Կարճ լուրեր
Առնվազն 82 մարդ է զոհվել մայրաքաղաք Բաղդադում՝ կորոնավիրուսով հիվանդների բուժող հիվանդանոցում բռնկված հրդեհի արդյունքում: Շաբաթ գիշերը «Իբն Ալ Հաթիբ» հիվանդանոցում բռնկված հրդեհի արդյունքում վիրավորվել է ավելի քան 100 մարդ: ԶԼՄ-ների տվյալներով՝ հրդեհի պատճառ է դարձել թթվածնի բալոնի պայթյունը:
Աղբյուր՝ bbc.com
Սննդաբան Միխայիլ Գինցբուրգի խոսքով՝ փոխվել է տարածված համոզմունքը, թե ձվի մեջ եղած խոլեստերինը նպաստում է աթերոսկլերոզի զարգացմանը: Կան ապացույցներ, որ սննդային խոլեստերինը գործնականում չի ազդում արյան մեջ «վատ» խոլեստերինի մակարդակի վրա: Խոլեստերինը, ավելի շուտ, սննդի լավ բաղադրիչ է, քանի որ այն մարմնի կողմից ակտիվորեն օգտագործվում է լեղաթթուների և մի շարք հորմոնների սինթեզի համար, արևի լույսի ազդեցության տակ մաշկի կողմից վիտամին D-ի սինթեզի համար»,- պարզաբանել է դիետոլոգը:
Աղբյուր՝ ria.ru
Pfizer-ը հայտարարել է, որ բնակչության շրջանում չեն նկատվել կողմնակի ազդեցության ավելի շատ դեպքեր, քան սպասվում էր: Նախնական ուսումնասիրությունը ցույց է տվել, որ սրտամկանի բորբոքման «տասնյակ միջադեպեր» են տեղի ունեցել ավելի քան 5 միլիոն պատվաստված մարդկանց շրջանում՝ հատկապես երկրորդ դեղաչափը ստանալուց հետո: Դեպքերի մեծ մասը գրանցվել է 30 տարեկանից ցածր մարդկանց շրջանում:
Աղբյուր՝ reuters.com
Կիրակի օրը՝ ապրիլի 25-ին, Դոնեցկում հրդեհ է բռնկվել, որը պայթյուն է առաջացրել բնակելի բարձրահարկ շենքում: Ականատեսների խոսքով՝ պայթյունն այնքան ուժեղ է եղել, որ պատշգամբներից մեկը ամբողջությամբ փլվել է: Նախնական տեղեկություններով՝ միջադեպի արդյունքում երկու մարդ է զոհվել:
Աղբյուր՝ eadaily.com
Անհայտ կորած ինդոնեզական սուզանավը հայտնաբերվել է առնվազն երեք մասի բաժանված, Բալի ծովի հատակին, Այս մասին կիրակի հայտնել են բանակի և նավատորմի պաշտոնյաները, երբ նախագահը ցավակցություն է հայտնել անձնակազմի 53 անդամների հարազատներին:
Աղբյուր՝ reuters.com
Բրեթ Իսթոն Էլիսի գրքի հիման վրա ֆիլմաշարի վրա կաշխատի Lionsgate կինոստուդիան:
Աղբյուր՝ kulturomania.ru
Արգենտինայի նախագահի մամուլի գրասենյակից հայտնել են, որ Մարիո Մեոնին մահացել է ուրբաթ օրը ճանապարհատրանսպորտային պատահարի հետևանքով`Ռոսարիո քաղաք կատարած պաշտոնական այցից վերադառնալիս: Նա 56 տարեկան էր: Ղեկին եղել է պաշտոնյան, նա մեքենայում միայնակ է եղել:
Աղբյուր՝ bloomberg.com
Ամերիկյան Crew Dragon տիեզերանավը (SpaceX ընկերություն) շաբաթ օրը՝ ապրիլի 24-ին, ավտոմատացված ռեժիմով խարսխվեց ՄՏԿ-ում: Տիեզերանավի վրա գտնվում են NASA-ի տիեզերագնացներ Ռոբերտ Շեյն Կիմբրոն և Մեգան ՄաքԱրթուրը, ինչպես նաև ֆրանսիացի և ճապոնացի տիեզերագնացներ Թոմ Պեսկեն և Ակիհիկո Հոշիդեն:
Աղբյուր՝ gazeta.ru
Վավերագրական ներկայացում` դերակատարների հուշերի հիման վրա: Ներկայացման երեք հերոսների պատմությունները ծավալվում են 1990-ականներին, երեք տարբեր վայրերում՝ Արցախի ամենաթեժ կետերից մեկում, սահմանամերձ մի գյուղում և մութ ու ցուրտ Երևանում` կազմելով երեք միահյուսվող սյուժետային գիծ: Ներկայացումը տեղի կունենա մայիսի 24-ին և 28-ին, սկիզբը՝ 19։30-ին:
Աղբյուր՝ toms.am
Ինդոնեզիայի ռազմածովային ուժերի KRI Nanggala-402 սուզանավը, որը անհետացել էր Բալիի մոտակայքում, հայտնաբերվել է կղզու ափերի մոտ գտնվող ջրերում: Ինդոնեզիայի որոնողական համակարգերին հաջողվել է գտնել սուզանավը Բալի ծովի հատակը զննելիս: Այն հայտնաբերել են մոտ 850 մետր խորության վրա:
Աղբյուր՝ lenta.ru
Տարվա ամենավատ կինոնկարների նախաօսկարային «Ոսկե ազնվամորի» հակամրցանակներից երեքը տրվել է Սիայի դեբյուտային ֆիլմին, այդ թվում ՝ վատագույն դերասանուհի՝ Քեյթ Հադսոնին և վատագույն երկրորդ պլանի դերասանուհի՝ Մեդդի Զիգլերին:
Աղբյուր՝ bbc.com
Երկրի իշխանությունները վերջին 24 ժամվա ընթացքում հրապարակել են կորոնավիրուսային վարակի 346 786 նոր դեպք, ինչը վարակվածների օրական աճի երրորդ անընդմեջ համաշխարհային հակառեկորդ է: Հնդկաստանում համաճարակի ընթացքում վարակվածների թիվը հասել է 16 610 481-ի: Վարակի հետ կապված մահվան դեպքերը 24 ժամվա ընթացքում ավելացել են 2 624-ով և կազմել 189 544:
Աղբյուր՝ tass.ru
Ապրիլի 25-ին Թաթուլ Ալթունյանի անվան երգի-պարի պետական անսամբլը հանդես կգա համերգով Ա. Սպենդիարյանի անվան օպերայի և բալետի ազգային ակադեմիական թատրոնում: Գեղարվեստական ղեկավար՝ ՀՀ արվեստի վաստ․ գործիչ Ժիրայր Ալթունյան, գլխավոր բալետմայստեր՝ ՀՀ մշակույթի վաստ․ գործիչ Հովհաննես Խաչիկյան: Սկիզբը՝ 19:00
Աղբյուր՝ toms.am
Համավարակի սկզբից մինչ օրս հանրապետությունում հայտնաբերվել է վարակի 302 785 դեպք: Միևնույն ժամանակ, անցած 24 ժամվա ընթացքում 463 մարդ լքել է կորոնա-կլինիկաները, իսկ կորոնավարակի սկզբից մինչ օրս բուժվել է 284 749 հիվանդ: Անցած օրվա ընթացքում 15 մարդ է մահացել: Երկրում կորոնավիրուսով ախտորոշված մահերի ընդհանուր թիվը այժմ կազմում է 4,007:
Աղբյուր՝ sputnik-georgia.ru
Disney-ն աշխատում է Marvel Studios-ի հետ՝ Marvel-ի կոմիքսի հերոս «Կապիտան Ամերիկայի»-ի մասին չորրորդ ֆիլմի վրա: Նախագծի սցենարիստները «Բազեն և ձմեռային զինվորը» սերիալի ստեղծողներն են՝ Մալքոմ Սփելմանը և Դալան Մուսոնը: Ֆիլմի ցուցադրությունը տեղի կունենա Disney+ հոսքային ծառայության միջոցով:
Աղբյուր՝ hollywoodreporter.com
Ղրիմի արևմտյան ափին գտնվող Սակիի շրջանում կհայտնվի զբոսաշրջային նոր կլաստեր, որը կդառնա թուրքական Անթալիայի անալոգը, ապրիլի 24-ին հայտնել Ղրիմի կառավարության փոխվարչապետ Եվգենի Կաբանովը:
Աղբյուր՝ iz.ru
Բանակի ղեկավարությունը միասնություն ցուցաբերեց, երբ երեքշաբթի օրը 37-ամյա գեներալ Մահամաթ Իդրիս Դեբին ազգային հեռուստատեսությամբ ներկայացվեց որպես երկրի նոր նախագահ և գերագույն գլխավոր հրամանատար:
Աղբյուր՝ reuters.com
Արտերկրյա նավերի տեղաշարժի համար Սեւ ծովի մի շարք տարածքներ փակելու Ռուսաստանի պաշտպանության նախարարության որոշումն ուժի մեջ կմտնի այսօրվանից: Ռուսաստանի տարածքային ջրերի հատվածում գտնվող Սեւ ծովի մի շարք տարածքներով օտարերկրյա ռազմանավերի եւ այլ պետական նավերի անցնելու իրավունքը կդադարեցվի ապրիլի 24-ի ժամը 21.00-ից: Սահմանափակումները կկիրառվեն մինչև ընթացիկ տարվա հոկտեմբերի 31-ը ժամը 21.00-ն:
Աղբյուր՝ gazeta.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
