Կարճ լուրեր
Մարինա Մակսիմովայի (МакSим) ներկայացուցիչ Յանա Բոգուշևսկայան հերքել է երգչուհու լյարդի ախտահարման մասին լրատվամիջոցների տեղեկությունները: Մենեջերը հայտարարել է, որ չէր հավատա «բժշկի» կամ «ընկերների», ովքեր չեն կարող իրենց ազգանունը դնել հայտարարության կողքին և նշել հստակ ախտորոշում: Նա կարծում է, որ այդ լուրերը կարող են հիմնված լինել МакSим-ի վերջին հարցազրույցի վրա, որտեղ արտիստուհին խոսել է ալկոհոլի հետ կապված խնդիրների մասին:
Աղբյուր՝ gazeta.ru
Հունիսի 30-ին՝ ժամը 19.30, Արամ Խաչատրյան համերգասրահում տեղի կունենա Էդուարդ Հայրապետյանի Թավջութակի չորրորդ կոնցերտի հայաստանյան պրեմիերան։ Մենակատար՝ Նարեկ Հախնազարյան։ Համերգային ծրագրում կներկայացվեն նաև հատվածներ Սերգեյ Պրոկոֆևի «Ռոմեո և Ջուլիետ» բալետից։ Հայաստանի պետական սիմֆոնիկ նվագախումբը կղեկավարի դիրիժոր Ջուն Սան Պարկը։
Աղբյուր՝ Հայաստանի պետական սիմֆոնիկ նվագախումբ
Ֆինն հնէաբանները հայտնաբերել են փորագրված փայտե գավազան, որը, հնարավոր է, օգտագործել են քարե դարաշրջանի շամանները ծեսերի համար: Կատարյալ պահպանված արտեֆակտը թվագրվում է նեոլիթյան ժամանակաշրջանին՝ քարե դարաշրջանի պատմության վերջին փուլը: Հնէաբանների խոսքով՝ գտածոն 4400 տարեկան է:
Աղբյուր՝ dailymail.co.uk
«Մանչեսթեր Սիթին» հայտարարել է կիսապաշտպան և թիմի ավագ Ֆերնանդինյոյի հետ պայմանագրի երկարաձգման մասին: 36-ամյա բրազիլացու հետ նոր պայմանագիրը ստորագրվել է մեկ մրցաշրջանի համար և ուժի մեջ է մինչև 2021/22 մրցաշրջանի ավարտը:
Աղբյուր՝ korrespondent.net
Հունիսի 29-ին տեղի ունեցավ «Կուդանկուլամ» ԱԷԿ-ի (Հնդկաստանի Հանրապետություն) 5-րդ էներգաբլոկի ռեակտորի շենքի հիմքի առաջին բետոնի լցման հանդիսավոր արարողությունը, որը նշանավորեց ատոմակայանի երրորդ փուլի կառուցման հիմնական շրջանի պաշտոնական մեկնարկը:
Աղբյուր՝ "Ռոսատոմ" պետկորպորացիա
Հասան Աքուսը / Թուրքիա / ժամանակավորապես վայր է դրել ծանրամարտի եվրոպական ֆեդերացիայի / EWF / նախագահի պաշտոնը: Պատճառը միջազգային դոպինգ թեստավորման գործակալության (ITA) մեղադրանքներն են, հատկապես՝ հակադոպինգային կանոնների խախտումները կոծկելը: Նախագահի ժամանակավոր պաշտոնակատար է նշանակվել EWF-ի առաջին փոխնախագահ, ռուսաստանցի Մաքսիմ Ագապիտովը:
Աղբյուր՝ ՀԱՕԿ
Բրազիլիայի նախագահ Ժաիր Բոլսոնարուն հրամանագիր է ստորագրել, որը թույլատրում է զորքեր մտցնել Ամազոն՝ բնապահպանական հանցագործությունների և ապօրինի անտառահատումների դեմ պայքարի շրջանակներում:
Աղբյուր՝ ria.ru
Իսպանացի երգիչը երկուշաբթի կգլխավորի Մարիինյան թատրոնի նվագախումբը: Նրա ղեկավարությամբ թատրոնի Նոր բեմում կներկայացվի Քամիլ Սեն-Սանսի «Սամսոն և Դելիլա» օպերան`թատերախմբի առաջատար մենակատարների մասնակցությամբ: Չորեքշաբթի նույն բեմում տեղի կունենա «Սարսուելան Պլասիդո Դոմինգոյի հետ» համերգը: Երեկոները ներառված են Պետերբուրգում անցկացվող «Սպիտակ գիշերների աստղերը» միջազգային փառատոնի ծրագրում:
Աղբյուր՝ tass.ru
Իսրայելի արտաքին գործերի նախարար Յայիր Լապիդը երեքշաբթի ժամանել է Արաբական Միացյալ Էմիրություններ: Այն իսրայելցի նախարարի առաջին պաշտոնական այցն է՝ սեպտեմբերին երկու երկրների միջեւ հարաբերությունների կարգավորումից հետո: Իսրայելցի նախարարները նախկինում այցելել են Արաբական Միացյալ Էմիրություններ, սակայն նորանշանակ Լապիդն ամենաբարձրաստիճան իսրայելցին է և առաջինն է, ով մեկնում է պաշտոնական առաքելության:
Աղբյուր՝ france24.com
Արեւելյան Երուսաղեմի բնակիչների եւ իսրայելական ոստիկանության միջեւ բախումներ են տեղի ունեցել՝ առավելապես արաբներով բնակեցված Սիլուան շրջանում գտնվող շենքի քանդման վայրում: Այս մասին հայտնում է տեղի ոստիկանությունը: Նշվում է, որ իրավապահները բերման են ենթարկել երեք պաղեստինցիների, որոնք կասկածվում են խուլիգանություն կատարելու և ոստիկանության աշխատակիցների վրա հարձակման մեջ:
Աղբյուր՝ gazeta.ru
դատարանի նկատմամբ արհամարհանքի համար: Հարավաֆրիկյան Հանրապետության Գերագույն դատարանը երեքշաբթի դատապարտեց նախկին նախագահ Ջեյքոբ Զումային 15 ամսվա ազատազրկման: Նա հրաժարվել էր ներկայանալ կաշառքի գործով քննիչներին: 79-ամյա Զուման մեղադրվում է՝ իր իշխանության գրեթե իննամյա կառավարման ընթացքում պետական գանձարանը թալանելու մեջ:
Աղբյուր՝ france24.com
Ռուսաստանում կորոնավիրուսի պատճառով օրական մահացությունների թիվն աճել է 652-ով`մեկ օր առաջվա 611-ի դիմաց, սա առավելագույն ցուցանիշն է համավարակի սկզբից ի վեր: Ընդհանուր առմամբ, երկրում վարակից մահացել է 134 545 մարդ:
Աղբյուր՝ tass.ru
«J Hotel Shanghai Tower»-ը որը բացվել է հունիսի 19-ին, ավելին է, քան պարզապես ևս մեկ շքեղ հյուրանոցը: Այն հավակնում է լինել աշխարհի ամենաբարձր հյուրանոցը: «J» հյուրանոցը զբաղեցնում է Շանհայի՝ 632 մետր բարձրությամբ աշտարակի վերջին հարկերը: Աշտարակը ամենաբարձր շենքն է ամբողջ Չինաստանում: «J»-ն ունի 165 համար, որից 34-ը`լյուքս:
Աղբյուր՝ cnn.com
Առնվազն երկու մարդ վիրավորվել է, երկուսը մահացել են ԱՄՆ Տեխաս նահանգում՝ խողովակաշարի սպասարկման ժամանակ գազի պայթյունի հետեւանքով: Տուժածները հոսպիտալացվել են: Պայթյունը տեղի է ունեցել երկուշաբթի օրը Քոլին շրջանում, երբ ենթակապալառուները կատարում էին գազատարի տեխնիկական սպասարկման աշխատանքները:
Աղբյուր՝ ria.ru
Չինաստանի նախագահ Սի Ցզինպինը մեկնարկեց Չինաստանի Կոմունիստական կուսակցության հարյուրամյակի պաշտոնական տոնակատարությունները` «կուսակցության զարգացման գործում ունեցած նշանակալի ներդրման համար» 29 հոգու պատվո մրցանակների հանձման արարողությամբ:
Աղբյուր՝ aljazeera.com
Հոլիվուդյան հայտնի ռեժիսոր Քվենտին Տարանտինոն հայտարարել է, տասներորդ ֆիլմը նկարահանելուց հետո, իր կարիերան ավարտելու մասին: Այս մասին նա խոսել է «Real Time with Bill Maher» երեկոյան շոուի ժամանակ: 58-ամյա կինոգործչի կարծիքով՝ «թոշակի անցնելու» որոշումը պայմանավորված է նրանով, որ ժամանակի ընթացքում «ռեժիսորները ավելի լավը չեն դառնում»:
Աղբյուր՝ korrespondent.net
Անցած 24 ժամվա ընթացքում երկրում վերականգնվել է 678 մարդ: Վերջին օրվա ընթացքում 22 հիվանդ մահացել է կորոնավիրուսից: Ընդհանուր առմամբ, Վրաստանում հայտնաբերվել է կորոնավիրուսով վարակման 365 068 դեպք, որից ապաքինվել է 351 144 մարդ, մահացել է 5297-ը:
Աղբյուր՝ apsny.ge
Շվեյցարիայի դարպասապահը, ով Եվրոպայի առաջնության խմբային փուլի կեսին հեռացավ` երկրորդ դստեր ծննդյան պահին կնոջ հետ լինելու համար, իրականացրեց իր կյանքի ամենամեծ պաշտպանությունը՝ աշխարհի լավագույն խաղացողներից մեկի դեմ: Շվեյցարացիները 11 մետրանոցների շնորհիվ 5-4 հաշվով հաղթանակ տարան աշխարհի չեմպիոն Ֆրանսիայի նկատմամբ և 67 տարվա ընթացքում առաջին անգամ տեղ գրավեցին ֆուտբոլի խոշոր մրցաշարի քառորդ եզրափակչում:
Աղբյուր՝ apnews.com
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
