Կարճ լուրեր
2011-ին դերասանուհու հիմնադրած օրգանական կոսմետիկայի և կենցաղային քիմիական նյութերի արտադրող Honest Company-ն ցանկանում է ընդհանուր առմամբ 1,5 միլիարդ դոլարի բաժնետոմսեր տեղադրել: Գործակալության տվյալներով՝ Honest-ը ցուցակվելու է ՆԱՍԴԱՔ (NASDAQ) բորսայում՝ հնարավոր ներդրողներին առաջարկելով շուրջ 25,8 միլիոն բաժնետոմս՝ յուրաքանչյուրը 14-17 դոլար արժեքով:
Աղբյուր՝ rbc.ru
Ֆրանսիայում ավարտվել է փորձը, որը ենթադրում էր մարդկանց կյանքը՝ 40 օր առանց արտաքին աշխարհի հետ հաղորդակցման, առանց արևի լույսի և ժամային բաժանման: Մարտ ամսից 27-ից 50 տարեկան ութ տղամարդիկ և յոթ կանայք մեկուսացել էին արտաքին աշխարհից երկրի հարավ-արևելքում գտնվող Լոմբրիվսի քարանձավում: Այսպիսով ֆրանսիայում գիտնականները ցանկանում էին ուսումնասիրել ժամանակի և տարածության զգացում չունեցող մարդկանց արձագանքը:
Աղբյուր՝ bbc.com
Ապրիլի 24-ին ՌԴ-ում ՀՀ դեսպանը և ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը ծաղկեպսակներ և ծաղիկներ խոնարհեցին Մոսկվայի եկեղեցական համալիրի տարածքում գտնվող Հայոց Ցեղասպանության զոհերի հիշատակը հավերժացնող հուշակոթողին։ Արարողությանը մասնակցեցին ՌԴ տարբեր գերատեսչություններում ՀՀ ներկայացուցիչները, դեսպանության անձնակազմն ու հայ համայնքի ներկայացուցիչները։ Մոսկվայի Սուրբ Պայծառակերպություն եկեղեցում մատուցվեց Սուրբ Պատարագ։
Աղբյուր՝ ՌԴ-ում ՀՀ դեսպանություն
Իշխանությունների ճնշումից հետո՝ իտալացի տղամարդը պետք է լքի այն կղզին, որի վրա ապրել է ավելի քան 30 տարի: 81-ամյա Մաուրո Մորանդին Բուդելլի էր տեղափոխվել 1989 թվականին: Սակայն վարդա գույն լողափով հայտնի կղզու տերերը ցանկանում են, որ նա հեռանա:
Աղբյուր՝ bbc.com
Իրանի զինված ուժերի շտաբի պետ Մոհամադ Հոսեյն Բաղերին կիրակի օրը սպառնացել է պատասխան հարված հասցնել Իսրայելին այն բանից հետո, երբ մեկ օր առաջ իրանական նավթատար նավը հարձակման էր ենթարկվել Սիրիայի մոտակայքում, որի հետևանքով նավի վրա երեք մարդ զոհվել էր: Բաղերին ասել է. «Մենք ոչ մի բան չենք հայտարարում վերջին դեպքերի մասին և չգիտենք, թե ով է դա արել, բայց դիմադրության ճակատը շատ լավ դաս կտա Իսրայելին»:
Աղբյուր՝ eadaily.com
Ապրիլի 24-ին անցկացված հիշատակի միջոցառումներին ներկա էին հայ հայմայնքային կառույցների անդամներ, Նիդերլանդների խորհրդարանի պատգամավորներ և տեղական խորհուրդների անդամներ, Ալմելոյի քաղաքապետը, Ալմելոյի և Ամստերդամի ասորի և հունական համայնքների ներկայացուցիչներ։ Միջոցառում էր կազմակերպել նաև Նիդերլանդների հայկական կազմակերպությունների ֆեդերացիան: «Հայաստան-Լյուքսեմբուրգ» բարեկամության ասոցիացիայի կողմից Լյուքսեմբուրգում անցկացվեց մոմավառություն՝ ի հիշատակ Մեծ Եղեռնի նահատակների, որին մասնակցում էին դեսպաններ, քաղաքական ուժերի ներկայացուցիչներ ։
Աղբյուր՝ Նիդերլանդներում ՀՀ դեսպանություն
Մոսկվան Իտալիայի դեսպանատան աշխատակցին կվտարի՝ ի պատասխան Հռոմի գործողությունների, հայտնել է ՌԴ ԱԳՆ-ն: Նա կլքի երկրի տարածքը 24 ժամվա ընթացքում:
Աղբյուր՝ ria.ru
Ապրիլի 24-ին Թբիլիսիի Սուրբ Էջմիածին եկեղեցում տեղի ունեցավ Հայոց ցեղասպանության սրբադասված նահատակների հիշատակին նվիրված ոգեկոչման կարգ: Արարողության մասնակիցները եկեղեցու բակում ծաղիկներ խոնարհեցին Հայոց ցեղասպանության անմեղ զոհերին նվիրված խաչքարի առջև, որից հետո տեղի ունեցավ ոգեկոչման կարգ։ Օրվա խորհրդի մասին ելույթ ունեցավ Վիրահայոց թեմի առաջնորդական տեղապահ Կիրակոս վարդապետ Դավթյանը։
Աղբյուր՝ Վրաստանում Հայաստանի դեսպանություն
Բրուտագործի մատնահետքը հայտնաբերվել է Օրկնեյան կղզիների Նես Բրոդգարի հնագիտական տարածքում: Հետազոտողները հույս ունեն, որ մատնահետքիի հետագա ուսումնասիրությունը կպարզի բրուտագործի սեռը և տարիքը:
Աղբյուր՝ bbc.co.uk
Ապրիլի 25-ին կայացած միջոցառմանը ներկա էին Ալֆորվիլի քաղաքապետ Լյուկ Կարվունասը, Ֆրանսիայի ԱԺ պատգամավոր Իզաբել Սանտիագոն, Ֆրանսահայ կազմակերպությունների համակարգող խորհրդի նախագահ Մուրադ Փափազյանը, քաղաքային խորհրդի անդամներ, հայ հոգևոր դասի ներկայացուցիչներ և համայնքային կազմակերպությունների ղեկավարներ: Ելույթով հանդես է եկել Ֆրանսիայում Հայաստանի դեսպանության ներկայացուցիչ Տիգրան Բաղդասարյանը։
Աղբյուր՝ ՀՀ դեսպանություն Ֆրանսիայում
Ապրիլի 19-ից 25-ն ԱԻՆ ՓԾ ճգնաժամային կառավարման ազգային կենտրոնում գրանցվել է 75 հրդեհի, 5 փլուզման, 1 պայթյունի, 5 ինքնասպանության փորձի դեպք, 48 ճանապարհատրանսպորտային պատահար, ինչպես նաև՝ 147 կենցաղային կանչ. տուժել է 79 մարդ, իսկ փրկարարական օպերատիվ գործողությունների արդյունքում փրկվել է 15 քաղաքացի: Նախորդ շաբաթվա ընթացքում ընդհանուր գրանցվել է 11 մահ: Արձանագրվել է թունավորման 9 դեպք:
Աղբյուր՝ ԱԻՆ
Ուկրաինայի նախագահն ասել է, որ պատրաստ է ցանկացած վայրում հանդիպել Ռուսաստանի նախագահի հետ՝ քննարկելու Դոնբասում իրավիճակի կարգավորման խնդիրները: Նրա խոսքով՝ ուկրաինական կողմը չի մտածում բանակցությունների տեղի մասին, քանի որ դրանց բովանդակությունն ավելի կարևոր է հակամարտության դադարեցման հարցում: Ինքնահռչակ Դոնեցկի ու Լուգանսկի ժողովրդական հանրապետությունների ներկայացուցիչների հետ Զելենսկին հրաժարվել է հանդիպել:
Աղբյուր՝ lenta.ru
Հարավային Աֆրիկայի ափերի մոտ շնաձուկը հարձակվել է ջրասուզակի վրա, կծել նրա գլուխը ու կոտրել ատամը: Դեպքը տեղի է ունեցել այն ժամանակ, երբ 38-ամյա Ջարիդ Նորմանը (Jarid Norman) Քվազուլու-Նատալ նահանգում տեգով ձկնորսությամբ էր զբաղվում: Նորմանը սոցցանցերում տեղադրել է կադրեր, թե ինչպես է նա շնաձկան ատամը հանում գլխից:
Երևանը Կոտայքի մարզին կապող, այսպես ասած, «Կորեայի ձորի»-ի՝ ավելի քան 50 տարվա պատմություն ունեցող կամրջի հիմնանորոգման Աշխատանքներն արդեն մեկնարկել են: Կամրջի հիմնանորոգման համար համայնքնային բյուջեից 62 մլն դրամ է հատկացվել: Աշխատանքները նախատեսվում է ավարտել այս տարվա աշնանը:
Աղբյուր՝ Երևանի քաղաքապետարանի աշխատակազմի տեղեկատվության և հասարակայնության հետ կապերի վարչություն
Թուրքմենստանը կիրակի տոնեց նոր տոն՝ նվիրված ազգային ալաբայ ցեղատեսակի շներին, որոնց պատվին երկրի երկարամյա առաջնորդն արդեն ոսկեզօծ արձան է կանգնեցրել և գիրք գրել: Տոնը նշվել է նույն օրը, երբ Թուրքմենստանի բնակիչները նշում են Թուրքմենական ձիու օրը: Այս տոնը նվիրված է Ախալ-Թեքե ցեղատեսակի ձիուն, որը հայտնի է իր մետաղական փայլով:
Աղբյուր՝ reuters.com
Մրցաշրջանի եզրափակչում «Մանչեսթեր Սիթին» հաղթանակ տարավ «Տոտենհեմի» նկատմամբ: Հանդիպումն ավարտվեց 1: 0 հաշվով՝ հօգուտ մանչեսթերյան ակումբի: Միակ գոլը խփվեց հանդիպման 82-րդ րոպեին. «Տոտենհեմի» դարպասը գրավեց պաշտպան Էմերիկ Լապորտը:
Աղբյուր՝ gazeta.ru
Tesla-ի և SpaceX-ի ղեկավար Իլոն Մասկը առաջին անգամիրեն հաղորդավարի դերում կփորձի՝ «Saturday Night Live» ամերիկյան երաժշտական հումորային հեռուստաշոուի մայիսի 8-ի թողարկման ժամանակ, որի հյուրը կլինի Մայլի Սայրուսը:
Աղբյուր՝ hollywoodreporter.com
Վրաստանում համաճարակի մեկնարկից ի վեր արձանագրված կորոնավիրուսային վարակի դեպքերի ընդհանուր թիվը կիրակի առավոտյան հասել է 304 272-ի: Եվս 18 հիվանդ է մահացել քովիդից: Վրաստանում կորոնավիրուսով ախտորոշված մահերի ընդհանուր թիվը այժմ կազմում է 4043 մարդ: Ապաքինվել է 1058 մարդ, նրանց ընդհանուր թիվը կազմում է 287 029:
Աղբյուր՝ newsgeorgia.ge
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
