Կարճ լուրեր
Դրանք վնասատու միջատներին ոչնչացնող ուժեղ գիշատիչներ են, իրենց թույնում արտադրում են հզոր հակաբիոտիկներ, մասնակցում բույսերի փոշոտմանը և որոշ մարդկանց համար անգամ սննդարար խորտիկ են համարվում: Մարդկանց կողմից այդքան ատելի միջատների օգուտները ներկայացվել են՝ էկոհամակարգում նրանց կարևոր դերի մասին առաջին խոշոր գիտական ակնարկում:
Աղբյուր՝ theguardian.com
Անցած 24 ժամվա ընթացքում հանրապետությունում ապաքինվել է 1160 մարդ, մահացել է 18 հիվանդ: Ընդհանուր առմամբ, Վրաստանում հայտնաբերվել է կորոնավիրուսային վարակի 308 834 դեպք, որից ապաքինվել է 289 976 մարդ, մահացել՝ 4095-ը:
Աղբյուր՝ apsny.ge
Ենթադրվում է, որ տասնամյակի վերջում աշխարհի ճանապարհներին էլեկտրական մեքենաների, ֆուրգոնների, բեռնատարների և ավտոբուսների թիվը 11 միլիոնից կհասնի 145 միլիոնի, ինչը կարող է վերացնել միլիոնավոր բարել նավթի ամենօրյա պահանջարկը: Էներգետիկայի միջազգային գործակալության զեկույցը ցույց է տվել, որ մինչև 2030 թվականը աշխարհում կարող է լինել 230 մ էլեկտրական մեքենա, եթե կառավարությունները համաձայնեն խթանել ցածր ածխածնային տրանսպորտային միջոցների արտադրությունը:
Աղբյուր՝ theguardian.com
Ուկրաինական depo.ua պորտալի լրագրողներն առաջարկել են, որ Ուկրաինայի նախագահը Ռուսաստանի նախագահի հետ հանդիպի Ղրիմում՝ իր ընտրական վարկանիշը բարձրացնելու համար: Հրապարակման համաձայն, այս կերպ Զելենսկին կարող է մեկ անգամ ևս շեշտել, որ թերակղզին ուկրաինական տարածք է, և իր կողմը գրավել «հայրենասեր լսարանին»: «Դա արգելված է Ռուսաստանի օրենսդրությամբ, բայց Ռուսաստանում ոչ ոք չի ձերբակալի Զելենսկիին քանի դեռ նա նախագահ է», - վստահ է depo.ua-ն:
Աղբյուր՝ lenta.ru
Առաջին հայացքից դա կարող է լինել հին թուղթ, որի վրա թափվել է սեւ հաղարջի հյութ: «Ֆիլատելիայի Մոնա Լիզա» ոչ պաշտոնական անվանումն ստացած «Բրիտանական վարդագույն Գվիանիան» տպագրվել է 1856 թականին: Ութանկյուն լեգենդար նամականիշը հունիսին կայանալիք աճուրդին կվաճառվի 10-ից 15 մլն դոլարով`ավելի քան մեկ միլիարդ անգամ իր սկզբնական արժեքից:
Աղբյուր՝ theguardian.com
Չիլիում գրանցվել է 5,4 բալ ուժգնությամբ երկրաշարժ, հայտնել է երկրի սեյսմոլոգիական ծառայությունը: Ստորգետնյա ցնցումները գրանցվել են ժամը 22: 17-ին Չիլիի կենտրոնական մասում գտնվող Բիո-Բիո շրջանում՝ 148,7 կիլոմետր խորության վրա: Արգենտինայի երկրաշարժերի կանխարգելման ինստիտուտը նշել է, որ ցնցումները զգացվել են նաև Չիլիին սահմանակից Նեուկեն պրովինցիայում:
Աղբյուր՝ ria.ru
Չինաստանը հինգշաբթի գործարկել է իր առաջին մշտական տիեզերակայանի գլխավոր մոդուլը, որը երկարաժամկետ հյուրընկալելու է տիեզերագնացներին: Դա՝ վերջին տարիներին մի շարք լուրջ հավակնություններ իրականացրած ծրագրի վերջին հաջողությունն է:
Աղբյուր՝ apnews.com
Ռուսաստանի նախագահ Վլադիմիր Պուտինը չի հայտարարել իր ուկրաինացի գործընկեր Վլադիմիր Զելենսկիի հետ Մոսկվայից բացի այլ վայրում հանդիպում ունենալու պատրաստակամության մասին: Համապատասխան հայտարարությունը ապրիլի 28-ին արել է Ռուսաստանի առաջնորդի մամուլի քարտուղար Դմիտրի Պեսկովը: Այսպիսով, նա արձագանքեց այն տեղեկություններին, համաձայն որոնց Զելինսկին ցանկանում է, որ այդ երկկողմ գագաթնաժողովն անցկացվի Վատիկանում:
Աղբյուր՝ eadaily.com
Միայն անվան սկզբնատառերով՝ որպես Ք.Ս. նույնականացված փախստականին ծանր պատիժը տրվեց ուրբաթ օրը Հունաստանի Լեսբոս կղզու Միտիլինի քաղաքի դատարանում: Ք.Ս.-ն իր ընտանիքի հետ, այդ թվում երեք մանկահասակ երեխաների և տասնյակ այլ մարդկանց հետ, նավակով Թուրքիայից Հունական Կիոս կղզի էր տեղափոխվել 2020 թվականի մարտի սկզբին:
Աղբյուր՝ independent.co.uk
Առաջին հրաշագործ սարքը՝ Mr.Go.Pizza-ն տեղադրվել է Հռոմում՝ Բոլոնիայի հրապարակում: Մեքենայի ներսում կա խառնիչ, որը ջրից և ալյուրից պատրաստում է դասական խմոր, ինչն այնուհետև սեղմվում և ստանում է պիցցայի խմորի տեսք: Հաճախորդը ընտրում է բաղադրիչները, մեքենան բաժանում է դրանք խմորի վրա, իսկ հետո պիցցան թխվում է 380 աստիճանի պայմաններում: Դրանից հետո այն դրվում է ստվարաթղթե տուփի մեջ և հանձնվում գնորդին: Պատրաստման ողջ ընթացքը տևում է մոտ երեք րոպե:
Աղբյուր՝ rg.ru
Չինաստանում տղամարդը ձերբակալվել է ոստիկանության կողմից այն բանից հետո, երբ նա, հաջողակ լինելու համար, մետաղադրամներ է նետել ինքնաթիռի ռեակտիվ շարժիչի մեջ: Սնահավատությունը կարող էր վտանգի տակ դնել 148 ուղևորների և ինքնաթիռի անձնակազմի անդամների կյանքը:
Աղբյուր՝ dailymail.co.uk
Ապրիլի 28-ին կայացավ ՀՖՖ ակումբների Արտոնագրման կոմիտեի (1-ին ատյանի մարմնի) հերթական նիստը: Արտոնագրման կոմիտեն որոշում կայացրեց «ՈՒԵՖԱ»-ի արտոնագրեր շնորհել «Ալաշկերտ», «Արարատ», «Արարատ-Արմենիա», «Ուրարտու», «Փյունիկ» և «Նոա» ակումբերին: Իսկ «Ալաշկերտ» ՖԱ-ն և «Հայասա» ՖԱ-ն ստացան ՈՒԵՖԱ-ի Կանանց Չեմպիոնների Լիգայի արտոնագիր:
Աղբյուր՝ Հայաստանի ֆուտբոլի ֆեդերացիա
Ավստրալիայի Վիկտորիա քաղաքից ութ երեխաների մայրը անսպասելիորեն երկվորյակ աղջիկների է լույս աշխարհ բերել: Ապրիլի կեսերին Էնի Տուպոն զարմանքով էր ընդունել նոր հղիության մասին լուրը, քանի որ ոչ մի նշան չէր ունեցել: Կինն այժմ ունի 10 տարեկանից փոքր 5 տղա և 5 աղջիկ:
Աղբյուր՝ 9news.com
Արտիստն ասել է, որ դիտել է արարողության միայն մեկ երրորդը, ապա անջատել այն: «Ես այլևս չէի կարող դիտել, քանի որ բեմում շատ տաղանդներ կային, սակայն այն չափազանց ձանձրալի էր»,- մեկնաբանել է նա:
Աղբյուր՝ lenta.ru
Ավստրալիացի գիտնականները պարզել են, որ սրտանոթային ժառանգական հիվանդություններ ունեցող մարդիկ հակված են ենթագիտակցորեն խուսափել սուրճից կամ ընտրել առանց կոֆեինի տարբերակը, մինչդեռ այդ հարցում լավ ժառանգականություն ունեցողները սովորաբարհաճույքով են սուրճ ըմպում: Այսպիսով, մարմինը ինքն է որոշում, թե որքան կոֆեին է անհրաժեշտ իրեն:
Աղբյուր՝ ria.ru
«Միացյալ Հայաստան»-ի հիմնադիր-նախագահ Երվանդ Թարվերդյանը և կուսակցության փոխնախագահ Վարդան Խաչատրյանը հյուրընկալել են մի շարք արվեստագետների։ Քննարկմանը Երվանդ Թարվերդյանը ներկայացրել է կուսակցության գաղափարախոսությունը, որի հիմնական առանցքն է՝ ազգային մշակույթը և ազգային միտքը։ Արվեստագետները կիսվել իրենց մտահոգություններով և առաջարկություններով՝ ուղղված Հայաստանում արվեստի ոլորտի զարգացմանը։
Աղբյուր՝ «Միացյալ Հայաստան» կուսակցության հանրային կապերի բաժին
Հոնկոնգի պոլիտեխնիկական համալսարանի միկրոկենսաբանները մանրէների միջոցով շրջակա միջավայրը աղտոտող միկրոպլաստիկներից ազատվելու միջոց են գտել: Մանրէաբանների խումբը ստեղծել է մանրէների Pseudomonas aeruginosa կոչվող կենսաֆիլմը: Այն ընդունակ է սուզվել ջրի հատակը, որսալ և խմբավորել միկրոպլաստիկները: Որը հնարավորություն կտա դուրս բերել դրանք և վերամշակել:
Աղբյուր՝ theguardian.com
Դեպքը տեղի է ունեցել Չինաստանի Գուանսի-Չժոունի ինքնավար շրջանում: Հարձակման հետևանքով երկու դաստիարակ և 16 երեխա դանակահարվել են: Բոլոր տուժածները հոսպիտալացվել են, երկու երեխայի վիճակը ծանր է: Կասկածյալը ձերբակալվել է:
Աղբյուր՝ reuters.com
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
