Կարճ լուրեր
Իրանը և Կենտրոնական Աֆրիկայի Հանրապետությունը զրկվել են ՄԱԿ-ի Գլխավոր ասամբլեայում քվեարկելու իրավունքից`կազմակերպությանը չվճարված պարտքերի պատճառով: Այս մասին հայտնի է դարձել ՄԱԿ-ի Գլխավոր քարտուղար Անտոնիո Գուտերեշի `ԳԱ նախագահ Վոլքան Բոզքըրին ուղղված նամակից:
Աղբյուր՝ ria.ru
Էրազմուս+ ծրագրի ազգային գրասենյակի և Գերմանական տնտեսական միավորումի երեկ կազմակերպած քննարկմանը մասնակցել են պետական գերատեսչությունների, բուհերի և բիզնես ոլորտի ներկայացուցիչներ: Հանդիպման նպատակն էր ներկայացնել և միավորել վերոնշյալ ոլորտների ծրագրերը` համեմատելու և գնահատելու արձանագրված ձեռքբերումները, բացահայտելու դրանց իրականացման ընթացքում առաջացած խոչընդոտները, ինչպես նաև նպաստելու լավագույն փորձի փոխանակմանը և բարձրացնելու դրանց տեսանելիությունն ու ազդեցությունը:
Աղբյուր՝ ՀՀ ԿԳՄՍՆ Հասարակայնության հետ կապերի եվ տեղեկատվության վարչություն
ՆԱՍԱ-ն հայտարարել է, որ երկու նոր առաքելություն է ուղարկելու Վեներա՝ մոլորակի մթնոլորտն ու երկրաբանական առանձնահատկությունները ուսումնասիրելու համար: Առաքելությունները, որոնց յուրաքանչյուրին հատկացվել է $ 500 մլն ֆինանսավորում, պետք է մեկնարկեն 2028-2030 թվականներին:
Աղբյուր՝ bbc.com
Համավարակի մեկնարկից ի վեր վիրուսը խլել է 10 268 շվեյցարացու կյանք, որոնցից 43-ը մահացել են վերջին երկու շաբաթվա ընթացքում:
Աղբյուր՝ korrespondent.net
Աշխարհի խոշորագույն մսի վերամշակման ընկերությունը հայտնվել է կիբերհարձակման թիրախում: Կոտրել են JBS ընկերության համակարգչային ցանցերը՝ ժամանակավորապես դադարեցնելով Ավստրալիայի, Կանադայի և ԱՄՆ-ի որոշ ձեռնարկությունների աշխատանքը, որից տուժել են հազարավոր աշխատողներ: Ընկերությունը կարծում է, որ փրկագին պահանջող հաքերները Ռուսաստանից են:
Աղբյուր՝ bbc.com
Ավստրալիացի գիտնականները հաշվարկել են, որ այն մարդկանց շրջանում, ովքեր օրական առնվազն երկու բաժին միրգ են ուտում, 36 տոկոսով ավելի քիչ է 2-րդ տիպի շաքարախտ զարգանալու հավանականությունը, քան նրանց դեպքում, ովքեր օգտագործում են կես բաժնից պակաս միրգ:
Աղբյուր՝ ria.ru
Դերասանուհի և ռեժիսոր Ջոդի Ֆոսթերը կստանա Կաննի 74-րդ կինոփառատոնի գլխավոր մրցանակը: Մրցանակը նրան կտրվի «ստեղծագործական փայլուն ուղու, անձնական որակների և այժմեականության հիմնական խնդիրների լուսաբանման համար»: Ժյուրիի նախագահն է ռեժիսոր Սայք Լին:
Աղբյուր՝ kulturomania.ru
15 վայրի փղերից բաղկացած նախիրը մոտեցավ Չինաստանի հարավ-արևմուտքում գտնվող Յուննան նահանգի մայրաքաղաք Կունմինգ քաղաքին՝ չնայած նրանց ուղղությունը փոխելու մարդկանց ջանքերին: Ասիական փղերի խումբը, որի մեջ մտնում են նաև երեք ձագեր, ի սկզբանե ապրել են արգելոցում և անցած ամիսների ընթացքում մայրուղիներով և մշակաբույսերի դաշտերով ճանապարհորդել են շուրջ 500 կմ:
Աղբյուր՝ reuters.com
Խոսքը «Sea Breeze - 2021» զորավարժությունների մասին է, որում ներգրավված կլինի շուրջ 4 հազար զինծառայող:
Աղբյուր՝ tass.ru
Մայիսի 29-ից հունիսի 5-ը իրականացվում է «Երգով ու սիրով» խորագիրը կրող երգչախմբային փառատոն Սյունիքում և Արցախում՝ «Թիկունքը՝ մշակույթ, սահմանը՝ կենտրոն» ծրագրի շրջանակներում: Փառատոնը նվիրված է Հայաստանի առաջին հանրապետության հռչակման օրվան և երեխաների պաշտպանության միջազգային օրվան: Փառատոնին մասնակցում են Սյունիքի ու Արցախի 17 երգչախմբեր:
Աղբյուր՝ Armenian Little Singers
Ճապոնիայի հյուսիսում գտնվող Ասահիկավա քաղաքի դատարանը կալանավորեց ռուսական «Ամուր» նավը, որը մայիսի 26-ին բախվեց ճապոնական ձկնորսական առագաստանավի հետ, որպես տուժող կողմի գրավ: «Ամուրի» վերադարձը Ռուսաստան, ինչպես կարծում է դատարանը, կբարդացնի ճապոնական կողմին փոխհատուցում վճարելու բանակցությունները:
Աղբյուր՝ tass.ru
Լեհաստանի կախվածությունը Ռոբերտ Լեւանդովսկուց թիմի ամենամեծ մտահոգությունն է Եվրոպայի առաջնությունում: 32-ամյա Լեւանդովսկին ռեկորդային 118 խաղում 66 գոլով արդեն երկրի առաջատար ռմբարկուն է, և նա պարզապես կոտրեց Բունդեսլիգայի 49-ամյա ռեկորդը մրցաշրջանում գոլերի քանակով՝ 41 գոլ «Մյունխենի Բավարիայի» 29 խաղում: Լեհաստանի մարզիչ Պաուլո Սուսան պետք է կարողանա հասնել նրան, որ խաղացողներն առավելագույն օգուտ քաղեն Լեւանդովսկուց, և մտածել պահեստայինների հնարավորությունների մասին՝ ավագի բացակայության դեպքում:
Աղբյուր՝ apnews.com
Վիլնյուսում (Լիտվա) և Լյուբլինում (Լեհաստան) հայտնվել է մի պորտալ, որն իրական ժամանակում կապ է ստեղծում քաղաքի բնակիչների միջև: Պորտալը տեսախցիկով էկրան է: Դրան մոտեցող անձը կարող է տեսնել մյուս քաղաքի բնակչին և ուղարկել նրան իր տեսաուղերձը: Նախագիծը սկսվել է հինգ տարի առաջ և պետք է օգներ տարբեր երկրների մարդկանց վերանայել միասնության գաղափարը, և միավորեր տարբեր մշակույթների մարդկանց: Գաղափարի հեղինակը Բենեդիկտաս Գիլիսն է:
Աղբյուր՝ moya-planeta.ru
Իրանի ամենամեծ ռազմածովային նավը՝ Խարգը, խորտակվել է Օմանի ծոցում՝ նավի վրա բռնկված հրդեհից հետո: Անձնակազմին հաջողվել է փրկել, հայտնել են իրանական լրատվամիջոցները: Հրդեհը սկսվել է չորեքշաբթի՝ տեղի ժամանակով առավոտյան ժամը 02: 25-ի սահմաններում, իրանական Ջասք նավահանգստի մոտակայքում, որտեղ նավը ուսումնավարժանք էր իրականացնում:
Աղբյուր՝ reuters.com
Անցած 24 ժամվա ընթացքում երկրում կորոնավիրուսից ապաքինվել է 896 մարդ, 30 հիվանդ մահացել է: Ընդհանուր առմամբ, Վրաստանում հայտնաբերվել է կորոնավիրուսի վարակման 341 650 դեպք, որից առողջացել է 329 516 մարդ, մահացել է 4834-ը:
Աղբյուր՝ apsny.ge
Հանդիպումը կմեկնարկի հունիսի 3-ին՝ ժամը 10:00-ին, Երևանի «Անի պլազա» հյուրանոցում: Նախագիծը ֆինանսավորվել է ԱՄՆ Գիտությունների ազգային ակադեմիայի PEER Science-ի կողմից: Հանդիպման նպատակը նախագծի, Հայաստանում երկրաջերմային էներգետիկ ներուժի, երկրաջերմային էներգիային վերաբերող համաշխարհային և տարածաշրջանային փորձառության, ինչպես նաև երկրաջերմային ռեսուրսների բացահայտման և ուսումնասիրման Հայաստանի փորձի ամփոփագրի ներկայացումն է:
Աղբյուր՝ ՀՀ ԳԱԱ Տեղեկատվական-վերլուծական ծառայություն
Եվրոպական ֆուտբոլային ասոցիացիաների միության (ՈՒԵՖԱ) գլխավոր քարտուղար Թեոդորոս Թեոդորիդիսը հաստատել է ԶԼՄ-ներում հայտնված այն տեղեկությունը, թե Մադրիդի «Ռեալը», «Բարսելոնան» և Թուրինի «Յուվենտուսը» կարող են հեռացվել եվրագավաթի խաղարկություններից: Կազմակերպության խոսնակը նշել է, որ Սուպերլիգայի ստեղծողները «ստիպված կլինեն բախվել հետևանքների», եթե կանոնները խախտել են:
Աղբյուր՝ gazeta.ru
Կոնգոյի Դեմոկրատական Հանրապետությունում գրեթե 500,000 մարդ, հրաբխի ժայթքումից հետո, մնացել է առանց մաքուր խմելու ջրի, ահազանգել է «Բժիշկներ առանց սահմանների» բարեգործական կազմակերպությունը: Նշվում է նաև, քանի որ խոլերան էնդեմիկ է և մեծ վտանգ է ներկայացնում, անհրաժեշտ է արևելյան Գոմա քաղաքի բնակիչներին հրատապ ապահովել խմելու մաքուր ջրով: Ջրամբարը և խողովակները վնասվել էին, երբ մայիսի 22-ին ժայթքել էր Նյիրագոնգո լեռը:
Աղբյուր՝ bbc.com
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
