Կարճ լուրեր
Մեխիկոյում էլեկտրական ենթակայանների արդիականացման աշխատանքների ժամանակ հայտնաբերվել են բնակելի շենքի ավերակներ, որն ավելի քան 800 տարեկան է, գրում է ARTnews-ը։ Այն կառուցվել է Ացտեկների կայսրության օրոք։ Շինության մակերեսը 399.5 քմ է։ Այն հավանաբար գտնվել է մայրաքաղաք Տենոչտիտլանի երկու շրջանների սահմանին։ Հատակի տակ եղել են մի քանի անոթներ՝ նորածինների մասունքներով, և ևս մի քանի թաղման վայրեր։
Աղբյուր՝ ria.ru
Christie's-ը հայտնում է, որ «Ժայռը»՝ հավի ձվի չափի սպիտակ ադամանդը, որն իր տեսակի մեջ աճուրդի հանվածներից ամենամեծն է, չորեքշաբթի վաճառվել է ավելի քան 21,6 միլիոն շվեյցարական ֆրանկով (21,75 միլիոն դոլար), ներառյալ վճարները։ 228 կարատանոց տանձաձև, անգույն քարը իր պլատինե կախազարդի հետ միասին ունի 61,3 գրամ, չափերը՝ 5,4 սանտիմետր 3,1 սանտիմետր։
Աղբյուր՝ apnews.com
Արևմտյան Գուջարաթ նահանգի փրկարարները ամեն օր հավաքում են տասնյակ հյուծված և ջրազրկված թռչունների. կիզիչ շոգը նահանգի ամենամեծ քաղաքում չորացնում է ջրի աղբյուրները, հայտնում են անասնաբույժները և կենդանիների փրկարար կենտրոննները: Հարավային Ասիայի ընդարձակ տարածքները չորանում են վերջին տարիների ամենաշոգ նախամառային ամիսներին, ինչի պատճառով երկրի վարչապետ Նարենդրա Մոդին զգուշացրել է հրդեհների աճող ռիսկերի մասին:
Աղբյուր՝ reuters.com
Մայիսի 13-ին՝ 19։00-ին, «Առնո Բաբաջանյան» համերգասրահում կմիավորվեն բիթլոմանները և ջազի սիրահարները։ Համերգասրահում կանցկացվի Beatles In Jazz խորագրով համերգային ծրագիրը Աննա Կոստանյանի (վոկալ), Դավիթ Մելքոնյանի (սաքսոֆոն), Կարեն Գրիգորյանի (դաշնամուր), Դեյվ Գյոդակյանի (կոնտրաբաս), Արման Մնացականյանի (հարվածայիններ) մասնակցությամբ։ The Beatles-ի սիրելի հիթերը պրոֆեսիոնալ ջազմենների մեկ հպումով կվերածվեն հետաքրքիր ջազային ստեղծագործությունների։
Աղբյուր՝ «Առնո Բաբաջանյան» համերգասրահ
Գերմանիան արդեն վճարել է ռուսական գազի մատակարարումների համար նոր սխեմայով, այսինքն՝ ռուբլով։ Այս մասին հայտարարել է Իտալիայի վարչապետ Մարիո Դրագին: Քաղաքական գործչի խոսքով՝ ներկրողների մեծ մասն արդեն հաշիվներ է բացել ռուբլով: Արդյո՞ք ռուբլով վճարումները խախտում են պատժամիջոցները. ոչ ոք այդպես էլ չասաց, ուշադրություն է հրավիրել Դրագին: Նրա խոսքով՝ դա «գորշ գոտի» է:
Աղբյուր՝ vesti.ru
Թուրքիան իր F-16 կործանիչների նավատորմի համար հրթիռների և ռադարների մատակարարման 400 միլիոն դոլարի հարցում է ներկայացրել ԱՄՆ-ին, այն կքննարկի Կոնգրեսը, գրում է Wall Street Journal-ը:
Աղբյուր՝ ria.ru
48-ամյա ամերիկացի դերասանուհի Եվա Մենդեսի խոսքով՝ ինքը կրկին կկարողանա խաղալ ֆիլմերում, եթե իր մասնակցությամբ չլինեն անկողնային տեսարաններ, և բռնության կադրեր: Մենդեսը պատմել է, որ նման պայմաններ է դրել հանուն իր դուստրերի՝ յոթնամյա Էսմերալդայի և վեցամյա Ամադայի, որոնց դերասանուհին մեծացնում է ամուսնու՝ արտիստ Ռայան Գոսլինգի հետ: Եվան նշել է՝ չի ցանկանում, որ դուստրերը մեծանալու ընթացքում մոր մասնակցությամբ նման կադրեր դիտեն:
Աղբյուր՝ lenta.ru
«Բարսելոնայի» պաշտպան Ռոնալդ Արաուխոն դուրս է գրվել հիվանդանոցում մեկ գիշեր անցկացնելուց հետո՝ Լա Լիգայի «Սելտա Վիգոյի» դեմ խաղում գլխի վնասվածք ստանալու հետևանքով, չորեքշաբթի հայտնել է ակումբը: «Բարսելոնան» հայտնել է, որ երեքշաբթի ստացած ուղեղի ցնցումից հետո խաղացողի բժշկական հետազոտությունները գողացուցիչ են եղել, և բժիշկները նրան թույլատրել վերադառնալ տուն:
Աղբյուր՝ apnews.com
«Առափնյա պահակախումբը փրկել է 240 աֆրիկացի միգրանտների և ութ թունիսցիների 10 անօրինական միգրացիոն ուղևորությունների ընթացքում, ինչպես նաև հայտնաբերել է երեք աֆրիկացու դի, որոնց նավը խորտակվել է Սֆաքսի շրջանի Էլ Ավաբեդ գյուղի ափերի մոտ», - չորեքշաբթի Reuters-ին հայտնել է Թունիսի առափնյա պահպանության աշխատակից փոխգնդապետ Ալի Այարին:
«Ավատար» ֆրանշիզայի երկրորդ մասի թրեյլերը դիտումների քանակով ռեկորդներ է սահմանում YouTube վիդեո ծառայության համար: Տեսանյութը մեկ օրում դիտվել է 148 միլիոն անգամ: Թրեյլերը Չինաստանում դիտել է 23 միլիոն մարդ, հայտնում է Disney-ը: «Ավատար. Ջրի ճանապարհը» ֆիլմի պրեմիերան կկայանա դեկտեմբերի 14-ին:
Աղբյուր՝ kulturomania.ru
«Կանաչ մղոն» ֆիլմի աստղը PETA-ի ակցիայի շրջանակներում իրեն սոսնձել է Նյու Յորքի Starbucks-ի նստարանին, գրում է Washington Post-ը: Այդ կերպ նա դեմ է արտահայտվել ըմպելիքի մեջ բուսական կաթի թանկացմանը: «Ավելի քան 13,000 հաճախորդներ խնդրել են ձեզ, մենք ևս խնդրում ենք դադարեցնել բարձրացնել վեգան կաթի գինը: Ե՞րբ եք դադարելու հարստանալ, քանի դեռ հաճախորդները, կենդանիները և բնությունը տուժում են»,- ասել է 82-ամյա արտիստը տեսախցիկների առաջ:
Աղբյուր՝ gazeta.ru
Իրանի Իսլամական հեղափոխության պահապանների կորպուսը (ԻՀՊԿ) հրետակոծել է հարևան Իրաքի Էրբիլում գտնվող տարածքը՝ թիրախավորելով «ահաբեկչական խմբավորումների» դիրքերը: ԻՀՊԿ ցամաքային ուժերը չորեքշաբթի վաղ առավոտյան հրետանային կրակ են բացել Իրաքի հյուսիսային Քրդստանի տարածաշրջանային մայրաքաղաքի ուղղությամբ, հայտնում է Tasnim լրատվական կայքը: Հարձակումը տեղի է ունեցել երկու ամիս անց, երբ ԻՀՊԿ-ը բալիստիկ հրթիռներ արձակեց Էրբիլում գտնվող իսրայելական բազայի վրա:
Աղբյուր՝ aljazeera.com
Բարձրաստիճան դատախազը, ով պայքարում էր իր հայրենի երկրում կազմակերպված հանցավորության դեմ, գնդակահարվել է Կոլումբիայում իր մեղրամսի ժամանակ: Մարսելո Պեչին գտնվել է զբոսաշրջային Բարու կղզու լողափում, երբ նրան սպանել են երկու զինված անձինք: Սպանությունից ժամեր առաջ Պեչիի կինը՝ լրագրող Կլաուդիա Ագիլերան, Instagram-ում հայտարարել էր, որ հղի է: Դեպքից հետո նա պատմել է, որ ամուսինը նախկինում սպառնալիքներ չի ստացել:
Աղբյուր՝ bbc.com
Խերսոնի փողոցներից մեկը կանվանակոչվի ռուս քաղաքական գործիչ Վլադիմիր Ժիրինովսկու անունով: Այս մասին հայտարարել է Խերսոնի շրջանի ռազմաքաղաքացիական վարչակազմի փոխնախագահ Կիրիլ Ստրեմուսովը:
Աղբյուր՝ vesti.ru
Ջեյմս Հոնգը՝ ասիական դերասանական աշխարհի լեգենդը, երեքշաբթի դարձել է ամենատարեց մարդը, ով երբևէ աստղ է ստացել Հոլիվուդի Փառքի ծառուղում: Նա օրը նշել է փոքրիկ երգով և վիշապի պարով:
Աղբյուր՝ abc7.com
Մայիսի 2-ից 5-ը Ֆրանսիայի Լիոն քաղաքում էր գտնվում Երևանի քաղաքապետի տեղակալի գլխավորած պատվիրակությունը: Այցի ընթացքում երևանյան պատվիրակությունը մասնակցել է «Ֆրանս-հայկական մասնագիտական ուսումնական կենտրոն» հիմնադրամի հոգաբարձուների խորհրդի տարեկան ժողովին, ինչպես նաև «Ռոնի մասնագիտական կրթության ընկերություն» հիմնադրամում կազմակերպված միջազգային կոնֆերանսին: Այցելել են նաև Լիոնի տրանսպորտի կառավարման ընկերություն (SYTRAL), որտեղ նախանշվել են գործակցության հնարավոր ուղղությունները:
Աղբյուր՝ Երևանի քաղաքապետարան
Լրագրող Ֆաբրիցիո Ռոմանոյի խոսքերով՝ «զինագործները» մտադիր են ուժեղացնել հարձակման միջին գիծը: Ակումբը դիտարկում է «Մանչեսթեր Սիթիի» հարձակվող Գաբրիել Ժեզուսի և «Լեսթերի» կիսապաշտպան Յուրի Թիլեմանսի թեկնածությունը:
Աղբյուր՝ sport-express.ru
Հայաստանի պետական հետաքրքրությունների ֆոնդի (ԱՆԻՖ) խորհրդի նախագահ Տիգրան Ավինյանը և ԱՆԻՖ-ի «Ձեռնարկատեր+պետություն» ներդրումային ֆոնդի տնօրեն Բելլա Մանուկյանը մասնակցել են Վերակառուցման և զարգացման եվրոպական բանկի (ՎԶԵԲ) տարեկան ժողովին և բիզնես ֆորումին: Անցած տարիների ընթացքում բանկը Հայաստանում իրականացրել է ավելի քան 1,6 միլիարդ ԱՄՆ դոլարի ներդրում ավելի քան 195 ծրագրերում՝ ենթակառուցվածքների, էներգետիկայի, գյուղանտեսության, ֆինանսական և այլ ոլորտներում:
Աղբյուր՝ ԱՆԻՖ
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
