Կարճ լուրեր

Հայաստանի քաղաքական առաջնորդները և անտառային ոլորտի համաշխարհային մասնագետները ընդգծել են գագաթնաժողովի կարևորությունը՝ որպես ոլորտի առաջատար փորձագետների ճիշտ պահին կայացած հանդիպում: Համաժողովը կազմակերպել են Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնը և «Էյ Թի Փի» բարեգործական հիմնադրամը: 12 երկրից գագաթնաժողովի ավելի քան 350 մասնակից ներկա է գտնվել 5 մայրցամաքից եկած բանախոսների ելույթներին: Գլխավոր բանախոսն էր Օրեգոնի պետական համալսարանի Անտառագիտության քոլեջի դեկանի ժամանակավոր պաշտոնակատար և դասախոս դր. Էնթոնի Դեյվիսը:
Աղբյուր՝ forestsummit.am

11:25 05/11/2019

Նոյեմբերի 5֊7֊ը Թուրքմենստանում անցկացվելու են Հայաստանի Հանրապետության մշակույթի օրեր

Ինչպես հաղորդում է Թուրքմենստանի պետական լրատվական գործակալությունը, այս մասին կառավարության նիստի ժամանակ Թուրքմենստանի ղեկավարին զեկուցել է փոխվարչապետ Բ. Աբդիևան։ Վերջինս նշել է, որ միջոցառումներին մասնակցելու նպատակով բարեկամ երկրից ներկայացուցչական պատվիրակություն է ժամանելու՝ կրթության, գիտության, մշակույթի և սպորտի փոխնախարարի գլխավորությամբ։
Աղբյուր՝ Թուրքմենստանում ՀՀ դեսպանատան ֆեյսբուքյան էջ

11:14 05/11/2019

1913 թվականի նոյեմբերի 5- ին ծնվել է անգլիացի դերասանուհի, երկու «Օսկարի» հաղթող Վիվյեն Լին

Աղբյուր՝ Calend

11:00 05/11/2019

Յուրաքանչյուր տարի նոյեմբերի 5- ին Անգլիայում նշվում է Գայ Ֆոքսի օրը կամ խարույկների գիշերը

Խարույկների գիշերն Անգլիայում ընդունված է տոնական ճաշ մատուցել, կազմակերպել հյուրասիրություն և իրականացնել տոնի խորհրդանշական արարողությունը՝ Գայ Ֆոքսի խրտվիլակն այրելը:

10:51 05/11/2019

Հայաստանում նշվում է Հայաստանի հետախուզական ուժերի օրը

Աղբյուր՝ Calend

10:39 05/11/2019

Արդարադատության նախարարության և Գործընկերություն հանուն բաց հասարակության նախաձեռնության համատեղ ջանքերով Գավառում և Վանաձորում կազմակերպվել են հանրային քննարկումներ,

որին մասնակցել են հասարակական կազմակերպության շուրջ երեք տասնյակ ներկայացուցիչներ: Հանդիպումների ընթացքում Նախարարության Միջազգային իրավական համագործակցության վարչության ներկայացուցիչները ներկայացրել են ռազմավարակական փաստաթղթերի բովանդակությունը, առանձնացրել հիմնական գերակայությունները և դրանց հասցեագրման մոտեցումները, անդրադարձել ռազմավարական փաստաթղթերով նախատեսված մշտադիտարկման մեխանիզմին: Այդ համատեքստում նախարարության ներկայացուցիչները կարևորել են ռազմավարական փաստաթղթերի իրականացումն ապահովելու նպատակով ստեղծվող Համակարգող խորհրդի գործունեությունը՝ շեշտելով Խորհրդում հասարակական կազմակերպությունների մասնակցության կարևորությունը:
Աղբյուր՝ ՀՀ ԱՆ տեղեկատվության և հասարակայնության հետ կապերի վարչություն

10:12 05/11/2019

Արևելյան գործընկերության 10-ամյակին նվիրված նախարարական երկխոսությանը մասնակցելու նպատակով ԱԳ նախարար Զ. Մնացականյանի՝ Ստոկհոլմ կատարած աշխատանքային այցը մեկնարկել է

Շվեդիայի Միջազգային զարգացման և համագործակցության նախարար Փ. Էրիքսոնի հետ հանդիպումով։ Զրուցակիցներն անդրադարձ են կատարել հայ-շվեդական երկկողմ հարաբերություններին առնչվող հարցերի լայն շրջանակի: Զ. Մնացականյանը և Փ. Էրիքսոնն ընդգծել են փոխադարձ պատրաստակամությունը` գործնական քայլեր ձեռնարկելու երկկողմ համագործակցության առավել ընդլայնման և հարստացման ուղղությամբ՝ հույս հայտնելով, որ երկկողմ բազմաոլորտ հարաբերությունների վերընթաց զարգացումը կհանգեցնի առավել շոշափելի արդյունքների: Այս առնչությամբ կարևորվել է տարբեր մակարդակներում առկա քաղաքական երկխոսության դինամիկայի պահպանումը, խորհրդարանական հարթակի ներուժի լիարժեք կիրառումը:

Աղբյուր՝ ՀՀ ԱԳՆ

10:00 05/11/2019

Հանրապետության տարածքում սպասվում է

առանց տեղումների եղանակ:

19:45 04/11/2019

Ֆրանսիայում հանձնել են Հոնկուրովի մրցանակը,

որը ստացել է ֆրանսիացի գրող Ժան-Պոլ Դյուբուան «Ոչ բոլոր մարդիկ են նույն կերպ ապրում» գրքի համար:

19:31 04/11/2019

«Բոհեմական ռապսոդիայի» պրոդյուսերը «Bee Gees» խմբի մասին կենսագրական կինոնկար կնկարահանի

Սցենարը դեռ ոչ ոք չի գրել: Հայտնի չէ նաև, թե ովքեր կխաղան գլխավոր դերերը:

19:16 04/11/2019

Տասը տարվա ընթացքում Գերմանիայի մարգագետիններից միջատների երկու երրորդն անհետացել է

Իսկ անտառների համար կորուստը կազմել է մոտ քառասուն տոկոս:

19:00 04/11/2019

«Քարդիֆը» վիճարկելու է ՖԻՖԱ-ի որոշումը ՝ Սալային փոխանցելու մասին

Աղբյուր՝ BBC

← Նախորդ 610 611 612 613 614 615 616 617 618 619 Հաջորդ →