Կարճ լուրեր
Մայիսի 26-ից Ուկրաինան դադարեցնում է թռիչքները Բելառուսի հետ՝ Մինսկում Ryanair-ի ինքնաթիռի հետ կապված միջադեպի պատճառով: Այս մասին մայիսի 25-ին հայտարարել է երկրի վարչապետ Դենիս Շմիգալը:
Աղբյուր՝ iz.ru
Օլիմպիական խաղերի կրկնակի մեդալակիր Սուշիլ Կումարը ձերբակալվել է կիրակի օրը՝ մեկ այլ հնդիկ ըմբիշի սպանության գործով, հայտնել է Դելիի ոստիկանությունը: Թե՛ 37-ամյա Կումարը, և թե՛ նույն հանցանքի համար կալանավորված երկրորդ տղամարդը հետագայում ներկայացվել են դատարան, հավելել է Դելիի ոստիկանության խոսնակը՝ չնշելով հնարավոր մեղադրանքների մանրամասները:
Աղբյուր՝ cnn.com
Դեպքը տեղի է ունեցել ԱՄՆ Օհայո նահանգի Ուեսթ Ջեֆերսոն գյուղում: Հաղորդվում է, որ իրավապահները կրակոցների մասին հաղորդում են ստացել տեղական ժամանակով մոտ 17.27-ին: Նշվում է, որ բնակելի շենքի մոտ կրակոցներ լսելուց հետո՝ պատահական անցորդ է զանգահարել ոստիկանություն:
Աղբյուր՝ ria.ru
ԱՄՆ Մասաչուսեթս նահանգից մի կին, ով պատահաբար դեն էր նետել 1 միլիոն դոլար շահումով վիճակախաղի տոմսը, ի վերջո ստացել է իր շահումը՝ շնորհիվ այ խանութի տերերի բարության, որտեղից նա գնել էր տոմսը:
Աղբյուր՝ abcnews.go.com
Գվարդիոլան այս մրցաշրջանում «Մանչեսթեր Սիթիին» հաղթանակների է հասցրել Պրեմիեր լիգայում և Անգլիայի լիգայի գավաթում: Մանչեսթեր Սիթին Չեմպիոնների լիգայի եզրափակչում մայիսի 29-ին մրցելու է «Չելսիի» հետ: 50-ամյա մարզիչը ստացել է Ալեքս Ֆերգյուսոնի անվան մրցանակը:
Աղբյուր՝ tass.ru
Առողջապահական կազմակերպությունը կոչ է արել մինչև սեպտեմբեր պատվաստվել յուրաքանչյուր երկրի բնակչության 10%-ը:
Աղբյուր՝ tass.ru
Հաղորդվում է, որ Մեծ Բրիտանիայի վարչապետը և նրա հարսնացու Քերի Սիմոնդսը մտադիր են ամուսնանալ հաջորդ ամառ: Զույգը ընտանիքին և ընկերներին ամսաթվային բացիկներ է ուղարկեցլ` 2022 թ. հուլիսի 30-ին «իրենց հարսանիքը նշելու» միջոցառման առթիվ:
Աղբյուր՝ independent.co.uk
Մյանմայի նախկին ղեկավար Աուն Սան Սու Չժին առաջին անգամ անձամբ ներկայացել է դատարան փետրվարից ի վեր, երբ նրա կառավարությունը տապալվեց բանակի կողմից: Մայրաքաղաք Նայպիդոում տեղի ունեցած դատական նիստը անմիջապես հետաձգվել է: Նախկին առաջնորդին մի քանի մեղադրանք է առաջադրվել, այդ թվում՝ պետական գաղտնիքի մասին օրենքը խախտելը: Նիստից առաջ նրան առաջին անգամ թույլատրվել է անձամբ հանդիպել իր փաստաբանների հետ:
Աղբյուր՝ bbc.com
Լիտվայի ԱԳՆ-ն իր քաղաքացիներին խորհուրդ է տվել ձեռնպահ մնալ Բելառուս մեկնելուց`Մինսկ վերաուղարկված Ryanair-ի ինքնաթիռի հետ կապված միջադեպից հետո:
Աղբյուր՝ ria.ru
Առնվազն մեկ հրթիռ է ընկել Անբար նահանգում գտնվող բազայի տարածքում: Եվս երկուսը չեն հասել օբյեկտին և պայթել են դրա սահմաններից դուրս: Հնարավոր ավերածությունների և վնասների մասին տեղեկություններ չեն հաղորդվում:
Աղբյուր՝ tass.ru
Ճապոնիայում գաղտնազերծված փաստաթղթեր են հրապարակվել ԽՍՀՄ պլանների մասին՝ Տոկիոյին Կուրիլյան կղզիների մի մասը տալու վերաբերյալ: Համաձայն ԽՍՀՄ-ում 70-ականների սկզբին կազմված խաղաղության պայմանագրի նախագծի`խորհրդային կողմը դիտարկել է տարածքային վեճի լուծման հնարավորությունը` չորս կղզիներից երկուսը`Շիկոտանը և Հաբոմայը, Ճապոնիային փոխանցելու միջոցով: Նշվում է, որ նման որոշման խթան է հանդիսացել տեղեկատվությունը՝ ԽՍՀՄ-Տոկիոյի հարաբերությունները բարդացնելու Չինաստանի մտադրության մասին:
Աղբյուր՝ lenta.ru
Խիստ ցուրտ եղանակին զոհված մարզիկների հարազատների ու ընկերների համար կասկածելի է, թե ինչպես է դա տեղի ոնեցել: Եվս ութ վազորդներ վնասվածքներ են ստացել, երբ սաստիկ եղանակային պայմանները հարվածել են 100 կմ երկարությամբ բարձրլեռնային, որը մեկնարկել էր Գանսու նահանգի Բային քաղաքի մերձակայքում:
Աղբյուր՝ theguardian.com
Մտահոգության պատճառներ չկան՝ Վագանկովսկոյե գերեզմանատանը դերասան Արմեն Ջիգարխանյանի գերեզմանի հարթեցման պատճառով, վստահեցրել է էքսկուրսավարը՝ մեկնաբանություն տալով REN հեռուստաընկերությանը: Նրա կարծիքով, այժմ գերեզմանը հավասարեցվել է, որպեսզի հետագայում դրա վրա բլակ պատրաստվի: Ավելի վաղ դերասանի ստեղծագործության երկրպագուները նկատել էին, որ նրա գերեզմանի վրա ցանկապատ չկա, իսկ ամբողջ տարածքը ծածկված է եղել ավազով:
Աղբյուր՝ radiosputnik.ria.ru
Իռլանդական Ryanair ավիաընկերության ղեկավար Մայքլ Օ'Լիրին պնդում է, որ, իր կարծիքով, ընկերության՝ դեպի Մինսկ վերահասցեավորված ինքնաթիռում եղել են Բելառուսի Հանրապետության պետական անվտանգության կոմիտեի աշխատակիցներ:
Աղբյուր՝ ria.ru
Ենթադրաբար իր կամքին հակառակ փակի տակ պահվող շեյխուհի Լատիֆայի հավանական երկու լուսանկարները հայտնվել են՝ ՄԱԿ-ի կողմից «կյանքի ապացույցի» պահանջներից հետո: Սիոնեդ Թեյլորի Instagram-ի հաշվում տեղադրված նկարում ակնհայտորեն երեւում է, որ Լատիֆան նստած է ռեստորանում: Մինչ այդ Թեյլորը մեկ այլ լուսանկար էր տեղադրել:
Աղբյուր՝ theguardian.com
Կատվի սեփականատեր Աննա Կոնդրատեւան նշել է, որ այժմ Աքիլլեսը շատ ծանրաբեռնված գրաֆիկ ունի. նա մասնակցում է՝ Ռուսաստանի թանգարաններում և գրադարաններում բնակվող ընտանի կենդանիների հաշվառման մրցույթին:
Աղբյուր՝ tass.ru
«Եվրատեսիլ-2021» երգի մրցույթում հաղթած իտալական Maneskin ռոք խմբի մենակատար Դամիանո Դեյվիդը հերքել է այն միտքը, թե ինքը կոկային է օգտագործել: Դա տեղի ունեցավ այն բանից հետո, երբ համացանցում լուրեր տարածվեցին մրցույթի տեսանյութի մասին, որում նա հենված է սեղանին: Եվրատեսիլի հայտարարության մեջ ասվում է, որ երգիչը «տուն հասնելուն պես կամավոր թմրանյութերի թեստ կանցնի»:
Աղբյուր՝ bbc.com
Գերագույն ռադայի «Հանուն ժողովրդավարական Բելառուսի» միջխմբակցային միավորումը պահանջում է դադարեցնել ցանկացած դիվանագիտական շփում Բելառուսի իշխանությունների հետ, ինչպես նաև օդային երթևեկությունը Բելառուսի հետ:
Աղբյուր՝ ria.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
