Կարճ լուրեր
Իսրայելի վարչապետ Բենիամին Նեթանյահուն հայտարարել է, որ անօդաչու թռչող սարքը, որը երկու օր առաջ Հորդանանի հետ սահմանին որսացել է իսրայելական զինուժը, զինված անօդաչու է, որն Իրանը ուղարկել է Իսրայել Իրաքից կամ Սիրիայից:
Աղբյուր՝ ria.ru
Խորհրդի անդամները մերժել են թույլատրել Netflix-ի սերիալի նկարահանման հրապարակի կառուցումը Ուինձորում: Չնայած արքայական ընտանիքի համաձայնությանը, Ուինձորի և Մեյդենհեդի քաղաքային խորհուրդը մերժել է դիմումը՝ այն որակելով որպես «կանաչ գոտու ոչ պատշաճ ցուցադրում»:
Աղբյուր՝ bbc.com
Ռուսաստանը կոշտ կպատասխանի իր տարածքի նկատմամբ ոտնձգության փորձերին, հայտարարել է նախագահ Վլադիմիր Պուտինը «Հաղթանակ» կազմկոմիտեի նիստում: «Բոլորը փորձում են մեզ կծել կամ մեզանից ինչ-որ բան պոկել, բայց նրանք պետք է իմանան, որ մենք բոլորի ատամները կփշրենք, որպեսզի իրենք չկարողանան կծել, և դրա երաշխիքը զինված ուժերի զարգացումն է», - ասել է նա:
Աղբյուր՝ ria.ru
Մայիսի 21-ին՝ ժամը 14։00-ին, Ավ. Իսահակյանի տուն-թանգարանում տեղի կունենա «Ակնթարթներ Սաադիի և Իսահակյանի հետ» գրական ցերեկույթը՝ նվիրված պարսիկ մեծ բանաստեղծ Սաադիին և հայ մեծանուն բանաստեղծ Ավ. Իսահակյանի ստեղծագործություններում պարսկական գրականության անդրադարձին:
Աղբյուր՝ ՀՀ ԿԳՄՍՆ
Այս մասին չորեքշաբթի օրը հայտարարել է Prop Store աճուրդի տունը՝ Լոնդոնում և Լոս Անջելեսում գտնվող գրասենյակների հետ: Ընդհանուր առմամբ, աճուրդի կհանվեն ավելի քան 1,2 հազար եզակի իրեր, որոնք օգտագործվել են աշխարհահռչակ ֆիլմերի և հեռուստասերիալների նկարահանումներում: Աճուրդը կանցկացվի հունիսի 29-ից հուլիսի 1-ը Հոլիվուդում. աճուրդի ընդհանուր հասույթը կարող է կազմել ավելի քան 6 միլիոն դոլար:
Աղբյուր՝ tass.ru
«ՀՀ իշխանությունները, ունենալով ինքնության խորքային ճգնաժամ և լինելով անկարողունակ երաշխավորելու ՀՀ-ի նվազագույն անվտանգությունն ու հանրային շահը, փաստացի վերածվել են ազգային անվտանգության լրջագույն սպառնալիքի: ԱՌԱՋԱՐԿՈՒՄ ԵՆՔ. Քաղաքական բոլոր ընդդիմադիր դերակատարներին միավորվել ընդհանուր շարժման շուրջ, որի նպատակը կլինի անցումային կառավարության ձևավորումը»,- ասվում է «Ժողովրդավարական համախմբում» կուսակցության հայտարարությունում, որով առաջակվում է նաև ՄԻՊ Արման Թաթոյանին դիտարկել որպես անցումային կառավարության ղեկավար:
Աղբյուր՝ «Ժողովրդավարական համախմբում» կուսակցություն
Աֆղանստանի հարավում գտնվող Հելմանդ նահանգում պայթյուն է որոտացել, որի ժամանակ զոհվել է ինը մարդ, ներառյալ կանայք ու երեխաներ: Պայթյունը տեղի է ունեցել Լաշկար-Գահ քաղաքում: Մարդկանցով լի մեքենան պայթեցրել է ճամփեզրին տեղադրված պայթուցիկ սարքը:
Աղբյուր՝ korrespondent.net
Չորեքշաբթի գիշերը Պելոպոնես թերակղզու Կորնթոս ծոցում բռնկված հրդեհի հետևանքով մահվան դեպքեր չեն գրանցվել: Կղզին մայրաքաղաք Աթենքից մոտ 90 կմ հեռավորության վրա է գտնվում: Գերանիա լեռներում գտնվող վեց գյուղեր և երկու վանական մենաստաններ տարհանվել են, իսկ մեկ այլ գյուղի բնակիչների հինգշաբթի օրը ասվել է, որ լքեն իրենց տները, քանի որ ուժեղ քամուց մոլեգնած կրակը շարժվում է դեպի արևելք և անցել է Ատտիկայի արեւմուտք:
Աղբյուր՝ reuters.com
Ուկրաինայի նախագահ Վլադիմիր Զելենսկին հայտնել է, որ Ուկրաինայի և Ռուսաստանի նախագահների գրասենյակները բանակցություններ են սկսել ապագա հանդիպման կազմակերպման շուրջ:
Աղբյուր՝ ria.ru
51 մլն 400 հազար դրամով կավելացվի ԿԳՄՍ նախարարության բյուջեն, որով նախատեսվում է մարզային 10 համայնքներում սկսել մոդուլային մսուր-մանկապարտեզների կառուցման աշխատանքը:
Աղբյուր՝ ՀՀ ԿԳՄՍ նախարարության Հասարակայնության հետ կապերի եւ տեղեկատվության վարչություն
ԱՄՆ նախագահ Ջոզեֆ Բայդենի վարչակազմը պատժամիջոցներ է կիրառել և անմիջապես կասեցրել «Հյուսիսային հոսք 2» նախագծի օպերատորի և նրա գլխավոր գործադիր տնօրեն Մաթիաս Ուորնիգի նկատմամբ: ԱՄՆ պետքարտուղարը պատժամիջոցներից հրաժարվելը բացատրել է ազգային շահերով:
Աղբյուր՝ dw.com
Գվատեմալայի ոստիկանությունը հայտնել է, որ առնվազն յոթ բանտարկյալ է սպանվել Կեսալտենանգոյի բանտում՝ հակառակորդ բանդաների միջև ծեծկռտուքի ընթացքում: Նրանց մեծ մասը գլխատվել է, երբ Մարա Սալվատրուչա և Բարիո բանդաների 18 անդամներ հարձակվել են միմյանց վրա: Բանտը, որը մայրաքաղաքից 200 կմ հեռավորության վրա է, կառուցվել է 500 բանտարկյալի համար, բայց ունի ավելի քան 2000-ը:
Աղբյուր՝ bbc.com
Տեղի ժամանակով առավոտյան ժամը 12:30-ի դրությամբ, 35-րդ, 55-րդ, 60-րդ հարկերում գրասենյակների աշխատակիցները տատանումներ են զգացել: SEG Plaza աշտարակը, որի բարձրությունը հասնում է 300 մետրի, մայիսի 18-ին ևս սկսել էր ցնցվել: Տեղական իշխանությունների խոսքով՝ ստուգումից հետո հայտնի է դարձել, որ երկնաքերի ճոճվելու և թեքման ցուցանիշները թույլատրելի սահմաններում են, ուստի հիմնական կառուցվածքում անոմալիաներ չեն հայտնաբերվել:
Աղբյուր՝ iz.ru
Հյուսիսային Մակեդոնիայի մայրաքաղաք Սկոպիեում ավարտվեց ազատ ըմբշամարտի մինչև 23 տարեկանների Եվրոպայի առաջնությունը: Հայաստանից մրցույթին մասնակցում էր յոթ ըմբիշ: Նրանցից չորսը հայրենիք կվերադառնա մեդալով: Ռազմիկ Պապիկյանը / 61 կգ / և Հրայր Ալիխանյանը / 74 կգ / դարձել են երկրորդ, իսկ Արման Անդրեասյանը / 70 կգ / ու Արման Ավագյանը / 79 կգ /՝ երրորդ մրցանակակիր: Այսօր պայքարը կսկսեն հունահռոմեական ոճի ըմբիշները:
Աղբյուր՝ ՀԱՕԿ
Անցած 24 ժամվա ընթացքում երկրում ապաքինվել է 1603 մարդ, 21 հիվանդ մահացել է կորոնավիրուսից: Ընդհանուր առմամբ Վրաստանում հայտնաբերվել է կորոնավիրուսային վարակի 334 705 դեպք, որից առողջացել է 315 254 մարդ, մահացել է 4 540-ը:
Աղբյուր՝ apsny.ge
Լճի տակ ընկղմված իտալական գյուղը ի հայտ է եկել, երբ ջուրը ժամանակավորապես հեռացվել է՝ վերանորոգման աշխատանքների համար: Իտալիայի հյուսիսում գտնվող Ռեզիա լճից կադրերը ցույց են տալիս Կուրոն գյուղի մերկ մնացորդները: Գյուղը ժամանակին հարյուրավոր մարդկանց տունն էր, բայց 1950 թ.-ին ջրով ծածկվեց՝ հիդրոէլեկտրակայան կառուցելու համար: Սովորաբար լճից դուրս եկող սրածայր վեղարով զանգակատունը նրա խորքում թաքնված հին գյուղի միակ հուշումն է:
Աղբյուր՝ independent.co.uk
Որի կապակցությամբ ԵՄ-ն պետք է դրանք ամբողջությամբ վերանայի: Այս մասին ասվում է Թուրքիայի վերաբերյալ Եվրախորհրդարանի զեկույցում, որը պատգամավորները հաստատել են չորեքշաբթի Բրյուսելում կայացած լիագումար նիստում: Պատգամավորների կարծիքով՝ ԵՄ-ն պետք է պաշտոնապես դադարեցնի Թուրքիայի՝ Միությանը միանալու բանակցությունները, եթե Անկարան չփոխի իր վարքը:
Աղբյուր՝ tass.ru
Երբ աշակերտը կրակ է բացել Այդահոյի ավագ դպրոցի վրա, ուսուցչուհի Քրիստա Գնեյթինգը երեխաներին առաջնորդել է դեպի անվտանգ վայր և շտապել օգնություն ցուցաբերել տուժած վիրավորին, ապա հանգիստ զինաթափել վեցերորդ դասարանցուն՝ գրկելով ու հանգստացնելով աղջկան մինչ ոստիկանության ժամանումը: Դեպքը տեղի է ունեցել մայիսի 6-ին, վիրավոր բոլոր 3 անձանց կյանքը փրկվել է:
Աղբյուր՝ apnews.com
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
