Կարճ լուրեր
Երգչուհին այդ մասին տեղեկացրել է սոցիալական ցանցերում՝ գրելով. «Այսօր ժամը 18։00-ին Ֆրասնիայի հրապարակում միանալու եմ մեր հայրենակիցներին։ Միասին երգելու ենք, սակայն այս անգամ ոչ բեմից։ Ձեզ հետ վերցրեք որևէ փափուկ բան, որի վրա կկարողանաք հատակին նստել։ Կհանդիպենք Հրապարակում»:
Բրիտանացի դերասան Բենեդիկտ Քամբերբեչը կորեական կինոյի մեծ երկրպագու է և հույս ունի նկարահանվել կորեացի ռեժիսորների մոտ: Այս մասին հայտնում է կորեական Yonhap News գործակալությունը: «Ինչ վերաբերում է կորեական ֆիլմին, ինչո՞ւ ոչ։ Դուք ունեք աշխարհի ամենաֆանտաստիկ ռեժիսորներից մի քանիսին: Ես ուզում եմ, որ դա տեղի ունենա», - ասել է Քամբերբեչը «Դոկտոր Սթրենջ. Խելագարության բազմատիեզերքում» ֆիլմի թողարկումից առաջ առցանց մամուլի ասուլիսում:
Աղբյուր՝ gazeta.ru
Սոմալիի «Ալ Շաբաաբ» խմբավորումը հարձակվել է Աֆրիկյան միության առաքելության ճամբարի վրա, որը գտնվում է երկրի կենտրոնում՝ Շաբելլե շրջանում: Այս մասին երեքշաբթի հայտնել է տեղի ավագը և խումբը, իսկ մեկ այլ բնակիչ ասել է, որ փոխհրաձգության հետևանքով մահացել է երեք խաղաղ բնակիչ:
Աղբյուր՝ reuters.com
Երկուշաբթի ԱՄՆ Նյու Մեքսիկո նահանգում ուժգին քամուց առաջացած կրակից բռնկվել են սոճիներով ծածկված լեռների լանջերը՝ ստիպելով բնակիչներին լքել իրենց տները և տարհանել նահանգի հոգեբուժարանը:
Աղբյուր՝ aljazeera.com
Մայիսի 3-ին ԱԽ քարտուղար Արմեն Գրիգորյանն աշխատանքային այցով մեկնելու է Վրաստան: Այցի շրջանակներում ԱԽ քարտուղարն ունենալու է աշխատանքային հանդիպումներ:
Աղբյուր՝ Անվտանգության Խորհրդի Գրասենյակ
Ֆրանցիսկոս պապը հույս է հայտնել, որ Ուկրաինայում մարտերը կավարտվեն մինչև մայիսի 9-ը, սակայն ասել է, որ հոռետես է: «(Հունգարիայի վարչապետ) Օրբանն ինձ հետ հանդիպման ժամանակ ասաց, որ ռուսները պլան ունեն, որ ամեն ինչ կավարտվի մայիսի 9-ին: Հուսով եմ, որ դա այդպես է, այդպես մենք կհասկանանք էսկալացիայի արագությունը այս օրերին»,- հայտարարել է պոնտիֆիկոսը Corriere della Sera թերթին տված հարցազրույցում:
Աղբյուր՝ ria.ru
Սմարթֆոնի տհաճ հոտը և լիցքավորման հետ կապված խնդիրները պոտենցիալ գործոններ են, որոնք վկայում են, որ սարքը շուտով կվառվի: Նշանները, որոնք հուշում են սմարթֆոնի հավանական պայթյունի մասին, հայտնել է ZDNet-ի լրագրողը: Նշվում է, որ սմարթֆոնների տերերը պետք է զգույշ լինեն, եթե գաջեթը սկսել է ուժեղ տաքանալ: Նույնքան նկատելի նշան է, որ սարքը վառվելու վտանգի տակ է, երբ կարերը պայթում են կամ պատյանը փչանում է՝ մարտկոցի ուռչելու պատճառով:
Աղբյուր՝ gazeta.ru
Լոս Անջելեսի դատարանի երդվյալ ատենակալները ջախջախիչ հաղթանակ են շնորհել Քարդաշյանների ընտանիքին՝ նրանց դեմ ռեալիթի շոուի նախկին հեռուստաաստղ Բլեք Չայնայի հայցի շրջանակներում՝ պարզելով, որ Քարդաշյաններից ոչ ոք չի զրպարտել Չայնային և նրանք չեն միջամտել նրա պայմանագրին «E!»-ի հետ՝ համոզելով չեղարկել իր «Rob & Chyna» շոուն:
Աղբյուր՝ theguardian.com
Թուրինի «Յուվենտուսը» հետաքրքրված է «Լիվերպուլի» հարձակվող Մոհամեդ Սալահի ծառայություններով: Իտալական ակումբը կփորձի ամառային տրանսֆերային պատուհանի ընթացքում գնել 29-ամյա եգիպտացի ֆուտբոլիստի պայմանագիրը: Ինչպես հաղորդում է Football Italia-ն, «բյանկոներիները» վատ մրցաշրջանից հետո ցանկանում են ուժեղացնել հարձակման գիծը:
Աղբյուր՝ vesti.ru
Ռեալիթի շոուի հեռուստաաստղ Քիմ Քարդաշյանը երկուշաբթի ամենամյա Met Gala-ում հիշցրել է ամերիկյան իրադարձությունը՝ հագնելով ոսկեգույն շողշողացող զգեստը, որը Մերիլին Մոնրոն կրում էր վեց տասնամյակ առաջ, երբ նա սերենադ էր երգում նախագահ Ջոն Քենեդիի համար «Ծնունդդ շնորհավոր, պարոն Նախագահ» երգով:
Աղբյուր՝ reuters.com
Կիպրոսի Հանրապետությունը դարձավ Եվրամիության առաջին երկիրը, որն ապահովեց իր տարածքի ամբողջական ծածկույթը 5G ստանդարտով կապի ցանցով։ Այս մասին երկուշաբթի օրը հայտնել է հեռահաղորդակցության CYTA (Կիպրոսի հեռահաղորդակցության վարչություն) ընկերությունը: Այս ձևաչափի ցանցը հասել է իր մեջ չընդգրկված վերջին բնակավայր՝ Սիկոպետրա գյուղ:
Աղբյուր՝ tass.ru
Կատաղի ջրհեղեղները, քամիները և անտառային հրդեհները, որոնք առաջացել են բարձր ջերմաստիճանի պատճառով, նշանակում են, որ Ավստրալիայում ավելի քան կես միլիոն տների ապահովագրումը չափազանց թանկ կարժենա մինչև 2030 թվականը: Այս մասին ասվում է կլիմայի պաշտպանության խմբի երեքշաբթի հրապարակված վերլուծության մեջ:
Աղբյուր՝ france24.com
«Փսխումը պաշտպանիչ ախտանիշ է, որն օգնում է օրգանիզմին ազատվել վարակից։ Դադարեցնելով այն դեղահաբերի օգնությամբ մենք ինքներս ենք երեխաներին վնասում։ Ինչպես նաև խանգարում ենք ճիշտ ախտորոշմանը՝ աղավաղելով հիվանդության կլինիկական պատկերը: Այնպես որ, չարժե փորձել դադարեցնել փսխումը տնային պայմաններում», - ասել է մանկաբույժ Քսենիա Բատրակը: Փսխման ժամանակ գլխավորը երեխայի օրգանիզմի ջրազրկումից խուսափելն է:
Աղբյուր՝ gazeta.ru
Կին, ով սկսել է վազել քաղցկեղից ձախ ոտքը կորցնելուց հետո, գերազանցել է անընդմեջ մարաթոնների Գինեսի ռեկորդը: 46-ամյա Ջեքի Հանթ-Բրոերսման հունվարի կեսերից ամեն օր վազել է 26,2 մղոն, որը սովորաբար տևում է մոտ հինգ ժամ: Շաբաթ օրը նա ավարտեց իր 104-րդ անընդմեջ մարաթոնը նույնքան օրվա ընթացքում, ձեռքբերում, որը նա ակնկալում է՝ կհայտնվի Գինեսի համաշխարհային ռեկորդների գրքում:
Աղբյուր՝ bbc.com
Ֆինլանդիայի տասը խոշոր քաղաքներում այսօր մեկնարկում է մունիցիպալ աշխատողների գործադուլը, որը կազդի 81,000 աշխատողների վրա, հայտնում են Jyty և JHL արհմիությունները: Գործադուլը կանցկացվի մայիսի 3-ից 9-ը Էսպոո, Հելսինկի, Կաունիայնեն, Վանտա, Օուլու, Ռովանիեմի, Յուվյասկյուլյա, Տամպերե, Տուրկու և Կուոպիո քաղաքներում: Գործադուլավորները պահանջում են աշխատավարձերի բարձրացում առնվազն երկու տոկոսով և ստեղծել աշխատավարձի բարձրացման մի քանի տարվա հատուկ ծրագիր:
Աղբյուր՝ ria.ru
Ավստրալացի նկարչուհի Բրիտանի Դիքսոնը ենթարկվել է հետևորդների ճնշմանը այն բանից հետո, երբ Netflix-ի հոսքային ծառայությունը հայտարարել է, որ դերասանուհի է փնտրում երիտասարդ Քեյթ Միդլթոնի դերը «Թագը» սերիալի վեցերորդ սեզոնում խաղալու համար: Հետևորդները նրանից պահանջել են մրցույթին մասնակցելու հայտ ուղարկել: Արդյունքում նկարչուհին իսկապես պայքարի մեջ է մտել դերի համար:
Աղբյուր՝ dailymail.co.uk
ԱՄՆ-ում մահացել է դերասանուհի և գրող Ջոաննա Բարնսը, ով առավել հայտնի է«Ծուղակ ծնողների համար» երկու ֆիլմերում խաղացած իր դերերով։ Այս մասին հաղորդել է The Hollywood Reporter-ը: 87-ամյա Բարնսը մահացել է ուրբաթ օրը Կալիֆորնիայի իր տանը: Դերասանուհու ընկերուհին՝ Սալի Ջեքսոնը, նշել է, որ վերջերս նա շատ էր հիվանդանում:
Աղբյուր՝ kulturomania.ru
ՄԱԿ-ի մարդու իրավունքների գրասենյակը (OHCHR) երկուշաբթի հայտնել է, որ փետրվարի 24-ին ռուսական ներխուժման սկզբից ի վեր Ուկրաինայում սպանված խաղաղ բնակիչների թիվը հասել է 3,153-ի:
Աղբյուր՝ reuters.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
