Կարճ լուրեր
Հոնկոնգի իշխանությունները առգրավել են մաքսանենգ ադամանդների և այլ թանկարժեք քարերի ամենամեծ բեռնափոխադրումը՝ 3,22 միլիոն դոլար արժողությամբ: Առգրավված ադամանդների շուկայական արժեքի առումով դա Հոնկոնգի պատմության մեջ երբևէ հայտնաբերված ամենամեծ խմբաքանակն է:
Աղբյուր՝ xinhuanet.com
Կոլումբիայում 120 տարեկանից բարձր գրեթե 330 մարդ ընդգրկվել է առաջնահերթ պատվաստումների տվյալների բազայում, չնայած այն փաստին, որ երկրում այս տարիքի հասած անձանց մասին գրանցումներ չկան: Այս տեղեկատվությունը հրապարակվել է՝ պատվաստումների խախտւմների մասին Կոլումբիայի Գլխավոր կարգավորող մարմնի զեկույցում:
Աղբյուր՝ ria.ru
Աշկելոնում գտնվող բազիլիկը, որը թվագրվում է մեր թվարկության առաջին դարով, ամենամեծն է Իսրայելում: Այն ավերվել է մ.թ. 363 թ.-ին տեղի ունեցած երկրաշարժի հետևանքով, իսկ դրա որոշ մասեր օգտագործվել են այլ կառույցներում: Հնէաբաններն աշխատում են բազիլիկը վերականգնելու և քանդակները և սյուները իրենց նախնական տեղերում տեղադրելու ուղղությամբ: Վերականգնվում է նաև փոքր օդեոն, որում այցելուների համար տեղադրվելու են ժամանակակից նստարաններ:
Աղբյուր՝ dailymail.co.uk
Հունիսի 5-ին Ռուսաստանում ուժի մեջ մտավ հնդկացորենի արտահանման ժամանակավոր արգելքը. այն ուժի մեջ կլինի մինչեւ օգոստոսի 31-ը: Կառավարությունը համապատասխան որոշում էր ընդունել ապրիլի վերջին:
Աղբյուր՝ ria.ru
Կաննի 74-րդ կինոփառատոնի արտամրցութային ծրագրի շրջանակներում տեղի կունենա երգչուհի Սելին Դիոնի ոչ պաշտոնական կենսագրական «Սիրո ձայնը» («Ալին») ֆիլմի պրեմիերան: Ֆիլմում արտիստուհու կենսագրությունը ներկայացված է որոշակի գեղարվեստական հորինվածքով: Ֆիլմում գլխավոր դերը խաղացել է դերասանուհի Վալերի Լեմերսյեն: Նա նաև հանդիսանում է ֆիլմի սցենարի հեղինակը և ռեժիսորը:
Աղբյուր՝ kulturomania.ru
Ռուս թենիսիստուհի Յանա Սիզիկովան ազատ է արձկվել կալանքից՝ անցյալ տարվա Ֆրանսիայի բաց առաջնությունում պայմանավորված խաղերի հետաքննության շրջանակներում ձերբակալությունից մեկ օր անց: 26-ամյա թենիսիստուհին ազատ է արձակվել՝ առանց մեղադրանքի առաջադրման: Նա «ցնցված» է այդ մեղադրանքներից, ասել է նրա փաստաբանը: Չնայած ուրբաթ օրը Սիզիկովայի ազատ արձակմանը, հետաքննությունը շարունակվում է:
Աղբյուր՝ bbc.com
Համավարակի մեկնարկից ի վեր Վրաստանում գրանցված կորոնավիրուսի վարակի դեպքերի ընդհանուր թիվը շաբաթ առավոտյան հասել է 348 594-ի: Եվս 17 հիվանդ է մահացել քովիդից: Վրաստանում կորոնավիրուսով ախտորոշված մահերի ընդհանուր թիվը այժմ կազմում է 4893 մարդ:
Աղբյուր՝ newsgeorgia.ge
«Պատահական պայթյունը» տեղի է ունեցել ուրբաթ կեսօրին՝ Henan Hebi Coal and Electricity Co ընկերության կողմից ղեկավարվող ածխահանքում, և Հենան նահանգի իշխանությունները սկսել են արտակարգ իրավիճակների արձագանքման ծրագիրը:
Աղբյուր՝ reuters.com
Հյուսիսային Կորեայի առաջնորդ Կիմ Չեն Ընը նախագահել է ԿԺԴՀ աշխատանքային ութերորդ գումարման ԿԿ քաղբյուրոյի առաջին ժողովը և որոշում է կայացրել կուսակցության կենտրոնական կոմիտեի պլենում անցկացնել հունիսի առաջին տասնօրյակում: Մայիսի 6-ից ի վեր սա նրա առաջին հասարակական գործունեությունն էր, ինչպես հաղորդում է Հյուսիսային Կորեայի Կենտրոնական հեռագրական գործակալությունը:
Աղբյուր՝ ria.ru
Դանիացի պատգամավորները հավանություն են տվել՝ 35,000 մարդու համար արհեստական կղզի ստեղծելու և Կոպենհագենի նավահանգիստը ծովի մակարդակի բարձրացումից պաշտպանելու ծրագրին: Լինետհոլմ (Lynetteholm) անունով հսկա կղզին մայրցամաքին է միանալու օղակաձեւ ճանապարհով, թունելներով և մետրոյի գծով: Նախագծի մեկնարկը նախատեսվում է այս տարվա վերջին: Սակայն նախագծին դեմ են բնապահպանները, ովքեր անհանգստացած են կառույցի ազդեցությունից:
Աղբյուր՝ bbc.com
18 զբոսաշրջիկներով փչովի նավակը շրջվել է Կատեն գետում: Այս մասին այսօր հաղորդել են մարզային դատախազությունից: Վթարի արդյունքում մեկ կին մահացել է, մնացած զբոսաշրջիկներ կյանքին վտանգի չի սպառնում:
Աղբյուր՝ tass.ru
ՌԴ նախագահ Վլադիմիր Պուտինը ուրբաթ օրը տնտեսական համաժողովում հայնտել է, որ Ռուսաստանը կարող է կորոնավիրուսի դեմ վճարովի պատվաստումներ առաջարկել երկիր ժամանող արտասահմանցինեերին: Այսպիսով Մոսկվան փորձում է բարձրացնել Sputnik V պատվաստանյութի համաշխարհային հեղինակությունը:
Աղբյուր՝ reuters.com
Կինոընկերության «MARVEL Россия» YouTube ալիքում հրապարակվել է «Սեւ այրին» ֆիլմի նոր թրեյլերը՝ «Սպասումը կավարտվի» վերնագրով: Հոլովակում գլխավոր դերասանուհի Սքարլեթ Յոհանսոնը խոստանում է, որ ֆիլմը կլինի «էպիկական»: Ֆիլմի պրեմիերան նախատեսված է հուլիսի 8-ին:
Աղբյուր՝ gazeta.ru
Արգենտինայում, Աշխարհի 2022 թվականի առաջնության ընտրական խաղին ընդառաջ, տեղի ունեցավ լեգենդար ֆուտբոլիստ Դիեգո Մարադոնայի արձանի բացման արարողությունը: Սանտիագո դել Էստերո քաղաքում արարողությանը ներկա էին Արգենտինայի ազգային հավաքականի ֆուտբոլիստները, որտեղ կայացավ Աշխարհի գավաթ 2022-ի Արգենտինա-Չիլի խաղը:
Աղբյուր՝ korrespondent.net
Apple-ի ծրագրային ապահովման վերջին թարմացումը`iOS 14.6-ը, թողարկվել է մայիսի վերջին: Բայց օգտվողները բողոքում են՝ թարմացումը տեղադրելուց ի վեր մարտկոցների չափազանց արագ լիցքաթափումից: IPhone-ի որոշ մոդելների լիցքավորումը ամբողջովին սպառվում է ընդամենը երկուսուկես ժամվա ընթացքում:
Աղբյուր՝ dailymail.co.uk
Օդային տրանսպորտի միջազգային ասոցիացիան (IATA) կոչ է արել Եվրոպական ավիացիոն անվտանգության գործակալությանը (EASA) Ryanair-ի միջադեպից հետո տարանջատել քաղաքականությունը և ավիացիոն անվտանգության խնդիրները, ասվում է ասոցիացիայի մամուլի հաղորդագրության մեջ:
Աղբյուր՝ ria.ru
Տոկիոյի օլիմպիական խաղերի կազմակերպիչները լրագրողներին ներկայացրել են պարգևատրության արարողության համար նախատեսված պատվո պատվանդանները: Դրանք պատրաստված են վերամշակված պլաստիկից: Շշերը և ծովից հավաքած պլաստմասե աղբն է դարձել պատվանդան, իսկ 2011թ. երկրաշարժից ավերված շենքերի ալյումինե թափոնները՝ օլիմպիական խորհդանիշեր:
Աղբյուր՝ armnoc.am
Եվրահանձնաժողովը և Միացյալ Թագավորության կարգավորիչները Facebook-ի նկատմամբ հակամենաշնորհային հետաքննություններ են սկսել՝ կապված այն մտավախությունների հետ, ըստ որոնց սոցցանցի Marketplace ծառայությունն անարդարորեն խեղաթյուրում է մրցակցությունը դասակարգված գովազդների համար:
Աղբյուր՝ theverge.com
Լրահոս
Տեսանյութեր
ՈՒՂԻՂ. Ազատ արձակել Բաքվում պահվող հայ գերիներին
