Կարճ լուրեր
Հնդկաստանի կողմից կառավարվող Ջամու և Քաշմիրի նահանգում զինյալների հարձակման հետևանքով զոհվել է մեկ խաղաղ բնակիչ, վիրավորվել 10-ամյա երեխա: Ծայրահեղականների հարձակման զոհ է դարձել տեղի հեռուստաալիքի հեռուստահաղորդավարուհի Ամրին Բհաթը: Ողբերգության պահին նա եղել է 10-ամյա զարմիկի հետ: Տղան վիրավորվել է ձեռքից. նրա կյանքին վտանգ չի սպառնում: Կինը մահացել է հիվանդանոցում:
Աղբյուր՝ tass.ru
Հունիսի 25 - «Հրազդան» մարզադաշտում տեղի կունենա սիրված երգչուհի Զազի մենահամերգը: Հուլիսի 1 - «Հրազդան» մարզադաշտում՝ ռեփեր 50 Cent-ի կենդանի հնչողությամբ համերգը: Հուլիսի 9 - «Հրազդան» մարզադաշտում ելույթ կունենա Led Zeppelin Symphonic-ը: Այն նախագիծ է, որտեղ լեգենդար խմբի երաժշտությունը կատարում են երեք ֆենոմենալ երգիչներ London West End-ից՝ բրիտանական լավագույն ռոք խմբի և սիմֆոնիկ նվագախմբի ուղեկցությամբ: Ընդհանուր ներկայացված է 25 երգ:
Աղբյուր՝ HAYA festival
Խուան Վիսենտե Պերես Մորան, ով անցյալ շաբաթ Գինեսի ռեկորդների գրքում ճանաչվել է աշխարհի ամենատարեց մարդը, ուրբաթ օրը կդառնա 113 տարեկան: Ամեն օր մի բաժակ թունդ ոգելից խմիչք վայելող Պերես Մորան ունի 41 թոռ, 18 ծոռ և 12 կոռ, ասվում է Գինեսի մամուլի հաղորդագրության մեջ։ Բացի արյան ճնշման մի փոքր բարձրացումից և տարիքի պատճառով լսողության խնդիրներից, Պերես Մորան այլ առողջական խնդիրներ չունի և դեղորայք չի ընդունում:
Աղբյուր՝ reuters.com
Երգչուհի Նարգիզին 50 տարով արգելել են մուտք գործել Ռուսաստան՝ Ուկրաինայում հատուկ գործողության վերաբերյալ իր դիրքորոշման պատճառով, հայտնում է Starhit-ը: Երգչուհու փաստաբան Բախրոմ Իսմայիլովը նշել է, որ Նարգիզը չի կարողանա մուտք գործել Ռուսաստան մինչև 2072 թվականը: Նրա խոսքով՝ դա ստանդարտ արգելք է, որը ստանում են բոլոր հանրային գործիչները, ովքեր դատապարտում են հատուկ գործողությունը:
Աղբյուր՝ kulturomania.ru
Սենեգալի արևմտյան Տիվաուան քաղաքի հիվանդանոցում բռնկված հրդեհի հետևանքով 11 նորածին է մահացել: Այս մասին չորեքշաբթի ուշ երեկոյան հայտնել է երկրի նախագահ Մակի Սալլը:
Աղբյուր՝ france24.com
Իսպանացի թենիսիստ Ռաֆայել Նադալը դուրս է եկել Ֆրանսիայի բաց առաջնության երրորդ շրջան: Մեծ սաղավարտի մրցաշարի մրցանակային հիմնադրամը կազմում է 43,6 մլն եվրո: Մրցաշարի 13-ակի հաղթող Ռաֆայել Նադալը երկրորդ շրջանի խաղում հանդիպեց ֆրանսիացի Կորենտին Մուտեի հետ: Իսպանացին երեք խաղում հաղթել է 6:3, 6:1, 6:4 հաշվով։ Մրցակիցները կորտում անցկացրել են 2 ժամ 12 րոպե:
Աղբյուր՝ vesti.ru
Հնդկաստանը որոշել է սահմանափակել շաքարի վաճառքը միջազգային շուկաներում՝ ցորենի արտահանումն արգելելուց ընդամենը մի քանի օր անց: Չորեքշաբթի տարածած հայտարարության մեջ Հնդկաստանը հայտնել է, որ մինչև սեպտեմբեր մարքեթինգային սեզոնի համար շաքարավազի արտահանումը կսահմանափակի մինչև 10 միլիոն տոննա՝ գները վերահսկողության տակ պահելու համար:
Աղբյուր՝ cnn.com
Նեյմարն ասում է, որ կցանկանար մնալ Ֆրանսիայի չեմպիոն «Պարի Սեն Ժերմենում», չնայած այնքան էլ չի արդարացնում իր համաշխարհային ռեկորդային արժեքը՝ 222 միլիոն եվրո, և խոսակցություններ են պտտվում, թե ակումբը ցանկանում է, որ նա հեռանա: 30-ամյա բրազիլացին նախորդ տարի երկարաձգել է պայմանագիրը՝ մինչև 2025 թվականը: Այնուամենայնիվ, հերթական հիասթափեցնող մրցաշրջանը, որը խաթարվեց վնասվածքի պատճառով, կասկածի տակ դրեց նրա ապագան ակումբում:
Աղբյուր՝ france24.com
Ռուսաստանը ներկայացնող հայազգի թենիսիստ Կարեն Խաչանովը Ֆրանսիայի բաց առաջնության երկրորդ շրջանի խաղում հաղթել է Հուգո Դելիենին: Փարիզում այս օրերին ընթանում է «Մեծ սաղավարտի» մրցաշարը: Խաչանովն առաջին սեթում (4:6) զիջեց բոլիվացի մրցակցին, սակայն դրանից հետո երեք պարտիա անընդմեջ հաղթանակ տարավ՝ 6:4, 7:6 (7:1), 6:3: Ֆրանսիայի մայրաքաղաքի հողածածկ մրցակիցների հանդիպումը տևել է 3 ժամ 7 րոպե:
Աղբյուր՝ vesti.ru
DC Films-ի գործադիր տնօրեն Ուոլթեր Համադան հաստատել է, որ մտադիր է փոխարինել Էմբեր Հյորդին «Ակվամենը և կորուսյալ թագավորությունը» կինոկոմիքսում: Այդ մասին դերասանուհին խոսել էր մայիսի 17-ին նախկին ամուսնու՝ Ջոնի Դեփի հետ դատավարության ժամանակ: DC կինոստուդիայում դժգոհ են եղել դերասանուհու շուրջ բարձրացած սկանդալից: Սակայն Համադան պարզաբանել է, որ փոխարինող փնտրելու հիմնական պատճառը գլխավոր դերակատար Ջեյսոն Մոմոայի հետ անհրաժեշտ փոխըմբռնման բացակայությունն է։
Աղբյուր՝ kulturomania.ru
Աերոսմիթ ռոք խումբը չեղյալ է հայտարարել հունիսի 17-ին կայանալիք Լաս Վեգասի համերգը այն բանից հետո, երբ գլխավոր անդամ Սթիվեն Թայլերը թմրանյութերից կախվածության դեմ վերականգնողական կուրս սկսեց: Աստղի մոտ, ով ավելի քան մեկ տասնամյակ եղել է սթափ վիճակում, ոտքի վիրահատության համար ցավազրկող դեղեր ընդունելուց հետո ռեցիդիվ է սկսվել: 74-ամյա երաժիշտը «կամավոր բուժում է սկսել՝ կենտրոնանալու իր առողջության և վերականգնման վրա», ասվում է խմբի անդամ ընկերների հայտարարության մեջ:
Աղբյուր՝ bbc.com
Ռուսաստանը և Իրանը պայմանավորվել են անցնել ազգային արժույթներով փոխադարձ հաշվարկների առավելագույն հնարավոր մակարդակին: Երկրները քննարկում են «Միր» և «Շեթաբ» վճարային համակարգերի միացումը, ինչպես նաև ֆինանսական հաղորդագրությունների ազգային համակարգերի գործարկումը: Այս մասին հայտարարել է Ռուսաստանի և Իրանի միջկառավարական հանձնաժողովի համանախագահ, ՌԴ փոխվարչապետ Ալեքսանդր Նովակը:
Աղբյուր՝ tass.ru
Թուրքիայի պաշտպանության նախարարության հաղորդագրության մեջ ասվում է, որ Հյուսիսային Իրաքում Քրդստանի աշխատավորական կուսակցության քուրդ զինյալների դեմ մարտերում հինգ թուրք զինվորական է սպանվել: Երեքշաբթի օրը իրաքա-թուրքական սահմանի մոտ տեղի ունեցած բախումների հետևանքով ևս երկու զինվոր վիրավորվել է:
Աղբյուր՝ aljazeera.com
Բանանի հոտը սթրես է առաջացնում արու մկների մոտ, քանի որ արոմատիկ նյութերը պարունակում են նույն միացությունը, որը հանդիպում է հղի կամ կերակրող էգերի մեզի մեջ: Այդ մասին պարզել են Կանադայի ՄաքԳիլի համալսարանի կենսաբանները: Հետազոտողները պարզել են, որ երբ արուները մոտ են հղի և կերակրող էգերին, սթրեսի հորմոններ են արտադրվում, և ցավի նկատմամբ զգայունությունը նվազում է՝ ամիլացետատների ազդեցությամբ, որոնք արտազատվում են էգի մեզի մեջ:
Աղբյուր՝ gazeta.ru
Մայիսի 24-ին Հայ-ռուսական համալսարանում տեղի ունեցավ Վլադիմիր Եղիազարյանի անվան ծրագրավորման հայաստանյան բաց մրցույթի փակման արարողությունը։ Մրցույթին մասնակցեցին շուրջ 100 թիմ։ Դիպլոմներ ստացան առաջին 27 տեղերն զբաղեցրած թիմերը։ Հաղթող ճանաչվեց Space (Սամվել Անդրեասյան, Մեսրոպ Անդրեասյան) թիմը։ Եվս երկու թիմ՝ TiMvOrQ և Return of Dzec! Dzuk ստացան առաջին կարգի դիպլոմ։ Երկրորդ կարգի դիպլոմներ ստացան 13, իսկ երրորդ կարգի՝ 10 թիմ։
Աղբյուր՝ CodeSignal (Մամլո հաղորդագրություն)
Երգչուհի Նարգիզ Զակիրովային բերման են ենթարկել Դոմոդեդովո օդանավակայանում՝ Տաշքենդից ժամանելուց հետո, հայտնում է vesti.uz առցանց հրատարակչությունը: Ապրիլին Զակիրովան վերադարձել է Ուզբեկստան՝ Ուկրաինայում ստեղծված իրավիճակի ֆոնին: Երգչուհին հայտնի է նաև Ռուսաստանի հասցեին իր կոշտ հայտարարություններով:
Աղբյուր՝ ria.ru
Մինչ դեպի Եվրոպա վտանգավոր եղանակով անցնելող մարդկանց թիվը մեծանում է, 75 մարդ անհետ կորել է, այն բանից հետո երբ չորեքշաբթի Թունիսի ափերի մոտ ներգաղթյալների լեփ-լեցուն նավ է խորտակվել: Այս մասին հայտնել են Միգրացիայի միջազգային կազմակերպությունը (ՄՄԿ) և անվտանգության աշխատակիցները: ՄՄԿ-ն հավելել է, որ 24 մարդ փրկվել է նավակից, որը դուրս էր եկել Լիբիայի Զուարայի ափերից և խորտակվել Սֆաքս քաղաքի ափերի մոտ:
Աղբյուր՝ reuters.com
Տասը ոստիկան է վիրավորվել Կոնֆերենցիաների լիգայի եզրափակչի նախապատրաստական փուլի ժամանակ երկրպագուների բախման ժամանակ: Չորեքշաբթի Ալբանիայի մայրաքաղաք Տիրանայում իտալական «Ռոման» կմրցի հոլանդական «Ֆեյենորդի» հետ: Երեքշաբթի երկրպագուները ապակյա շշեր, փայտեր, քարեր և այլ առարկաներ են նետել, երբ տեղի ոստիկանությունը փորձել է ճնշել անկարգությունները: Ոստիկանները երկրպագուների երկու խմբերից բերման են ենթարկել 60 հոգու՝ 48 իտալացի և 12 հոլանդացի:
Աղբյուր՝ bbc.com
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
