Կարճ լուրեր
Հետաձգված և գերբյուջետային Crossrail նախագիծը վերջապես կբացվի այս ամիս, հայտնել է Լոնդոնի տրանսպորտը (TfL): Էբբի Վուդից մինչև Փադինգթոն հատվածը ուղևորների համար կբացվի մայիսի 24-ին, սակայն սկզբում գնացքները չեն գործի կիրակի օրերին և կանգ կառնեն Բոնդ սթրիթում: Մետրոյի գիծը նախատեսվում էր բացել 2018 թվականին, սակայն 18,8 միլիարդ ֆունտ ստերլինգ արժողությամբ նախագիծի մի քանի նպատակներ չիրագործվեցին՝ ծախսերի ընդլայնման պատճառով:
Աղբյուր՝ bbc.com
Հռոմի պապ Ֆրանցիսկոսը, ով ծնկի ցավեր ունի, հինգշաբթի կայացած հանրային միջոցառման ժամանակ առաջին անգամ օգտվել է անվասայլակից: Ըստ «Ֆրանսպրես»-ի լրագրողի, 85-ամյա պոնտիֆիկոսը անվասայլակով է մտել Վատիկանի Պողոս VI-ի պալատ՝ քույրերից և միանձնուհիներից բաղկացած կաթոլիկական կազմակերպության հանդիպման համար:
Աղբյուր՝ france24.com
Մադրիդի «Ռեալը» համաձայնության է եկել «Չելսիի» պաշտպան Անտոնիո Ռյուդիգերի հետ պայմանագրի շուրջ. հայտնել է լրագրող Ֆաբրիցիո Ռոմանոն: Ըստ աղբյուրի՝ պայմանագիրը նախատեսված է մինչև 2026 թվականի հունիսը: Ակումբի հայտարարությունը սպասվում է մրցաշրջանի ավարտին, սակայն գործարքն արդեն ավարտված է: Գերմանացի պաշտպանի պայմանագիրը լոնդոնյան ակումբի հետ նախատեսված է մինչև 2022 թվականի հունիսի 30-ը:
Աղբյուր՝ sport-express.ru
Ըստ պաշտոնական տվյալների՝ Թուրքիայի սպառողական գները ապրիլին նախորդ տարվա համեմատ աճել են մոտ 70%-ով՝ հասնելով երկու տասնամյակի առավելագույնին: Տրանսպորտի, պարենային ապրանքների և կենցաղային իրերի գներն արձանագրել են ամենաբարձր տարեկան գնաճը. տրանսպորտային ծախսերը մեկ տարվա ընթացքում աճել են 105%-ով: Թուրքիայի խնդիրները առավել սրվել են տոկոսադրույքների բարձրացման հարցում նախագահի դժկամության պատճառով. դա սովորաբար օգտագործվում է գնաճը զսպելու համար:
Աղբյուր՝ bbc.com
Ամերիկացի երգչուհի և դերասանուհի Ժանել Մոնեն կմարմնավորի լեգենդար պարուհի Ժոզեֆին Բեյքերին, որը նաև հայտնի է 1920-ականներից որպես ռասիզմի դեմ պայքարող: Այս մասին հայտնել է Deadline-ը: Սերիալը կնկարահանվի A24-ի կողմից: Այն պատմում է Բեյքերի մասին, ով, լինելով աշխարհի ամենահայտնի արտիստուհիներից մեկը, հանդես է եկել որպես հետախույզ Ֆրանսիայի նացիստական օկուպացիայի ժամանակ: Մոնեն ոչ միայն կխաղա գլխավոր դերը, այլև հանդես կգա որպես նախագծի պրոդյուսեր:
Աղբյուր՝ daily.afisha.ru
Ավելի քան 1000 իրաքցիներ հինգշաբթի շնչառական խնդիրներով հիվանդանոց են տեղափոխվել ավազի փոթորիկի պատճառով, որը յոթերորդն է, որ պատուհասել է երկիրը վերջին ամսվա ընթացքում: Իրաքի 18 նահանգներից վեցի, այդ թվում՝ Բաղդադի և Ալ-Անբար արևմտյան հսկայական շրջանի բնակիչները արթնանալով կրկին տեսել են երկինքը ծածկող փոշու թանձր ամպը: Ալ-Անբար և Քիրքուկ նահանգների իշխանությունները կոչ են արել մարդկանց մնալ տանը:
Աղբյուր՝ france24.com
«Ռոսավիացիա»-ն 12-րդ անգամ երկարացրել է թռիչքների արգելքը Ռուսաստանի կենտրոնական մասի և հարավի օդանավակայաններում, որոնք փակվել են փետրվարի 24-ից: Այս անգամ սահմանափակումները երկարացվել են մինչև մայիսի 13-ի Մոսկվայի ժամանակով ժամը 03:45-ը:
Աղբյուր՝ interfax.ru
Կինը դարձել է 10-րդ մարդը, ով փրկվել է Չանջշա քաղաքում տեղի ունեցած աղետից, որի հետևանքով առնվազն հինգ մարդ է զոհվել, հավանաբար, տասնյակ մարդիկ դեռևս անհայտ կորած են համարվում: Նրան հաջողվել է փրկել հինգշաբթի կեսգիշերից հետո՝ մոտավորապես 132 ժամ անց այն բանից հետո, երբ ապրիլի 29-ին վեցհարկանի շենքի հետնամասն անսպասելի փլուզվել է, հաղորդում է «Սինհուա» լրատվական գործակալությունը:
Աղբբյուր՝ theguardian.com
Տեսանյութը հրապարակվել է Warner Bros. Pictures-ի YouTube ալիքում: Մուլտֆիլմը Կրիպտո անունով Սուպերմեն շան մասին է: Շունը պատրաստվում է երեկոն անցկացնել տանը իր տիրոջ հետ, սակայն պլանները խաթարում է տիրոջ սիրելիի այցը: Դերերը հնչյունավորել են Կիանու Ռիվզը, Քևին Հարթը, Ջոն Կրասինսկին, Դուեյն Ջոնսոնը, Նատաշա Լիոնը, Վանեսա Բայերը, Դիեգո Լունան: «DC-ի Ընտանի Սուպերկենդանիների Լիգա» անիմացիոն ֆիլմը կթողարկվի հուլիսի 27-ին:
Աղբյուր՝ kulturomania.ru
Աղետի հետևանքով զոհվել է 22 և վիրավորվել 40 մարդ, ավերվել են հարյուրավոր տներ և տուժել են բերքատարածքները Աֆղանստանում, որն արդեն հումանիտար ճգնաժամ է ապրում: Այս մասին հինգշաբթի ասել է աղետների կառավարման ներկայացուցիչը: Թալիբանի կառավարությունը, որը պայքարում է՝ հաղթահարելու գավառների ավելի քան մեկ երրորդիին պատուհասած աղետը, օգնության համար կդիմի միջազգային օգնության կազմակերպություններին:
Աղբյուր՝ reuters.com
Դերասան Ջոնի Դեփի զրպարտության գործով հերթական դատական նիստին հայտնի դարձավ նրա նախկին կնոջ՝ դերասանուհի Էմբեր Հերդի թմրամոլության մասին: Այս մասին հայտնել է 36-ամյա դերասանուհու անձնական բուժքույրը: Էրին Ֆալատիի խոսքով՝ Հերդն ինքն է պատմել իր կախվածության մասին: Թմրամիջոցների չարաշահման դեպքերը առկա են նաև ընտանեկան անամնեզի մեջ:
Աղբյուր՝ kulturomania.ru
Կարիմ Բենզեման լրացուցիչ ժամանակում իրացրեց 11 մետրանոցը, երբ Մադրիդի «Ռեալը» ևս մեկ ապշեցուցիչ վերադարձ գրանցեց Չեմպիոնների լիգայում՝ չորեքշաբթի 3:1 հաշվով «Մանչեսթեր Սիթիին»: Մադրդիցիները եզրափակչում կհանդիպեն «Լիվերպուլի» հետ:
Աղբյուր՝ france24.com
«Սպորտի ձայնը բարձր է, սպորտը գիտի ինչպես իրեն լսելի դարձնել, դուրս գալ նախապաշարմունքներից: Այն միշտ պետք է միավորի, ոչ թե վանի։ Ուիմբլդոնում հիանալի կլիներ, եթե ուկրաինացիներն ու ռուսները միասին խաղային զուգախաղում՝ ցույց տալով, որ համակեցությունը հնարավոր է: Հատկապես եթե խաղում եք միասին՝ առանց կեղծ գերազանցություն ստեղծելու: Պետք է փորձել»,- «Բարսելոնայի» նախկին խաղացող Սամուել Էտո'Օի խոսերը մեջբերել է La Repubblica-ն:
Աղբյուր՝ gazeta.ru
Վատիկանը NFT պատկերասրահ կբացի, որպեսզի հանդիսատեսը ողջ աշխարհից կարողանան տեսնել արվեստի գործերը, ձեռագրերը և այլ իրեր, որոնք պահվում են իր հավաքածուում: Նախագիծը ստեղծվել է՝ վիրտուալ իրականության մեջ մասնագիտած Sensorium-ի և Վատիկանի գլխավորած Humanity 2.0 ոչ առևտրային կազմակերպության աջակցությամբ: Ակնկալվում է, որ պատկերասրահը հասանելի կլինի մինչև տարեվերջ:
Աղբյուր՝ artnews.com
ԱՄՆ-ն իր դաշնակիցների հետ միասին կպատասխանի ԿԺԴՀ-ի սադրանքներին: Այս մասին չորեքշաբթի ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Նեդ Փրայսը: Միացյալ Նահանգները «խստորեն հավատարիմ է» պաշտպանելու իր դաշնակիցներին՝ Հարավային Կորեային և Ճապոնիային, ասել է Փրայսը:
Աղբյուր՝ tass.ru
2013 թվականին Կառավարության որոշմամբ՝ մայիսի 5-ը պաշտոնապես հռչակվեց Հարկադիր կատարողի օր: Այդ առթիվ շնորհավորական ուղերձ է հղել գլխավոր հարկադիր կատարող Սերգեյ Մեղրյանը:
Չորեքշաբթի Ֆրանսիայի ձախ կենտրոնական կուսակցությունները դաշինքի համաձայնություն ձեռք բերեցին հունիսյան խորհրդարանական ընտրությունների համար՝ նպատակ ունենալով բավականաչափ ուժ ունենալ՝ խոչընդոտելու նախագահ Էմանուել Մակրոնի վիճահարույց բարեփոխումների ծրագրերը:
Աղբյուր՝ france24.com
ԱՄՆ պետքարտուղար Էնթոնի Բլինքենի մոտ կորոնավիրուսի թեստը դրական է եղել, չորեքշաբթի հայտնել է Պետդեպարտամենտը: «Այսօր կեսօրից հետո պետքարտուղար Էնթոնի Բլինքենի ՊՇՌ թեստը դրական արդյունք է տվել: Պետքարտուղարը լիովին պատվաստված է, նա ստացել է վիրուսի դեմ խթանիչ պատվաստում և ունի միայն թեթև ախտանիշներ»,- ասվում է Պետդեպարտամենտի մամուլի ծառայության հաղորդագրության մեջ:
Աղբյուր՝ ria.ru
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
