Կարճ լուրեր
Դերասանուհի Ռիտա Մորենոն միացել «Ֆորսաժ 10»-ի դերասանական կազմին, հայտնել է Variety-ն: Ըստ սյուժեի՝ արտիստուհին կմարմնավորի գլխավոր հերոս Դոմինիկ Տորետտոյի (Վին Դիզել) տատիկին: «Ես միշտ երազել եմ աշխատել Ռիտա Մորենոյի հետ, և այն փաստը, որ նա այստեղ իմ տատիկին է խաղում, ստիպում է հոգուս ժպտալ», - կիսվել է Դիզելը:
Աղբյուր՝ gazeta.ru
Անգլիայի Պրեմիեր լիգան հայտնել է անցած մրցաշրջանի լավագույն մարզչի անունը: Նա «Լիվերպուլի» գլխավոր մարզիչ Յուրգեն Կլոպն է: 54-ամյա գերմանացի մասնագետն իր կարիերայի ընթացքում երկրորդ անգամ է արժանացել պատվավոր մրցանակին: Նախորդ անգամ նա ճանաչվել էր Անգլիայի Պրեմիեր լիգայի լավագույն մարզիչ 2020 թվականին: Կլոպի «Լիվերպուլը» Պրեմիեր լիգայի մրցաշարային աղյուսակի երկրորդ տեղում է՝ «Մանչեսթեր Սիթիից» հետ մնալով մեկ միավորով:
Աղբյուր՝ vesti.ru
Ճապոնական «Fukushi Jyukankyo Chiiki Center» հասարակական կազմակերպությունը սահմանափակ կարողություններով երեխաների և երիտասարդների համար կազմակերպում է «Toyohashi Brut Art Contest» նկարների և քանդակների մրցույթ: Հայտերն ընդունվում են 2022 թ. հունիսի 1-ից մինչև դեկտեմբերի 24-ը: Հաղթած գործերը ներկայացվելու են Ճապոնիայում 2023 թ. նախատեսվող ցուցահանդեսին:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Պաղեստինի առողջապահության նախարարությունը հայտնել է, որ 16-ամյա պաղեստինցին, ով իսրայելական ուժերի կողմից գլխի հրազենային վնասվածք էր ստացել, մահացել է չորեքշաբթի վաղ առավոտյան օկուպացված Հորդանան գետի արևմտյան ափի Նաբլուս քաղաքում տեղի ունեցած բախումներից հետո: Հաղորդվում է, որ իսրայելական ուժերը կրակել են դեռահասը Գեյթ Յամինին Հովսեփի դամբարանի մոտ՝ բախումների բռնկման վայրում:
Աղբյուր՝ reuters.com
Թուրքիայի Անվտանգության խորհուրդը, որը նախագահում է Թուրքիայի նախագահ Թայիփ Էրդողանը, հինգշաբթի կքննարկի ՆԱՏՕ-ին անդամակցելու Ֆինլանդիայի և Շվեդիայի դիմումները, հայտնում է Anadolu գործակալությունը։ Ֆինլանդիան և Շվեդիան մայիսի 18-ին Ուկրաինայում ընթացող իրադարձությունների ֆոնին ՆԱՏՕ-ի գլխավոր քարտուղար Յենս Ստոլտենբերգին էին փոխանցել դաշինքին միանալու հայտ: Ավելի վաղ հաղորդվել էր, որ Թուրքիան արգելափակել է այդ դիմումների քննարկման գործընթացի մեկնարկը:
Աղբյուր՝ ria.ru
Մայիսի 27-ին, ժամը՝ 19:00-ին, ‹‹Արամ Խաչատրյան›› համերգասրահում տեղի կունենա համերգ՝ նվիրված անվանի դաշնակահար և դիրիժոր Վահագն Պապյանի 65-ամյակին: Հայաստանի ազգային ֆիլհարմոնիկ նվագախմբի կատարմամբ կհնչի Շոպենի թիվ 1 դաշնամուրի կոնցերտը և Մենդելսոնի թիվ 3 «Շոտլանդական» սիմֆոնիան: Հոբելյարը համերգին հանդես կգա, թե´ որպես դաշնակահար, թե´որպես դիրիժոր, իսկ դաշնամուրի կոնցերտը կղեկավարի Էդուարդ Թոփչյանը:
Աղբյուր՝ Հայաստանի ազգային ֆիլհարմոնիկ նվագախումբ
Չորեքշաբթի վաղ առավոտյան Հյուսիսային Կորեան երեք բալիստիկ հրթիռ է արձակել Ճապոնական ծովի ուղղությամբ, հայտնել են Սեուլի զինվորականները: Դա տեղի է ունեցել նախագահ Ջո Բայդենի՝ որպես ԱՄՆ առաջնորդ Ասիա կատարած առաջին այցից ընդամենը մեկ օր անց: Հարավային Կորեայի շտաբի պետերի միացյալ շտաբի հայտարարության մեջ ասվում է, որ «ժամը 06:00-ի, 06:37-ի և 06:42-ի սահմաններում Սունանի տարածքից արձակված բալիստիկ հրթիռների արձակում են հայտնաբերել»:
Աղբյուր՝ france24.com
Ամենավնասակար թեյը համարվում է փաթեթավորվածը: Այս մասին հայտնել է դիետոլոգ Ելենա Սոլոմատինան «Երեկոյան Մոսկվա»-ին: Նրա խոսքով՝ փաթեթիկով թեյի պարունակությունը տարբերվում է թերթիկներով թեյից: «Փաթեթիկների մեջ ավելացնում են թեյի թափոնը, թեյի արտադրության մնացորդները։ Այն արագ եփվում է մանրացման շնորհիվ: Խորհուրդ եմ տալիս չտարվել փաթեթավորված թեյով»,- զգուշացրել է մասնագետը:
Աղբյուր՝ gazeta.ru
Երեքշաբթի Տեխասի տարրական դպրոցում 18-ամյա հրաձիգը կրակ է բացել և սպանել առնվազն 19 երեխայի՝ դասարանից դասարան անցնելով: Ըստ պաշտոնյաների՝ դա գրեթե մեկ տասնամյակի ընթացքում դպրոցում տեղի ունեցած ամենամահաբեր հրաձգության դեպքն է: Հարձակվողը սպանվել է իրավապահների կողմից: Ըստ իշխանությունների՝ սպանվածների թվում կան նաև երկու չափահասներ: Նահանգապետ Գրեգ Էբոթն նշել է, որ նրանցից մեկը ուսուցիչ էր:
Աղբյուր՝ apnews.com
Թեհրանի պատգամավոր Մոհամմադ Բաղեր Ղալիբաֆը վերընտրվել է Իրանի Մեջլիսի (խորհրդարանի) նախագահի պաշտոնում: Այս մասին չորեքշաբթի հայտնել է IRIB հեռուստառադիոհեռարձակող կորպորացիան: Նրա տվյալներով՝ Ղալիբաֆի օգտին քվեարկել է 194 պատգամավոր: Նրա ամենամոտ մրցակիցը՝ Մորթեզա Աղա Թեհրանին, ստացել է 53 ձայն։
Աղբյուր՝ tass.ru
Աշխարհի ամենակարճահասակ դեռահասը ճանաչվել է Նեպալի Կատմանդու քաղաքում, երբ նա ժամանել է՝ Գինեսի ռեկորդների գրքից իր մրցանակը ստանալու: Դոր Բահադուր Կհապանգիին, ում հասակը կազմում է ընդամենը 73,43 սմ, ազգականն է տարել Նեպալի մայրաքաղաք: Պաշտոնական վկայագրում նշվում է, որ Կհապանգին մարտի 23-ից ճանաչվել է «ամենակարճահասակ դեռահաս (տղամարդ)»:
Աղբյուր՝ dailymail.co.uk
Ռիհաննան վերջերս առաջին անգամ մայր է դարձել. հայտնի երգչուհի, դերասանուհի և դիզայները որդի է ունեցել իր փեսացուից՝ ռեփեր A$AP Rocky-ից: Փոփ աստղին մոտ կանգնած աղբյուրները պատմել են, թե ինչպես է նրան փոխել մայրությունը: «Ռիհաննան շատ է անհանգստանում երեխայի համար: Նա գրեթե ոչ մի քայլ նրանից չի հեռանում: Նա ֆանտաստիկ մայր է: Ծնող լինելը միշտ փորձություն է, բայց նրանց մոտ հիանալի է ստացվում»,- People-ին ասել է աղբյուրը:
Աղբյուր՝ vesti.ru
Երեքշաբթի Ռիո դե Ժանեյրոյի տնակային թաղամասերում հանցագործության դեմ գործողությունների արդյունքում զոհվել է 21 մարդ, հայտնել են պաշտոնյաները՝ քաղաքի պատմության մեջ ֆավելայի ամենաարյունալի արշավանքից մեկ տարի անց: Ռազմական ոստիկանությունը հայտնել է, որ կրակի տակ են հայտնվել, երբ վաղ առավոտյան մոտեցել են Ռիոյի հյուսիսային Վիլա Կրուզեյրո կոչվող տնակային թաղամասին՝ գտնելու և ձերբակալելու «հանցագործ առաջնորդներին»: Մահացածներից առնվազն 11-ը «կասկածյալներ» են:
Աղբյուր՝ france24.com
Անգլիայի Պրեմիեր լիգայի խորհուրդը հավանություն է տվել ռուս գործարար Ռոման Աբրամովիչին պատկանող Լոնդոնի «Չելսի» ֆուտբոլային ակումբի վաճառքին ամերիկացի Թոդ Բոելիին, հայտնում է լիգայի կայքը: Բոելիի կոնսորցիումը մայիսի 7-ին պայմանավորվել էր գնել «Չելսին» 5,3 միլիարդ դոլարով:
Աղբյուր՝ ria.ru
2022 թվականի «Ոսկե գնդակի» հանձնման արարողությունը տեղի կունենա հոկտեմբերի 17-ին: Այս մասին հայտնում է France Football-ը: 30 հավակնորդները, ովքեր կպայքարեն մրցանակի համար, հայտնի կդառնան օգոստոսի 12-ին:
Աղբյուր՝ gazeta.ru
Այս մասին երեքշաբթի հայտնել է Վրաստանի օրենսդիր մարմնի մամուլի ծառայությունը՝ ելնելով խորհրդարանական պատվիրակության Բաքու կատարած այցի արդյուքներից։ Վեհաժողովը երեք երկրների խորհրդարանական հարաբերությունները կբերի որակապես նոր մակարդակի, ասել է Վրաստանի օրենսդիր մարմնի արտաքին հարաբերությունների հանձնաժողովի ղեկավար Նիկոլոզ Սամխարաձեն։
Աղբյուր՝ tass.ru
Համավարակի ժամանակ աշխարհում մարդու կյանքի տևողությունը երկու տարով նվազել է։ Այս մասին երեքշաբթի հայտարարել է Առողջապահության համաշխարհային կազմակերպության (ԱՀԿ) ՌԴ ներկայացուցիչ Մելիտա Վույնովիչը։ Կազմակերպության տվյալներով՝ 2019 թվականին աշխարհում կյանքի միջին տեւողությունը կազմել է ավելի քան 73 տարի։
Աղբյուր՝ tass.ru
Երկու օդաչուներ մահացել են ուսումնական թռիչքի ժամանակ նրանց կործանիչի վթարի հետևանքով։ Պետական լրատվամիջոցները երեքշաբթի հաստատել են, որ F-7 ինքնաթիռը կործանվել է Անարակ քաղաքում։ Նահանգի անվտանգության աշխատակից Մոհամմադ Ռեզա Ջաննեսարին Tasnim լրատվական կայքին ասել է, որ օդանավը, որը պատկանում էր բանակին, կործանվել է տեղական ժամանակով առավոտյան 8:10-ին՝ տեխնիկական խնդիրների պատճառով։
Աղբյուր՝ aljazeera.com
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
