Կարճ լուրեր
1986 թվականի Աշխարհի առաջնությունում Անգլիայի դեմ խաղում երկու գոլի՝ ներառյալ հանրահռչակ «Աստծո ձեռքը» գոլի ժամանակ Դիեգո Մարադոնայի կրած մարզաշապիկը աճուրդում վաճառվել է 9,3 միլիոն դոլարով, ինչը ռեկորդային է սպորտային իրերի համար: Այս մասին հաղորդում է Sotheby's-ը չորեքշաբթի օրը: Յոթ հայտատուներ են մրցել խորհրդանշական մարզաշապիկի համար, որը սկսվել է ապրիլի 20-ին և ավարտվել այսօր առավոտյան, հայտնել է Sotheby's-ը:
Աղբյուր՝ france24.com
Քեմբրիջի դքսուհին ամեն երեկո իր մաշկը խնամելու համար մասուրի յուղ է օգտագործում։ Այս մասին հայտնում է Express հրատարակչությունը: Միջոցը մասնագետների կողմից բնութագրվում է որպես խոնավ և փայլուն մաշկ ստանալու հիանալի տարբերակ: Եթերային յուղը բազմաթիվ առավելություններ ունի կանացի գեղեցկության համար: Այն օգնում է բացել մուգ բծերը, բնականորեն խոնավեցնում է մաշկը և ունի հակաբորբոքային հատկություններ:
Աղբյուր՝ gazeta.ru
Microsoft-ի հիմնադիր Բիլ Գեյթսը կասկածի տակ է դրել ձեռնարկատեր Իլոն Մասկի դրդապատճառները, ով ավելի վաղ պայմանագիր էր կնքել՝ գնելու Twitter սոցիալական ցանցը: «Նա կարող է վատթարացնել ամեն ինչ», - ասել է Գեյթսը «Wall Street Journal»-ի գործադիր տնօրենների համար կազմակերպված միջոցառման ժամանակ: Գեյթսի խոսքերով, «լիովին պարզ չէ, թե ինչ է պատրաստվում անել Մասկը», և սոցցանցերի նման ձեռքբերումները ձեռնարկատիրոջ ապագա պլաններում չկան:
Աղբյուր՝ ria.ru
Իսրայելցի հետազոտողները կարծում են, որ ամռանը հնարավոր է գլոբալ կորոնավիրուսային դեպքերի նոր ալիք՝ դելտա շտամի վերադարձի պատճառով: Այս մասին չորեքշաբթի հայտնել է Times of Israel թերթը: Իսրայելում կարծում են, որ «օմիկրոն»-ը և նրա ենթատեսակները շուտով կարող են անհետանալ, սակայն դելտա շտամը կարող է գլոբալ վարակի նոր փուլ առաջացնել:
Աղբյուր՝ tass.ru
Բուրունդիի տասը խաղաղապահներ են սպանվել երեքշաբթի Սոմալիում Աֆրիկյան միության բազայի վրա «Ալ-Շաբաաբ»-ի ջիհադիստների հարձակման հետևանքով, չորեքշաբթի հայտնել է Բուրունդիի բանակը: Հայտարարության մեջ ասվում է, որ ևս 25 զինվոր վիրավորվել է, 5-ը անհետ կորել է, իսկ «Ալ-Շաբաաբ»-ից սպանվել են 20 զինյալներ:
Աղբյուր՝ france24.com
Առողջապահության համաշխարհային կազմակերպությունը (ԱՀԿ) հայտնել է, որ երեխաների շրջանում ծանր հեպատիտի մոտ 300 դեպք է հայտնաբերվել աշխարհի 20 երկրներում, այդ թվում՝ Հարավարևելյան Ասիայում: Ամբողջ աշխարհում առողջապահության ոլորտի ներկայացուցիչները հետաքննում են լյարդի հիվանդության դեպքերի առեղծվածային աճը: Այն առաջին անգամ հայտնաբերվել է Մեծ Բրիտանիայում: ԱՀԿ-ը արձանագրել է մեկ մահվան դեպք:
Աղբյուր՝ bbc.com
Միակ եթերայուղը, որը ոչ միայն կարող է վանել տզերին, այլև կարող է սպանել դրանց կիտրոնի էվկալիպտի յուղն է: Եթե տիզը սողում է մաշկի կամ ներծծված գործվածքի վրայով, այն կարող է սատկել: Սա փաստ է»,- «Մոսկվա 24»-ին տված հարցազրույցում ասել է միջատաբան Ռոման Խրիապինը։Մասնագետը նշել է, որ այս յուղի հիման վրա են արտադրվում են տզերին վանող սփրեյները։ Սակայն հատուկ միջոցը պարտադիր չէ գնել, քանի որ այն կարելի է պատրաստել տանը:
Աղբյուր՝ gazeta.ru
Լայնորեն կանխատեսվում է, որ Sinn Féin-ը՝ իռլանդական ազգայնական կուսակցությունը, որը պաշտպանում է Հյուսիսային Իռլանդիայի վերամիավորումը Իռլանդիայի Հանրապետության հետ կհավաքի ձայների մեծամասնությունը հինգշաբթի կայանալիք ընտրություններում և կստանա առաջին նախարարի պաշտոնը: Դա վարչական տարածքի պատմության մեջ առաջին դեպքը կլինի, որ այդ դերը զբաղեցնեն ազգայնականները, այլ ոչ թե յունիոնիստները, ովքեր կողմ են՝ Հյուսիսային Իռլանդիան Միացյալ Թագավորության մաս մնա:
Աղբյուր՝ aljazeera.com
Roku YouTube ալիքում հրապարակվել է նախագծի թիզերը։ Ֆիլմի սցենարի վրա աշխատել է ինքը՝ Յանկովիչը: Նախագիծը կպատմի երաժիշտ-կատակերգուի կյանքի և գործունեության մասին: Ֆիլմում նկարահանվել են նաև Թոբի Հասսը, Ռեյն Ուիլսոնը, Ջուլիանա Նիքոլսոնը և այլք:
Աղբյուր՝ kulturomania.ru
Ֆոգո կղզին հունիսին կկորցնի լրիվ դրույքով աշխատող իր միակ բժշկին. համայնքի բնակիչները կանցնեն վեց ժամ ճանապարհ՝ բուժում ստանալու համար:
Աղբյուր՝ theguardian.com
Չորեքշաբթի ՄԱԿ-ի Պարենի և գյուղատնտեսության կազմակերպությունը հայտարարել է, որ անցյալ տարի սովի մատնված մարդկանց թիվը հասել է 193 միլիոնի, քանի որ հակամարտությունները, կլիմայական փոփոխությունները և տնտեսական ճգնաժամերը ոչնչացրել են մարդկանց ապրուստի աղբյուրները:
Աղբյուր՝ france24.com
Սերգեյ Լազարևը Telegram-ի իր ալիքում հայտարարել է, որ իր ստեղծագործական գործունեության դադարեցման մասին տեղեկատվությունը չի համապատասխանում իրականությանը։ «Խնդրում եմ դադարեցնել կեղծիքների տարածումը և դրանց հավատալը, քանի դեռ չեք ստացել պաշտոնական տեղեկատվություն առաջին դեմքից: Լրատվամիջոցներում ակտիվորեն շրջանառվում է այն լուրը, թե ես ավարտում եմ ստեղծագործական կարիերաս, դադարում եմ համերգներ տալ և նոր երաժշտական գործեր ստեղծել»: – գրել է արտիստը:
Աղբյուր՝ gazeta.ru
Կոստյումների ինստիտուտի մայիսի 3-ի գիշերը տեղի ունեցած Met Gala ամենամյա պարահանդեսի կապակցությամբ Մետրոպոլիտեն արվեստի թանգարանի սրահներից մեկում հայտնվել է հղի Ռիհաննայի քանդակը: Համացանցում տեղադրվել է 30 վայրկյան տևողությամբ տեսահոլովակ, որում երևում է երգչուհու մարմարե արձսնը՝ ողջ երկայքով: քանդակի կեցվածքը և ներկայացված հագուստը հիշեցնում է Vogue ամսագրի մայիսյան համարի շապիկը, որի հերոսուհին 34-ամյա արտիստուհին էր:
Աղբյուր՝ gazeta.ru
Անսգար Կնաուֆը միայն հունվարին վարձավճարով միացավ Ֆրանկֆուրտի «Այնտրախտին», սակայն «Բարսելոնայի» և «Վեսթ Հեմի» դեմ նրա գոլերը օգնեցին թիմին կանգնել Եվրոպայի լիգայի եզրափակչի շեմին: «Ֆրանկֆուրտին» պետք է միայն ոչ-ոքի խաղալ «Վեսթ Հեմի» հետ հինգշաբթի օրը կայանալիք կիսաեզրափակիչ պատասխան խաղում, որպեսզի վերջին 42 տարվա մեջ առաջին անգամ դուրս գա եվրոպական եզրափակիչ:
Աղբյուր՝ france24.com
Բրուքլինի բարերից մեկում ուկրաինացին կոտրված շշով հարձակվել է հայրենակցի վրա՝ կարծելով, թե նա ռուս է, քանի որ խոսում էր ռուսերեն, գրում է New York Post-ը: Թերթի տվյալներով Օլեգ Սուլիման Անդրեյ Մելեշկովին ասել է, որ նա «ռուսի է նման»։ Վերջինս հայտնել է, որ ինքը ուկրաինացի է, սակայն հայրենակիցը չի հավատացել: Նա վերցրել է գարեջրի երկու շիշ, ջարդել դրանք և սուր եզրերով հարվածել Մելեշկովի պարանոցին և դեմքին։ Տուժածին կարեր են դրել:
Աղբյուր՝ ria.ru
որով նա հանդես էր եկել «Ռիչարդ արքա» ֆիլմում լավագույն դերասանի մրցանակին արժանանալու համար: Այս մասին հայտնել է Variety-ն: Հրատարակչությունը մեկնաբանությունների համար դիմել է արարողությունը հեռարձակող ABC հեռուստաընկերությանը, ինչպես նաև Կինոարվեստի և գիտության ակադեմիային: Դեռ պարզ չէ, արդյո՞ք տեսահոլովակի անհետացումը կապ ունի ապտակի հետ, որը Սմիթը հասցրել էր կատակերգու Քրիս Ռոքին:
Աղբյուր՝ gazeta.ru
Հայաստանում ԵՄ պատվիրակության ղեկավար, դեսպան Անդրեա Վիկտորինի հետ մայիսի 4-ին կայացած հանդիպմանը ներկա է եղել նաև Հայաստանում ԵՄ պատվիրակության համագործակվության բաժնի ղեկավար Ֆրանկ Հեսսը: Հանդիպման ընթացքում կողմերն անդրադարձել են այնպիսի հարցերի, ինչպիսիք են ՀՀ-ԵՄ Համապարփակ եւ ընդլայնված գործընկերության համաձայնագրի կիրարկման ընթացքը, իրականացվող ոլորտային բարեփոխումների բովանդակությունն ու նպատակները:
Աղբյուր՝ ՀՀ ֆինանսների նախարարություն
Դերասանուհի Էմբեր Հերդը տառապում է հետտրավմատիկ սթրեսային խանգարումով՝ իր նախկին ամուսնու՝ «Կարիբյան ծովի ծովահենների» աստղ Ջոնի Դեփի բռնության հետևանքով: Այս մասին երեքշաբթի տված ցուցմունքում ասել է հոգեբանը: Կլինիկական և դատաբժշկական հոգեբան Դոն Հյուզը նաև ասաց, որ Դեփը տառապում էր Հերդի նկատմամբ «սևեռուն հսկողությամբ» և «հիվանդագին խանդով» իրենց «չափազանց անկայուն» հարաբերությունների ընթացքում:
Աղբյուր՝ france24.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
