Կարճ լուրեր
Visa-ն այսօր հայտարարել է Դիանա Կիգուրաձեին գխավոր տնօրենի և Կովկասում տարածաշրջանային մենեջերի պաշտոնում նշանակելու մասին: Իր նոր դերում Դիանա Կիգուրաձեն կկենտրոնանա Հայաստանում և Վրաստանում: էլեկտրոնային վճարումների բիզնեսի զարգացման վրա` բանկերի, գործարարների և քարտապանների համար Visa-ի ապահոված արժեքն ավելացնելու միջոցով։
Աղբյուր՝ Visa-ի մամուլի ծառայությունը ԱՊՀ-ում
Հայկական բարեգործական ընդհանուր միությունը՝ ՀԲԸՄ նախագահ Պերճ Սեդրակյանի գլխավորությամբ, այսօր՝ ժամը 18:00-ին, կայցելելի Եռաբլուր զինվորական պանթեոն՝ հարգանքի տուրք մատուցելու մեր զոհված հերոսների հիշատակին:
Աղբյուր՝ ՀԲԸՄ Հայաստան
Ըստ հավատալիքների այն պաշտպանում է չար աչքից կանանց և երեխաներին և սկզբնապես հայտնաբերվել է 40 տարի առաջ Արբելում, Երուսաղեմից մոտ երկու ժամ հյուսիս: Ամուլետը, որը հայտնի է «Սողոմոնի կնիք» անվանմամբ, ունի եռանկյունու տեսք, որի երկու կողմերում էլ գրություններ կան: Մի կողմում պատկերված է ձիուն հեծած ձիավոր՝ շրջապատված լուսապսակով: Մյուս կողմում կա չորս նետով ծակած աչք, ինչպես նաև առյուծներ, օձ, կարիճ և թռչուն:
Աղբյուր՝ dailymail.co.uk
Թուրքիայի նախագահ Թայիփ Էրդողանը երեքշաբթի օրը ասել է, որ նախատեսում է ԱՄՆ նախագահ Ջո Բայդենի հետ հանդիպմանը քննարկել Անկարայի ու Վաշինգտոնի հարաբերությունների լարվածության պատճառները: Բայդենի ու Էրդողանի հանդիպումը նախատեսված է հունիսի 14-ին, ՆԱՏՕ-ի գագաթնաժողովում:
Աղբյուր՝ ria.ru
ԱՄՆ Կոլորադո նահանգի Բոուլդերի համալսարանի հետազոտողները վերլուծել են գրեթե 840,000 եվրոպացի չափահասների գենետիկական տվյալները: Նրանք գտել են կապը քնի ավելի վաղ ռեժիմի (վաղ արթնանալու և քնելու) և «լուրջ դեպրեսիվ խանգարման» ավելի ցածր ռիսկի միջև: Հնարավոր է, որ օրվա ընթացքում լույսի ավելի մեծ ազդեցությունը հանգեցնում է «հորմոնալ կասկադի», որը կարող է ազդել տրամադրության վրա:
Աղբյուր՝ dailymail.co.uk
Առնվազն ութ մարդ է զոհվել, եւս 14-ը վիրավորվել են Աֆղանստանի մայրաքաղաք Քաբուլում տեղի ունեցած երկու պայթյունների հետևանքով: Պայթյունների թիրախը եղել են քաղաքային ավտոբուսները: Ականատեսները հայտնել են, որ զոհերի թիվը կարող է հասնել 30-ի:
Աղբյուր՝ ria.ru
Իտալացի Կառլո Անչելոտին նշանակվել է իսպանական «Ռեալ» ֆուտբոլային ակումբի նոր գլխավոր մարզիչը: Այս մասին հայտնել է մադրիդյան թիմի մամուլի ծառայությունը: 61-ամյա մասնագետի հետ կնքվել է 3 տարվա պայմանագիր: Անչելոտին գլխավոր մարզչի պաշտոնում փոխարինում է Զինեդին Զիդանին, ով պաշտոնը թողեց մայիսի 27-ին:
Աղբյուր՝ tass.ru
COVID-19-ի նախորդ 28 օրվա ընթացքում գրանցված թեստերի դրական դեպքերի շրջանում երեքշաբթի օրը Մեծ Բրիտանիայում մահվան ելքեր չեն գրանցվել: Վերջին անգամ Բրիտանիան մահվան դեպքեր չի գրանցել 2020 թվականի մարտին՝ նախքան երկրում կսկսվեին առաջին սահմանափակումները: Ըստ Ջոն Հոփքինսի համալսարանի տվյալների, Բրիտանիայում համավարակից զոհերի ընդհանուր թիվը կազմում է 127 782, և աշխարհում հինգերորդն է:
Աղբյուր՝ reuters.com
Չեչնիայի ղեկավար Ռամզան Կադիրովը դարձել է Ռուսաստանի ամենահարուստ նահանգապետը: Մարզի ղեկավարի պաշտոնական կայքում հրապարակված եկամտի և ունեցվածքի վերաբերյալ տեղեկատվության համաձայն՝ 2020 թվականին նա աշխատել է 381,1 միլիոն ռուբլի: Եկամտի աղբյուրները չեն նշվում: Կադիրովին են պատկանում երկու հողակտորներ`3668 եւ 28 361 քմ մակերեսով, ինչպես նաեւ 2344 քմ մակերեսով բնակելի շենք:
Աղբյուր՝ lenta.ru
Ճապոնիայի արեւմտյան Կոբե քաղաքում հիվանդի մոտ հայտնաբերվել է կորոնավիրուսի նոր շտամ: Վարակված 50-ամյա տղամարդը չի լքել երկիրը, ուստի բժիշկները եզրակացրել են, որ մուտացիան զարգացել է հենց նրա օրգանիզմում: Գենետիկական վերլուծությունը ապացուցել է, որ վիրուսը ծագել է COVID-19 բրիտանական շտամից: Հայտնաբերված շտամը լուրջ բարդությունների մեծ հավանականություն ունի և ի վիճակի է արագորեն տարածվել:
Աղբյուր՝ lenta.ru
Արգենտինայի հավաքականի հարձակվող Սերխիո Ագուերոն «Բարսելոնա» մեկնելուց առաջ առատաձեռն նվերներ է մատուցել իր նախկին ակումբի` «Մանչեսթեր Սիթիի» անձնակազմին: Մանչեսթերյան ակումբի ավելի քան 60 աշխատակիցներ 32-ամյա խաղացողից նվեր են ստացել առնվազն 1000 ֆունտ ստեռլինգ արժողությամբ Hublot կամ Tag Heuer ժամացույցներ:
Աղբյուր՝ theathletic.com
Մարշալյան կղզիների դրոշի ներքո նավարկող նավը ձերբակալվել է Վրաստանի ջրերում՝ տնտեսական ջրերի արտահոսքի համար, և տուգանվել 65 հազար լարիով (մոտ 20 հազար դոլար): Նավը կկարողանա լքել Վրաստանի տարածքային ջրերը այն բանից հետո, երբ նավապետը վճարի իր նկատմամբ կիրառված պատժամիջոցները:
Աղբյուր՝ newsgeorgia.ge
Յութուբեր Ջոի Հելմսը ցանկանում էր խոշոր պլանով դիտել տեսարանը, սակայն թռիչքն այնքան էլ նախատեսվածի պես չի ընթացել: Ֆագրադալսֆյադլ ժայթքող հրաբուխը նկարահանելու փորձ կատարող անօդաչուն բախվել է լավայի ժայթքմանը: Հրաբուխը ժայթքում է մարտ ամսից:
Հունիսի 16-ին ռուս-ամերիկյան գագաթնաժողովի ընթացքում Ժնեւի օդային տարածքը կարող է փակ լինել քաղաքացիական ինքնաթիռների համար:
Աղբյուր՝ ria.ru
Մոտոցիկլներով չորս զինված անձինք Կամպալայի Կիասասի արվարձանում կրակ են բացել՝ աշխատանքի և տրանսպորտի նախարար, գեներալ Կատումբա Վամալային տեղափոխող մեքենայի վրա: Մահափորձի հետևանքով նախկին բանակի հրամանատարը վիրավորվել է, իսկ նրա դուստրն ու վարորդը մահացել են:
Աղբյուր՝ theguardian.com
Ռամաթ Բեյթ Շեմեշ շրջանում կրակը տարածվել է բնակելի շենքի վրա, վնասվել է երկու բնակարան: Հրդեհը մարելու ընթացքում տուժել է մեկ փրկարար: Յոթ մարտական հաշվարկներ են աշխատում՝ հակահրդեհային ինքնաթիռների միջոցով հրդեհները կանխելու ուղղությամբ: Հրդեհների մեծ մասը շարունակվում է:
Աղբյուր՝ korrespondent.net
Գերմանիան և Ֆրանսիան պահանջում են անհապաղ ազատ արձակել Բելառուսի ընդդիմության ակտիվիստներ Ռոման Պրոտասևիչին և Սոֆյա Սապեգիին և անցկացնել նոր նախագահական ընտրություններ Բելառուսում: Այս մասին ասվում է հայտարարության մեջ, որն ընդունվել է երկու երկրների նախարարների խորհրդի մայիսի 31-ին կայացած նիստին, որին մասնակցում էին Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը:
Աղբյուր՝ eadaily.com
Ամերիկացի գրող Սթիվեն Քինգը, որը հիմնականում հայտնի է սարսափի և թրիլերի ժանրերում իր ստեղծագործություններով, Dread Central պորտալի լրագրողի հետ հարցազրույցում պատմել է, թե որ ֆիլմն է համարում ամենասարսափելին: Թվում է, թե ամենահայտնի սարսափ ֆիլմերի հեղինակին ոչնչով վախեցնել չի լինի, սակայն Քինգը ասել է, որ վախեցել է, երբ դիտել է «The Blair Witch Project» (1999) սարսափ ֆիլմը:
Աղբյուր՝ ria.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
