Կարճ լուրեր
Հնդկաստանի Մահարաշտրա նահանգում հայտնաբերվել է կորոնավիրուսի նոր շտամով վարակման 20 դեպք, դրան տրվել է «դելտա պլյուս» անվանումը (B.1.617.2.1): Այս շտամը կարող է նվազեցնել վերականգնված և պատվաստված մարդկանց մոտ հակամարմինների ակտիվությունը:
Աղբյուր՝ lenta.ru
Արագավազորդ Ուսեյն Բոլտը երկվորյակ տղաներ է ունեցել՝ Թանդեր Բոլտ և Սենթ Լեո Բոլտ անուններով: Օլիմպիական չեմպիոնը տեղադրել է իր և զուգընկերուհի Քասի Բենեթի լուսանկարը՝ իրենց երկվորյակ տղաների և մեկ տարեկան դստեր՝ Օլիմպիա Լայթնինգի հետ: Զույգը չի հայտնել, թե կոնկրետ երբ են լույս աշխարհ եկել երկվորյակները:
Աղբյուր՝ bbc.com
Էրմիտաժի Աքիլլես կատուն կանխատեսել է Բելգիայի ազգային հավաքականի հաղթանակը՝ Ֆինլանդիայի հավաքականի հետ Ֆուտբոլի Եվրոպայի առաջնության խաղում, որը կկայանա հունիսի 21-ին Սանկտ Պետերբուրգում:
Աղբյուր՝ tass.ru
Անցյալ շաբաթ թոքաբորբով հոսպիտալացված երգչուհի МакSим-ը արհեստական կոմայի մեջ կմնա մոտ 3-4 օր: Նշվում է, որ երգչուհին միացված է թոքերի արհեստական շնչառության սարքին: Միևնույն ժամանակ, բժիշկներն հաստատում են, որ այս պահին արտիստուհու վիճակում «անհանգստանալու առիթ չկա»:
Աղբյուր՝ kulturomania.ru
Անցած 24 ժամվա ընթացքում երկրում ապաքինվել է 834 մարդ: Վերջին մի քանի օրվա ընթացքում կորոնավիրուսից մահացել է 15 հիվանդ: Ընդհանուր առմամբ, Վրաստանում հայտնաբերվել է կորոնավիրուսային վարակի 359 141 դեպք, որից վերականգնվել է 345 582 մարդ, մահացել է 5175-ը:
Աղբյուր՝ apsny.ge
Ջոյսը երկուշաբթի, կուսակցության քվեարկության արդյունքում, հաղթեց Մայքլ Մաքքորմակին:
Աղբյուր՝ bbc.com
Ինտերնետային հաշիվների գաղտնաբառը պետք է փոխվի առնվազն երեք ամիսը մեկ անգամ, և նաև չօգտագործել հիմնական բանկային քարտը առցանց գնումների համար` խարդախություններից պաշտպանվելու համար: Այս մասին հայնտել է՝ տեղեկատվական անվտանգության ոլորտի առաջատար Cross Technologies ընկերության խորհրդատվական խմբի ղեկավար Ելիզավետա Տուտովա:
Աղբյուր՝ ria.ru
Սթրեսի բարձր մակարդակի հետ կապված երկու մոլեկուլներ պատճառ են հանդիսանում կոտրված սրտի սինդրոմի առաջացման՝ մի իրավիճակի, որը հիմնականում վնասում է հետմենոպաուզային շրջանում գտնվող կանանց կամ արտահայտվում է, օրինակ՝ սիրելի մարդուն կորցնելու ծանր սթրեսի դեպքում: Սինդրոմը գիտականորեն կոչվում է Տակոցուբո կարդիոմիոպաթիա, որը որի դեպքում դիտվում է սրտի մկանային շերտի հանկարծակի զարգացող անցողիկ թուլություն: Այն հայտնաբերվել է 1990 թվականին Ճապոնիայում:
Աղբյուր՝ theguardian.com
Իտալիայի հավաքականը՝ գլխավոր մարզիչ Ռոբերտո Մանչինիի գլխավորությամբ, կրկնել է 1939 թվականից ի վեր իրենց լավագույն արդյունքը: Իտալացիներն անցկացրել են 30 անպարտելի հանդիպում: Վերջին անգամ թիմը պարտվել էր Պորտուգալիայի ազգային հավաքականին Ազգերի լիգայում 2018 թվականի սեպտեմբերի 10-ին (0: 1): Իտալիայի ազգային հավաքականը A խմբում գրավեց առաջին տեղը Եվրո-2020-ի երրորդ տուրի խաղում հաղթելով Ուելսին (1: 0):
Աղբյուր՝ gazeta.ru
Չինաստանը մեկուսացված կլինի, եթե թույլ չտա, որ միջազգային փորձագետները գան ուսումնասիրելու կորոնավիրուսի առաջացման հանգամանքները, ասել է ԱՄՆ ազգային անվտանգության հարցերով խորհրդական Ջեյք Սալիվանը:
Աղբյուր՝ ria.ru
Հյուսիսային Կորեայում ԱՄՆ հատուկ ներկայացուցիչ Սոն Կիմը հնգօրյա այցով գտնվում է Հարավային Կորեայում՝ Փհենյանի հետ ապամիջուկայնացման բանակցությունների փակուղու ֆոնին և առանց Հյուսիսի հետ կապվելու ծրագրված ջանքերի մասին որևէ խոսքի: Կիմը ժամանել էր շաբաթ օրը, որից մեկ օր առաջ Հյուսիսային Կորեայի պետական լրատվամիջոցները հաղորդել էին, որ որ առաջնորդ Կիմ Չեն Ընը կոչ է արել պատրաստվել ինչպես երկխոսության, այնպես էլ առճակատման ԱՄՆ-ի հետ:
Աղբյուր՝ reuters.com
Գերմանիայի ոստիկանությունը տեղեկատվություն է փնտրում այն բանից հետո, երբ 17-րդ դարի երկու արժեքավոր նկարներ հայտնաբերվեցին ճանապարհի եզրին գտնվող բեռնարկղում: Ենթադրվում է, որ յուղաներկով նկարները հոլանդացի նկարիչ Սամուել վան Հոգստրատենի և իտալացի Պիետրո Բելոտիի աշխատանքներն են:
Աղբյուր՝ bbc.com
Բուլղարիայի Սամոկով քաղաքում անցկացվեց Եվրոպայի ազատ ըմբշամարտի պատանեկան առաջնությունը: Հայաստանի պատվիրակությունը մրցավայր էր մեկնել ինը ըմբիշով: Նրանցից յոթը դարձան մեդալակիր: Պատվո պատվանդանի չեմպիոնական աստիճանին կանգնեցին Անդրանիկ Ավետիսյանը և Արեն Իսրայելյանը: Հայկ Գասպարյան դարձավ փոխչեմպիոն: Սարգիս Բեգոյանը, Անուշավան Բարսեղյանը, Նարեկ Գրիգորյանը և Տիգրան Բունիաթյանը արժանացան բրոնզե պարգևների: Թիմային հաշվարկում առաջ թողնելով միայն ՌԴ ըմբիշներին, մեր ազատ ոճայինները գրավեցին պատվավոր երկրորդ տեղը:
Աղբյուր՝ ՀԱՕԿ
Ըստ ալերգոլոգ-իմունոլոգ Վլադիմիր Բոլիբոկի, օրգանիզմի պաշտպանությունը բարելավելու ամենաարդյունավետ մեթոդը կարելի է համարել միայն մեկը՝ դեղորայքայինը: Իմունիտետն արագորեն բարձրացնելու համար նա խորհուրդ տվեց դեղեր վերցնել իմունոմոդուլացնող դեղամիջոցների խմբից:
Աղբյուր՝ lenta.ru
Ընկերությունը հայտնեց, որ հունիսի 4-ին Թաթարստանում գտնվող Ուրենգոյ-կենտրոն 1 գազատարի վերանորոգման աշխատանքների ընթացքում տեղի է ունեցել 2.7 միլիոն խորանարդ մետր մեթանի արտահոսք: Ռուսական ընկերությունը ստանձնել է արտահոսքի պատասխանատվությունը:
Աղբյուր՝ bloomberg.com
Գերմանացիների համար Հայրենական մեծ պատերազմի սկզբի օրը ամոթի առիթ է: Գերմանիան ընդունում է իր պատասխանատվությունը նացիստական ռեժիմի հանցագործությունների համար, սա ներառում է կատարվածի հիշողությունը պահպանելը, տեսաուղերձում ասել է Գերմանիայի կանցլեր Անգելա Մերկելը:
Աղբյուր՝ ria.ru
«Աստոն Վիլլան» հայտարարել է պաշտպան Բյորն Էնգելսին «Անտվերպենին» տեղափոխվելու մասին: Տրանսֆերի գումարի մասին չի հաղորդվել: 26-ամյա բելգիացին բուժզննում կանցնի հաջորդ շաբաթ:
Աղբյուր՝ sport-express.ru
Ջեֆրի Դադերը կատվաձուկ էր բռնել Մասաչուսեթսի Քեյփ Քոդ ծովածոցում: Ավելի ուշ նա տեղադրել էր մի տեսանյութ, որտեղ նա ձկանը դնում է իր նավակի եզրին և ասում՝ «գիտե՞ք, թե ինչպես ձկանը խուտուտ տալ», և հաստ ձեռնոցներով դիպչում է կատվաձկանը: Ու թեև նա պնդում էր, որ թվում է՝ ձուկը քրքջում է, որոշ մարդիկ պնդում էին, որ նա խեղդվում է:
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
