Կարճ լուրեր
Երկրում վարակի առաջին դեպքից մինչ օրս COVID-19-ի հաստատված դեպքերի ընդհանուր թիվը 350 428 է: Վերջին օրվա ընթացքում ապաքինվել է 510 մարդ, առողջացածների ընդհանուր թիվն աճել է՝ հասնելով 335 029-ի: Վերջին 24 ժամվա ընթացքում Վրաստանում գրանցվել է կորոնավիրուսից 17 նոր մահ: Համավարակի սկզբից մինչ օրս Վրաստանում ընդհանուր առմամբ կորոնավիրուսի զոհ է դարձել 4 951 մարդ:
Աղբյուր՝ apsny.ge
Օրական հինգից ավելի ծխախոտ ծխելը 20%-ով մեծացնում է քաղցկեղի առաջացման հավանականությունը, ուստի շատ կարևոր է առողջ և ակտիվ ապրելակերպ վարելը: Այս մասին հայտարարել է Ռուսաստանի առողջապահության նախարարության ուռուցքաբան՝ գլխավոր արտահաստիքային մասնագետ, Ռուսաստանի գիտությունների ակադեմիայի ակադեմիկոս Անդրեյ Կապրինը:
Աղբյուր՝ tass.ru
Հայտնի է, որ կրկնօրինակը ստեղծվել է Դա Վինչիի հետևորդի կողմից 17-րդ դարի սկզբին, այն առավել հայտնի է որպես Մոնա Լիզա Հեքինգ՝ իր նախկին սեփականատեր Ռեյմոնդ Հեքինգի անունով: 1977 թվականին մահացած Հեքինգը կասկածի տակ էր դրել բնօրինակ գլուխգործոցի իսկությունը, որն այժմ գտնվում է Լուվրի թանգարանում: Վաղ շրջանի կրկնօրինակը վաճառվելու է Փարիզի Christie's աճուրդի տանը: Հեքինգը կտավը ձեռք է բերել 1950-ականներին Նիցցայում, արվեստի գործակալից:
Աղբյուր՝ bbc.com
Ղրիմի Լենինսկի շրջանի Պրիոզյոռնոյե գյուղը ջրհեղեղի է ենթարկվել՝ ամբարտակի միջով ջրի արտահոսքի պատճառով: Վնասվել են 18 տնային տարածքներ և տնեսություններ, որոնցում ապրում է 35 մարդ, այդ թվում՝ երեխաներ: «Պոլյոտ» հյուրանոցի պահեստում քաղաքացիների համար բացվել է ժամանակավոր բնակության կենտրոն:
Աղբյուր՝ gazeta.ru
Ազատության արձանի փոքրացված տարբերակը երկուշաբթի օրը Ֆրանսիայից ուղարկվել է Միացյալ Նահանգներ, կրկնելով ավելի քան մեկ դար առաջ իր ավագ քրոջ անցած ուղին, որն այժմ նայում է դեպի Նյու Յորքի նավահանգիստը: Կրկնօրինակը, որի բարձրությունը 2,83 մետր է, Փարիզի թանգարանը 10 տարի ժամկետով փոխառության է տրամադրել ԱՄՆ-ին`ի նշան ֆրանս-ամերիկյան բարեկամությունը ամրապնդման:
Աղբյուր՝ reuters.com
ԱՄՆ նախագահ Ջո Բայդենը երկուշաբթի հեռախոսազրույց է ունեցել ուկրաինացի գործընկերոջ`Վլադիմիր Զելենսկիի հետ և նրան հրավիրել՝ ամռան վերջին Վաշինգտոն այց կատարել: Այս մասին լրագրողների հետ ճեպազրույցում հայտարարել է ԱՄՆ նախագահի ազգային անվտանգության հարցերով օգնական Ջեյք Սալիվանը: Ուկրաինայի նախագահի խոսքով՝ հանդիպումը տեղի կունենա հուլիսին:
Աղբյուր՝ tass.ru
Սան Ֆրանցիսկոյի Zoo & Gardens կենդանաբանական այգում սատկել է Քոբբի անունով ամենատարեց՝ 63 տարեկան, արու շիմպանզեն: Թեև կենդանաբանական այգին իր հաղորդագրության մեջ նշել էր, որ շիմպանզեի մահվան պատճառը պարզված չէ, կենդանին վերջին շրջանում հիվանդ է եղել, և կենդանաբանական այգու ղեկավարների պաշտոնական կարծիքով գործոնը ծերությունն է:
Աղբյուր՝ apnews.com
Վենետիկն արդեն երկար ժամանակ վտանգված է ալիքներից, որոնք ստեղծում են նրա ջրանցքների երկայնքով ընթացող մոտորանավակները՝ քայքայելով պատմական շենքերի հիմքերը և ստեղծելով փլուզման վտանգ: Նոր էլեկտրական նավակը, որը թռչում է ջրի վրայով, կարող է լուծում լինել: Շվեդական Candela ընկերության էլեկտրական նավը՝ Candela C-7-ը, աշխատում է համակարգչով կառավարվող հիդրոֆոլներով կամ ստորջրյա «թևերով», որոնք նավակմախքը օդ են բարձրացնում և թվում է, թե այն թռչում է ջրի վրայով:
Աղբյուր՝ reuters.com
«Ալ-Շաբաբ» արմատական խմբավորման զինյալները հանգստյան օրերին գրավել են Սոմալիի չորս քաղաքներ: Հաղորդվում է, որ գրոհայինները շաբաթ օրը գրավել են Վարսիիզ, Քուորդհիր և Վարարաքսլի կարևոր քաղաքները, իսկ կիրակի երեկոյան գրավեցին Ստորին Շաբելե նահանգի Վարմաքսան քաղաքը կառավարական զորքերի անսպասելի դուրս բերումից հետո:
Աղբյուր՝ ria.ru
Ալցհեյմերի նոր դեղամիջոցը, որը վերջին 20 տարվա մեջ առաջինն է, կարող է հաստատվել ԱՄՆ-ում`մեծացնելով ճնշումը այն ամբողջ աշխարհում հասանելի դարձնելու համար: «Ադուկանումաբ»-ի (Aducanumab) օգտակարությունը վիճարկվում է, սակայն ԱՄՆ-ի հաստատումը խթան կհանդիսանա՝ այն գլոբալ մակարդակով հասանելի դարձնելու համար:
Աղբյուր՝ theguardian.com
Տարաս Շևչենկոյի անվան Կիևի ազգային համալսարանը Բելառուսի պաշտոնական ղեկավար Ալեքսանդր Լուկաշենկոյին զրկել է պատվավոր դոկտորի կոչումից: Համապատասխան որոշումը կայացվել է գիտական խորհրդի կողմից: Գիտխորհրդի անդամները որոշումն ընդունել են գաղտնի քվեարկության միջոցով: Այն Կիեւի կրթական հաստատության առաջին նման որոշումն է:
Աղբյուր՝ korrespondent.net
առանց վիզայի խմբային ճանապարհորդությունների մասին համաձայնագիր իրականացնելու ծրագիր: Երկու երկրներից ժամանող զբոսաշրջիկները կկարողանան մեկնել Իրան և Ռուսաստան հավատարմագրված ընկերությունների միջոցով, որի դեպքում ամբողջ խմբի համար կտրվի մեկ վիզա:
Աղբյուր՝ tass.ru
Amazon-ի հիմնադիր Ջեֆ Բեզոսը հայտնել է, որ եղբոր հետ տիեզերք կթռչի իր տիեզերական ընկերության՝ Blue Origin-ի կողմից մեկնարկած մարդկանց համար առաջին թռիչքով: Բեզոսը հայտնել է, որ տիեզերական ճանապարհորդությունն այն է, ինչ ինքը ցանկանում էր անել իր ամբողջ կյանքում: «Հուլիսի 20-ին ես եղբորս հետ կուղևորվեմ այդ ճամփորդությանը»,- գրել է նա Instagram-ի իր գրառման մեջ: «Լավագույն արկածը՝ լավագույն ընկերոջս հետ»:
Աղբյուր՝ bbc.com
Կանցլեր Անգելա Մերկելի Քրիստոնեա-դեմոկրատական կուսակցությունը առաջին տեղն է զբաղեցնում Սաքսոնիա-Անհալթ նահանգի Լանդտագի (խորհրդարանի) ընտրություններում՝ հավաքելով ձայների 37,1%-ը: Երկրորդ տեղում աջ «Այլընտրանք Գերմանիայի համար» կուսակցությունն է՝ 20,9% ձայներով:
Աղբյուր՝ apnews.com
Իսպանական Խելվես համայնքում ութ ուսուցիչ բժշկական սխալի պատճառով ստացել է կորոնավիրուսի պատվաստանյութի վեց չափաբաժին: Նշվում է, որ տեղի քոլեջի ուսուցիչները պատվաստվել են ուրբաթ՝ հունիսի 4-ին: Յուրաքանչյուրը ստացել է Pfizer պատվաստանյութի ամբողջ՝ վեց դեղաչափ, սրվակի պարունակությունը: Ուսուցիչներից մեկի՝ Վիսենտե Ասենսիոյի խոսքերով, ոչ ոք առանձնապես ծանր ախտանիշներ չի ունեցել:
Աղբյուր՝ gazeta.ru
Ֆրանսիայի հակամենաշնորհային կարգավորիչը տուգանել է Google-ին 220 միլիոն եվրոյով առցանց գովազդի խախտումների համար: Google-ը չի վիճարկել փաստերը, և տուգանքի մասին որոշումը կայացվել է կորպորացիայի հետ գործարքի շրջանակներում: Տուգանքը նշանակվել է այն բանի համար, որ ընկերությունը, ըստ կարգավորիչի հայտարարության, չարաշահել է իր գերիշխող դիրքը գովազդային ծառայություններ տեղադրելու ժամանակ:
Աղբյուր՝ iz.ru
Հնէաբանները Հռոմեական Բրիտանիայում ստրկության հազվագյուտ ապացույցներ են գտել՝ ոտքերի կոճերի շուրջ կապված երկաթե շղթաներով թաղված մարդու տեսքով: Ռութլանդում թաղված 20-30 տարեկան տղամարդու հայտնաբերումը՝ երկաթե շղթաներով կապված առաջին նմանօրինակ թաղումն է, որ թվագրվում է Հռոմեական Բրիտանիայի օկուպացիայի շրջանից:
Աղբյուր՝ independent.co.uk
Մոսկվայում, 81 տարեկան հասակում, մահացել է սովետական և ռուսաստանյան կինոռեժիսոր Վալերի Լոնսկոյը, հայտնել է կինոքննադատ Անդրեյ Պլախովը: Մահվան պատճառը կորոնավիրուսն է: Լոնսկոյը տեսարաններ է նկարահանել հայտնի «Երալաշ» կինոժուռնալի համար, եղել է Մոսկվայի կինեմատոգրաֆիստների միության նախագահը: Նա նկարահանել է նաև այնպիսի ֆիլմեր, ինչպիսիք են «Սպիտակ ագռավը», «Բարխանովն ու նրա թիկնապահը», «Երկնագույն տափաստանում» և «այլն:
Աղբյուր՝ ria.ru
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
