Կարճ լուրեր
Մեծ Բրիտանիայի թագուհին երեքշաբթի չի մասնակցի խորհրդարանի բացմանը` շարժունակության հետ կապված խնդիրների պատճառով: Երկուշաբթի Բուքինգհեմյան պալատի հայտարարության մեջ ասվում է, որ որոշումը կայացվել է բժիշկների հետ խորհրդակցելուց հետո, և նա «ստիպված» որոշել է չմասնակցել: 96-ամյա Եղիսաբեթ II-ը իր գահակալության օրոք բաց է թողել բացումը միայն 1959 թվականին, երբ հղի էր արքայազն Էնդրյուով, և 1963 թվականին, երբ հղի էր արքայազն Էդվարդով:
Աղբյուր՝ apnews.com
Սիրիայում մեկ սիրիացի զինվոր է զոհվել, երեքը՝ վիրավորվել «Ջաբհաթ ան-Նուսրա» ահաբեկչական խմբավորման հրթիռակոծության ժամանակ: Այս մասին հայտնել է Արաբական Հանրապետությունում պատերազմող կողմերի հաշտեցման ռուսական կենտրոնի ղեկավարի տեղակալ, փոխծովակալ Օլեգ Ժուրավլյովը:
Աղբյուր՝ ria.ru
Ընդդիմադիր NEXTA Telegram ալիքի հիմնադիր Ռոման Պրոտասևիչը բաժանվել է ռուս Սոֆյա Սապեգայից, որն օրեր առաջ Բելառուսում վեց տարվա ազատազրկման դատապարտվեց, և ամուսնացել մեկ այլ աղջկա հետ: Ամուսնական միություն կնքելու որոշման մասին նա հայտնել է իր բլոգում, որտեղ նաև լուսանկարներ է հրապարակել զագսից: Պրոտասևիչը նշել է, որ իրեն ու Սապեգային «իրականում արդեն մոտ յոթ ամիս ոչինչ չի կապում»:
Աղբյուր՝ lenta.ru
«Ջիլ Բայդենը չհայտարարված այց է կատարել արևմտյան Ուկրաինա՝ Մայրերի օրվա կապակցությամբ անակնկալ հանդիպում անցկացնելով առաջին տիկին Օլենա Զելենսկայի հետ՝ ցույց տալու ԱՄՆ աջակցությունը պայքարող ժողովրդին, մինչ Ռուսաստանը շարունակում է պատժիչ պատերազմը արևելյան շրջաններում». գրել է «Ասսոշեյթեդ պրես»-ը:
Dior ֆրանսիական նորաձևության տունը ներկայացրել է սանդալների նոր մոդել՝ նախատեսված ակտիվ տեղաշարժվելու համար: Այս մասին հայտնում է Hypebeast հրատարակչությունը: Դիզայներ Թիբո Դենիսի ստեղծած կոշիկը ոգեշնչված է լեռնային զբոսանքի սանդալներից և մշակվել բարձր տեխնոլոգիաների նյութերով: Սանդալների արժեքը 1000 դոլար է: Դրանք ներկայացված են երկու գույնով՝ սև և բեժ:
Աղբյուր՝ gazeta.ru
Նաոմի Օսական հրաժարվել է Հռոմում անցկացվող Իտալիայի բաց առաջնությունից, որպեսզի ազատվի կրունկի վնասվածքից Ֆրանսիայի բաց առաջնությունից առաջ: Այս մասին երկուշաբթի հայտնել է WTA-ը: «Մեծ սաղավարտի» քառակի չեմպիոնուհին վնասվածք էր ստացել այս ամսվա սկզբին Մադրիդում կայացած իր մեկնարկային խաղում, նախքան երկրորդ տուրում Սառա Սորիբես Տորմոյից կրած պարտությունը:
Աղբյուր՝ france24.com
«Շին Ֆեյն»-ի ընտրվելը որպես Հյուսիսային Իռլանդիայի ամենամեծ քաղաքական կուսակցություն որոշիչ պահ է Բրիտանիայի կողմից ղեկավարվող տարածաշրջանի պատմության մեջ և սկիզբ է դնում նոր դարաշրջանի: Այս մասին շաբաթ օրը հայտարարել է Իռլանդիայի ազգայնական կուսակցության տարածաշրջանային ղեկավարը: «Այսօր փոփոխությունների շատ նշանակալի պահ է։ Սա որոշիչ պահ է մեր քաղաքականության և մեր ժողովրդի համար», - ասել է Հյուսիսային Իռլանդիայի «Շին Ֆեյն» կուսակցության ղեկավար Միշել Օ'Նիլը:
Աղբյուր՝ euronews.com
Թուրքիայի նախագահ Ռեջեփ Թայիփ Էրդողանը երկուշաբթի հայտարարել է, որ երկրի առաջին ատոմակայանը՝ «Աքքույու»-ն, որը կառուցվելու է «Ռոսատոմ» պետական կորպորացիայի կողմից, կգործարկվի մինչև 2023 թվականի վերջը: Թուրքիայի իշխանությունները նախկինում բազմիցս հայտարարել են, որ կայանի կառուցման նախագծի հետաձգումներ չեն ակնկալում։
Աղբյուր՝ tass.ru
Մահինդա Ռաջապակսան հրաժարական է տվել՝ պայմանավորված տնտեսական ճգնաժամի պատճառով կառավարության դեմ բողոքի զանգվածային ակցիաներով: Այս քայլը արվել է այն բանից հետո, երբ կղզում պարետային ժամ է մտցվել Կոլոմբոյում Ռաջապակսայի կողմնակիցների և հակակառավարական ցուցարարների միջև կատաղի բախումներից հետո: Առնվազն 78 մարդ տուժել է մայրաքաղաքում տեղի ունեցած անկարգությունների հետևանքով, ըստ տեղի հիվանդանոցի:
Աղբյուր՝ bbc.com
Ռուսաստանում աճուրդի կհանվեն խորհրդային դերասանուհի և ոճի խորհրդանիշ Լյուդմիլա Գուրչենկոյի զգեստներն ու անձնական իրերը: Այդ իրերի մեջ կան հնաոճ ականջօղեր, կոկոշնիկ գլխարկ և Գուրչենկոյի գունավոր լուսանկարը՝ Կուստոդիևի «Վաճառականուհին թեյելիս» կտավի ակնարկով: Հավաքածուում առանձնահատուկ արժեք են ներկայացնում դերասանուհու հայտնի զգեստները, որոնք կարել են Վալենտին Յուդաշկինը և Վյաչեսլավ Զայցևը՝ հատուկ Գուրչենկոյի համար:
Աղբյուր՝ gazeta.ru
Մադրիդի բաց առաջնությունում իր հաղթանակից հետո Կառլոս Ալկարասը երկուշաբթի հեռացավ Իտալիայի բաց առաջնությունից՝ աջ ոտքի կոճի վնասվածքի պատճառով: Նա վնասել էր կոճը քառորդ եզրափակիչում Նադալի նկատմամբ տարած հաղթանակի ժամանակ:
Աղբյուր՝ apnews.com
Ըստ The Sun-ի, 37-ամյա Կրիշտիանու Ռոնալդուն թիմակիցներին ասել է, որ մտադիր է մնալ «Մանչեսթեր Յունայթեդում», սակայն միայն այն դեպքում, եթե նոր գլխավոր մարզիչ Էրիկ տեն Հագը ցանկանա նրան տեսնել ակումբում: Ըստ աղբյուրի՝ Ռոնալդուն չի ցանկանում հեռանալ «Մանչեսթեր Յունայթեդից» բարդ իրավիճակում և հույս ունի օգնել ակումբին վերադառնալ Չեմպիոնների լիգա և հաջորդ տարի փորձել նվաճել գավաթը:
Աղբյուր՝ sport-express.ru
Իսրայելական բանակը հայտնել է, որ իսրայելցի զինվորները կրակել և սպանել են մի պաղեստինցու Հորդանան գետի արևմտյան ափի պատնեշի մոտ, իսկ մեկ ուրիշը սպանվել է այն բանից հետո, երբ կիրակի դանակով գաղտագողի ներխուժել է օկուպացված տարածքում գտնվող հրեական բնակավայր, ինչը մտավախություն է առաջացնում հնարավոր ավելի լայն հակամարտությունների վերաբերյալ:
Աղբյուր՝ reuters.com
Ըստ Variety-ի, Վիոլա Դևիսը պատրաստվում է կրկնել իր դերը որպես Ամանդա Ուոլեր «Ինքնասպանների ջոկատ 2»-ի սփին-օֆֆ «Խաղաղարարը» սերիալում: HBO Max-ն արդեն բաղվում է նոր նախագծի մշակմամբ՝ Դևիսի հերոսուհու գլխավորությամբ: Առաջիկա շոուի սյուժեի մասին դեռ տեղեկություններ չկան:
Աղբյուր՝ kinoafisha.info
Դերասան Շուտի Գաթվան կփոխարինի Ջոդի Ուիթեքերին՝ դառնալով «Դոկտոր Ով»-ի հաջորդ աստղը, հայտնում է BBC-ն: 29-ամյա երիտասարդը կդառնա հանրահայտ գիտաֆանտաստիկ շոուի 14-րդ Ժամանակի տիրակալը և առաջին սևամորթը, ով կխաղա գլխավոր դերը: Շոտլանդացի դերասան Գաթվան, ով ծնվել է Ռուանդայում, առավել հայտնի է դարձել Netflix-ի «Սեռական դաստիարակություն» սիթքոմում նկարահանվելուց հետո:
Աղբյուր՝ bbc.com
Christie's աճուրդի տունը վաճառքի է հանել դեյնոնիխոզավրի կմախքը: Այն հայտնաբերվել է 2015 թվականին ԱՄՆ Մոնտանա նահանգում գտնվող Cloverly երկրաբանական կազմավորման պեղումների ժամանակ: «Դեյնոնիխոզավրի նմուշը գտնվում է գերազանց վիճակում. մոտավորապես 126 քարացած ոսկորներ՝ հատուկ պատրաստված կարկասի վրա թեփուկավոր տարրերի մնացորդներով»,- ասվում է լոտի նկարագրության մեջ: Կմախքը գնահատվում է 4-6 միլիոն դոլար:
Աղբյուր՝ gazeta.ru
«Մանչեսթեր Յունայթեդի» կիսապաշտպան Պոլ Պոգբան մտադիր չէ տեղափոխվել «Մանչեսթեր Սիթի»: 29-ամյա խաղացողը, ով ամռանը կլքի «Մանչեսթեր Յունայթեդը», առաջարկ է ստացել Խոսեպ Գվարդիոլայի թիմից, սակայն որոշել է տեղափոխվել այլ ակումբ, հայտնում է The Athletic-ը: Կիսապաշտպանի ֆավորիտներն են «ՊՍԺ»-ն, «Յուվենտուսը» և Մադրիդի «Ռեալը»: Պոգբայի պայմանագիրը «Մանչեսթեր Յունայթեդի» հետ նախատեսված է մինչ 2022 թվականի հունիսի 30-ը:
Աղբյուր՝ sport-express.ru
Կիրակի «Մանչեսթեր Սիթին» մեկ քայլով մոտեցավ Պրեմիեր լիգայի տիտղոսը պահպանելուն՝ 5:0 հաշվով ջախջախելով «Նյուքասլին», իսկ «Արսենալը» 2:1 հաշվով հաղթեց «Լիդսին»՝ մեծացնելով Անգլիայի առաջնության լավագույն քառյակում հայտնվելու հավանականությունը:
Աղբյուր՝ france24.com
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
