Կարճ լուրեր
Հարվարդի համալսարանի և Մասաչուսեթսի տեխնոլոգիական ինստիտուտի ամերիկացի մասնագետները մշակել են պաշտպանիչ դիմակ, որով կարելի է որոշել՝ արդյոք այն կրող անձը վարակված է կորոնավիրուսով: Գիտնականները ստեղծել են նախնական տիպի դիմակ`փոքր շարժական սենսորով, որը կարող է կարվել նաև լաբորատորիայի խալաթի կամ այլ հագուստի վրա: Սենսորը արդյունք է ցոյց տալիս դիմակը մոտ մեկուկես ժամ կրելուց հետո:
Աղբյուր՝ gazeta.ru
Հայտնաբերվել է Պաբլո Պիկասոյի նկարը, որը գողացել էին ինը տարի առաջ հունական պատկերասրահում կողոպուտի ժամանակ: Երկուշաբթի օրը Աթենքում ոստիկանությունը հայտնեց, որ Պիկասոյի «Կնոջ գլուխը» հայտնաբերվել է 1905 թ.-ին Պիետ Մոնդրիանի ստեղծած հողմաղացի նկարը հետ միասին: Արվեստի գործերը հանվել էին իրենց շրջանակներից վաղ առավոտյան տեղի ունեցած հարձակման ժամանակ, որն իրականացնելը տևել էր ընդամենը մի քանի րոպե:
Աղբյուր՝ bbc.com
Երկրի հյուսիս - արեւմուտքում հունիսի 28-ին սկսել Է ժայթքել Ռինկոն դե լա Վիեխա հրաբուխը: Հրաբուխը 2 կիոմետր բարձրությամբ մոխրի սյուն Է արտանետել, ավերածությունների կամ տուժածների մասին չեն հայտնում: Կոստա Ռիկայի իշխանությունները բնակիչներին նախազգուշացրել Է, որ արտանետումները կարող են լցվել գետերի հունը հորդորել են զերծ մնալ գետերի մոտ գտնվելուց:
Աղբյուր՝ iz.ru
Շերլոք Հոլմսը կյանք է վերադառնում՝ այս անգամ աուդիոգրքի տեսքով: Storytel-ը (STORYb.ST) պայմանագիր է կնքել Conan Doyle Estate-ի հետ աուդիոգրքային նոր պատմությունների համար, որոնք կգրի վիպասան Էնթոնի Հորովիցը:
Աղբյուր՝ reuters.com
Ավիացիոն գործունեության մեկ շաբաթվա ընթացքում ամենադժվար շրջաններում ՝ Յակուտիայի և Իրկուտսկի մարզում, ավելի քան 1,6 հազար տոննա ջուր է ծախսվել՝ հրդեհները մարելու համար:
Աղբյուր՝ tass.ru
Շվեդիայի վարչապետ Ստեֆան Լյովենը երկուշաբթի օրը հայտարարեց, որ հրաժարականի դիմում է ներկայացրել՝ խորհրդարանի նախագահին հանձնարարելով գտնել նոր վարչապետի այն բանից հետո, երբ անցյալ շաբաթ Սոցիալ-դեմոկրատական առաջնորդը կառավարությունից անվստահության քվե ստացավ:
Աղբյուր՝ cnn.com
Իսլամական հեղափոխության պահապանների կորպուսի հրամանատար Հոսեյն Սալամին հայտարարել է, որ իրանցի զինվորականներն իրենց տրամադրության տակ ունեն անօդաչու թռչող սարքեր, որոնք կարող են անցնել յոթ հազար կիլոմետր առանց վայրէջքի: ԶԼՄ-ների հաղորդմամբ՝ սա Իրանի համար ռեկորդային ցուցանիշ է: Մինչ այժմ «Գազա» անօդաչու թռչող սարքերն ամենամեծ հեռահարությունն ունեին Իրանում:
Աղբյուր՝ korrespondent.net
Գյումրեցի բռնցքամարտիկ Հովհաննես Բաչկովը / 63 կգ / կմիանա օլիմպիական թիմին: Սպասվելիք մարզահանդեսի համար Հայաստանի թիմն այս պահին ունի 14 մասնակից: Սպասվում են նոր համալրումներ:
Աղբյուր՝ ՀԱՕԿ
Նախնական հաշվարկները ցույց են տալիս, որ Ղրիմում հունիսի 16-20-ի ընթացքում անձրևի և ջրհեղեղի պատճառած ուղղակի վնասը կազմել է շուրջ 12,5 միլիարդ ռուբլի, երկուշաբթի հայտնել է տարածաշրջանի ղեկավար Սերգեյ Ակսենովը: Ամենից շատ միջոցները ծախսվելու են ճանապարհների նորոգման վրա:
Աղբյուր՝ tass.ru
Համբուրգի կենդանաբանական այգու «էքստրասենս» փիղը կանխատեսել է, որ երեքշաբթի օրը Եվրո-2020-ի 1/8 եզրափակչում Գերմանիան կհաղթի Անգլիային: 42-ամյա Յաշոդան ճիշտ է կռահել, որ Գերմանիան խմբային փուլի առաջին խաղում կպարտվի Ֆրանսիային, կհաղթի Պորտուգալիային, այնուհետև ոչ-ոքի կխաղա Հունգարիայի հետ: Հագենբեկի կենդանաբանական այգում նա հյուսված զամբյուղից հանեց ոչ թե Անգլիայի, այլ Գերմանիայի դրոշը՝ ուրախացնելով իրեն տեսնելու եկած շատ երկրպագուների:
Աղբյուր՝ aljazeera.com
Կանադայի Արևմուտքում գտնվող Բրիտանական Կոլումբիա նահանգի Լիթոն քաղաքում ռեկորդային ջերմություն է գրանցվել՝ 46,6 աստիճան ըստ Ցելսիուսի, հայտնում է տեղական օդերևութաբանության ծառայությունը: Ծառայությունը նշում է, որ քաղաքը «գերազանցել է Կանադայի ամենաբարձր ջերմաստիճանի ռեկորդը»:
Աղբյուր՝ ria.ru
Չինաստանի Չենդու քաղաքում պաշտոնապես սկսել է գործել երկար սպասված Թիանֆու միջազգային օդանավակայանը: Չենդուն՝ Սիչուան նահանգի վարչական կենտրոնը, այժմ, Շանհայից ու Պեկինից հետո, երկրի երրորդ քաղաքն է, որն ունի երկու միջազգային օդանավակայան: Մոտավորապես 70 միլիարդ չինական յուան (10,8 միլիարդ դոլար) է ծախսվել ավիացիոն խոշոր հանգույցի կառուցման համար: Այն ի վիճակի է տարեկան մինչև 60 միլիոն ուղևոր սպասարկել:
Աղբյուր՝ cnn.com
Բորդո քաղաքում մի ֆրանսիացի ոստիկանությանն է փոխանցել 85 հազար եվրո, որը գտել փղի արձանիկի ներսում: Հայտնաբերման հեղինակի խոսքով՝ նա գտել է հուշանվեր արձանիկը Մերինյակ համայնքի կենտրոնում՝ այլ մանրուքների կույտով լի մայթի վրա: Գումարը մուտքագրվել է Պետական ավանդների և կոնսիգնացիայի հիմնադրամ: Իրավապահ մարմինների աշխատակիցների կարծիքով՝ այս «գանձը», ամենայն հավանականությամբ, կապված է թմրանյութերի մաֆիայի հետ:
Աղբյուր՝ ria.ru
Դեվիսի գավաթի խաղարկության չորրորդ խմբի մրցաշարն անցկացվեց Հյուսիսային Մակեդոնիայի մայրաքաղաք Սկոպիեում: Հայաստանի տղամարդկանց հավաքականի թենիսիստները հաղթեցին / 2:1 / Ալբանիայի թիմին: Մեր հավաքականը վստահ հանդես եկավ նաև ազերիների դեմ պայքարում և կրկին հաղթանակ տոնեց նույն՝ 2:1 հաշվով: Մոնտենեգրոյի / Չեռնոգորիայի / ընտրանու դեմ խաղում Հայաստանի թիմը պարտվեց: Այնուամենայնիվ նախորդ հաղթանակների շնորհիվ մրցաշարի չորրորդ խմբից տեղափոխվեց երրորդ խումբ:
Աղբյուր՝ ՀԱՕԿ
Ֆրանսիայում նախագահ Էմանուել Մակրոնի «Առաջ, հանրապետություն» կուսակցությունը, ինչպես նաև Մարին Լե-Պենի ծայրահեղ աջ «Ազգային միավորումը» պարտվել են տեղական ընտրություններում: Հաղթանակ են տարել աջ հանրապետականները և ավելի փոքր չափով՝ ձախ սոցիալիստները:
Աղբյուր՝ korrespondent.net
Բելգիան կիրակի պարտության մատնեց գործող չեմպիոն Պորտուգալիային՝ դուրս գալով Եվրոպայի առաջնության քառորդ եզրափակիչ: Տորգան Ազարը 42-րդ րոպեին, տուգանայինի մատույցներից դուրս վստահ հարված կատարելով, խփեց հաղթական գոլը: Ռոնալդուին մեկ գնդակ բաժանեց` միջազգային ֆուտբոլի տղամարդկանց բոլոր ժամանակների լավագույն ռմբարկու դառնալուց: Նա 109 գոլով հավասարվել է Իրանի նախկին հարձակվող Ալի Դայիին:
Աղբյուր՝ apnews.com
Անցած 24 ժամվա ընթացքում երկրում ապաքինվել է 808 մարդ: Վերջին մեկ օրում կորոնավիրուսից մահացել է 9 հիվանդ: Ընդհանուր առմամբ, Վրաստանում հայտնաբերվել է կորոնավիրուսային վարակի 363 874 դեպք, որից առողջացել է 350 466 մարդ, մահացել՝ 5275-ը:
Աղբյուր՝ apsny.ge
Տապին սուրճ խմելիս պետք է որոշակի պայմաններ հաշվի առնել: Այս մասին պատմել է սրտաբան, սննդաբան Ասիյատ Խաչիրովան: Նախևառաջ, պետք է հաշվի առնել, որ սուրճը միզամուղ ազդեցություն ունի, նպաստում է մարմնից հեղուկի հեռացմանը, իսկ շոգին ջրի բալանսի պահպանումը առանձնահատուկ կարևորություն ունի: Պետք է զգուշություն ցուցաբերել՝ ամռանը այլ ըմպելիքների հետ խառնած սուրճ օգտագործելիս: Օրինակ, սուրճը էներգետիկ ըմպելիքի հետ համատեղելը լրացուցիչ ծանրաբեռնում է սիրտը, պարզաբանել է բժիշկը:
Աղբյուր՝ ria.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
