Կարճ լուրեր
Բժշկության պատմության մեջ առաջին անգամ գենետիկ ինժեներիայի միջոցով հաջողվել է շտկել ցանցաթաղանթի գանգլիոնային բջիջներն ու մասնակիորեն վերականգնել ամբողջովին կույր մարդու տեսողությունը, որը 40 տարի տեսնել չէր կարողանում: 58-ամյա տղամարդը կուրացել էր պիգմենտային ռետինիտ հիվանդության պատճառով, որի հետևանքով խաթարվում է լուսազգայուն բջիջների գործառույթը:
Աղբյուր՝ cnn.com
Էստոնիան կարող է համատեղել նախագահի և վարչապետի գործառույթները մեկ պաշտոնի ներքո: Այսպիսի կարծիք է հայտնել իշխող աջ-լիբերալ Բարեփոխումներ կուսակցության նախագահ Սիյմ Կալլասը: Կալլասը նշեց, որ ներկայումս Էստոնիայի Նախագահի ընտրության կարգը շատ բարդ է: Էստոնիայում հաջորդ նախագահական ընտրությունները պետք է անցկացվեն օգոստոսի 10-ից սեպտեմբերի 29-ը:
Աղբյուր՝ tass.ru
Անցած 24 ժամվա ընթացքում երկրում կորոնավիրուսից ապաքինվել է 1481 մարդ, մահացել է 17 հիվանդ: Ընդհանուր առմամբ, Վրաստանում հայտնաբերվել է կորոնավիրուսային վարակի 340 838 դեպք, որից առողջացել է 323 409 մարդ, մահացել է 4 699-ը:
Աղբյուր՝ apsny.ge
Երկարատև դատական քաշքշուկից հետո Բրեդ Փիթը Անջելինա Ջոլիի հետ երեխաների համատեղ խնամակալության իրավունք է ստացել: Ջոլին ամուսնալուծության հայց էր ներկայացրեց 2016-ին, և այդ ժամանակվանից ի վեր զույգը խնամակալության իրավունքի պայքարի մեջ էր: 57-ամյա Փիթը և 45-ամյա Ջոլին ունեն 6 երեխա: Արդեն չափահաս, ավագ որդուն՝ 19-ամյա Մեդոքսին, խնամակալության մասին որոշումը չի վերաբերում:
Աղբյուր՝ bbc.com
Դրանցից մեկը Բուդդայի բրոնզե գլուխ է,որը պատկանում է Տան դինաստիային (618-907): Երկրորդը՝ բրոնզից պատրաստված Բուդդայի ոսկեզօծ գլուխը, պատկանում է Սուն դինաստիային (960-1279):
Աղբյուր՝ tass.ru
Ֆրանսիայի նախագահըը հինգշաբթի ժամանել է Կիգալի՝ հուսալով վերականգնել երկու ժողովուրդների կապերը Ռուանդայի տասնամյակների մեղադրանքներից հետո, թե Ֆրանսիան մեղսակից է 1994-ի թութսիների ցեղասպանությանը: Այցը հաջորդեց Ֆրանսիայի քննիչ հանձնաժողովի զեկույցին, որում ասվում էր, որ գաղութատիրական կեցվածքը կուրացրել է ֆրանսիացի պաշտոնյաներին, իսկ կառավարությունը կրում է «լուրջ և համապարփակ» պատասխանատվություն սպանդը չկանխատեսելու համար:
Աղբյուր՝ reuters.com
Ուկրաինայի և Մեծ Բրիտանիայի ռազմածովային ուժերը Սև ծովում PASSEX տիպի համատեղ վարժանք են անցկացրել, հայտնում է Ուկրաինայի ռազմածովային ուժերի մամուլի ծառայությունը:
Աղբյուր՝ ria.ru
Ուկրաինայում վերջին մեկ օրում հաստատվել է COVID-19 կորոնավիրուսի 3 509 նոր դեպք: Միևնույն ժամանակ, մահացել է 183 մարդ, իսկ համավարակի զոհերի ընդհանուր թիվը գերազանցել է 50 հազարը, այսօր՝ մայիսի 27-ին, հայտնել էԱռողջապահության նախարարությունը: Երկրում դեպքերի թվի աճը շարունակվում է չորրորդ օրն անընդմեջ:
Աղբյուր՝ korrespondent.net
Նաոմի Օսական հայտնել է, որ այս տարվա Ֆրանսիայի բաց առաջնությունում չի պատասխանի մամուլի հարցերին՝ նշելով, որ ասուլիսների բնույթը անարդար բեռ է դնում մարզիկների հոգեկան առողջության համար: «Մենք հաճախ նստում և ստանում ենք հարցեր, որոնք նախկինում մեզ բազմիցս են ուղղվել կամ հարցեր են հնչել, որոնք կասկած են հարուցում մեր մտքում, և ես պարզապես չեմ պատրաստվում ենթարկվել ինձ կասկածող մարդկանց», - հավելել է 23-ամյա թենիսիստուհին:
Աղբյուր՝ theguardian.com
Ամերիկյան Amazon ընկերությունը համաձայնել է գնել «Մետրո-Գոլդուին-Մայեր» (Metro Goldwyn Mayer) կինոստուդիան: Այս մասին հայտարարվել է՝ Amazon-ի կայքում չորեքշաբթի օրը տեղադրված մամուլի հաղորդագրությունում: Գործարքի արժեքը կազմել է 8,45 միլիարդ դոլար:
Աղբյուր՝ tass.ru
Ֆրանկֆուրտի «Այնտրախտը» մարզելու համար վարձվեց Օլիվեր Գլասները՝ Վոլֆսբուրգի իր թիմի Չեմպիոնների լիգայի ուղեգիր նվաճելուց երկու շաբաթ չանցած: «Վոլֆսբուրգը» Բունդեսլիգան ավարտեց չորրորդ տեղով՝ «Ֆրանկֆուրտից» մեկ հորիզոնականով բարձր: 2015-16 թվականներից ի վեր Չեմպիոնների լիգայի իր առաջին մրցանակային պայքարի համար «Վոլֆսբուրգը» նոր մարզիչ պետք է փնտրի: Ավստրիացի մարզչի պայմանագիրը Ֆրանկֆուրտի հետ կգործի մինչ 2024 թվականի հունիսը:
Աղբյուր՝ apnews.com
Վերականգնել Ռուսաստանի հետ լավ հարաբերությունները և վերացնել նրա նկատմամբ կիրառված պատժամիջոցները, դուրս գալ ՆԱՏՕ-ի համատեղ հրամանատարությունից, վերանայել քաղաքականությունը Միացյալ Նահանգների հետ. այսպիսին են «Ազգային ճակատի» Ֆրանսիայի նախագահի թեկնածու Մարին Լը Պենի արտաքին քաղաքական ծրագրի հիմնական թեզերը, որի մասին նա խոսել մայիսի 25-ին, BFMTV-RMC-ի եթերում:
Աղբյուր՝ eadaily.com
Մեքսիկայի կառավարությունը դատապարտել է Մեխիկոյի մերձակայքում գտնվող հնագույն Տեոտիուական քաղաքում կատարվող անօրինական շինարարական աշխատանքները: ՄԱԿ-ի Հուշարձանների և տեսարժան վայրերի պահպանման միջազգային խորհուրդ (ԻԿՕՄՈՍ) հայտնել է, որ բուլդոզերները սպառնում են հիմնահատակ անել պահպանվող բնավայրի յոթ ակրի հասնող հատված:
Աղբյուր՝ bbc.com
Եկատերինբուրգի օդանավակայանից թռիչքի ժամանակ Տու-134 ինքնաթիռը ռեակտիվ հոսքով «դիպչել» է թռիչքուղու վրա գտնվող սարքավորումներին: Ինքնաթիռն ու անձնակազմը չեն տուժել, վնաս չի եղել, հաղորդում է Կենտրոնական ռազմական շրջանի մամուլի ծառայությունը:
Աղբյուր՝ ria.ru
Լուսավոր Հայաստան կուսակցության ներկայացուցիչ Դավիթ Խաժակյանը հայնել է, որ Հանձնաժողովում կլինի 17:30-ին՝ ներկայացնելու փաստաթղթերը և կուսակցության ցուցակի տասնյակը:
Չորս մարդուց բաղկացած հրշեջ ուղղաթիռը վթարի է ենթարկվել երեքշաբթի օրը՝ Ֆլորիդայի կենտրոնական մասում գտնվող օդանավակայանի մոտ, ինչի հետևանքով զոհվել է առնվազն մեկ մարդ: Ժամը 16-ի սահմաններում ուղղաթիռը ընկել է Լիսբուրգի միջազգային օդանավակայանի մոտակայքում գտնվող ճահիճը, ասվում է Դաշնային ավիացիոն վարչության հաղորդագրությունում:
Աղբյուր՝ nbcnews.com
Հունիսի 5-ին «Ավրորա» մարդասիրական նախաձեռնության Aurora Dialogues առցանց քննարկումների շրջանակում տեղի կունենա «Վարդան Գրեգորյանը՝ «Ավրորայի» համահիմնադիրը» միջոցառումը: Այն կհամախմբի միջազգային մարդասիրական համայնքի ներկայացուցիչներին՝ հիշելու «Ավրորայի» համահիմնադիր եւ «Ավրորա» մրցանակի Ընտրող հանձնաժողովի անդամ, ամերիկահայ ականավոր մարդասեր Վարդան Գրեգորյանին:
Աղբյուր՝ IDeA հիմնադրամ
Երևանի Ռուսական տունը (Россотрудничество в Армении) Երեխաների պաշտպանության միջազգային օրվա կապակցությամբ պատրաստել է նվեր. օրիգինալ այբբենարան-կոմիքսի՝ «Учим русский с Грибоедовым» («Սովորում ենք ռուսերեն Գրիբոյեդովի հետ») շնորհանդես: Գաղափարի հեղինակն է Երևանում Ռուսական տան ղեկավար Վադիմ Ֆեֆիլովը: Շնորհանդեսը նվիրված է և տեղի կունենա 2021 թ. հունիսի 1-ին, ժամը 13:00-ին, Կոնստանտին Ստանիսլավսկու անվան ռուսական պետական դրամատիկական թատրոնում:
Աղբյուր՝ Երևանի Ռուսական տուն
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
