Կարճ լուրեր
Պրեմիեր լիգայի 33-րդ մրցաշրջանի «Լեսթեր» - «Քրիսթալ Փելաս» հանդիպումն ընդհատվել է առաջին խաղակեսի միջնամասում, որպեսզի «Լեսթերի» պաշտպան Ուեսլի Ֆոֆանան և «Քրիսթալ Փելասի» կիսապաշտպան Շեյկու Կույատեն, ովքեր Ռամադանի պահք են պահում, սնվեն: Հանդիպումն ավարտվել է «Լեսթերի» հաղթանակով՝ 2: 1 հաշվով: Ֆոֆանան խաղից հետո շնորհակալություն է հայտնել Պրեմիեր լիգային և խաղի բոլոր մասնակիցներին Twitter-ի իր էջում:
Աղբյուր՝ sportrbc.ru
Haypost Pay դրամապանակի հաշիվ կարելի է ստեղծել հաշված րոպեների ընթացում՝ ներբեռնով Haypost Pay հավելվածը: Հաշիվը հնարավոր է լիցքավորել բանկային քարտերից, ինչպես նաև կանխիկ դրամով՝ մոտենալով Հայփոստի ցանկացած բաժանմունք: Haypost Pay բետա թողարկմամբ դրամապանակով հնարավոր է լիցքավորել բջջային հեռախոսի հաշիվը, իրականացնել կոմունալ, ինտերնետի, հեռուստատեսության և այլ վճարումներ, ինչպես նաև կատարել փոխանցումներ այլ Haypost Pay հաշվետերերի:
Աղբյուր՝ Հայփոստ
Վրացի դերասան Կախա Կավսաձեն մահացել է երկարատեւ հիվանդությունից հետո Թբիլիսիում, կյանքի 86-րդ տարում:
Աղբյուր՝ tass.ru
Դանիան նպատակ ունի սկսել պատվաստանյութերի տեղական արտադրություն, ասել է վարչապետ Մեթե Ֆրեդերիկսենը, ով ավելի վաղ մտահոգություն էր հայտնել Եվրամիության կողմից պատվաստանյութերի ձեռքբերման գործընթացի վերաբերյալ: Պատվաստանյութերի արտադրման նոր գործարանը պատկանելու և շահագործվելու է մասնավոր սեգմենտի կողմից: Կհայտարավի տենդեր, իսկ մրցույթի արդյունքները կհրապարակվեն մի քանի շաբաթ անց:
Աղբյուր՝ reuters.com
Բրազիլացի գիտնականները ուսումնասիրության ընթացքում հետազոտել են միգրենով տառապող գրեթե 4000 մարդու և լարվածության գլխացավ ունեցող ավելի քան 1000 պացիենտի: Պարզվել է, որ մոտ 1600 մասնակիցի մոտ միգրեն սկսվել է որոշակի մթերքներ ուտելուց 8-90 րոպե անց: Ընդհանուր առմամբ, գիտնականները միգրեն առաջացնող ինը մթերք են առանձնացրել՝ ձմերուկ, մարակույա, նարինջ, արքայախնձոր, խաղող, բանան, վարունգ, ացերոլա և պապայա:
Աղբյուր՝ golos.ua
Ավարտվեց հունահռոմեական ըմբշամարտի Եվրոպայի առաջնությունը: Արծաթե պարգևի արժանացավ երևանցի շնորհալի Մալխաս Ամոյանը / 72 կգ /: Սլավիկ Գալստյանը / 67 կգ / տուն բերեց բրոնզե մեդալ: Նման պատվի արժանացավ նաև Ռուդիկ Մկրտչյանը / 55 կգ /: Գլխավոր մարզիչ Էդվարդ Սահակյանի յոթ սաներից երեքը կանգնեցին պատվո պատվանդանին:
Աղբյուր՝ ՀԱՕԿ
Կադրերից երևում է, որ ելույթի ընթացքում երգչուհին կտրուկ կռանում է ու ցավից քարանում, որից հետո գնում է կուլիսներ: Հանդիսատեսից շատերը կարծել են, թե Գագարինայի գործողությունները համարի մի մասն էին: Սակայն վերադառնալով բեմ՝ երգչուհին բացատրել է կատարվածը և ավարտել ելույթը:
Աղբյուր՝ ren.tv
27-ամյա ռուսաստանցի Վլադիսլավ Իվանովի ցանկությունը, ով ամիսներ շարունակ հեռուստադիտողներին խնդրում էր քվեարկել՝ ռեալիթի շոուին մասնակցող չինական տղաների խմբից իրեն հեռացնելու օգտին, վերջապես կատարվեց, սակայն եզրափակչից ոչ շուտ: Ռուսաստանի Վլադիվոստոկ քաղաքից թարգմանիչ և կես դրույքով մոդել Վլադիսլավ Իվանովը, երեք տանջալից ամիսներից հետո, վերջապես ազատ է:
Աղբյուր՝ theguardian.com
Չեխիայի խորհրդարանի վերին պալատն (Սենատի) այսօր կքննարկի հանրապետության նախագահ Միլոշ Զեմանին պետական դավաճանության մեջ մեղադրելու հնարավորությունը: Պատճառը ապրիլի 25-ին նրա հեռուստատեսային ուղերձն էր՝ կապված 2014-ին Վրբետիցե գյուղում զինամթերքի պահեստի պայթյունի սկանդալի հետ: Սենատի նախագահի խոսքով՝ պետության ղեկավարը գործի վերաբերյալ տվյալներ է գաղտնազերծել, որոնք հրապարակման ենթակա չէին, և դրանով վտանգել է հետաքննության ընթացքը:
Աղբյուր՝ eadaily.com
Կոմիտասի անվան կամերային երաժշտության տանն ապրիլի 28-ին, ժամը 19:00 Positive խորագրով համերգին ելույթ կունենան Վահագն Հայրապետյանը (դաշնամուր, վոկալ), Խաչատուր Սավզյանը (կոնտրաբաս), Արման Մնացականյանը (հարվածային գործիքներ): Համերգին հնչելու են օրիգինալ, հեղինակային ստեղծագործություններ և հայկական երաժշտության մշակումներ։ Կլինեն նաև իմպրովիզացիոն տարրեր, որոնք ստեղծվելու են հենց տեղում՝ հանդիսատեսի անմիջական մասնակցությամբ։
Աղբյուր՝ Կամերային երաժշտության ազգային կենտրոն
Երկրում վարակի առաջին դեպքից մինչ օրս COVID-19-ի հաստատված դեպքերի ընդհանուր քանակը 305 850 է: Վերջին օրվա ընթացքում ապաքինվել է 909 մարդ, ապաքիվածների ընդհանուր թիվը կազմում՝ 287 938: Վերջին 24 ժամվա ընթացքում Վրաստանում կորոնավիրուսից գրանցվել է 17 նոր մահ: Համավարակի սկզբից մինչ այժմ Վրաստանում ընդհանուր առմամբ 4 060 մարդ է դարձել կորոնավիրուսի զոհ:
Աղբյուր՝ apsny.ge
Թուրքիան դատի է տվել 108 քուրդ քաղաքական գործիչների, որը, ըստ քննադատների, քաղաքական դրդապատճառներով «վրեժխնդրություն» է՝ 2014-ի մահացու ցույցերում իրենց ենթադրյալ դերակատարության համար, որն առաջացել էր ԴԱԻՇ-ի կողմից Սիրիայի սահմանային Կոբանի քաղաքը գրավելու հետևանքով: Երկուշաբթի դատավարությունը սկսվել է լարված, երբ փաստաբանները լքել են Անկարայի դատարանի դահլիճը՝ պնդելով, որ իրենց որոշ գործընկերների թույլ չեն տվել մուտք գործել՝ «կամայական և ապօրինի» պատճառներով:
Աղբյուր՝ theguardian.com
Մայիսյան տոների միջև ընկած ժամանակահատվածում՝ ՌԴ-ում հայտարարված ոչ աշխատանքային օրերին, հյուպատոսարանը կշարունակի իրականացնել քաղաքացիների ընդունելությունը։ Քաղաքացիները կարող են դիմել դեսպանության հյուպատոսական բաժին շաբաթվա յուրաքանչյուր օր (մայիսի 3-ից 10-ն ընկած ժամանակահատվածում), ժամը՝ 09:00-ից 12:00-ը, բացառությամբ հանգստյան օրերի (մայիսի 1-ից 2-ը և 8-ից 9-ը).
Աղբյուր՝ ՌԴ-ում ՀՀ դեսպանություն
Կիրակի օրը երկու կայակերներ թիավարում էին Ավստրալիայի Հյուսիսային Քվինսլենդի Թաունսվիլ քաղաքի մերձակայքի ջրերում, երբ թիերից մեկը հարվածեց ինչ-որ առարկայի: Կայակերները բարձրացրել են թիակը և սարսափահար եղել՝ տեսնելով դրանից կախված քարաձուկը: Թունավոր ձկան նկարը երկու օրում մեծ տարածում է գտել համացանցում:
Իռլանդացի խառը մենամարտերի մարզիկ (MMA) Քոնոր Մաքգրեգորը կես միլիոն դոլար է նվիրել Լուիզիանա նահանգի Լաֆայետ քաղաքում գտնվող Ակադիանայի Boys & Girls ակումբին: Հիմնադրամը շնորհակալություն է հայտնել 32-ամյա իռլանդացուն նվիրատվության համար: և հայտնել, որ Մաքգրեգորի փողերը «փոխում են խաղը»: Կազմակերպությունը գործում է Մաքգրեգորի մրցակից, ամերիկացի Դուստին Պուարիեի ծննդավայրում:
Աղբյուր՝ lenta.ru
Դարաշրջանի խորհրդանիշ, հայտնի երգիչ ու կոմպոզիտոր Ալեքսանդր Ռոզենբաումը և իր «Հին գվարդիան» Երևանում՝ «Մենք ողջ ենք» համերգային ծրագրով: Համերգը տեղի կունենա մայիսի 21-ին, Կ. Դեմիրճյանի անվան մարզահամերգային համալիրում, սկիզբը՝ 19։00-ին:
Աղբյուր՝ toms.am
Ֆիլիպինների հարավ-արեւմուտքում՝ Բոհոլ նահանգի ափերի մոտ, ռազմական ուղղաթիռն ընկել է ծովը, ինչի արդյունքում զոհվել է մեկը, վիրավորվել երեք մարդ:
Աղբյուր՝ ria.ru
Մյանմայի խունտան «մանրակրկիտ կքննարկի Հարավարևելյան Ասիայի պետությունների ասոցիացիայի (ASEAN) կառուցողական առաջարկները»` փետրվարի 1-ի հեղաշրջման արդյունքում բռնկված խառնաշփոթը լուծելու ուղիների վերաբերյալ: «Առաջարկությունները դրականորեն կքննարկվեն, եթե դա ... ծառայում է երկրի շահերին և հիմնված կլինի նպատակների ու սկզբունքների վրա, որոնք ամրագրված են ASEAN»- ում ասված է երեքշաբթի օրը տարածված հայտարարության մեջ:
Աղբյուր՝ reuters.com
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
