Կարճ լուրեր
ՀՀ քննչական կոմիտեում ինքնավար պաշտոն զբաղեցնող անձանց (քննիչների) թեկնածությունների ցուցակը համալրելու նպատակով նախատեսվում է կազմակերպել հերթական գրավոր քննությունը: Կոմիտեի անձնակազմի կառավարման ստորաբաժանման տեղեկացմամբ 2022թ. հունիսի 3-ին կայանալիք քննություններին մասնակցելու համար պահանջվող փաստաթղթերն ընդունվում են մայիսի 3-ից 18-ը ներառյալ:
Աղբյուր՝ ՀՀ Քննչական կոմիտե
Իսպանական «Բարսելոնան» մտադիր է պայմանագիր կնքել «Վալենսիայի» և Իսպանիայի հավաքականի հարձակողական ոճի կիսապաշտպան Կառլոս Սոլերի հետ: Կիսապաշտպանին նախատեսում են թիմ մտցնել հոլանդացի Ֆրենկի դե Յոնգի փոխարեն: «Բարսայի» մարզչական շտաբը Չավիի գլխավորությամբ մտադիր է փոխել մոտեցումները խաղի միջին գծում: Կատալոնացիները պատրաստ են կիսապաշտպանի համար վճարել 20 մլն եվրո և արդեն իսպանացու հետ համաձայնեցրել են անձնական պայմանագրի կետերը:
Աղբյուր՝ vesti.ru
Վրաստանի պաշտպանության նախարար Ջուանշեր Բուրչուլաձեի հրավերով մայիսի 4-ին ՀՀ պաշտպանության նախարար Սուրեն Պապիկյանը երկօրյա պաշտոնական այցով մեկնել է Վրաստան:
Աղբյուր՝ ՀՀ ՊՆ
Բրիտանական բանակը երեքշաբթի հայտնել է, որ հետաքննություն է սկսել այն տեղեկություններից հետո, երբ մի տղամարդ, ով ներկայացել է որպես քահանա, գիշերը անցկացրել է զորանոցում զինվորների հետ, որոնց հանձնարարված է պաշտպանել Եղիսաբեթ թագուհուն՝ Վինձոր ամրոցի նրա տան մոտ:
Աղբյուր՝ reuters.com
«Ինձ համար շատ դժվար է ոգեշնչվել նման բուռն ժամանակներում, երբ շուրջը այդքան բացասականություն, զայրույթ և ատելություն կա: Այս ամենին դիմակայելը շատ դժվար է։ Նման պահերին ուզում ես փակվել և ոչ ոքի չթողնել քո աշխարհը»,- ասել է երգիչը StarHit-ին տված հարցազրույցում: Արտիստը հավելել է, որ այժմ «էներգիա է կուտակում», որպեսզի հետո լավ արդյունք ցույց տա:
Աղբյուր՝ gazeta.ru
Ըստ Հարավային Կորեայի բանակի՝ Հյուսիսային Կորեան բալիստիկ հրթիռ է արձակել իր արևելյան ափի ուղղությամբ մոտ մեկ շաբաթ անց այն բանից հետո, երբ հայտարարեց, որ կզարգացնի իր միջուկային հնարավորությունները «որքան հնարավոր է արագ»: Գործարկումը 14-րդն է այս տարվա ընթացքում: Այս կերպ Փհենյանը ուժեղացնում է դիվանագիտական ճնշումը իր տարածաշրջանային հարևանների և ԱՄՆ-ի վրա:
Աղբյուր՝ aljazeera.com
Չորեքշաբթի օրը Նոր Հարավային Ուելսում անցկացված գործադուլին մասնակցել է ավելի քան 15 000 ուսուցիչ: Ուսուցանողների տարածաշրջանային ֆեդերացիայի տվյալներով՝ նահանգի հանրակրթական դպրոցների աշխատակիցները պահանջում են ավելի բարձր աշխատավարձ և ավելի լավ աշխատանքային պայմաններ, ինչպես նաև դեմ են դպրոցներում ուսուցիչների թվի կրճատմանը:
Աղբյուր՝ tass.ru
Հնդկաստանի արևմտյան Մահարաշտրա նահանգը մարտի վերջից գրանցել է 25 մահ ջերմային հարվածից, ինչը ամենաբարձրն է վերջին հինգ տարվա ընթացքում, և հավանաբար ավելի շատ մահեր կգրանցվեն երկրի մյուս հատվածներում, որտեղ ջերմաստիճանը գերազանցում է Ցելսիուսի 40 աստիճանը:
Աղբյուր՝ aljazeera.com
Կրծքի կաթը կատարյալ սնունդ է նորածինների համար, սակայն ոչ բոլոր մայրերն են կարող կրծքով կերակրել, իսկ որդեգրման կամ փոխնակ մայրության դեպքում ծնողներն այլընտրանք չունեն: Հյուսիսային Կարոլինայի ստարտափն աշխատում է մարմնից դուրս «մարդու կաթ»՝ BIOMILQ, ստեղծելու վրա: Գաղափարն առաջին անգամ ծագել է համահիմնադիր և գիտական բաժնի գլխավոր տնօրեն Լեյլա Սթրիքլենդի մոտ 2013 թվականին, երբ նա լսել է լաբորատորիայում մշակված աշխարհում առաջին բուրգերի մասին:
Աղբյուր՝ cnn.com
Քանի որ վարձավճարների աճը և համաճարակը ստիպել են փակել տարածաշրջանի շատ նշանավոր խանութներ և բարեր: Խանութների ցուցափեղկերը և 100 տարուց ավելի վաղեմության այլ մանրամասներ արդեն պաշտպանված են, սակայն առաջամարտիկ օրենսդրությունը ավելի հեռուն է գնում, և նշված տարածքների խանութների սեփականատերերը պետք է թույլտվություն խնդրեն, եթե ցանկանում են փոխել դրա առևտրային գործունեությունը:
Աղբյուր՝ theguardian.com
Միտիշչիում հրդեհ է բռնկվել ինը հարկանի բնակելի շենքում, կան զոհեր և վիրավորներ, հայտնել է Մոսկվայի մարզի ղեկավար Անդրեյ Վորոբյովը Telegram-ի իր ալիքում: Տարածաշրջանային կառավարության տվյալներով՝ երեք մարդ մահացել է, 15-ը թունավորվել է շմոլ գազից։ Մեկ մարդ ծանր վիրավոր է:
Աղբյուր՝ ria.ru
«Վարձու մարդասպան» մարտաֆիլմի օրիգինալ տարբերակի ռեժիսոր Ջոն Վուն հաստատել է կինոնկարի անգլալեզու ռիմեյքի աշխատանքը: Այս մասին հայտնում է IndieWire-ը: «Վարձու մարդասպանը» կթողարկվի Peacock սթրիմինգային ծառայությունում: Թողարկման ստույգ ամսաթիվ դեռ չկա, դերասանական կազմը նույնպես հայտնի չէ: Վուի համար ֆիլմը կլինի իր առաջին անգլալեզու աշխատանքը 2005 թվականից ի վեր:
Աղբյուր՝ daily.afisha.ru
Երեքշաբթի հայտարարվեց, որ Թոմաս Մյուլլերը երկարաձգել է իր պայմանագիրը Մյունխենի «Բավարիայի» հետ մինչև 2024 թվականը: Գերմանացի ֆուտբոլիստը պատրաստվում է իր ամբողջ պրոֆեսիոնալ կարիերան անցկացնել Բունդեսլիգայի չեմպիոնների կազմում, որին նա միացել է 10 տարեկանում:
Աղբյուր՝ france24.com
Ֆրանսիայի նախագահ Էմանուել Մակրոնը, նախքան ՌԴ նախագահ Վլադիմիր Պուտինին զանգահարելը, Ելիսեյան պալատում ընդունել է նախկին նախագահ Նիկոլա Սարկոզիին, գրում է La Figaro թերթը: Հրատարակչության տվյալներով՝ հանդիպումը տեղի է ունեցել երեքշաբթի՝ մայիսի 3-ի առավոտյան: Figaro-ն նշում է, որ ապրիլի սկզբին Մակրոնը հերքել էր Սարկոզիի հետ պակտի կնքման մասին լուրերը, ըստ որոնց՝ Մակրոնի վերընտրվելու դեպքում Սարկոզին կստանա վարչապետի պաշտոնը:
Աղբյուր՝ gazeta.ru
Համաձայն Առողջապահության համաշխարհային կազմակերպության (ԱՀԿ) Գիրության մասին 2022 թվականի տարածաշրջանային զեկույցի՝ Եվրոպայում մեծահասակների մոտ 59 տոկոսը ունի ավելորդ քաշ կամ գեր է: Եվրոպական տարածաշրջանում հավաքված և երեքշաբթի ներկայացված տվյալները ցույց են տալիս, որ խնդիրն ավելի շատ տղամարդիկ ունեն, քան կանայք. ավելորդ քաշի խնդիր ունի տղամարդկանց 63 տոկոսը, կանանց՝ 54 տոկոսը:
Աղբյուր՝ aljazeera.com
Իսպանիան երկարացրել է ԵՄ-ի և երրորդ երկրների քաղաքացիների համար գործող մուտքի Covid սահմանափակումները մինչև մայիսի 15-ը: Այս մասին իր Telegram ալիքում հայտնում է ՌԴ Տուրօպերատորների ասոցիացիան: Զբոսաշրջիկները կարող են մուտք գործել երկիր միայն COVID-19-ի դեմ պատվաստման վկայականով՝ Դեղամիջոցների եվրոպական գործակալության կամ ԱՀԿ-ի կողմից հաստատված դեղամիջոցով:
Աղբյուր՝ ria.ru
Հայտնի է դարձել, որ ռուսաստանցիներն այս տարի չեն կարողանա քվեարկել «Եվրատեսիլ» երգի մրցույթի մասնակիցների օգտին: Այս որոշումը կայացրել են միջազգային երաժշտական միջոցառման կազմակերպիչները այն բանից հետո, երբ Ռուսաստանը դուրս մնաց մասնակցությունից: «Եվրատեսիլի» գործադիր պրոդյուսեր Կլաուդիո Ֆազուլոյի խոսքով՝ արտիստների օգտին քվեարկել կարելի է միայն մրցույթին մասնակցող երկրներից:
Աղբյուր՝ vesti.ru
Բանդար Աբբաս քաղաքում ութ մարդ է մահացել տնական թունավոր ալկոհոլային խմիչք օգտագործելուց հետո, հայտնում են տեղական լրատվամիջոցները: Եվս 51 մարդ ալկոհոլային թունավորումից բուժում է ստանում հիվանդանոցներում, լրագրողների հետ հանդիպման ժամանակ ասել է տեղի առողջապահության ոլորտի պատասխանատու Ֆաթեմեհ Նովրուզիանը: Նրանցից 17-ի վիճակը ծայրահեղ ծանր է: Ալկոհոլի արտադրության և տարածման կասկածանքով ձերբակալվել է ութ մարդ:
Աղբյուր՝ bbc.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
