Ձեր վստահելի աղբյուրը

ԱՄՆ-ը հինգշաբթի օրը ավիահարվածներ է հասցրել Սիրիային՝ թիրախավորելով զինված խմբավորումների կողմից օգտագործվող օբյեկտները: Պենտագոնը հայտարարել է, որ հարվածները պատասխան են՝ այս ամսվա սկզբին Իրաքում հրթիռային հարձակմանը, որի հետևանքով զոհ և վիրավորներ էին եղել:

Աղբյուր՝ nbcnews

Ռեժիսոր Դեյվիդ Ֆինչերը, ով «Մարտական ակումբ», «Կորածը» և այլ հայտնի ֆիլմերի հեղինակն է, Netflix-ի հոսքային պլատֆորմի համար կնկարահանի «Մարդասպանը» թրիլլերը՝ համանուն նուար կոմիքսի հիման վրա:

Աղբյուր՝ ria.ru

Իսպանիայի Սանտանդեր քաղաքի հյուսիսում գտնվող Կաբարսենոյի բնական պարկում, պատասխանատուների և տեղական իշխանությունների հաղորդմամբ, կենդանաբանական այգու 44-ամյա աշխատակից մահացել է շուրջ 4000 կգ քաշ ունեցող էգ փղի կնճիթի հարվածից հետո՝ գլուխը խփելով բնի վանդակաճաղին:

Աղբյուր՝ theguardian

Փետրվարի 21-ին հայտնի դարձավ, որ Ռուսաստանում գրանցվել է առաջին թեստային համակարգը`կորոնավիրուսի բրիտանական շտամին բնորոշ մուտացիաները որոշելու համար:

Աղբյուր՝ russian.rt.com

Rossiya ավիաընկերության կողմից շահագործվող Boeing Co 777 ինքնաթիռը տեղական ժամանակով ժամը 04: 44-ին հարկադիր վայրէջք է կատարել Մոսկվայում`շարժիչի անսարքության պատճառով: Դենվերում United Airlines Holdings Inc.-ի նման ինքնաթիռի փայթյունից դեռ մեկ շաբաթ չէր անցել:

Աղբյուր՝ chinadailyhk.com

Եվրոպա լիգայի 32-րդ տուրի պատասխան խաղում Արսենալը հաղթել է Բենֆիկային (3-2): «Զինագործները» դուրս են եկել Եվրալիգայի 1/8 եզրափակիչ:

Աղբյուր՝ korrespondent

CanSino Biologics-ի և Ուհանի կենսաբանական ինստիտուտի պատվաստանյութերը ցույց են տվել նախնական 65,7% և 72,51% արդյունավետություն:

Աղբյուր՝ korrespondent.net

Դերասանը համաշխարհային հռչակ է ձեռք բերել «Հյուրանոց «Մերիգոլդ». Բնակեցումը շարունակվում է» և «Թագը» ֆիլմերով ՝ թատրոնում և հեռուստատեսությունում երկար տարիների կարիերայից հետո:

Աղբյուր՝ theguardian

ՄԱԿ-ի Մարդու իրավունքների գերագույն հանձնակատար Միշել Բաչելետը ողջունեց Ղազախստանի պատրաստակամությունը միանալու մահապատժի վերացման կամընտիր արձանագրությանը:

Աղբյուր՝ news-asia.ru

Ավտոբուսը հագեցած է սենսորներով և տեսախցիկներով և կապում է Մալագայի նավահանգիստը քաղաքի կենտրոնի հետ՝ օրական վեց անգամ 8 կմ շրջապտույտ կատարելով: Ինքնակառավարվող մեքենան կարող է փոխազդել լուսացույցի հետ: Այն իր տեսակի մեջ առաջին նախագիծն է Եվրոպայում:

Աղբյուր՝ theguardian

Դուբայի իշխանի գերեվարված դուստրը դիմել է Միացյալ Թագավորության ոստիկանությանը՝ քննելու Քեմբրիջի փողոցից՝ ավելի քան 20 տարի առաջ առեւանգված իր ավագ քրոջ գործը: Իր նամակում Լատիֆան ասել է Քեմբրիջշիրի ոստիկանությանը, որ դա կարող է օգնել ազատել արքայադուստր Շամսային, որը գերի էր ընկել իրենց հոր հրամանով:

Աղբյուր՝ bbc.com

«Մանչեսթեր Սիթին» ջախջախիչ հաղթանակ տարավ Մյոնխենգլադբախի «Բորուսիայի» նկատմամբ և գրեթե ապահովեց իր տեղը Չեմպիոնների լիգայի քառորդ եզրափակչում, իսկ «Ռեալը» վիճահարույց մրցավարությամբ հաղթեց Ալեքսեյ Միրանչուկի «Ատալանտային»:

Աղբյուր՝ gazeta.ru

Նախագահ Ջո Բայդենը չորեքշաբթի օրը վերացրեց՝ իր նախորդի կողմից համաճարակի ընթացքում գրին քարտերի տրման սառեցումը, որը, իրավաբանների կարծիքով, արգելափակում էր օրինական ներգաղթը Միացյալ Նահանգներ:

Աղբյուր՝ nbcnews.com

Նյու Յորքում տարածվում է SARS-CoV-2 կորոնավիրուսի նոր տարբերակը, որի մուտացիաները հնարավոր է նվազեցնեն պատվաստանյութերի արդյունավետությունը:

Աղբյուր՝ ria.ru

Փետրվարի 26-28-ը սպասվում է առանց տեղումների եղանակ: Մարտի 1-2-ը շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։ Քամին հարավ-արևմտյան 5-10 մ/վ: Օդի ջերմաստիճանը փետրվարի 26-28-ն աստիճանաբար կբարձրանա 5-7 աստիճանով, Լոռիում, Տավուշում, Սյունիքում և Արցախում 10-15 աստիճանով։

Աղբյուր՝ ՀՀ ԱԻՆ

 

Կինոգործիչները հայտնել են, որ սուպերհերոսների մասին նոր ֆիլմը կկոչվի «Սարդ-մարդ. Տունդարձի ճամփա չկա» (Spider-Man: No Way Home): Պրեմիերան նախատեսված է 2021 թվականի դեկտեմբերին:

Աղբյուր՝ gazeta.ru

արժանացավ Արցախի Հանրապետության ԱԺ սոցիալական և առողջապահության հարցերի մշտական հանձնաժողովի հավանությանը: Ծրագիրը ներառում է տնային տնտեսությունների հետազոտություն և գյուղատնտեսության համատարած հաշվառմուն: Եռամյա ծրագրով նախատեսվում է նաև աղքատության ուսումնասիրություն և այս տարի տարհանված ընտանիքների վերաբերյալ հետազոտություն:

Աղբյուր՝ Արցախի Հանրապետության Ազգային ժողովի լրատվության և հանրության հետ կապերի բաժին                                                                                                 
 

Իսլամիստների բռնություններից կեղեքված իրաքցի քրիստոնյաները պատրաստվում են Հռոմի պապի այցին: Մարտի 5-8-ի ընթացքում կայանալիք այցը ողջունելի ճանաչումն է այն բանի, թե որքան են նրանք տառապել իրենց հավատալիքների համար:

Աղբյուր՝ reuters.com