Կարճ լուրեր
Առնվազն 14 ուղևոր և անձնակազմի երեք անդամ վիրավորվել են Հնդկական ավիաուղիների Spicejet ինքնաթիռում սաստիկ տուրբուլենտության պատճառով: Այս մասին երկուշաբթի հայտնել է NDTV հեռուստաալիքը: Միջադեպը տեղի է ունեցել Boeing B737 ինքնաթիռի հետ, որը չվերթ էր իրականացնում Մումբայից (Մահարաշտրա) դեպի Դուրգապուր (Արևմտյան Բենգալիա):
Աղբյուր՝ tass.ru
Կիրակի Չինաստանի կենտրոնում գտնվող շենքի փլատակների տակից մի կին է փրկվել՝ փլուզումից ավելի քան 50 ժամ անց, ինչի հետևանքով տասնյակ մարդիկ մնացել են թակարդում կամ անհետ կորած են համարվում: Ոստիկանությունը ձերբակալել է ինը մարդու, այդ թվում՝ շենքի սեփականատիրոջը՝ խոշոր մասշտաբի վթարի մեջ մեղավորության կասկածանքով, հայտնում է «Սինհուա» լրատվական գործակալությունը:
Աղբյուր՝ apnews.com
Բրիտանացի դերասան Իեն Մաքքելենը, ով մարմնավորել է կախարդ Գենդալֆին Փիթեր Ջեքսոնի «Մատանիների տիրակալը» ֆիլմերում, ժամանել է Ուկրաինա: Գրող Զախար Պրիլեպինը Telegram-ի իր ալիքում հրապարակել է բրիտանացու լուսանկարը երկրպագուի հետ Հայկական փողոցում: Լուսանկարում Մաքքելենը կանգնած է ժպտացող երիտասարդի կողքին, ով, հավանաբար, նրա երկրպագուն է: Դերասանի Ուկրաինա ժամանելու նպատակը չի նշվում:
Աղբյուր՝ gazeta.ru
Ռաֆայել Նադալը անարդար է համարում Ուիմբլդոնի որոշումը՝ արգելել ռուս և բելառուս խաղացողներին մասնակցել առաջնությանը: Այս մասին թենիսի իսպանացի լեգենդը լրագրողներին ասել է կիրակի Մադրիդում:
Աղբյուր՝ france24.com
Մադրիդի «Ռեալի» հարձակվող Վինիսիուս Ժունիորն սոցցանցերի իր անձնական էջերում նոր գրառում է հրապարակել, որը հայտնի է դարձել համացանցում: Լուսանկարում 21-ամյա բրազիլացի ֆուտբոլիստը կանգնած է թիմի մարզիչ Կառլո Անչելոտիի կողքին, ով մուգ ակնոցով է և սիգար է ծխում: Նրանց կողքին կանգնած են նաև Դավիդ Ալաբան, Էդեր Միլիտանը ու Ռոդրիգոն: Լուսանկարը հավաքել է ավելի քան 2,5 միլիոն լայք և դարձել մեմ:
Աղբյուր՝ sport-express.ru
Բրազիլացի վետերան պաշտպան Մարսելոն շաբաթ օրը նվաճեց իր 24-րդ տիտղոսը Մադրիդի «Ռեալի» կազմում՝ դառնալով ակումբի ամենագավաթակիր խաղացողը: Ձախ պաշտպանը մեկնարկել է «Էսպանյոլի» նկատմամբ տնային հաղթանակում 4:0 հաշվով, որն ապահովեց Մադրիդի «Ռեալի» Լա լիգայի տիտղոսը:
Աղբյուր՝ apnews.com
Մաիկա Մոնրոն հանդես է եկել գլխավոր դերում «Դիտորդը» սարսափ ֆիլմում: Նախագծի թրեյլերը YouTube-ում ներկայացրել է IFC Films-ը: Ֆիլմի ռեժիսորն է Քլոե Օկունոն: Սցենարը գրել են Օկունոն և Զաք Ֆորդը: Ֆիլմը համաշխարհային էկրաններ կբարձրանա հունիսի 3-ին:
Աղբյուր՝ kulturomania.ru
Ամերիկացի դերասան Ուիլեմ Դաֆոն արվեստի գծով պատվավոր դոկտորի կոչում կստանա իր մայր բուհից՝ Վիսկոնսինի համալսարանից: Այս հայտնում է ուսումնական հաստատության կայքը: Չնայած այն հանգամանքին, որ Դեֆոն համալսարանում սովորել է ընդամենը երկու տարի, որոշվել է նրան շնորհել դոկտորի կոչում՝ առանց ատենախոսություն պաշտպանելու՝ ելնելով մասնագիտության մեջ ունեցած նրա ձեռքբերումներից:
Աղբյուր՝ gazeta.ru
Մինո Ռայոլան՝ գործակալը, ով ներկայացնում էր ֆուտբոլի ամենահայտնի խաղացողներից մի քանիսը, մահացել է 54 տարեկանում: Իտալական ծագումով հոլանդացին աշխատել է Դորտմունդի «Բորուսիայի» հարձակվող Էրլինգ Հալանդի, «Մանչեսթեր Յունայթեդի» կիսապաշտպան Պոլ Պոգբայի և «Միլանի» հարձակվող Զլատան Իբրահիմովիչի հետ: Ռայոլան նաև եղել է Ֆուտբոլային ֆորումի նախագահ, որը ներկայացնում էր բարձրակարգ գործակալներին և նրանց խաղացողներին:
Աղբյուր՝ bbc.com
Տորնադոն, որը պտտվել է Կանզասի որոշ հատվածներով, վնասել է բազմաթիվ շենքեր, վիրավորում հասցրել մի քանի մարդու, իսկ ավելի քան 6500 մարդ մնացել է առանց էլեկտրականության: Այս մասին շաբաթ օրը հայտնել են իշխանությունները:
Աղբյուր՝ apnews.com
Աֆղանստանի առնվազն 11 նահանգներ, այդ թվում՝ մայրաքաղաք Քաբուլը, մնացել են առանց էլեկտրականության՝ տեղի էլեկտրագծերից մեկում անհայտ անձանց կողմից կազմակերպված պայթյունի պատճառով: Այս մասին ասվում է Աֆղանստանի Էլեկտրաէներգիայի ազգային ընկերության (DABS) շաբաթ հրապարակված հաղորդագրության մեջ: Հանքի պայթյունի հետևանքով ավերվել է էլեկտրահաղորդման երկու աշտարակ:
Աղբյուր՝ tass.ru
2013 թվականի մայիսին Ստամբուլի կենտրոնական Թաքսիմ հրապարակում խաղաղ ցույցեր սկսվեցին խորհրդանշական վայրի մի մասի վերակառուցման պլանների, սակայն ոստիկանության կողմից իրականացված ճնշումներից հետո դրանք վերածվեցին շաբաթներ շարունակվող հակակառավարական ցույցերի: Այս տարվա մայիսի մեկին, ինչպես ամեն տարի, այդ ժամանակվանից ի վեր, տարածքը դատարկ կլինի այն բանից հետո, երբ թուրքական դատարանը ցմահ ազատազրկման դատապարտեց քաղհասարակության հայտնի առաջնորդ Օսման Քավալային:
Աղբյուր՝ france24.com
Հյուսիսային Կորեայի առաջնորդը կրկին զգուշացրել է, որ իր երկիրը կարող է կանխարգելիչ նպատակով օգտագործել իր միջուկային զենքը՝ սպառնալիքի դեպքում: Նա գովեստի խոսքեր է հղել իր բանակի բարձրաստիճան պաշտոնյաներին՝ մայրաքաղաք Փհենյանում այս շաբաթ իրականացրած խոշոր զորահանդեսի համար:
Աղբյուր՝ apnews.com
Էլեն Դեջեներեսը հայտարարել է իր ցերեկային «The Ellen Show» թոք-շոուի վերջին էպիզոդի նկարահանման մասին: Հեռուստահաղորդավարուհին ասել է, որ այն կթողարկվի մայիսի 26-ին, որից հետո հաղորդումը պաշտոնապես կփակվի:
Աղբյուր՝ gazeta.ru
Կանադացի երգչուհի Սելին Դիոնը հայտարարել է Եվրոպայում համերգները հետաձգելու մասին: Նա նշել է, որ շարունակում է մկանային ուժեղ սպազմ ունենալ: Համերգները նախատեսված էին 2022 թվականի մայիսի 25-ից սեպտեմբերի 24-ն ընկած ժամանակահատվածում: Նոր ժամկետներն են՝ 2023 թվականի փետրվարի 24-ից հոկտեմբերի 4-ը:
Աղբյուր՝ kulturomania.ru
Ռիո դե Ժանեյրոյի հայտնի «Քրիստոս ամենափրկիչ» արձանը մրցակից ունի: Բրազիլիայի հարավում գտնվող Էնկանտադո փոքրիկ քաղաքը ավելի բարձր արձան է կառուցել՝ զբոսաշրջիկներին գրավելու համար: «Քրիստոս Պահպանիչի» բարձրությունը 43 մետր է՝ համեմատած Ռիոյի արձանի հետ, որը 38 մետր է՝ երկու դեպքում էլ ներառյալ նրանց պատվանդանները:
Աղբյուր՝ reuters.com
Երկրում երկու շաբաթվա ընթացքում iPhone-ի գները իջեցել են մինչև 30%-ով: Պատճառների թվում են ռուբլու ամրապնդումը, բնակչության համար վարկերի մատչելիության նվազումը և սպառողների եկամուտները: iPhone-ի պահանջարկը պահպանվում է, սակայն շարունակվում են նաև ներկրումները Ռուսաստան: Քաղաքացիներին վախեցնում է Apple-ի նոր քաղաքականությունը և վճարային ծառայություններից օգտվելու անհնարինությունը, ուստի խանութները փորձում են ազատվել այդ ապրանքներից, ասում են փորձագետները:
Աղբյուր՝ iz.ru
Սեմինոլ շրջանի շերիֆի գրասենյակի տվյալներով՝ չորեքշաբթի առավոտյան Ֆլորիդայում 11 ոտնաչափ երկարությամբ ալիգատորը շրջել է 417-րդ պետական մարյրուղում՝ դադարեցնելով երթևեկությունը գրեթե մեկ ժամով: Տեղաշարրժըկաթվածահար արած կենդանին, հավանաբար, դուրս է եկել Ջեսուփ լճից, որում բավականին շատ ալիգատորներ կան: Այս մասին CNN-ին ասել է շերիֆի գրասենյակի հանրային տեղեկատվության ադմինիստրատոր Բոբ Քիլինգը:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
