Կարճ լուրեր
Եվրամիության առաջնորդները չկարողացան համաձայնության գալ Ֆրանսիայի և Գերմանիայի առաջարկի վերաբերյալ՝ գագաթնաժողով անցկացնել Ռուսաստանի Դաշնության նախագահ Վլադիմիր Պուտինի հետ, այն բանից հետո, երբ Լեհաստանը և Բալթյան երկրները հայտարարեցին, որ դա սխալ ուղերձ կլինի՝ Արևելքի և Արևմուտքի հարաբերությունների վատթարացման ֆոնին:
Աղբյուր՝ france24.com
Չեխիայի արևմուտքում՝ Սոկոլով քաղաքում, գտնվող միջնակարգ դպրոցում դասերի սկզբին 19 դպրոցականներ մեկը մյուսի հետեւից սկսել են կորցնել գիտակցությունը: Այս մասին ուրբաթ՝ հունիսի 25-ին, հայտարարել է շտապօգնության ծառայության ներկայացուցիչ Ռադեկ Գեսը: Դեպքի պատճառը դեռ պարզ չէ՝ սննդային թունավորում կամ որևէ տեսակի գազի արտահոսք», - ասել է Գեսը:
Աղբյուր՝ korrespondent.net
Մեկ տարի առաջ Սիմոնա Հալեպը հնարավորություն չունեցավ պաշտպանել Ուիմբլդոնի 2019 թվականի իր տիտղոսը, քանի որ համավարակի պատճառով մրցաշարը չեղյալ հայտարարվեց: Ուրբաթ օրը կայացած խաղարկությունից անմիջապես առաջ Հալեպը հայտարարեց, որ դուրս է գալիս մեծ սաղավարտի պայքարից`ձախ սրունքի վնասվածքի պատճառով, որը նրան խանգարել էր նաև մասնակցել Ֆրանսիայի բաց առաջնությանը:
Աղբյուր՝ apnews.com
Իրանի հոգևոր առաջնորդ և ղեկավար 82-ամյա Ալի Խամենեին ստացել է կորոնավիրուսային վարակի դեմ իրանական «Իրան Բարաքաթ» պատվաստանյութի առաջին դեղաչափը:
Աղբյուր՝ gazeta.ru
Իսրայելը վերականգնել է փակ տարածությունում դիմակներ կրելու պահանջը՝ կորոնավիրուսի դեպքերի աճի ֆոնին, այն չեղարկելուց օրեր անց: Մտահոգություններն աճել են այն բանից հետո, երբ, այս ամսվա սկզբին զրո դեպք գրանցելուց հետո, վերջին օրերին հաղորդում է օրական ավելի քան 100 նոր դեպք: Դեպքերի մեծ մասը կապված է արտերկրից ներթափանցած Դելտայի տարբերակի հետ:
Աղբյուր՝ bbc.com
Տապը հատկապես վտանգավոր է տարեցների և երեխաների համար, ինչպես նաև նրանց համար, ովքեր տառապում են քրոնիկ հիվանդություններով: Բարձր ջերմաստիճանի դեպքում օրգանների արյան մատակարարումը կարող է խաթարվել, սրտի աշխատանքն ավելանում է, իսկ երակները ընդլայնվում են, հայտնում է Ռուսաստանի գլխավոր թերապևտ Օքսանա Դրապկինան: Տապի անբարենպաստ ազդեցության առաջին նշանները կարող են լինել դյուրագրգռությունը, գլխացավը և աշխատունակության անկումը:
Աղբյուր՝ ria.ru
Հայաստանի պատմության թանգարանը հուլիսի 1-ից կներկայացնի «Դրվագներ ինքնության. Տարազ» խորագիրը կրող ցուցահանդեսը: Ցուցահանդեսին ներկայացվելու են թանգարանի հիմնական հավաքածուից ընտրված տարազային ցուցանմուշներ, առանձին զգեստի մասեր, արդուզարդի պարագաներ, արխիվային լուսանկարներ, որոնց մի մասն առաջին անգամ է ցուցադրվելու հանրությանը: Ցուցահանդեսը կներկայացվի Կառավարության թիվ 2 շենքում:
Աղբյուր՝ ԿԳՄՍ նախարարություն
ՀՀ էկոնոմիկայի նախարարության բուսաբուծության և բույսերի պաշպանության ծրագրի շրջանակում ձեռք են բերվել 500 հատ լոլիկի հարավամերիկյան ցեցի, 100 հատ խնձորենու պտղակերի և 100 հատ խաղողի ողկույզակերի ֆերոմոնային թակարդներ:
Աղբյուր՝ «Գյուղատնտեսական ծառայությունների կենտրոն» ՊՈԱԿ
Երկրում վարակի առաջին դեպքից մինչ օրս COVID-19-ի հաստատված դեպքերի ընդհանուր թիվը 362 183 է: Անցած օրվա ընթացքում վերականգնվել է 614 մարդ, ապաքինվածների ընդհանուր թիվը հասել է՝ 348 267-ի: Անցած 24 ժամվա ընթացքում Վրաստանում գրանցվել է կորոնավիրուսից 9 նոր մահ: Համավարակի սկզբից մինչ այսօրՎրաստանում կորոնավիրուսի զոհ է դարձել 5 237 մարդ:
Աղբյուր՝ apsny.ge
Ուրբաթ օրը փրկարար ծառայությունները հայտնեցին, որ հազվագյուտ պտտահողմ է եղել Չեխիայի հարավ-արևելքում, ինչի հետևանքով զոհվել է առնվազն երեք մարդ, հարյուրավոր մարդիկ վիրավորվել են: Պտտահողմը սկսվել է հինգշաբթի ուշ երեկոյան, երբ ուժեղ ամպրոպ է տեղի ունեցել ողջ երկրում: Յոթ քաղաք և գյուղ մեծ վնասներ է կրել, ամբողջ շենքերը վերածվել են ավերակների, մեքենաները շրջվել են: Մոտ 360 լրացուցիչ ոստիկաններ են ուղարկվել տարածք՝ զինվորականների հետ միասին:
Աղբյուր՝ apnews.com
Ղրղզստանի Առողջապահության և սոցիալական զարգացման նախարար Ալիմկադիր Բեյշենալիևը, որը պատվաստվել է չինական պատվաստանյութով, վարակվել է կորոնավիրուսով: Այս մասին ուրբաթ օրը հաղորդել է երկրի Առողջապահության նախարարությունը: Նախարարության ներկայացուցիչն ասաց, որ Բեյշենալիեւի առողջական վիճակը բավարար է:
Աղբյուր՝ tass.ru
Հունիսի 24-ին տեղի էր ունեցել թուջե խողովակաշարի որոշ հատվածների տեղաշարժ, որի հետևանքով վայրկյանում շուրջ 50 լիտր ոսակորուստ է տեղի ունեցել: 2 ժամ անց վթարը վերացվել է, կայուն ջրամատակարարումը վերականգնվել է:
Աղբյուր՝ Վեոլիա Ջուր
Հունիսի 29-ին` ժամը 15:00-ին, Ա. Սպենդիարյանի տուն-թանգարանի դահլիճում տեղի կունենա Գեորգի Բուդաղյանի «Դիտարկումներ Ա. Սպենդիարովի «Ալմաստ» օպերայի գործիքավորման շուրջ» գրքի շնորհանդես-գինեձոնը: Գիրքը նվիրված է Ա. Սպենդիարյանի ծննդյան 150-ամյակին: Միջոցառման ընթացքում կհնչեն հատվածներ «Ալմաստ» օպերայից՝ Ա. Սպենդիարյանի անվան երաժշտական դպրոցի քանոնահարների անսամբլի կատարմամբ: Մուտքն ազատ է:
Աղբյուր՝ ՀՀ ԿԳՄՍ նախարարության հասարակայնության հետ կապերի եվ տեղեկատվության վարչություն
Ուրբաթ վաղ առավոտյան Քաբուլում և Աֆղանստանի մի շարք այլ քաղաքներում 5,1 մագնիտուդ ուժգնությամբ երկրաշարժ է գրանցվել: Զոհերի և ավերածությունների մասին տեղեկություն դեռ չի հաղորդվում:
Աղբյուր՝ tass.ru
Աֆղանստանի առաջնորդ Աշրաֆ Ղանին այսօր բախվելու է՝ Աֆղանստանում ԱՄՆ ռազմական ներկայության ավարտի դառը իրողությանը, երբ Սպիտակ տանը հանդիպում ունենա Նախագահ Ջո Բայդենի հետ: Թալիբների աճող սպառնալիքի տակ գտնվող իշխանության առաջնորդը հույս է հայտնում, որ ԱՄՆ-ը նշանակալի օգնություն կցուցաբերի իր կառավարությանը, որը մոտ երկու տասնամյակ անց, առաջին անգամ կմնա առանց ամերիկյան զորքերի աջակցության:
Աղբյուր՝ france24.com
Ռուս Սոֆյա Սապեգան և բելառուս ընդդիմադիր լրագրող Ռոման Պրոտասևիչը տնային կալանքի են ենթարկվել: Նրանք ձերբակալվել էին Մինսկում մայիսին այն բանից հետո, երբ Ryanair ինքնաթիռը վայրէջք էր կատարել Աթենքից Վիլնյուս ճանապարհին: Նախօրեին Telegram-ի ալիքներում հայտնվեց մի լուսանկար, որում ենթադրյալ Պրոտասևիչը և Սապեգան հարցազրույցներ էին տալիս: Այժմ Սապեգան մենակ է Մինսկի վարձակալած բնակարանում, BBC-ին հայտնել են նրա ծնողները:
Դերասաններ Սեմյուել Լ. Ջեքսոնը և Դենի Գլովերը այն չորս անձանց թվում են, ովքեր հաջորդ տարի Պատվավոր «Օսկար» կստանան կինոաշխարհում ներդրած ավանդի համար, հինգշաբթի հայտարարել է Կինոարվեստի և գիտության ակադեմիան:
Աղբյուր՝ reuters.com
Բանգկոկում ընտանի թութակը տիրոջ թանկարժեք զարդերով զարդատուփից կուլ է տվել՝ ներսում գտած 21 ադամանդ: Անասնաբուժական կլինիկայում վիրահատմամբ հանել են թանկարժեք քարերը և հիշեցրել, որ թռչունները սիրում են փայլուն առարկաներ և հաճախ պատահաբար ուտում են դրանք, ուստի այդպիսի «արգելված պտուղները» պետք է լավ թաքցվեն:
Աղբյուր՝ gazeta.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
