Կարճ լուրեր
Վեց ամսվա ընթացքում գողացվել է ավելի քան երկու միլիոն դոլար կրիպտոարժույթ: Հանցագործները Իլոն Մասկի անունից ստեղծում են Twitter-ի հաշիվներ և հավանական զոհերին առաջարկում թոքեններ փոխանցել իրենց կրիպտո դրամապանակներին՝ խոստանալով մեծ պարգևներ: Անցյալ տարվա հոկտեմբեր ամսից խաբեբաների գործողությունների պատճառով շուրջ յոթ հազար մարդ կորցրել է ավելի քան 80 միլիոն դոլար:
Աղբյուր՝ lenta.ru
Դեպքը տեղի է ունեցել Նոր Հարավային Ուելսի հանրաճանաչ լողափում: Ըստ նահանգի ոստիկանության, 50-ն անց տղամարդը երեքշաբթի առավոտյան սերֆինգով զբաղվելիս վերին ազդրի շրջանում ծանր վնասվածքներ է ստացել: Երեք ընկերներ կարողացել են նրան ափ հասցնել: Տղամարդու մոտ սրտի կանգ է արձանագրվել՝ չափազանց շատ արկուն կորցնելու պատճառով:
Աղբյուր՝ cnn.com
Ռուսաստանի Դաշնության Արդարադատության նախարարությունը քննարկում է զիջումներ այն բանտարկյալների համար, որոնց պատրաստվում են ուղարկել Արկտիկա՝մաքրման աշխատանքների համար: Պատժի կրման մեկ տարին նրանց համար կարող են մեկուկես համարել: Դաշնության խորհրդի հանձնաժողովի նիստում ասել է ՌԴ արդարադատության նախարար Կոնստանտին Չուիչենկոն:
Աղբյուր՝ ria.ru
«Zibo Cuju» կոչվող ակումբի սեփականատերը ստիպել է որդուն խաղալ ֆուտբոլային ակումբի հիմնական կազմի բոլոր խաղերին՝ ամբողջ 90 րոպեների ընթացքում: Հինգ հանդիպումից հետո «Zibo Cuju»-ն վաստակել է մեկ միավոր եւ առաջնության մրցաշարային աղյուսակում զբաղեցնում է վերջին տեղը: Թիմը խփել է երկու գոլ և սեփական դարպաս բաց թողել 10 գնդակ:
Աղբյուր՝ newsline.news
Միջոցառումը տեղի կունենա 2021 թվականի մայիսի 25-ին՝ ժամը 14։30-ին, Հանձնաժողովի գտնվելու վայրում՝ քաղաք Երևան, Տիգրան Մեծի 4, 2-րդ հարկ։ Միջոցառման օրակարգը հետևյալ հղմամբ՝
http://competition.am/uploads/resources/orakarg_25_05_2021.pdf:
Գեղարվեստական մարմնամարզության աշխարհի չեմպիոն, ազգությամբ հայ ռուսաստանցի Արթուր Դալալոյանը, ով ոտքի վնասվածք էր ստացել ապրիլի կեսերին, միացել է ազգային թիմի ուսումնամարզական հավաքին էշև օրվա երկրորդ կեսին դուրս կգա իր առաջին մարզմանը: Դալալոյանը կրունկի վնասվածք էր ստացել Եվրոպայի առաջնությանը մեկնելուց առաջ՝ստուգողական մարզման ժամանակ: Հաջորդ օրը մարզիկը վիրահատվել էր:
Աղբյուր՝ tass.ru
Հնդկաստանի ռազմածովային ուժերը հայտնել են, որ փրկել են նավում գտնվող 270 մարդուց 177-ին, մյուսներին գտնելու համար տարվող աշխատանքները շարունակվում են: Երկուշաբթի օրը ափ դուրս գալուց հետո Tauktae կոչվող ցիկլոնը թուլացել է, սակայն առնվազն 12 մարդ արդեն մահացել է փոթորկի ժամանակ:
Աղբյուր՝ bbc.com
Ըստ շրջանառվող լուրերի Amazon-ը «բանակցություններ է վարում»՝ գնելու «Մետրո-Գոլդուին-Մայեր» (MGM) ամերիկյան մեդիաընկերությունը: Amazon-ը հրաժարվել մեկնաբանել տեղեկությունը՝ ասելով, որ իրենք «չեն մեկնաբանում բամբասանքները կամ ենթադրությունները»: MGM-ը նույնպես հրաժարվել է մեկնաբանություն տալուց:
Աղբյուր՝ dailymail.co.uk
Ուկրաինայի իշխանությունները հետևողականորեն կառուցում են տոտալիտար պետություն, ինչպես Ջորջ Օրուելի «1984» վեպում և ձգտում են ոչնչացնել ցանկացած քաղաքական այլընտրանք, ասվել է ուկրաինական «Ընդդիմություն պլատֆորմ» կուսակցության կողմից երեքշաբթի օրը հրապարակված հայտարարությունում:
Աղբյուր՝ ria.ru
Ամռանը սենյակում օդորակիչը կարող է առաջացնել կոկորդի ցավ, ալերգիա, լեգիոնելյոզ, շնչառական համակարգի և աչքերի լորձաթաղանթի քրոնիկ հիվանդությունների սրացում, հայտնել է համաճարակաբան Դարիա Տիխոնովան: Փակ տարածքներում օդորակիչների օգտագործումը կարող է խթանել օդակաթիլային հիվանդությունների տարածմանը: Նման սցենարը հնարավոր է սարքի ոչ պատշաճ շահագործման և օդափոխության և օդորակման համակարգերի ժամանակին մաքրման և ախտահանման բացակայության դեպքում:
Աղբյուր՝ realty.ria.ru
Ամերիկյան Պալմ Սպրինգ քաղաքում հնարավոր է քանդեն Մերիլին Մոնրոյի հուշարձանը: Տեղի բնակիչները դեմ են արտահայտվել դերասանուհու ութ մետրանոց քանդակին՝ այն համարելով սեքսիստական: Քանդակագործ Սյուարդ Ջոնսոնը Մոնրոյին պատկերել է «Յոթ տարվա տենչ» ֆիլմի հայտնի կեցվածքում՝ քամուց բարձրացած սպիտակ շրջազգեստով:
Աղբյուր՝ kulturomania.ru
Հնդիկ մասնագետները կարծիք են հայտնել, որ բերանի ուժեղ չորությունը նույնպես կարող է ներառվել կորոնավիրուսի ախտանիշների ցանկում: Նրանք հորդորում են ուշադրություն դարձնել գրգռվածությանն ու քորի առաջացմանը, ինչպես նաև ցավերին լեզվի հատվածում: Հիվանդի բերանի խոռոչում հազվադեպ կարող են նաև խոցեր առաջանան:
Աղբյուր՝ thesun.co.uk
Նրանք ամուսնացել են փոքր ու ընտանեկան միջավայրում. հարսանիքին ներկա է եղել 20-ից պակաս մարդ։ Հարսանյաց արարողությունը տեղի է ունեցել անցած հանգստյան օրերին երգչուհուի հայրենի Կալիֆոռնիա նահանգում ։27-ամյա Գրանդեն և 25-ամյա Գոմեսն իրենց նշանադրության մասին հայտնել էին նախորդ տարվա դեկտեմբերն:
Աղբյուր՝ bbc.com
Անցած 24 ժամվա ընթացքում երկրում ապաքինվել է 1490 մարդ: Վերջին օրվա ընթացքում 30 հիվանդ մահացել է կորոնավիրուսից: Ընդհանուր առմամբ Վրաստանում հայտնաբերվել է կորոնավիրուսի վարակի 332 441 դեպք, որից ապաքինվել է 312 349 մարդ, մահացել է 4 499-ը:
Աղբյուր՝ apsny.ge
Դեպքը տեղի է ունեցել ԱՄՆ Հյուսիսային Դակոտա նահանգի Ֆարգո քաղաքի դատարանում այն բանից հետո, երբ երդվյալ ատենակալները դատապարտեց տղամարդուն ահաբեկչության մեղադրանքով: Ականատեսների խոսքով, տղամարդը, ում անունը չի նշվել, զինված է եղել պլաստիկ սուր առարկայով: Նա հանել էր սուր ծայրով առարկան և դրանով կտրել իր իսկ կոկորդը:
Աղբյուր՝ independent.co.uk
Ֆրանսիայի ազգային հավաքականի գլխավոր մարզիչ Դիդյե Դեշամը քննարկում է Մադրիդի «Ռեալի» ֆուտբոլիստ Քարիմ Բենզեմային Եվրոպայի առաջնությանը հավաքականում մասնակցելու հրավերի հնարավորությունը: Վերջնական որոշումը կկայացվի Ֆրանսիայի ֆուտբոլի ֆեդերացիայի ղեկավարների հետ գլխավոր մարզչի հանդիպումից հետո:
Աղբյուր՝ tass.ru
Օրենքը պահանջում է, որ զույգերը, որոնք ցանկանում են ամուսնալուծվել փոխադարձ համաձայնությամբ, 30 օր սպասեն, նախքան այն վավերացնելը: Եթե զույգերը դիմում ներկայացնելուց հետո 30-ից 60 օրվա ընթացքում երկու հանդիպման չեն ներկայանում, նրանց դիմումը ավտոմատ կերպով չեղարկվում է: Օրենքը չի տարածվում ընտանեկան բռնության հետ կապված ամուսնալուծությունների վրա, սակայն բռնության կամ սպանության մի քանի դեպքեր հարցեր են առաջացրել դրա գործնական կիրառման վերաբերյալ:
Աղբյուր՝ theguardian.com
ԵՄ խորհուրդը մեկ տարով՝ մինչ 2022 թվականի մայիսի 18-ը, երկարաձգել է կիբերհանցագործությունների համար պատժամիջոցների ռեժիմի վավերականությունը, ասված է Եվրամիության տարածած հայտարարության մեջ: Ռուսաստանի չորս քաղաքացի և մեկ կազմակերպություն գտնվում են «սեւ ցուցակում»: Բրյուսելը մասնակից երկրների, երրորդ երկրների կամ միջազգային կազմակերպությունների դեմ կիբերհարձակումների համար պատժամիջոցներ սահմանելու մեխանիզմ է հաստատել 2019 թ. Մայիսի 17-ին:
Աղբյուր՝ ria.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
