Կարճ լուրեր
Էնդի Սերքիսը Էլիզաբեթ Մաքքրաքենի համանուն վեպի հիման վրա կնկարահանի «Հսկայի տունը» ֆիլմը, հայտնում է IM-ը: Ֆիլմը պատմում է գրադարանավար Փեգի Քորթի մասին, ում կյանքը փոխվում է Ջեյմս անունով երիտասարդի հետ ծանոթանալուց հետո: Վեպը լույս է տեսել 1996 թ.-ին:
Աղբյուր՝ kulturomania.ru
Ուրբաթ Իլոն Մասկը բացահայտեց Tesla-ի հավելյալ 4,5 միլիարդ դոլարի բաժնետոմսերի վաճառք կարգավորող նոր փաստաթղթերում, ինչը ավելի քան 8,5 միլիարդ դոլարի հասցրեց ընդհանուր վաճառքի գումարը, որը նա ձեռք է բերել՝ Twitter-ի գնման գործարքից հետո: Համաձայն նոր փաստաթղթերի՝ Tesla-ի գործադիր տնօրենն ապրիլի 28-ին վաճառել է ավելի քան 5 միլիոն բաժնետոմ:
Աղբյուր՝ aljazeera.com
Գնահատականները, թե ինչ մասշտաբների կարող է հասնել համաշխարհային սովը, տարբեր են: Պեսիմիստական կանխատեսումների համաձայն՝ հաջորդ տարի սովյալների շարքը կարող է համալրել եւս հարյուր միլիոն մարդ: Նման թվեր է հայտնել գերմանացի տնտեսագետ Մատին Կայմը: Իսկ ՄԱԿ-ի Պարենի համաշխարհային ծրագրի գործադիր տնօրեն Դեյվիդ Բիսլին կարծում է, որ սննդի պակասը կհանգեցնի հերթական միգրացիոն ճգնաժամի:
Աղբյուր՝ vesti.ru
Քաբուլի մզկիթում ուրբաթօրյա աղոթքից հետո տեղի ունեցած հզոր պայթյունի հետևանքով զոհվել է ավելի քան 50 հավատացյալ: Այս մասին հայտնել է մզկիթի առաջնորդը: Պայթյունը որոտացել է մայրաքաղաքի արևմուտքում գտնվող Խալիֆա Սահիբ մզկիթում կեսօրին, ասել է ներքին գործերի նախարարության փոխխոսնակ Բեսմուլլա Հաբիբը՝ նշելով, որ զոհերի պաշտոնական թիվը 10 է:
Աղբյուր՝ reuters.com
Հարավկորեացի երգիչ Psy-ի «That That» տեսահոլովակը երաժշտի YouTube ալիքում պրեմիերայից հետո հինգ ժամվա ընթացքում դիտվել է ավելի քան վեց միլիոն անգամ: Տեսահոլովակը նաև հավաքել է 2,2 միլիոն հավանում: Նոր երգը Psy-ը ձայնագրել է հանրահայտ BTS բոյբենդի անդամ Շուգայի հետ: Տեսահոլովակը հագեցած է Վայրի Արևմուտքի էսթետիայով:
Աղբյուր՝ ria.ru
Ուիմբլդոնի նախկին չեմպիոն Բորիս Բեքերը դատապարտվել է երկուսուկես տարվա ազատազրկման՝ պարտքերը չվճարելու համար 2,5 միլիոն ֆունտ ստերլինգ արժողությամբ ակտիվներ և փոխառություններ թաքցնելու համար: «Մեծ սաղավարտի» վեցակի չեմպիոն 54-ամյա մարզիկը մեղավոր է ճանաչվել չորս մեղադրանքով՝ համաձայն Անվճարունակության մասին օրենքի:
Աղբյուր՝ bbc.com
Դեմիեն Շազելի ֆիլմի կադրերը Paramount-ը ցուցադրել է CinemaCon-ում: Ֆիլմը կպատմի 1920-ականների հին Հոլիվուդի մասին, երբ կատարվեց համր ֆիլմերից անցում ձայնայինին: Ներկայացված կադրերում հայտնվել են նաև Բրեդ Փիթն ու Մարգո Ռոբին։ Նրանք մարմնավորել են համր կինոյի աստղեր Ջոն Գիլբերտին և Կլարա Բոուին։ Ֆիլմի թողարկումը նախատեսված է 2022 թվականի դեկտեմբերին։
Աղբյուր՝ kulturomania.ru
Ժաիր Բոլսոնարուն արագ հակադարձել է Լեոնարդո Դի Կապրիոյին, ով ակնարկել է, որ երիտասարդները պետք է դեմ քվեարկեն ծայրահեղ աջ նախագահին: «Շնորհակալ եմ ձեր աջակցության համար, Լեո: Իսկապես կարևոր է, որ յուրաքանչյուր բրազիլացի քվեարկի գալիք ընտրություններում», - Twitter-ում անգլերենով գրել է Բոլսոնարոն: «Մեր ժողովուրդը կորոշի՝ արդյոք ցանկանում է պահպանել մեր ինքնիշխանությունը Ամազոնում, թե կառավարվել ստահակների կողմից, որոնք սպասարկում են օտար շահերը»:
Աղբյուր՝ france24.com
Կառավարական ինքնաթիռը, որով Գերմանիայի կանցլեր Օլաֆ Շոլցը վերադառնում էր Ճապոնիայից Բեռլին, հարկադրված էր թռչել Հյուսիսային բևեռի վրայով՝ Ռուսաստանի օդային տարածքը շրջանցելու համար: Այս մասին ուրբաթ հայտնել է DPA գործակալությունը: Ուղևորությունը մոտավորապես տևել է 13 ժամ 30 րոպե:
Աղբյուր՝ tass.ru
«Հանել դանակները» ֆրանշիզայի և Բոնդի մասին «Մահանալու ժամանակը չէ» ֆիլմի վերջին մասի աստղ Անա դե Արմասը գլխավոր դեր կխաղա «Բալերինա» մարտաֆիլմում: Նկարահանումները կսկսվեն ամռանը։ Ռեժիսորը կլինի «Ուրիշ աշխարհ»-ի հեղինակ Լեն Ուայզմանը: Սցենարը գրել է Շեյ Հաթենը:
Աղբյուր՝ kulturomania.ru
Բրիտանական Վիրջինյան կղզիների վարչապետ Էնդրյու Ալտուրո Ֆահին և Կարիբյան ավազանի նավահանգիստների տնօրեն Օլեանվին Մեյնարդը ԱՄՆ իրավապահները ձերբակալել են հինգշաբթի՝ Ֆլորիդայում թմրանյութերի մաքսանենգության մեղադրանքով: Նրանք ձերբակալվել են ԱՄՆ Թմրամիջոցների դեմ պայքարի վարչության գործակալների կողմից Մայամիի-Օպա Լոկկա օդանավակայանում և մեղադրվել կոկաին ներմուծելու և փողերի լվացման մեջ:
Աղբյուր՝ apnews.com
Վաղ գարնանն աճող բանջարեղենում պարունակվող նյութերը կարող են գրգռել ստամոքսի լորձաթաղանթը և բարձրացնել օրգանիզմում միզաթթվի մակարդակը, ասել է դիետոլոգ Անաստասիա Պլեշչևան: Բողկի մեջ մեծ քանակությամբ հայտնաբերված պուրինները բարձրացնում են օրգանիզմում միզաթթվի մակարդակը, հետևաբար հոդատապի ժամանակ և հղիության ընթացքում լավ կլինի հրաժարվել այս բանջարեղենից: Բողկը նաև պետք է զգուշությամբ օգտագործել աղեստամոքսային տրակտի հիվանդությունների ժամանակ:
Աղբյուր՝ gazeta.ru
Այսօրվանից Պեկինի բոլոր դպրոցները փակ են, և հայտնի չէ, թե երբ կվերաբացվեն, քանի որ քաղաքը փորձում է կանխել COVID-19-ի ավելի լայն տարածումը: Չինաստանի մայրաքաղաքը պայքարում է վարակների իր վերջին ալիքի դեմ, որտեղ գրանցվել է քովիդի մոտ 150 դեպք, որից 50-ը հայտնաբերվել է հինգշաբթի:
Աղբյուր՝ news.sky.com
Ուկրաինայի Վիննիցա քաղաքային խորհրդի գործադիր կոմիտեն հաստատել է գրող Մաքսիմ Գորկու հուշարձանի ապամոնտաժման որոշումը: Վիննիցայի իշխանությունների հայտարարության մեջ ռուս և խորհրդային գրականության դասականը բնութագրվել է որպես «ստալինյան ռեժիմի ծառա»:
Աղբյուր՝ ria.ru
The Late Late Show-ի հաղորդավար դարձած՝ բրիտանացի կատակերգու և դերասան Ջեյմս Քորդենը հայտարարել է, որ հաջորդ տարի կհեռանա աներիկյան թոք-շոուից: Նա այդ մասին հայտարարել է հինգշաբթի օրը՝ Լոս Անջելեսում CBS հեռուստառադիոցանցի շոուի ձայնագրման ժամանակ: Հինգշաբթի ելույթ ունենալով շոուի ժամանակ, նա ասել է. «դա ամենադժվար որոշումն էր, որը ես երբևէ ստիպված եմ եղել կայացնել»:
Աղբյուր՝ bbc.com
Ալ-Աքսա մզկիթի համալիրում ուրբաթ պաղեստինցիների և իսրայելական ոստիկանության միջև տեղի ունեցած նոր բախումների հետևանքով տուժածներից ոչ ոք լուրջ վնասվածքներ չի ստացել: Այս մասին հայտնել է Պաղեստինի Կարմիր մահիկը՝ հավելելով, որ 22 մարդ տեղափոխվել է հիվանդանոց: Անկարգությունները տեղի են ունեցել մահմեդականների սուրբ Ռամադան ամսվա վերջին ուրբաթ օրը:
Աղբյուր՝ france24.com
Հնդկաստանի Ռազմածովային ուժերը և հնդկական Անդաման և Նիկոբար կղզիների միացյալ հրամանատարությունը (ANC) համատեղ փորձարկել են «BrahMos» գերձայնային թեևավոր հրթիռի հականավային տարբերակը: Փորձարկումներն իրականացվել են օգոստոսի 27-ին, պայմանական թիրախը հաջողությամբ ոչնչացվել է:
Աղբյուր՝ tass.ru
Բեն Գուրիոն օդանավակայանի տերմինալներից մեկի ուղևորների համար ապրիլի 28-ի երեկոյան արտակարգ տարհանում է հայտարարվել կասկածելի առարկայի պատճառով: Ինչպես պարզվել է, ամերիկյան ընտանիքը Գոլանի բարձունքներով շրջագայության ժամանակ որպես հուշ վերցրել է չպայթած արկը և ցանկացել է տուն տանել: Զինամթերքը հայտնաբերվել է, երբ ԱՄՆ քաղաքացիները ուղեբեռի ստուգում էին անցնում: Օդանավակայանի աշխատակիցներն անմիջապես տարհանում են հայտարարել:
Աղբյուր՝ vesti.ru
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
