Կարճ լուրեր
Չորեքշաբթի օրը երեք մարդ է զոհվել Պակիստանի արեւմտյան խոշոր Լահոր քաղաքում ռումբի պայթյունի հետևանքով: Պաշտոնատար անձանց խոսքով՝ հարձակումը ուղղված էր ոստիկանության ու անվտանգության ուժերի դեմ:
Աղբյուր՝ france24.com
Իրանի Հաղորդակցության և տեղեկատվական տեխնոլոգիաների նախարար Մոհամադ-Ջավադ Ազարի Ջահրոմին այսօր՝ հունիսի 23-ին, հերքել է ԱՄՆ լրատվամիջոցների տեղեկություները՝ այս ամսվա ընթացքում Իսլամական Հանրապետության երկու արբանյակների անհաջող արձակման մասին: Նրա խոսքով, իր ղեկավարած գերատեսչությունը դեռ արբանյակներ չի հասցրել տիեզերագնացին և շարունակում է վերահսկել դրանց արձակման աշխատանքները:
Աղբյուր՝ eadaily.com
Արվեստի և արհեստական բանականության համադրությունը Ամստերդամի պետական թանգարանին թույլ տվեց վերստեղծել խորհրդանշական «Գիշերային ժամացույց»-ի հատվածները, որոնքհանվել էին՝ Ռեմբրանդ վան Ռեյնի կողմից դրա ստեղծումից 70 տարի անց: Տպագրված շերտերը այժմ ամբողջացրել են թանգարանի պատվո պատկերասրահում գտնվող 1642 թ. նկարի եզրերը:
Աղբյուր՝ apnews.com
ՈՒԵՖԱ-ի նախկին նախագահ, «Ոսկե գնդակի» եռակի դափնեկիր Միշել Պլատինին Ֆրանսիայի ֆուտբոլի ազգային հավաքականն անվանել է Եվրոպայի առաջնության գլխավոր ֆավորիտ: Ֆրանսիայի հավաքականն իր հաջորդ խաղը կանցկացնի չորեքշաբթի օրը Բուդապեշտում`Պորտուգալիայի ընտրանու հետ:
Աղբյուր՝ tass.ru
ԳԴՀ հեռախոսազրույցներ է ունեցել Ուկրաինայի և Ռուսաստանի նախագահների հետ: Զելենսկիի հետ նա քննարկել է երկկողմ այցերի հեռանկարները, իսկ Պուտինի հետ` Ժնեւում Ջոզեֆ Բայդենի հետ գագաթնաժողովի արդյունքները:
Աղբյուր՝ dw.com
Հրաբխային ակտիվությունը դժվար է կանխատեսել, նույնիսկ երբ այն ուշադրությամբ վերահսկվում է: Սակայն հետազոտողները այժմ կարծում են, որ խառնարանի տարիքը կարող է հուշել՝ ավելի հին հրաբուխների դեպքում քիչ հաճախակի, բայց ավելի խոշոր և ավելի վտանգավոր ժայթքումների մասին:
Աղբյուր՝ dailymail.co.uk
Էրմիտաժի կատու Աքիլլեսը կանխատեսում է արել Եվրոպայի առաջնության խմբային փուլի Շվեդիա - Լեհաստան հանդիպման վերաբերյալ: Խուլ սպիտակ կատուն ընտրել է Շվեդիայի ազգային հավաքականը: Ընտրությունն իրականացվել է ավանդական եղանակով. Լեհաստանի և Շվեդիայի դրոշների կողքին դրվել են կերով լի ամաններ:
Աղբյուր՝ sport-express.ru
Ճապոնիայի Գերագույն դատարանը չորեքշաբթի որոշում կայացրեց սահմանադրական ճանաչել օրենսդրության դրույթը, որն արգելում է ամուսիններին ունենալ տարբեր ազգանուններ: Երկրի բարձրագույն իրավական մարմնի 11 անդամ կողմ է քվեարկեց, չորսը՝ դեմ: Նման վճիռ Գերագույն դատարանն արդեն կայացրել էր վեց տարի առաջ, սակայն այն վիճարկել էին Տոկիոյի երեք ընտանիքներ, որոնք համապատասխան քաղաքացիական հայց էին ներկայացրել:
Աղբյուր՝ tass.ru
5 տարի առաջ բրիտանացիները հանրաքվեով պարզեցին Բրիտանիայի չկարգավորվող հարաբերությունները եվրոպական հարևանների հետ: Ընտրողների որոշումը 2016-ի հունիսի 23-ին փոքր տարբերությամբ էր, բայց հստակ. 52% կողմ և 48% դեմ ձայներով նրանք նախընտրեցին դուրս գալ Եվրամիությունից: Ավել քան 4 տարի պահանջվեց վերջնական բաժանման համար, իսկ նախկին գործընկերները դեռ պայքարում են, ինչպես շատ ամուսնալուծված զույգեր, փողի և վստահության համար:
Աղբյուր՝ apnews.com
Գերմանական ավտոարտադրող Audi-ն ամբողջությամբ կհրաժարվի ներքին այրման շարժիչներով մեքենաներից: Բոլոր նոր մոդելները կլինեն էլեկտրոմոբիլներ 2026 թվականից, իսկ ավանդական մեքենաները աստիճանաբար դուրս կգան արտադրությունից մինչև 2033 թվականը: Այս մասին Բեռլինում կայացած կլիմայի վերաբերյալ կոնֆերանսի ժամանակ հայտարարել է կոնցեռնի ղեկավար Մարկուս Դուզմանը:
Աղբյուր՝ korrespondent.net
Երեքշաբթի իշխանամետ ռազմական աղբյուրները հայտնել են, որ մարտերը Եմենի կառավարական ուժերի և հութի ապստամբների միջեւ, որոնք ձգտում են գրավել հյուսիսային ռազմավարական Մարիբ քաղաքը, երկու օրվա ընթացքում 90 կյանք են խլել:
Աղբյուր՝ france24.com
Անցած 24 ժամվա ընթացքում երկրում ապաքինվել է 575 մարդ: Վերջին մեկ օրում 12 հիվանդ է մահացել կորոնավիրուսից: Վրաստանում ընդհանուր առմամբ հայտնաբերվել է կորոնավիրուսային վարակի 360 828 դեպք, որից առողջացել է 346 792 մարդ, մահացել է 5211-ը:
Աղբյուր՝ apsny.ge
Աֆղանստանում հիվանդանոց է հրթիռակոծվել, որի հետևանքով հրդեհ է բռնկվել՝ պատճառելով մեծ վնասներ և ոչնչացնելով COVID-19-ի պատվաստանյութերը: Հարձակման մեջ կասկածվում են թալիբ գրոհայինները: Զոհերի մասին տեղեկություններ չեն հաղորդվել:
Աղբյուր՝ reuters.com
Բրիտանական ռազմաօդային ուժերի 617-րդ ստորաբաժանման F-35B ինքնաթիռները, որոնք հիմնված են HMS Queen Elizabeth ավիակիրի վրա, հունիսի 22-ին կատարել է առաջին մարտական թռիչքները Իրաքում և Սիրիայում՝ ԴԱԻՇ ահաբեկչական խմբավորման դեմ ամերիկյան և բրիտանական համատեղ առաքելությունների շրջանակներում:
Աղբյուր՝ eadaily.com
Հին Եգիպտոսը ծանոթացել է ժամանակակից բժշկական տեխնոլոգիային, երբ մումիայի գաղտնիքները հայտնաբերելու հետազոտական նախագծի շրջանակներում՝ Իտալիայի հիվանդանոցներից մեկում կատարվել է տոմոգրաֆիկ հետազոտություն: Հին եգիպտական քուրմ Անխեխոնսուի մումիան տեղափոխվել է Բերգամոյի քաղաքային հնագիտական թանգարանից Միլանի «Պոլիկլինիկո» հիվանդանոց, որտեղ մասնագետները լույս կսփռեն գրեթե 3000 տարի առաջվա նրա կյանքի և թաղման սովորությունների վրա:
Աղբյուր՝ reuters.com
Amblin Partners-ը՝ Սթիվեն Սփիլբերգի գլխավորությամբ, և Netflix հոսքային ծառայությունը համագործակցության պայմանագիր են կնքել: Այժմ Սփիլբերգի կազմակերպությունը պլատֆորմի համար տարեկան առնվազն երկու նոր գեղարվեստական կինոնկար կթողարկի:
Աղբյուր՝ ria.ru
Գիտնականները ապացույցներ են գտել այն մասին, որ Վեներայի մակերեսի մասերը շարժվում են, ինչպես մայրցամաքի մասերը՝ Երկրի վրա: Եվ չնայած այս շարժը, հավանաբար, պայմանավորված չէ սալերի տեկտոնիկայով, ինչպես Երկրի վրա, այն կարող է լինել այս գործընթացի «զարմիկը»: ՆԱՍԱ-ն պատրաստվում է երկու տիեզերանավ՝ Veritas and DaVinci+, ուղարկել Վեներա մինչ այս տասնամյակի ավարտը:
Աղբյուր՝ bbc.com
Բրիտանացի փողոցային նկարիչ Բենքսին հերթական անգամ կորցրել է իր աշխատանքի նկատմամբ մտավոր սեփականության հեղինակային իրավունքը: Վեճի առարկաներն այս անգամ երկու մոնոխրոմ գրաֆիտի էին՝ «Ռումբը գրկած» և «Սիրահարված առնետը»: Այսպիսով, վերջին 10 ամիսների ընթացքում Բենքսին կորցրել է մտավոր սեփականության իրավունքը իր վեց աշխատանքների նկատմամբ:
Աղբյուր՝ tass.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
