Կարճ լուրեր
Հնդկաստանի կառավարությունը երկու բարձրաստիճան պաշտոնյաներին ուղարկել է երկրի տարբեր շրջաններ այն բանից հետո, երբ պարզվել է, որ զույգը ստիպել է Դելիի ազգային մարզադաշտը շուտ փակել՝ իրենց շանը զբոսանքի տանելու համար: Սանջև Քիրվարը և նրա կինը՝ Ռինկու Դուգան, երկուսն էլ մայրաքաղաքի կառավարության աշխատակիցներ են:
Աղբյուր՝ independent.co.uk
ԱԻՆ-ը տեղեկացնում է, որ ՀՀ տարածքում ավտոճանապարհները հիմնականում անցանելի են: Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ:
Աղբյուր՝ ՀՀ ԱԻՆ
Իսպանական «Ռեալն» ու անգլիական «Լիվերպուլը» կպայքարեն Եվրոպայի ուժեղագույն ակումբի կոչման համար: Եզրափակիչ խաղը կկայանա մայիսի 28-ին Փարիզում՝ «Ստադ դը Ֆրանս» մարզադաշտում: Եվրոպայի գլխավոր ակումբային մրցաշարում Կարլո Անչելոտիի և Յուրգեն Կլոպի թիմերը հանդիպել են ութ անգամ: «Սերուցքայինները» հաղթանակ են տարել չորս անգամ: «Կարմիրները» հաջողության են հասել երեք անգամ: Մեկ խաղ էլ ավարտվել է ոչ-ոքի:
Աղբյուր՝ vesti.ru
Յուկատան թերակղզու մայրաքաղաք Մերիդայի մերձակայքում գտնվող ապագա արդյունաբերական պարկի տարածքում հնագետները հայտնաբերել են մայաների հինագույն քաղաքի ավերակներ՝ պալատներով, բուրգերով և հրապարակներով: Սիոլ կոչվող տեղանքն ունի մայաների պուուկ ոճի ճարտարապետության առանձնահատկությունները, որոնք տարածված են Յուկատան թերակղզու հարավում, բայց հազվադեպ են հանդիպում Մերիդայում: Հետազոտողները կարծում են, որ քաղաքը բնակեցված է եղել մ.թ. 600-ից 900 թվականներին:
Աղբյուր՝ theguardian.com
Չորեքշաբթի ներկայացվել է արգենտինացի լեգենդ Դիեգո Մարադոնային նվիրված օդանավը ճանապարհորդությունից առաջ, որը կավարտվի այս տարվա վերջին Քաթարում կայանալիք աշխարհի գավաթի խաղարկությանը: Tango D10S-ը՝ 12 տեղանոց ինքնաթիռը, որը ֆինանսավորվել է արգենտինական ֆինտեխ ընկերության կողմից, նախագծված է որպես թռչող թանգարան՝ հարգանքի տուրք մատուցելու Աշխարհի գավաթի նախկին հաղթողին, ով մահացավ 2020 թվականի նոյեմբերին սրտի կաթվածից:
Աղբյուր՝ cnn.com
Ռեժիսորի խոսքով՝ հայտնի չէ՝ ի վերջո մրցանակը կստանա՞ նույնքան բարձր կարգավիճակը: «Միգուցե, եթե դա դառնա համաշխարհային իրադարձություն, և այնպիսի երկրների համար, ինչպիսիք են Չինաստանը, Հնդկաստանը, Հարավային Կորեան, հեղինակավոր լինի այս մրցանակաբաշխությանը մասնակցելը, ապա իմաստ կա, բայց ես չգիտեմ, թե ինչպես կարելի է նրանց համար «Օսկար» դառնալ»,- ասել է Անդրեասյանը: Կինեմատոգրաֆիստը նշել է, որ նման նախագիծը պահանջի ժամանակ, գումար և բարձր մակարդակի կազմակերպիչներ:
Աղբյուր՝ kulturomania.ru
Կապիկ ջրծաղիկով հիվանդները պետք է խուսափեն իրենց ընտանի կենդանիների հետ բոլոր շփումներից 21 օրվա ընթացքում՝ համաձայն Մեծ Բրիտանիայի Առողջապահական անվտանգության գործակալությունը (UKHSA) նոր ուղեցույցների: Մինչ այժմ Մեծ Բրիտանիայում հաստատվել է վիրուսով վարակման 106 դեպք: Ավազամկները, համստերները և այլ կրծողները կարող են հատկապես զգայուն լինել հիվանդության նկատմամբ:
Աղբյուր՝ bbc.com
ԱՄՆ նախկին նախագահ Դոնալդ Թրամփը ելույթ է ունեցել Հյուսթոնում կայացած՝ Ազգային հրաձգային ասոցիացիայի համագումարում: Իր ելույթում նա Վաշինգտոնին հորդորել է միջոցներ ուղղել՝ երեխաներին պաշտպանելու այնպիսի միջադեպերի կրկնվելուց, ինչպիսին տեղի ունեցավ Տեխասում: Միաժամանակ Թրամփը հիշեցրել է Ուկրաինային օգնելու համար 40 միլիարդ դոլար հատկացնելու մասին:
Աղբյուր՝ vesti.ru
Ուրբաթ օրը Մոսկվայի արբիտրաժային դատարանն ընդունել է Առաջին ալիքի հայցն ընդդեմ Google երեք կառույցների: Դատական նյութերում հայցի առարկան և հիմքերը դեռ չեն բացահայտվել, սակայն, դատելով պատասխանող կողմի կազմից, կարելի է ենթադրել, որ հայցով պահանջվում է վերականգնել «Առաջին ալիքի» մուտքը YouTube-ում, որն արգելափակվել էր մարտին՝ ի թիվս ռուսական այլ լրատվամիջոցների շատ ալիքներ:
Աղբյուր՝ ria.ru
Զլատան Իբրահիմովիչը մտադիր է շարունակել խաղալ՝ չնայած «Միլանի» հետ պայմանագրի ավարտին և ծնկի վիրահատությունից հետո անհրաժեշտ երկար ընդմիջմանը: Այս մասին ուրբաթ ասել է ակումբի տնօրեն Պաոլո Մալդինին: «Որքանով ես հասկանում եմ, նրա մտադրությունը շարունակելն է»,- ասել է Մալդինին Gazzetta dello Sport-ին տված հարցազրույցում երկու օր անց այն բանից հետո, երբ հարձակվողը, ով հոկտեմբերին դառնում է 41 տարեկան, վիրահատվեց:
Աղբյուր՝ france24.com
Reddit հանրահայտ առցանց ֆորումի օգտատերը տեղադրել է փղերի ընտանիքի լուսանկար, որի տակ անմիջապես բազմաթիվ մեկնաբանություններ են հայտնվել: Լուսանկարում պատկերված են խոտերի վրա քնած երկու խոշոր հնդկական փղեր և նաև չորս ձագեր: Մեկնաբանություններից մեկում ասվում է. «Ամենագեղեցիկ բանը, որ երբևէ տեսել եմ իմ կյանքում»:
Նրա «Ավազե գերեզմանը» վեպը ներկայացնում է Հնդկաստանի բաժանման ստվերում ութսունամյա մի այրու ընտանեկան սագան՝ ամուսնու մահից հետո: Այն հինդի լեզվով գրված առաջին գիրքն, որն ընդգրկվել է 50,000 ֆունտ ստեռլինգ արժողությամբ մրցանակի կարճ ցուցակում:
Աղբյուր՝ bbc.com
Թուրինի «Յուվենտուսի» կիսապաշտպան Աարոն Ռեմսին կարող է հեռանալ ակումբից, հայտնում է լրագրող Նիկոլո Շիրան: Աղբյուրի փոխանցմամբ՝ թուրինցիները դիտարկում են 31-ամյա ուելսցու հետ պայմանագիրը վաղաժամ խզելու տարբերակը, որը նախատեսված է մինչև 2023 թվականի ամառ: Կիսապաշտպանը ստանում է տարեկան 7 միլիոն եվրո:
Աղբյուր՝ sport-express.ru
Իրանական պետական լրատվամիջոցներն ուրբաթ հայտնել են, որ Թեհրանը պահանջել է ազատ արձակել հունական իշխանությունների կողմից իրենց ջրերում առգրավված նավը, որը, ենթադրաբար, անցյալ ամիս Վաշինգտոնի ճնշման ներքո է տեղի ունեցել: ԱԳՆ-ը կանչել է Շվեյցարիայի դեսպանին, ով ներկայացնում է Միացյալ Նահանգները Թեհրանում, քանի որ նրանք այնտեղ դեսպանություն չունեն՝ միջադեպի կապակցությամբ դիվանագիտական բողոք ներկայացնելու համար:
Աղբյուր՝ apnews.com
Ամերիկացի դերասանուհի Ջոդի Ֆոսթերը կնկարահանվի HBO-ի «Իրական խուզարկու» սերիալի չորրորդ սեզոնում: Այս մասին հայտնում է Hollywood Reporter-ը: Այն կդառնա Ֆոսթերի ամենամեծ հեռուստատեսային դերը նրա կարիերայի սկզբից ի վեր: Նախագծի ցենարիստը, գործադիր պրոդյուսերը և պատասխանատուն կլինի Իսա Լոպեսը: «Իրական խուզարկուի» չորրորդ սեզոնը կոչվում է «Գիշերային երկիր»:
Աղբյուր՝ kulturomania.ru
Իրաքի խորհրդարանն ընդունել է օրենք, որը հանցագործություն է համարում Իսրայելի հետ հարաբերությունների կարգավորումը, իսկ օրենքը խախտողները կարող են պատժվել մահապատժով կամ ցմահ ազատազրկմամբ: «Սիոնիստական կազմակերպության հետ հարաբերությունների նորմալացումն ու հաստատումը քրեականացնող» օրենքը ընդունվել է հինգշաբթի Իրաքի 329 տեղանոց վեհաժողովի 275 պատգամավորների ձայներով:
Աղբյուր՝ aljazeera.com
Ալեք Բոլդուինի մայրը՝ Քերոլը, մահացել է 92 տարեկանում: Այս մասին հայտնում է TMZ-ը՝ հղում անելով դերասանի և նրա եղբայրների հայտարարությանը: Կնոջ մահվան պատճառը հայտնի չէ, սակայն հայտնի է, որ 1991 թվականին նրա մոտ կրծքագեղձի քաղցկեղ էր ախտորոշվել: Ծանր հիվանդության հայտնաբերումից հետո կինը երկար տարիներ ակտիվորեն աջակցել է ուռուցքաբանական հիվանդությունների ուսումնասիրությանը: Քերոլը ուներ 6 զվակ, 25 թոռ և 14 ծոռ:
Աղբյուր՝ vesti.ru
Ջասթին Թիմբերլեյքը վաճառել է իր երգերի իրավունքները, այդ թվում՝ «Cry Me A River» և «Rock Your Body» հիթերը Hipgnosis Song Management-ին: Գործարքի ֆինանսական պայմանները չեն բացահայտվել, սակայն Wall Street Journal-ի զեկույցում ասվում է, որ գործարքը արժեցել է 100 միլիոն դոլարից մի փոքր ավել:
Աղբյուր՝ reuters.com
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
