Կարճ լուրեր
Հոնկոնգի կոմիտեն, որը կազմված է Պեկինի կողմնակիցներից, իր հաջորդ գործադիր ղեկավար է ընտրել պաշտոնյային, ով վերահսկում էր քաղաքում դեմոկրատական շարժման ճնշումը: Կիրակի օրը Ջոն Լին ստացել է 1416 ձայն 1500 հոգանոց ընտրական հանձնաժողովի կողմից։ Դեմ է քվեարկել ութ հոգի:
Աղբյուր՝ aljazeera.com
Թուրքիայի Անկարա քաղաքում դպրոցական ավտոբուսը բախվել է պատին, տուժել է 10 մարդ, հայտնում է Anadolu գործակալությունը: «Անկարայի Սինջան թաղամասում դպրոցական ավտոբուսը բախվել է շենքի պատին»,- հաղորդում է գործակալությունը:
Աղբյուր՝ ria.ru
Ամենատարեց իտալուհին՝ Անժելա Տիրաբոսկին, մահացել է հյուսիսային Բերգամո քաղաքում 112 տարեկան հասակում: Այս մասին կիրակի հայտնել է Լոմբարդիայի շրջանի նախագահ Ատիլիո Ֆոնտանան: «Հանգչիր խաղաղությամբ այն երկար կյանքից հետո, որում քեզ սիրեց ողջ համայնքը»,- գրել է նահանգապետը Twitter-ում: Տիրաբոսկին ծնվել է 1910 թվականի ապրիլի 19-ին, վերապրել է երկու համաշխարհային պատերազմ և երկու համաճարակ՝ իսպանական գրիպը և COVID-19-ը:
Աղբյուր՝ ria.ru
Իսպանացի Կառլոս Ալկարասը կիրակի նվաճեց Մադրիդի բաց առաջնության տիտղոսը՝ 62 րոպեում 6-3, 6-1 հաշվով հաղթելով գերմանացի Ալեքսանդր Զվերևին: Մեկ ժամից քիչ ավել տևած խաղում տարած հաղթանակը 19-ամյա թենիսիստի հաղթական շարքը հասցրեց 10-ի: Ալկարասը եզրափակիչ հասնելու ճանապարհին հաղթել է Ռաֆայել Նադալին և աշխարհի թիվ 1 ռակետ Նովակ Ջոկովիչին:
Աղբյուր՝ france24.com
Հոլիվուդյան դերասան Մայքլ Քիթոնը («Բիթլջուս», «Բըրդմեն») անձամբ կհեղինակի «Knox goes away» նուար թրիլլերը, որտեղ գլխավոր դերը կատարում է ինքը, հայտնում է The Wrap-ը: Ֆիլմի սյուժեն պատմում է վարձու մարդասպանի մասին, ում մոտ ախտորոշվել է պրոգրեսիվ դեմենցիա: Նա հնարավորություն կունենա քավելու անցյալի սխալները և փրկելու իր որդու կյանքը, ում հետ վաղուց կորցրել է կապը: Սցենարի հեղինակն է Գրեգորի Պուարյեն:
Աղբյուր՝ gazeta.ru
Բնակիչներից մեկը հայտնել է, որ չգիտի՝ արդյո՞ք իր ընտանիքի 19-րդ դարի փայտե տունը այրվել է անտառային հրդեհի հետևանքով, սակայն նա մտավախություն ունի, որ կրակը կարող է վերացնել հնդկա-իսպանական լեռնային մշակույթը, որն ավելի հին է, քան Միացյալ Նահանգները: Հրդեհը ներկայումս ամենամեծն է ԱՄՆ-ում և սպառնում է Սանգրե դե Քրիստո լեռներում գտնվող մի շարք գյուղերի, որտեղ Միգել Գանդերտը կարող է իր արմատները գտնել մինչև եվրոպացի և մեքսիկացի վերաբնակիչներ, ինչպես նաև բնիկ ամերիկացիներ:
Աղբյուր՝ reuters.com
Ռոդրիգո Չավեսը Կոստա Ռիկայի նախագահի պաշտոնը ստանձնեց կիրակի՝ փոխարինելով Կառլոս Ալվարադոյին:
Աղբյուր՝ tass.ru
Նիգերիայի հյուսիս-արևմուտքում գտնվող Զամֆարա նահանգի երեք գյուղերի վրա հարձակումների հետևանքով զինված անձինք սպանել են առնվազն 48 մարդու, հայտնել են տեղական պաշտոնյաներից մեկը և բնակիչները: Տասնյակ զինված անձինք մոտոցիկլետներով ներխուժել են երեք գյուղեր՝ կրակելով մարդկանց, երբ նրանք փորձում են փախչե: Այս մասին, կիրակի հայտնել է Բակուրա շրջանի վարչական ղեկավար Ամինու Սուլեյմանը:
Աղբյուր՝ aljazeera.com
100 տարեկանում կյանքից հեռացել է աշխարհի ամենատարեց գրոսմայստեր Յուրի Ավերբախը: Այս մասին շաբաթ օրը հայտնել է Ռուսաստանի շախմատի ֆեդերացիայի մամուլի ծառայությունը:
Աղբյուր՝ tass.ru
Նա կխաղա վիրաբույժի դեր: Ֆիլմի ռեժիսորը և սցենարի հեղինակն է Քրիստին Ջեֆսը: Ֆիլմը հիմնված է Կարլ Շուկերի վեպի վրա: Նկարահանումները տեղի կունենան Նոր Զելանդիայում։ Մեկնարկը նախատեսված է օգոստոսի 15-ին:
Աղբյուր՝ kulturomania.ru
Շաբաթ օրը Ելիսեյան պալատում տեղի ունեցած հանդիսավոր արարողության ժամանակ Էմանուել Մակրոնը երկրորդ ժամկետով երդվեց Ֆրանսիայի նախագահի պաշտոնում: Մի երկրում, որտեղ նախագահները հազվադեպ են վերընտրվում, Մակրոնը երկրորդ փուլում հավաքեց ձայների 58,5%-ը՝ ընդդեմ ծայրահեղ աջերի Մարին Լը Պենի՝ չնայած իր բիզնեսամետ քաղաքականությանը և կենսաթոշակային տարիքը բարձրացնելու առաջարկին:
Աղբյուր՝ reuters.com
Գերմանիայում, ՌԴ դեսպանատան տվյալներով, երեկ կեսօրին փողոցից նետված շշով ջարդել են շենքի բնակարաններից մեկի պատուհանը, որտեղ ապրում են լրատվամիջոցների աշխատակիցները: Զննությամբ տան որմնախորշում թաքցված կասկածելի առարկա է հայտնաբերվել՝ կազմված հեղուկով լցված մեծ տարայից, ինչպես նաև պլաստմասե շշից և գազի բալոնից, որի վրա ժապավենով ամրացված էին մետաղալարեր:
Աղբյուր՝ ria.ru
«Չելսին» համաձայնեցրել է ակումբը 4,25 միլիարդ ֆունտ ստերլինգով (5,2 միլիարդ դոլար) վաճառելու պայմանները կոնսորցիումին, որը գլխավորում է LA Dodgers բեյսբոլի թիմի համասեփականատեր Թոդ Բոուլին: Ակումբը վաճառքի էր հանվել նախքան սեփականատեր Ռոման Աբրամովիչի նկատմամբ պատժամիջոցներ կիրառելը՝ Ռուսաստանի նախագահ Վլադիմիր Պուտինի հետ ենթադրյալ կապերի համար:
Աղբյուր՝ bbc.com
ԱՄՆ նախկին նախագահը հրապարակավ ծաղրել է երկրի ներկայիս ղեկավար Ջո Բայդենի կակազելու դեպքերը՝ պահանջելով, որ նա է կոգնիտիվ ունակությունների թեստ հանձնի: Դոնալդ Թրամփը քննադատել է Բայդենի ելույթի ոճը մայիսի 6-ին՝ Փենսիլվանիա նահանգի Գրինսբուրգ քաղաքում «Փրկենք Ամերիկան» ցույցի ժամանակ: Քաղաքական գործիչն ասել է, որ Բայդենը «պատկերացում չունի, թե ինչ է կատարվում» և «օդում ձեռքսեղմումներ է անում, մինչդեռ Վլադիմիր Պուտինը անընդհատ խոսում է միջուկային զենքի մասին»:
Աղբյուր՝ gazeta.ru
Չինաստանում շունը 40 կիլոմետր վազել է՝ տիրոջ մահից հետո տուն վերադառնալու համար, գրում է Asia One-ը: Տեղի բնակիչների խոսքով՝ շունը ութ տարի ապրել է տղամարդու հետ՝ մինչ նրա մահանալը: Ընտանի կենդանուն վերցրել է մահացած չինացու որդին, սակայն կենդանին նոր վայրին չի ընտելացել: Մի քանի օր անց շունը փախել է անհայտ ուղղությամբ: Նրան գտել են մի քանի շաբաթ անց. շունը վերադարձել էր իր հին տունը:
Աղբյուր՝ gazeta.ru
Հիվանդությունների վերասհկման և կանխարգելման կենտրոնը (ՀՎԿԿ) ուրբաթ հայտնել է, որ հետաքննում է հինգ երեխաների մահվան դեպքերը, որոնք կապված են ամբողջ երկրում մանկական հեպատիտի առեղծվածային դեպքերի աճի հետ: Գործակալությունը հետաքննում է 109 դեպք 24 նահանգներում և Պուերտո Ռիկոյում: Այս մասին ուրբաթ լրագրողների հետ ճեպազրույցում ասել է վարակիչ հիվանդությունների գծով ՀՎԿԿ-ի փոխտնօրեն, բժիշկ Ջեյ Բաթլերը:
Աղբյուր՝ nbcnews.com
Շաբաթ կեսօրին Հյուսիսային Կորեայից արձակված անհայտ հրթիռն ընկել է Ճապոնական ծովում, հայտնում է Kyodo գործակալությունը: Ծագող արևի երկրի նախարարների կաբինետի ներկայացուցիչները ենթադրել են, որ դա բալիստիկ հրթիռի հերթական փորձարկում էր, սակայն վստահաբար հնարավոր կլինի խոսել միայն բեկորների հայտնաբերումից հետո:
Աղբյուր՝ vesti.ru
Իսրայելը պատրաստվում է առաջ մղել օկուպացված Արևմտյան ափում 4000 վերաբնակիչների տների կառուցման ծրագրերը: Այս մասին ուրբաթ ասել է ներքին գործերի նախարարը՝ պաղեստինյան ինքնավարության կողմից «լուրջ հետևանքների» նախազգուշացումներ առաջացնելով: Եթե հաստատվի, ապա դա կլինի վերաբնակեցման ծրագրերի ամենամեծ առաջընթացը ԱՄՆ-ում Բայդենի վարչակազմի իշխանության գալուց ի վեր:
Աղբյուր՝ apnews.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
