Կարճ լուրեր
Սպիտակ տունը հաստատել է, որ ԱՄՆ նախագահը, Բրյուսել մեկնելուց առաջ, հունիսին պաշտոնական այցով կմեկնի Միացյալ Թագավորություններ՝ մասնակցելում G7-ի գագաթնաժողովին:
Աղբյուր՝ theguardian.com
Հայոց ցեղասպանության 106-րդ տարելիցին մոմավառությամբ ուղեկցվող զանգվածային ցույց է տեղի ունեցել Բեյրութի կենտրոնական Շուհադա (Նահատակներ) հրապարակում: Միջոցառմանը, բացի հայկական սփյուռքի ներկայացուցիչներից, մասնակցում էին ասորիներ, սիրո-յակոբիտներ և Լիբանանի մայրաքաղաքի այլ բնակիչներ:
Աղբյուր՝ ria.ru
Ռամբույե քաղաքի ոստիկանական բաժանմունքում ահաբեկչության հետաքննություն է սկսվել: 36-ամյա թունիսցի տղամարդը, որը 2009 թ.-ին անօրինական էր տեղափոխվել Ֆրանսիա, կոմիսարիատի նախասրահում դանակով հարվածել է կնոջ պարանոցին, ինչի հետևանքով վերջինս մահացել է: Շենքի մուտքի մոտ գտնվող ոստիկանները մի քանի կրակոց են արձակել հարձակվողի ուղղությամբ, նրա ստացած վնասվածքները մահացու են եղել։
Աղբյուր՝ theguardian.com
Ըստ ատամնաբույժ, բժշկական գիտությունների թեկնածու Լիլիա Կուզմենկովայի, գլխացավերի 60 տոկոսի պատճառը սխալ կծվածքն է:
Աղբյուր՝ lenta.ru
Ալեքսեյ Նավալնին, ով պատիժ է կրում Վլադիմիրի շրջանի գաղութներից մեկում, հայտարարել է, որ դադարեցնում է հացադուլը:
Աղբյուր՝ ria.ru
ԱՄՆ զինված ուժերը օդային օգնություն են ուղարկել՝ օգնելու Ինդոնեզիային 53 անձնակազմով անհետացած սուզանավի որոնման հարցում:
Աղբյուր՝ bbc.com
Մոսկվայի Սավելովսկու դատարանը Կախա Գազզաևին դատապարտեց 14 տարվա գաղութային խիստ ռեժիմի՝ քրեական հեղինակություն Վյաչեսլավ Իվանկովի (Յապոնչիկ) սպանության համար:
Աղբյուր՝ ria.ru
Այս մրցաշրջանում Լիոնել Մեսսին 25 գոլ է խփել Լա Լիգայում «Խետաֆեի» նկատմամբ «Բարսելոնայի» հաղթանակի ժամանակ, և դրանում նա կրկնեց Կրիշտիանու Ռոնալդուի նվաճումը: «Բարսելոնայի» ավագի դուբլը, հինգշաբթի 5-2 հաշվով տարած հաղթանակում, նշանակում է, որ նա և Ռոնալդուն միակ խաղացողներն են Եվրոպական թոփ-5 լիգաներից, ովքեր այս դարաշրջանում 12 տարբեր մրցաշրջաններում խփել են առնվազն 25 գոլ:
Աղբյուր՝ as.com
Ուրբաթ, ապրիլի 23-ին, երկրի ԱԳՆ ղեկավար Էդգարս Ռինկևիչը հայտարարեց, որ Լատվիան արտաքսում է ռուս դիվանագետին՝ ի նշան Չեխիայի հետ համերաշխության: Լիտվայի ԱԳՆ-ը եւս հայտարարեց նույն պատճառով երկու ռուս դիվանագետների արտաքսման մասին: Հայտարարության համաձայն՝ ՌԴ ներկայացուցչին հանձնվել է դիվանագիտական նոտա, որում նշվում է՝ «իրենց դիվանագիտական կարգավիճակի հետ անհամատեղելի գործունեություն իրականացրած» աշխատակիցներին յոթ օր ժամանակ է տրվում երկիրը լքելու համար:
Աղբյուր՝ iz.ru
39-ամյա Միդլթոնը ամուսնու՝ արքայազն Ուիլյամի հետ հանրությանն է ներկայացել Dolce & Gabbana նորաձեւության տան 2322 ֆունտ ստերլինգ արժողությամբ ոսկե կոճակներով վերարկուով: Նա իր տեսքը լրացրել էր մարգարիտներով և ադամանդներով զարդարված արծաթյա ականջօղերով: Հայտնի է, որ նշված զարդը պատկանում է դքսուհու սկեսրոջ՝ Եղիսաբեթ Երկրորդ թագուհուն, որոնք նա առաջին անգամ կրել է 1977-ին`իր 50-ամյա տարեդարձի օրը:
Աղբյուր՝ dailymail.co.uk
Ռուսաստանի նախագահ Վլադիմիր Պուտինը համաձայնել է՝ մայիսյան տոների միջեւ ընկած ժամանակահատվածը ոչ աշխատանքային դարձնել: Նա ընդունել է Ռոսպոտրեբնադզորի ղեկավար Աննա Պոպովայի առաջարկը: Ըստ Պոպովայի, այդ օրերը ոչ աշխատանքային հայտարարելու որոշումը համաճարակաբանական կանխատեսումն ավելի կայուն կդարձնի:
Աղբյուր՝ ria.ru
ՀՀ ԳԱԱ Վ․ Համբարձումյանի անվ. Բյուրականի աստղադիտարանի (ԲԱ) հանրային կապերի բաժինը սկսում է ԲԱ 75-ամյակին նվիրված հարցազրույցների շարք՝ երիտասարդ գիտաշխատողների հետ։ Առաջին խորհրդատուն ԲԱ կրտսեր գիտաշխատող, երիտասարդ խորհրդի նախագահ Հասմիկ Անդրեասյանն է, ով 5 խորհուրդ է ներկայացրել, թե ինչպես դառնալ աստղագետ:
Աղբյուր՝ Բյուրականի աստղադիտարան
Հոլիվուդյան աստղ Ռասսել Քրոուն մարմնավորելու է Զեւսին՝ Marvel-ի սուպերհերոսական բլոկբաստեր «Թոր. Սեր և ամպրոպ»-ում, որը կլինի ֆրանշիզայի չորրորդ ֆիլմը: Այժմ ֆիլմի նկարահանումները տեղի են ունենում Ավստրալիայում: Ռեժիսորն է Թայքա Վայթիթին:
Աղբյուր՝ kulturomania.ru
Օրը ողջ աշխարհում նշվում է ապրիլի վերջին շաբաթ օրը, այս տարի Հայաստանում՝ ապրիլի 23-ին: Հայաստանում անասնապահությունը զարգացած է Շիրակի, Կոտայքի և Գեղարքունիքի մարզերում:
Աղբյուր՝ ՍԱՏՄ
Խնձորի օգտագործումը դրական է ազդում աղիների աշխատանքի վրա և քաղցկեղի կանխարգելման գործում: Այս մասին հայտնել է բժիշկ-սննդաբան Օլգա Շմելեւան: Մասնագետը նշեց, որ այս միրգը օգտակար է նաև ավելորդ քաշ ունեցող և ինսուլին-կախյալ մարդկանց համար, քանի որ շատ գլյուկոզա ստանալու վտանգ չկա, իսկ ենթաստամոքսային գեղձի ծանրաբեռնումը կլինի նվազագույն:
Աղբյուր՝ iz.ru
Հայոց ցեղասպանության զոհերի հիշատակի ոգեկոչման արարողություններին մասնակցելու համար Հայաստան ժամանակ Պատվիրակությունը նաեւ հանդիպումներ կունենա օրենսդիր եւ գործադիր մարմինների ներկայացուցիչների հետ: Այցի շրջանակներում նախատեսվում է ՀՀ Ազգային ժողովի եւ Կենտրոնաամերիկյան խորհրդարանի միջեւ ստորագրել Միջխորհրդարանական համագործակցության վերաբերյալ համաձայնագիր:
Աղբյուր՝ ՀՀ ԱԺ Հասարակության հետ կապերի եւ հաղորդակցության վարչություն
Արևելյան Երուսաղեմում ծայրահեղ աջ հրեա ակտիվիստների, պաղեստինցիների եւ իսրայելական ոստիկանության դաժան բախումների հետևանքով վիրավորվել է ավելի քան 100 մարդ: Դա հետեւանքն է՝ արդեն մի քանի օր շարունակվող ազգայնական եւ կրոնական լարվածության աճի:
Աղբյուր՝ bbc.com
Միջազգային օլիմպիական կոմիտեն արգելելու է մարզիկներին Տոկիոյի խաղերի ընթացքում ծնկի գալ, բռունցքները վեր բարձրացնել և, ինչպես սահմանված կանոնակարգով, ցույց տալ ցանկացած այլ քաղաքական ժեստ: Կազմակերպությունը նշել է, որ կանոնների հնարավոր փոփոխությունը դիտարկելիս՝ մարզիկների մեծ մասը կողմ է արտահայտվել գործող կանոնի պահպանմանը:
Աղբյուր՝ gazeta.ru
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
