Կարճ լուրեր
Ռուսաստանի ամենահարուստ մարդ է ճանաչվել «Նորիլսկի նիկել» լեռնահանքային և մետաղագործական ընկերության սեփականատեր և նախագահ Վլադիմիր Պոտանինը: Պոտանինի կարողությունն ընդհանուր առմամբ գնահատվում է 32 միլիարդ դոլար: Միևնույն ժամանակ, նշվում է, որ 2021 թվականի սկզբից նա կորցրել է 622 միլիոն դոլար, և վաստակել երկու միլիարդից մի փոքր ավելին:
Աղբյուր՝ lenta.ru
Երկու երիտասարդ սենեգալացիները 2006 թ հանդիպեցին միգրանտների նավի վրա, որը Եվրոպա էր ուղևորվում: Նրանցից մեկը մահացել է սրտի կաթվածից՝ գտնվելով փախուստի մեջ իսպանական ոստիկանությունից, իսկ մյուսը այսօր մրցակցում է Մադրիդի տարածաշրջանային ընտրություններում: Սերին Մբայը ոչ միայն ցանկանում է պայքարել աֆրիկացի միգրանտների դեմ, իր կարծիքով, «կառուցվածքային ռասիզմի» դեմ, այլ նաև վիճարկել իսպանական քաղաքականության մեջ սեւ համայնքի և այլ գունավոր մարդկանց ցածր ներկայացուցչության պատմությունը:
Աղբյուր՝ foxnews.com
Եվրահանձնաժողովի առաջարկը`պատվաստված օտարերկրյա զբոսաշրջիկներին թույլատրել մուտք գործել ԵՄ, չի բացառում, որ ԵՄ պետությունները կարող են պահանջել նրանց իրականացնել սանիտարական միջոցառումներ, ներառյալ կարանտին և ՊՇՌ թեստեր: Այս մասին երկուշաբթի Բրյուսելում կայացած ճեպազրույցում ասել է Եվրահանձնաժողովի պաշտոնական ներկայացուցիչ Ադալբերտ Յանսը:
Աղբյուր՝ tass.ru
Իրկուտսկի մարզի Արտակարգ իրավիճակների նախարարությունը հայտնել է, որ երկուշաբթի՝ ժամը 12:46-ին, Մոնղոլիայում՝ Խուբսուգուլ լճի տարածքում, 5,9 մագնիտուդ ուժգնությամբ ստորգետնյա ցնցում է գրանցվել:
Աղբյուր՝ ria.ru
ԱՄՆ դերասանուհի Օլիմպիա Դուկակիսը, ով Օսկար էր շահել 1987 թ.-ին՝ «Լուսնի իշխանություն» ռոմանտիկ կատակերգությունում կերտած դերի համար, մահացել է 89 տարեկան հասակում: Ֆիլմում նա հանդես էր գալիս հայազգի դերասանուհի Շերի հետ և մարմնավորում էր նրա մոր կերպարը:
Աղբյուր՝ bbc.com
5-10 տարեկան երեխաներ ստացել են գանգուղեղային փակ վնասվածք և ցնցում: Նրանք բոլորը տեղափոխվել են մարզային մանկական բազմապրոֆիլային հիվանդանոց: Դեպքը տեղի է ունեցել մայիսի 2-ին Մշակույթի և հանգստի քաղաքային զբոսայգում գտնվող «Կալեյդոսկոպ» ատրակցիոնում: Ականատեսների խոսքով՝ մեծ արագությամբ պտտվելով ատրակցիոնը, կտրուկ կանգ է առել, երեխաները բախվել են մեկը մյուսին: Բախման պահը ֆիքվսել է տեսանյութում:
Մայիսի 3-ից Հնդկաստանում վերջին 14 օրվա ընթացքում Հնդկաստան այցելած անձանց արգելվելու է մուտք գործել Ավստրալիա: Շաբաթ օրը կայացած հայտարարության մեջ առողջապահության նախարար Գրեգ Հանթն ասել է, որ յուրաքանչյուրին, ով կանտեսի նոր սահմանափակումները, սպառնում է ընդհուպ հինգ տարվա ազատազրկում: Պահպանողական թերթի լրագրող Էնդրյու Բոլտը՝ այսօր հրապարակված հոդվածում ասել է, որ արգելքից «ռասիզմի հոտ է գալիս»՝ ավելացնելով, որ որոշումը կայացվել է «վախի, տգիտության և անկարողության պատճառով»:
Աղբյուր՝ edition.cnn.com
Երկուշաբթի՝ մայիսի 3-ին, Սիրիայի Գերագույն սահմանադրական դատարանի նախագահը հայտարարել է, որ երեք քաղաքացի գրանցվելու են որպես թեկնածուներ մայիսի 26-ին կայանալիք նախագահական ընտրություններին: Ըստ դատարանի նախագահ Մուհամեդ Ջիհադ ալ-Լահհամի, երկրի ներկայիս նախագահ Բաշար ալ-Ասադը, նախկին պետնախարար Աբդուլլահ Սալում Աբդուլլահը և հայրենասիրական ընդդիմությունը ներկայացնող Մահմուդ Ահմեդ Մուրայը կպայքարեն պետության ղեկավարի պաշտոնի համար:
Աղբյուր՝ tass.ru
Ուգանդայի անվտանգության ուժերի կողմից առեւանգման ու խոշտանգումների ալիքի զոհերին պաշտպանող փաստաբանները Միջազգային քրեական դատարան իրենց բողոքում նշել են բարձրաստիճան զինվորական հրամանատարների, այդ թվում`նախագահի որդու անունը:
Աղբյուր՝ theguardian.com
Երկրում վարակի առաջին դեպքից մինչ օրս COVID-19-ի հաստատված դեպքերի ընդհանուր թիվը 312 954 է: Վերջին օրվա ընթացքում ապաքինվել է 1200 մարդ, ընդհանուր առմամբ առողջացածների թիվը հասել է 294 252 մարդու: Վերջին 24 ժամվա ընթացքում Վրաստանում գրանցվել է կորոնավիրուսից մահվան 12 նոր դեպք: Համավարակի սկզբից մինչ օրս Վրաստանում ընդհանուր առմամբ 4163 մարդ դարձել է կորոնավիրուսի զոհ:
Աղբյուր՝ apsny.ge
Պրեմիեր լիգայում «Մանչեսթեր Յունայթեդի» խաղը «Լիվերպուլի» հետ հետաձգվել այն բանից հետո, երբ մոտ 200 երկրպագուներ ներխուժեցին «Օլդ Թրաֆորդ» մարզադաշտ՝ ի նշան բողոքի ակումբի սեփականատեր Գլեյզեր ընտանիքի դեմ: Ոստիկանությունը հայտնել է, որ բողոքի ցույցերի ընթացքում վիրավորվել է երկու սպա: Առաջին անգամ է Պրեմիեր լիգայի խաղը հետաձգվում երկրպագուների բողոքների պատճառով:
Աղբյուր՝ bbc.com
Մայիսի 3-ից դադարեցվել է ավտոբուսների, մետրոյի ու միկրոավտոբուսների աշխատանքը: Որոշումն ընդունվել է միջգերատեսչական համակարգող խորհրդի կողմից՝ կորոնավիրուսի տարածումը կանխելու կանխարգելիչ միջոցառումների շրջանակներում: Սահմանափակումն ուժի մեջ կլինի մինչև մայիսի 12-ը ներառյալ: Այն չի տարածվում միջքաղաքային տրանսպորտի վրա: Շարժունակության սահմանափակման նպատակով մայիսի 4-11-ը Վրաստանում հանգստյան օրեր են հայտարարված:
Աղբյուր՝ sputnik-georgia.ru
Հարձակվող Էրլինգ Հոլանդը դժվար թե առաջիկա ամառային տրանսֆերային պատուհանում լքի Դորտմունդի «Բորուսիան»: Այս մասին հայտարարել է «իշամեղուների» սպորտային տնօրեն Սեբաստիան Կելը: Նրա խոսքով, ակումբն այս հարցում համաձայնություն ունի 20-ամյա ֆուտբոլիստի հետ:
Աղբյուր՝ gazeta.ru
«Թալիբան» արմատական շարժման գրոհայինները հարձակվել են Աֆղանստանի արևմտյան մասում գտնվող բանակային հենակետի վրա՝ սպանելով առնվազն 18 զինվորի և վիրավորելով եւս տասին: Հաղորդվում է, որ թալիբները երկուշաբթի գիշերը հատուկ փորված թունելի միջոցով ներթափանցել են Ֆարահ նահանգի Բալա-Բալուք շրջանում գտնվող ռազմաբազա:
Աղբյուր՝ ria.ru
Ամերիկացի աստղը հանդես կհա Պետրա Քոլինզի «Պարույր» («Spiral») հոգեբանական թրիլերում: Ֆիլմը պատմում է սոցիալական ցանցերից կախվածությամբ տառապող նախկին բլոգերի մասին: Նա հավատում է, որ իր մարմինը բառացիորեն մասերի է բաժանվում: Ռեփեր Օբրի Դրեյք Գրեհեմը, ով առավել հայտնի է Դրեյք անունով, նախագծի գործադիր պրոդյուսերներից մեկն է:
Աղբյուր՝ deadline.com
Լենա Հիդին հանդես կգա «The White House Plumbers» մինի-սերիալում: Նախագիծը հիմնված է իրական դեպքերի վրա: Գործողությունը տեղի է ունենում Ուոթերգեյթի սկանդալի ժամանակ:
Աղբյուր՝ ria.ru
Իսրայելցի և պաղեստինցի պաշտոնյաները հաղորդել են, որ կիրակի օրը Հորդանան գետի գրավված ափին տեղի ունեցած կրակոցների հետևանքով երկու առանձին դեպքերի արդյունքում սպանվել է մի պաղեստինցի կին, և երկու իսրայելցի ծանր վիրավորվել են: Զինվորականների խոսքով՝ իսրայելցի զինվորը գնդակահարել է 60-ամյա պաղեստինցի մի կնոջ, ով փորձում էր դանակահարություն կատարել: Ավելի ուշ պաղեստինցի գրոհայինները կրակ են բացել բանուկ խաչմերուկում՝ ծանր վիրավորելով երկու իսրայելցու:
Աղբյուր՝ reuters.com
Ղրղըզստանի սահմանապահ ծառայությունը հայտնել է, որ իրավիճակը սահմանին և դրան հարող տարածքներում կայուն է, անցած գիշերվա ընթացքում «միջադեպեր և կրակոցներ չեն գրանցվել»:
Աղբյուր՝ tass.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
