Կարճ լուրեր
Ստեփանակերտում մի քանի բազմաբնակարան շենքերի կառուցման մրցույթներ են հայտարարված, նախագծման փուլում են Ասկերանի շրջանում մի քանի նոր բնակավայրեր: Լրացվել է այն համայնքների շարքը, որոնք առաջիկայում մայրուղիներին կապող ասֆալտապատ ճանապարհներ կունենան: Հաշվի առնելով Կարմիր շուկա բնակավայրի ռազմավարական նշանակությունը՝ Հիմնադրամն այնտեղ 100 տուն կառուցելու հովանավորություն է ստանձնել, որոնց հողային աշխատանքները սկսվելու են առաջիկա օրերին:
Աղբյուր՝ ԱՀ նախագահի աշխատակազմ
Վրաստանում՝ Թելավիի քաղաքապետարանի Լափանղուրի գյուղումտեղի բնակչությունը ցույց է անցկացնում՝ ի նշան Նամախվանի ՀԷԿ-ի կառուցման հակառակորդների համերաշխության: Ցուցարարներն ասում են, որ դա կարևոր է երկրի էներգետիկ անկախության համար, բայց ոչ՝ էկոլոգիան ոչնչացնելու և գյուղերը դատարկելու հաշվին:
Աղբյուր՝ 1tv.ge
Ռուսաստանում կհայտնվի նոր տիպի ուղղիչ հիմնարկ, որում կմիավորվեն նախնական կալանքի կենտրոնը և գաղութը: Այս մասին գերատեսչության կոլեգիայում հայտարարել է ՌԴ արդարադատության նախարար Կոնստանտին Չույչենկոն: Արդարադատության նախարարությունը մտադիր է այս տարի փորձնական նախագիծ սկսել: Նոր հաստատությունները նախատեսված կլինեն երեք հազար բանտարկյալների համար:
Աղբյուր՝ lenta.ru
Սոցցանցի ալգորիթմը շփոթել է՝ Ֆրանսիայի հյուսիս-արևելքում գտնվող Մոզել դեպարտամենտի քաղաքի անվանումը անգլերեն վիրավորանքի հետ: Քաղաքապետը հայտնել է, որ էջը արգելափակվել է մարտի 19-ին՝ «կանոնների խախտման համար»: Երեքշաբթի օրը Ֆեյսբուքի ֆրանսիական տարածքի ղեկավարը կապվել էԲիտշի քաղաքապետի հետ, ներողություն խնդրել կատարվածի համար և տեղեկացրել, որ էջը վերականգնվել է:
Աղբյուր՝ bbc.com
Կիևի քաղաքապետ և Ուկրաինայի քաղաքների ասոցիացիայի նախագահ Վիտալի Կլիչկոն ֆեյսբուքյան իր էջում հրապարակել է կոչ՝ ուղղված երկրի քաղաքացիներին և իշխանություններին՝ միավորվել և վանել վախը «ռուսական սպառնալիքի» ֆոնին:
Աղբյուր՝ lenta.ru
Խաղաղօվկիանոսյան կղզին պատրաստվում է դառնալ աշխարհում առաջին երկիրը, որն ընդունում է օրենսդրություն՝ ստիպելու ֆինանսական ընկերություններին զեկուցել կլիմայի փոփոխության հետևանքների մասին: Պետությունը ցանկանում է ածխածնային չեզոք երկիր դառնալ մինչ 2050 թվականը: Բանկերը, ապահովագրողները և ֆոնդի կառավարիչները կարող են օգնել՝ իմանալով իրենց ներդրումների բնապահպանական ազդեցությունը, ասել է Կլիմայի փոփոխության նախարարը:
Աղբյուր՝ bbc.com
Չիպսեր պատրաստելու համար օգտագործվող Russet Burbank կոչվող կարտոֆիլի տեսակը վտանգի տակ է հայտնվել գլոբալ տաքացման պատճառով:
Աղբյուր՝ ria.ru
Մեծ Բրիտանիայի միապետը մասնակցել է թագավորական պալատին կից լորդ-կամերգերի պաշտոնից Ուիլյամ Փիլի հեռանալու կապակցությամբ կազմակերպված պաշտոնական միջոցառմանը:
Աղբյուր՝ independent.co.uk
SpaceX-ի և Tesla-ի ղեկավար Իլոն Մասկի Twitter-ի հաշվի կենսագրության մեջ նոր գրառում է հայտնվել. միլիարդատերն իրեն անվանել է «Մարսի իմպերատոր»:
Աղբյուր՝ gazeta.ru
Հետհաշվարկի առթիվ քաղաքապետարանի շենքում տեղադրվել են 2,6 մ բարձրությամբ օլիմպիական և պարալիմպիկ խաղերի թալիսմանների ֆիգուրները, իսկ Տակաո լեռան գագաթին՝ օլիմպիական խաղերը խորհրդանշող հինգ օղակները: Խաղերը կմեկնարկեն հուլիսի 23 –ին:
Աղբյուր՝ ՀԱՕԿ
Նա ասել է, որ իր պաշտոնավարման 15 ամիսները «կարծես 15 տարի լինեին»: 60-ամյա Ռուդոլֆ Անշոբերը նշանակվել է 2020 թվականի հունվարին և ղեկավարել համավարակի դեմ ուղղված երկրի առողջապահական միջոցառումները:
Աղբյուր՝ bbc.com
«Չելսիի» գլխավոր մարզիչ Թոմաս Տուխելը Չեմպիոնների լիգայի կիսաեզրափակիչ դուրս գալուց հետո խոստովանել է, որ չի ցանկանում հանդիպում անցկացնել Անգլիայի հավաքականների հետ: Չորեքշաբթի, ապրիլի 14-ին, «Լիվերպուլն» ու «Ռեալը» կխաղան քառորդ եզրափակչի պատասխան խաղում: Դիմակայության հաղթողը կիսաեզրափակիչում կհանդիպի «կապույտներին»:
Աղբյուր՝ sport-express.ru
Եգիպտոսի Իսմայիլիա քաղաքի դատարանը վճռել է առգրավել Ever Given բեռնանավը: Նավը, որը արգելափակել էր Սուեզի ջրանցքը, կվերադարձվի, երբ ճապոնացի սեփականատերերը վճարեն 900 միլիոն դոլար:
Աղբյուր՝ theguardian.com
Վերջին 24 ժամվա ընթացքում յոթ հիվանդ է մահացել կորոնավիրուսից: Ընդհանուր առմամբ, Վրաստանում հայտնաբերվել է կորոնավիրուսային վարակի 291 214 դեպք, որից վերականգնվել է 278 683 մարդ, մահացել է 3 901-ը: Կարանտինային ռեժիմում կա 162 մարդ, 2546 մարդ գտնվում է հիվանդանոցային հսկողության տակ, իսկ 338 մարդ` քովիդ-հյուրանոցում:
Աղբյուր՝ apsny.ge
Չորեքշաբթի օրը Հարավային Կորեայի նախագահ Մուն Ջե Ինը կարգադրել է պաշտոնյաներին քննել միջազգային դատարան միջնորդագիր ներկայացնելու կարգը՝ կապված «Ֆուկուսիմա» ատոմակայանից օվիկիանոս ջուր բաց թողնելու Ճապոնիայի որոշման հետ: Այս մասին հայտնել է Մուն Ջե Ինի խոսնակը՝ ձկնորսության և բնապահպանական խմբերի բողոքների ֆոնին:
Աղբյուր՝ reuters.com
Johnson & Johnson պատվաստանյութից լուրջ բարդություն ունեցած վեց պացիենտներից մեկը մահացել է: Այս մասին երեքշաբթի ճեպազրույցում հայտնել է FDA խոսնակ Փիթեր Մարկսը:
Աղբյուր՝ ria.ru
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է:
Աղբյուր՝ Արտակարգ իրավիճակների նախարարություն
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Գեղարքունիքի մարզի Ճամբարակ, Գավառ, Վարդենիս քաղաքներում և Լոռու մարզի Սպիտակի ոլորաններում տեղում է ձյուն։
Աղբյուր՝ Արտակարգ իրավիճակների նախարարություն
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
