտա շտամով վարակվելու 120 և Լամբդայի մեկ դեպք:
Աղբյուր՝ korrespondent.net
Ուեմբլի մարզադաշտում Անգլիան 2-0 հաշվով հաղթեց Գերմանիային՝ իր տեղը ամրագրելով Եվրո-2020-ի քառորդ եզրափակչում: Երկրորդ խաղակեսում Ռահիմ Ստերլինգի և ավագ Հարի Քեյնի գոլերը բավական էին, որպեսզի Գարեթ Սաութգեյթի սաները անցնեին վերջին ութնյակ, որտեղ նրանք կմրցեն Ուկրաինայի հետ:
Աղբյուր՝ news.sky.com
46 ներգաղթյալներ, ովքեր փորձում էին փոքր նավերով անցնել Լա Մանշը և հասնել Անգլիայի ափեր, փրկվել են Ֆրանսիայի հյուսիսային ափերի մոտ, հայտնում է Լա Մանշի և Հյուսիսային ծովի ծովային պրեֆեկտուրան: Ըստ պրեֆեկտուրայի տվյալների՝ փրկարարները մի քանի օպերացիաներ են իրականացրել՝ արգելափակված միգրանտներին փրկելու համար: Բոլորին անվտանգ հասցրել են Ֆրանսիայի ափերը և հանձնել ոստիկանությանն ու բժիշկներին:
Աղբյուր՝ ria.ru
Գրեթե երկու տասնամյակ անց գերմանացի ավարտեցին՝ Երկրորդ համաշխարհային պատերազմից ի վեր Գերմանիայի ամենամահացու ռազմական առաքելությունը: Վերջին տարիներին Գերմանիան Աֆղանստանում ԱՄՆ-ից հետո ունեցել է երկրորդ ամենամեծ զորախումբը, վերջին երկու տասնամյակների ընթացքում տեղակայված է շուրջ 150,000 զինվոր: Աֆղանստանում զոհվել է հիսունինը գերմանացի զինվոր, որոնցից 35-ը զոհվել են մարտերում կամ զինյալների հարձակումներից:
Աղբյուր՝ reuters.com
Ֆուտբոլի Եվրոպայի առաջնության 1/8 եզրափակչի խաղում Ուկրաինայի հավաքականը լրացուցիչ ժամանակում 2: 1 հաշվով հաղթեց Շվեդիայի հավաքականին: Հանդիպումը կայացավ Գլազգոյում: Հաղթական գոլը խփեց Արտեմ Դովբիկը՝ երկրորդ լրացուցիչ խաղակեսին ավելացված լրացուցիչ ժամանակում:
Աղբյուր՝ tass.ru
Վինուս Ուիլյամսը, երեքշաբթի Ուիմբլդոնում ռումինացի Միհաելա Բուզերնեսկուի նկատմամբ երեք սեթում տարած հաղթանակով, նշեց «Մեծ սաղավարտի» իր ռեկորդային՝ 90-րդ, հանդիպումը: 41-ամյա ամերիկուհին, ով All England Club-ի հնգակի չեմպիոն է, հաղթեց 7-5, 4-6, 6-3 հաշվով: Աշխարհի նախկին առաջին ռակետ Ուիլյամսը առաջին անգամ խաղացել է Ուիմբլդոնում 1997 թ.-ին և մրցաշարում է 23-րդ անգամ:
Աղբյուր՝ france24.com
SKA նախագծին մասնակցող երկրները պաշտոնապես հաստատել են համանուն ռադիոաստղադիտարանի կառուցման ծրագիրը: Այն տեղակայված կլինի Արևմտյան Ավստրալիայում: Ռադիոաստղադիտարանի կառուցումը նախատեսվում է ավարտել մինչ 2028 թվականը: Նախագծի համար կհատկացվի ավելի քան 2 միլիարդ եվրո, դրան մասնակցում են յոթ երկրներ, այդ թվում՝ Չինաստանը և Միացյալ Թագավորությունը:
Աղբյուր՝ nauka.tass.ru
Ագիլերան և Սփիրսը երիտասարդ տարիներին հաճախ ընկալվում էին որպես մրցակիցներ: Այժմ Ագիլերան հայտարարել է, որ աջակցում է իր վաղեմի գործընկերուհուն՝ խնամակալության մասին դատական գործի շուրջ պայքարում: «Անընդունելի է, որ որևէ կին կամ մարդ, ով ցանկանում է վերահսկել իսեփական ճակատագիրը, չի կարող ապրել այնպես, ինչպես ցանկանում է», - երկուշաբթի գրել է Ագիլերան Twitter-ում:
Աղբյուր՝ cnn.com
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
