Կարճ լուրեր
Եվրամիության արդարադատության դատարանը կքննարկի՝ մեծ աղմուկ հանած Սուպերլիգայի նախագծի մասնակիցների նկատմամբ ՈւԵՖԱ-ի և ՖԻՖԱ-ի կողմից հնարավոր վատ վարքի գործը: Ծրագրի մասնակիցները՝ «Ռեալը», «Բարսելոնան» և «Յուվենտուսը», վկայակոչում են Մադրիդի դատարանի որոշումը, որով արգելվում է ՈւԵՖԱ-ին խոչընդոտել Սուպեր լիգայի ստեղծմանը:
Աղբյուր՝ korrespondent.net
Ամերիկացի 58-ամյա դերասան և քանթրի երաժիշտ Ջո Լարան, ով առավել հայտնի է Տարզանի դերով, Թենեսիում թեթև շարժիչով օդանավի վթարի 7 զոհերից մեկն է: Ինքնաթիռի կործանումից զոհվել է նաև դերասանի կինը՝ Գվեն Շամբլինը, ով ամերիկացի հայտնի սննդաբան էր:
Աղբյուր՝ bbc.com
Իսլամական քարոզիչ Ֆեթուլլահ Գյուլենի եղբորորդին՝ Սելահադդին Գյուլենը, ով Թուրքիայում մեղադրվում է FETÖ «ահաբեկչական ցանցը» ստեղծելու և 2016 թվականի հուլիսին հեղաշրջման փորձին մասնակցելու մեջ, երկիր է բերվել Թուրքիայի ազգային հետախուզական կազմակերպության (MİT) պաշտոնյաների կողմից:
Աղբյուր՝ eadaily.com
Ջեյսոն Դուպասկյեն մահացել է Իտալիայի Գրան Պրիի ընտրական փուլի ժամանակ տեղի ունեցած վթարից հետևանքով:
Աղբյուր՝ nbcnews.com
2021 թվականի գարնան վերջին օրը դարձավ LG-ի բջջային բաժանմունքի պատմության մեջ վերջինը: Ընկերությունը պաշտոնապես դադարեցրել է սմարթֆոնների և պլանշետների արտադրությունը, իսկ Վիետնամում գործող միակ մասնագիտացված գործարանը կզբաղվի կենցաղային տեխնիկայի պատրաստմամբ: LG-ի պատմության հրաժեշտի սմարթֆոնները՝ Velvet 2 Pro-ն և LG Rollable-ը, ազատ վաճառքի չեն հանվել: Մի քանի հազար թողարկումները կվաճառվեն ընկերության աշխատակիցներին Հարավային Կորեայում:
Աղբյուր՝ ria.ru
Մայիսի 19-ից 29-ը ԱՀ շրջանների ու մայրաքաղաքի դպրոցների ավագ դասարանների աշակերտների համար կազմակերպված դասընթացների անցկացման նպատակն էր երիտասարդ սերնդին ներկայացնել, թե ինչպես է աշխատում մեդիա ոլորտը, ինչով է իրարից տարբերվում կեղծ և իրական լրատվությունը, ինչ հնարքներ են օգտագործում լրատվամիջոցները: Դասընթացներին մասնակցել են շուրջ 1300 աշակերտներ Արցախի 59 համայնքների դպրոցներից: Այն կլինի շարունակական:
Աղբյուր՝ ԱՀ նախագահի աշխատակազմ
«Ես գնում եմ, բայց նավը չեմ լքում, և ոչ էլ հոգնել եմ մարզելուց»,- հայտնել է 48-ամյա մարզիչը: Երկրպագուներին ուղղված բաց նամակում նա ավելացրել է,- Ես հեռանում եմ, քանի որ զգում եմ, որ ակումբն այլևս չունի այն հավատը, որն ինձ պետք է, և ոչ էլ աջակցություն միջնաժամկետ կամ երկարաժամկետ հեռանկարում ինչ-որ բան կառուցելու համար: «Ես գիտեմ ֆուտբոլը և գիտեմ «Ռեալի» պես ակումբի պահանջները: Ես գիտեմ, որ երբ չես հաղթում, պետք է հեռանաս»:
Աղբյուր՝ bbc.com
Օրենքի փոփոխության արդյունքում Տնտեսական մրցակցության պաշտպանության պետական հանձնաժողովն այսուհետ կշարունակի գործել որպես Մրցակցության պաշտպանության հանձնաժողով։
Աղբյուր՝ Մրցակցության պաշտպանության հանձնաժողով
«Գալլիմար» հրատարակչությունը հրապարակել է 170 նամակ գրող Անտուան դը Սենտ-Էքզյուպերիի և նրա մուսայի՝ նկարչուհի Կոնսուելո Սունսին-Սանդովալի նամակագրությունից, հաղորդագրությունները ձևավորելով դրանց հեղինակների նկարներով:
Աղբյուր՝ tass.ru
Չինաստանի ֆուտբոլի ասոցիացիան հայտնել է, որ Աշխարհի առաջնության ընտրական փուլում Չինաստանում կայանալիք մի քանի խաղեր Դուբայ են տեղափոխվել Սիրիայի և Մալդիվների հավաքականներում կորոնավիրուսային վարակի պատճառով: Տուժել է A խմբի յոթ հանդիպումների օրացույցը, որոնց մասնակցում են Չինաստանը, Սիրիան, Մալդիվները, Ֆիլիպինները և Գուամը, ինչը էլ ավելի է վատթարացնում Քաթարում արդեն իսկ խափանված ԱԱ-2022 ընտրական հանդիպումների ընթացքը:
Աղբյուր՝ france24.com
Մայիսի 30-ի առավոտյան Թաիլանդի առողջարանային քաղաքում մահացած են գտել Թաիլանդի Թագավորությունում Ուկրաինայի արտակարգ և լիազոր դեսպան Անդրեյ Բեշթային: Համաձայն նախնական վարկածի՝ 45-ամյա ուկրաինացի դիվանագետը մահացել է առավոտյան՝ սրտի անբավարարության պատճառով:
Աղբյուր՝ eadaily.com
Հյուսիսային Կորեայի պետական լրատվամիջոցները քննադատել են Միացյալ Նահանգների և Հարավային Կորեայի միջև վերջերս կնքված դաշնագրի դադարեցումը, որը սահմանափակում էր հարավկորեական բալիստիկ հրթիռների զարգացումը: ԿԺԴՀ-ն այն որակել է Վաշինգտոնի «խայտառակ երկերեսանիություն» նշան:
Աղբյուր՝ reuters.com
Անցած օրվա ընթացքում կորոնավիրուսից մահացել է 16 հիվանդ: Ընդհանուր առմամբ, Վրաստանում հայտնաբերվել է կորոնավիրուսի վարակի 343 963 դեպք, որից առողջացել է 327 618 մարդ, մահացել է 4773-ը:
Աղբյուր՝ apsny.ge
Եգիպտոսի արտգործնախարարը կիրակի օրը իր իսրայելցի գործընկերոջ հետ հանդիպման ժամանակ շեշտել է, որ Իսրայելի և ՀԱՄԱՍ-ի միջև զինադադարը պետք է շարունակվի՝ վերջ դնելով բոլոր գործողություններին, որոնք հանգեցնում են հակամարտության սրման:
Աղբյուր՝ reuters.com
Ռուսաստանն ու Չինաստանը ռազմական դաշինք են կազմել՝ ԱՄՆ-ին իրենց աշխարհաքաղաքական շահերի գոտիներից դուրս մղելու համար: Այս կարծիքին է գերմանացի քաղաքագետ Յոախիմ Կրաուզեն: Ըստ նրա, մի քանի փաստեր վկայում են այն մասին, որ երկու երկրների դաշինքն «արդեն իրականություն է դարձել»: Դրանց թվում են վերջին սերնդի զենքի կանոնավոր մատակարարումը Չինաստան, ինչպես նաև համատեղ վարժանքները:
Աղբյուր՝ ria.ru
Նաոմի Օսական տուգանվել է Grand Slam-ի կազմակերպիչների կողմից՝ կիրակի օրը կայացած Ֆրանսիայի բաց առաջնության առաջին տուրում տարած հաղթանակից հետո մամուլի ասուլիսը շրջանցելու համար, ինչպես նաև նախազգուշացվել է Ռոլան Գարոսից և հետագա առաջնություններից հնարավոր հեռացման մասին, եթե չկատարի լրատվամիջոցների առջև ստանձնած պարտավորությունները:
Աղբյուր՝ reuters.com
Զինված ավազակախմբերը տարեսկզբից ավելի քան 700 աշակերտի են առեւանգել հանրապետության տարբեր շրջանների դպրոցներից ու համալսարաններից, իսկ մարտ ամսից փակվել է ավելի քան 600 դպրոց:
Աղբյուր՝ tass.ru
Բորիս Ջոնսոնն ամուսնացել է իր հարսնացուի՝ Քերի Սիմոնդսի հետ, Վեսթմիսթերյան տաճարում՝ գաղտնի պլանավորված հարսանիքով: Ամուսնությունը տեղի է ունեցել «փոքր արարողությամբ» շաբաթ կեսօրին, հայտնել Դաունինգ Սթրիթի խոսնակը:
Աղբյուր՝ bbc.com
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
