Կարճ լուրեր
ԱՄՆ նախագահ Ջո Բայդենը ցանկություն է հայտնել այցելել Թուրքիա: Դեռևս ժամկետներ չեն նշվել, այս ուղղությամբ նախնական աշխատանքներ են սկսվել: Այս մասին հայտարարել է Թուրքիայի ղեկավար Ռեջեփ Թայիփ Էրդողանը:
Աղբյուր՝ korrespondent.net
Հյուսիսային Հռենոս-Վեսթֆալիա դաշնային նահանգի Էսպելկամպ քաղաքում տեղի ունեցած հրաձգության հետևանքով սպանվել է մեկ կին և մեկ տղամարդ: Նախնական տվյալներով՝ հանցագործին հաջողվել է փախչել:
Աղբյուր՝ ria.ru
Ավստրալիան նոր բնական աղետ է պատել: Հրդեհներից, ջրհեղեղներից և երաշտից հետո երկրում տեղի ունեցավ մկների ժանտախտը՝ կրծողների հսկայական արշավանք: Մկները ներխուժում են տներ, ոչնչացնում բերքը, կրծում կենցաղային տեխնիկան, բազմոցները, մեքենաները և մարդկանց զրկում ապրուստի միջոցներից:
Աղբյուր՝ korrespondent.net
Ռաֆայել Նադալը չի խաղա Ուիմբլդոնում և Տոկիոյի Օլիմպիական խաղերում՝ հինգշաբթի օրը ասելով, որ «լսելով» իր մարմնին որոշել է բաց թողնել երկու մրցաշարերը:
Աղբյուր՝ apnews.com
Թուրքիայի նախագահ Թայիփ Էրդողանը նախատեսում է հանդիպում անցկացնել Ռուսաստանի նախագահ Վլադիմիր Պուտինի հետ: Նրա խոսքով՝ հանդիպումը տեղի կունենա շուտով: Միեւնույն ժամանակ, Թուրքիայի ղեկավարը հստակ ժամկետներ չի նշել:
Աղբյուր՝ gazeta.ru
ԱՄՆ կոնգրեսականները հաստատել են ԱՄՆ-ի նոր պետական տոնը, որը նշում է ստրկության ավարտը: Տոնը հայտնի է Juneteenth անվանումով («հունիս» և «տասնինը» բառերի միացությունը) և նշվելու է հունիսի 19-ին՝ 1856 թվականի իրադարձությունների տարեդարձին, երբ քաղաքացիական պատերազմից հետո Տեխասում ազատվեցին վերջին ստրուկները: Այժմ նոր տոնի մասին օրենքը սպասում է Նախագահ Ջո Բայդենի ստորագրությանը:
Աղբյուր՝ abcnews.go.com
Հաղորդվում է, որ նավերից մեկը, հավանաբար, խորտակվել է 14-րդ դարում: Բեկորների թվում մասնագետները հայտնաբերել են չինական կերամիկե իրեր: Գիտնականները ենթադրում են, որ երկրորդ նավը ստեղծվել է Հնդկաստանում և նախատեսված է եղել կոմերցիոն նպատակներով: Նավը, ըստ ենթադրությունների, խորտակվել է Չինաստանից մեկնելիս 1796 թվականին: Վերականգնված նմուշները նախատեսվում է ցուցադրել Սինգապուրի թանգարաններում այս տարվա վերջին:
Աղբյուր՝ kulturomania.ru
Թայիփ Էրդողանն ասել է, որ իր առաջին հանդիպման ժամանակ ԱՄՆ նախագահ Ջո Բայդենին հայտնել է, որ Թուրքիան չի փոխի իր դիրքորոշումը ռուսական Ս-400 հրթիռային պաշտպանության վերաբերյալ, որի դեմ Վաշինգտոնը պատժամիջոցներ է ձեռնարկել Անկարայի նկատմամբ: Բայդենն ու Էրդողանը, երկուշաբթի օրը կայացած դեմ-դիմաց բանակցություններից հետո, լավատես էին թվում, չնայած ՆԱՏՕ-ի դաշնակիցները վեճերի, այդ թվում՝ Ս-400-ի, Սիրիայի և այլ հարցերի շուրջ, որևէ լուրջ բեկում չեն հայտարարել:
Աղբյուր՝ reuters.com
Հնոտիաշուկայում հայտնաբերված նկարը, պարզվել է, ռոք երաժիշտ Դեյվիդ Բոուիի աշխատանքն է: Դրա տերը սովորական մարդ է, ով շուկայում գնել է այն: Կտավը աճուրդի է դրվել Cowley Abbott-ում: Աշխատանքի նախնական գինը 9 հազար դոլար է:
Աղբյուր՝ kulturomania.ru
Չորեքշաբթի օրը տեխնոլոգիական հսկայի գործադիր տնօրեն Նադելլան նշանակվեց խորհրդի նախագահ՝ բարձրացնելով իր ներկայիս դերը աշխարհի ամենաարժեքավոր ընկերություններից մեկում: Նադելլան 2014 թվականից ի վեր զբաղեցնում էր Microsoft-ի գործադիր տնօրենի պաշտոնը:
Աղբյուր՝ cnn.com
Սպասվող խնդիրների պատճառը նա համարում է բերքի անբավարարությունը և կորոնավիրուսը՝ նախազգուշացնելով քաղաքացիներին պատրաստվել բարդ ժամանակահատվածի: Նրա կարծիքով, ընդունված սահմանափակումները դժվարացրել են «բնակչությանը հագուստով, սնունդով և կացարանով ապահովելու պայքարը»:
Աղբյուր՝ korrespondent.net
Դարպասապահ Ջանլուիջի Բուֆֆոնը պայմանագիր է կնքել իտալական «Պարմա» ֆուտբոլային ակումբի հետ: Այդ մասին տեղեկացրել է ակումբի մամուլի ծառայությունը: Հաջորդ մրցաշրջանում ակումբը հանդես կգա Իտալիայի առաջնության երկրորդ դիվիզիոնում:
Աղբյուր՝ tass.ru
Սրտի տարբեր զննումներ անցնելուց հետո, որոշվել է, որ անհրաժեշտություն է առաջացել Քրիստիան Էրիկսենին դեֆիբրիլյատոր՝ այսպես կոչված ICD սարք տեղադրելու: Այն տեղադրվում է սրտի կանգից հետո, որի պատճառը սրտի ռիթմի խանգարումն է։ Դանիացի ֆուտբոլիստը բուժում է անցնում Կոպենհագենում:
Աղբյուր՝ apnews.com
Հնդկաստանի Ինդուար քաղաքում կորոնավիրուսից հետո հիվանդի մոտ ախտորոշվել է «կանաչ բորբոս» կորվող սնկային հիվանդություն: Նախնական տվյալներով՝ սա երկրում «կանաչ բորբոս» հիվանդության առաջին դեպքն է: Նշվում է, որ 34-ամյա տղամարդը վերջին մեկուկես ամսվա ընթացքում բուժում էր անցնում հիվանդանոցում, նրա թոքերը վարակից ախտահարվել էին 90%-ով:
Աղբյուր՝ gazeta.ru
Դիանա Ռոսը երաժշտություն կվերադառնա 22 տարվա ընթացքում առաջին օրիգինալ կատարումներով և 2006 թվականից ի վեր առաջին ալբոմով: Մեկուսացման ընթացքում գրված «Շնորհակալություն»-ը (Thank You) գրվել է տարբեր ժամանակակից փոփ պրոդյուսերների, այդ թվում`Ջեք Անտոնոֆի հետ, որը հայտնի է Թեյլոր Սվիֆթի, Լանա Դել Ռեյի և Լորդի հետ իր աշխատանքներով:
Աղբյուր՝ theguardian.com
Անցած 24 ժամվա ընթացքում երկրում ապաքինվել է 945 մարդ: Վերջին մեկ օրում կորոնավիրուսից մահացել է 18 հիվանդ: Ընդհանուր առմամբ, Վրաստանում հայտնաբերվել է կորոնավիրուսի վարակման 356 920 դեպք, որից վերականգնվել է 342 720 մարդ, մահացել է 5 114-ը:
Աղբյուր՝ apsny.ge
Ներքնազգեստի Victoria's Secret ապրանքանիշը «հրեշտակներ» անվամբ հայտնի իր մոդելները փոխարինում է «ձեռքբերումներով, ոչ թե համաչափությամբ» առանձնացող կանանցով: Օրինակ, ապրանքանիշի մոդելների ցանկում են 35-ամյա ֆուտբոլիստ և գենդերային հավասարության քարոզիչ Մեգան Ռապինոն, 17-ամյա չին-ամերիկացի դահուկորդ Էյլին Գուն, 29-ամյա երկու ռասաների ներկայացուցիչ մոդել և ներառական հասարակության պաշտպան Պալոմա Էլզեսերը և 38-ամյա հնդիկ դերասանուհի Պրիյանկա Չոպրա Ջոնասը:
Աղբյուր՝ gazeta.ru
Գերմանիայի ոստիկանության վաթսուն աշխատակիցներ վիրավորվել են Բեռլինում ապօրինի գրավված շենքի շուրջ անկարգությունների հետևանքով: Դատարանը թուրյլատրել էր պատասխանատուներին հրշեջ ստուգում անցկացնել, բայց երբ չորեքշաբթի առավոտյան ոստիկանությունը փորձել է ապահովել տարածքը, նրանց վրա քարեր են նետել: Rigaer Straße 94 հասցեի ապօրինի բնակիչները վախեցել են, որ այդ քայլը կարող է հանգեցնել իրենց վտարմանը քաղաքում մնացած վերջին կացարաններից մեկից:
Աղբյուր՝ bbc.com
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
