Կարճ լուրեր
ԱՄՆ նախկին նախագահ Դոնալդ Թրամփը մտադիր չէ վերադառնալ Twitter՝ սոցցանցի սեփականատեր ընկերությունը Իլոն Մասկի կողմից գնվելուց հետո: Երկուշաբթի նա Fox News-ին ասել է, որ կօգտվի սեփական սոցիալական ցանցից: «Հուսով եմ, որ Իլոնը կգնի Twitter-ը, քանի որ նա բարեփոխումներ կկատարի դրանում, և նա լավ մարդ է, բայց ես կմնամ TRUTH-ում (Թրամփի սոցիալական ցանցը)»,- ասել է Թրամփը:
Աղբյուր՝ tass.ru
Երկուշաբթի ամերիկացի գործարար Իլոն Մասկը կնքեց՝ Twitter-ը 44 միլիարդ դոլար կանխիկ գումարով գնելու գործարք, որը միլիոնավոր օգտատերերով և համաշխարհային առաջնորդներով բնակեցված սոցիալական մեդիա հարթակի վերահսկողությունը կփոխանցի աշխարհի ամենահարուստ մարդուն: Սա կարևոր պահ է 16-ամյա ընկերության համար, որը աշխարհի ամենաազդեցիկ հանրային հարթակներից մեկն է և այժմ կանգնած է մի շարք մարտահրավերների առաջ:
Աղբյուր՝ reuters.com
Նախկին ֆուտբոլիստը խնամում է իր մեղուներին Քոթսվոլդսում գտնվող իր տան այգում: Նա մեղվաբուծությամբ սկսել է հետաքրքրվել կորոնավիրուսային համավարակի հենց սկզբում, այնուհետև ֆուտբոլիստը ձեռք է բերել փեթակներ և սկսել է մեղրատու մեղուներ բուծել։ Վերջին մեկուկես տարվա ընթացքում նա բաժանորդների հետ կիսվում է իր հաջողություններով՝ երեխաների հետ մեղուներին խնամելով և մեղր հավաքելով: Ընտանիքին մոտ աղբյուրի խոսքով՝ Դեյվիդը ծրագրում է իր հոբբին բիզնես դարձնել և օրգանական մեղր արտադրել:
Աղբյուր՝ dailymail.co.uk
Հարավային Աֆրիկայից Էմբեր Ֆիլարին գերազանցել է սեփական ռեկորդը՝ սառույցի տակ լողալով 90 մետր՝ առանց լողակների կամ հիդրոկոստյումի, և կրկին հայտնվել Գինեսի ռեկորդների գրքում: Մարզուհին մարտի 5-ին Նորվեգիայի հարավում գտնվողԿոնգսբերգ քաղաքում կանանց համաշխարհային նոր ռեկորդ է սահմանել: Նախորդ ձեռքբերմանը Ֆիլարին հասել էր 2020 թվականին: Այն ժամանակ նա շունչը պահած սառույցի տակ լողացել էր 70 մետր:
Աղբյուր՝ lenta.ru
Այս մասին հայտնում է NTV հեռուստաալիքը: Քավալային դատել են սահմանադրական կարգը փոխելու, ինչպես նաև Թուրքիայի ներկայիս կառավարությանը հեռացնելու փորձի համար: Երկրի իշխանությունները իրավապաշտպանին ներգրավված են համարում բողոքի ցույցերում, որոնք տեղի են ունեցել 2013թ:
Աղբյուր՝ tass.ru
Ապրիլի 26-ին ժամը 15։00 - 16։00 տեղի կունենա պոլսահայ նկարչուհի Վերշայի կամ Վերժին Շապճըի (Շապճյան) վերջին անհատական ցուցահանդեսի փակմանը նվիրված հանդիպում-զրույց լրատվամիջոցների և արվեստասերների հետ։ Այս ցուցադրությունը նկարչուհու յուրահատուկ «կտակն» է հայրենիքին: Ցուցահանդես-վաճառքին ներկայացված կտավների վաճառքից գոյացած գումարը և չվաճառված կտավները նկարչուհին որոշել է նվիրաբերել «Հայ հերոսների վերականգնողական կենտրոն»-ին:
Աղբյուր՝ Հայաստանի նկարիչների միություն
Ուիլ Սմիթը հեռացել է ԱՄՆ-ից այն բանից հետո, երբ սկանդալային կերպով պաշտպանեց կնոջ պատիվը «Օսկար»-ի ժամանակ: Այժմ հոլիվուդյան հայտնի դերասանը Հնդկաստանում է: Համացանցում հայտնվել են լուսանկարներ, որոնք արվել են՝ մասնավոր ինքնաթիռով Ուիլ Սմիթի Մումբայ ժամանելուց հետո: Դերասանի այցի նպատակն հայտնի չէ։ Ականատեսների վկայությամբ՝ Սմիթը ուրախությամբ լուսանկարվել է երկրպագուների հետ ու հիանալի տրամադրություն ունեցել:
Աղբյուր՝ vesti.ru
Twitter-ը պատրաստ է համաձայնության գալ Իլոն Մասկի հետ մոտ 43 միլիարդ դոլարի կանխիկ առաջարկի շուրջ, ինչը Tesla-ի գործադիր տնօրենն անվանել է իր «լավագույն և վերջնական» առաջարկը սոցիալական մեդիա ընկերության համար: Այս մասին «Ռոյթերս»-ին հայտնել են գործընթացին ծանոթ աղբյուրը: Այնուամենայնիվ, աղբյուրը հավելել է, որ միշտ կա հավանականություն, որ գործարքը վերջին պահին տապալվի:
Ապրիլի 25-ին հրավիրված նիստին քննարկվել է «Ջրային օրենսգրքում փոփոխություններ և լրացում կատարելու մասին» օրենքի նախագիծը, որի ընդունումը հնարավորություն կտա ի հայտ բերել ջրային համակարգերի կառավարման ոլորտում առկա խնդիրները և ձեռնարկել անհրաժեշտ միջոցներ այդ խնդիրները վերացնելու համար: ԱԺ արտադրության և արտադրական ենթակառուցվածքների հարցերի մշտական հանձնաժողովը հավանություն տվեց նախագծին: Այն կներկայացվի խորհրդարանի հերթական նիստի քննարկմանը:
Աղբյուր՝ ԱՀ ԱԺ լրատվության և հանրության հետ կապերի բաժին
Հանգստյան օրերին տոմսերի եկամուտների անկումը հասել է 79%-ի՝ պրեմիերայի հանգստյան օրերի համեմատ։ Ապրիլի 22-ին «Ֆանտաստիկ գազաններ 3»-ը հավաքեց 4 միլիոն դոլարից մի փոքր ավելի: Ֆիլմը պրեմիերայի օրը հավաքել էր ավելի քան 20 միլիոն դոլար: Ավելի վաղ Warner Bros. հայտարարել էր, որ «Ֆանտաստիկ գազաններ» ֆրանշիզայի ճակատագիրը կախված է երրորդ մասից ստացված արդյունքներից: Նախատեսվում էր նկարահանել չորրորդ և հինգերորդ մասերը, բայց դրանք կարող են այդպես էլ լույս չտեսնել:
Աղբյուր՝ kulturomania.ru
Ապրիլի 25-ին N զորամասում, ԶՈւ հրթիռային զորքերի և հրետանու վարչության պետի ղեկավարությամբ, անցկացվել են ցուցադրական պարապմունքներ: Պարապմունքների շրջանակում ծավալվել են ուսումնական կետեր, քննարկվել դիտարկման համակարգերով նշանակետերի հայտնաբերման, հետախուզման, ստորաբաժանումների ներդաշնակման արդյունավետության բարձրացմանը վերաբերող հարցեր:
Աղբյուր՝ ՀՀ ՊՆ
Իտալիայի վարչապետ Մարիո Դրագին դիմադրության շարժումն ու դրա իդեալներն անվանել է Երկրորդ համաշխարհային պատերազմից հետո կառուցված աշխարհի հիմքը: Իտալիայի կառավարության ղեկավարի հայտարարությունը տարածվել է երկուշաբթի՝ նացիզմից և ֆաշիզմից ազատագրման տոնի կապակցությամբ, որը Ապենիններում նշվում է որպես համաշխարհային հակամարտության ավարտի օր:
Աղբյուր՝ tass.ru
«Հանդիպում ենք այսօր՝ ժամը 18։30-ին, Կոմիտաս պողոտայի Սուրբ Խաչ եկեղեցու մոտ («Լամբադա» կամրջի հարևանությամբ)»,- տելեգրամյան իր էջում հայտնել է ՀՀ երկրորդ նախագահի կրտսեր որդին:
Կիրակի օրը Նյու Յորքում արագ տարածված հրդեհի դեմ պայքարի ժամանակ զոհված հրշեջը 31-ամյա Թիմոթի Քլայնն է, որը Նյու Յորքի հրշեջ ծառայության վեցամյա վետերան էր: Այս մասին ասվում է քաղաքապետ Էրիկ Ադամսի և հրշեջ կոմիսարի պաշտոնակատար Լաուրա Կավանայի համատեղ հայտարարության մեջ:
Աղբյուր՝ nbcnews.com
«Չելսիի» հարձակվող Ռոմելու Լուկակուն պատրաստվում է կարիերան շարունակել Միլանի «Ինտերում»: Անգլիական ակումբում նա իրեն նշանակալի ֆիգուր չի զգում: Calciomercato.com-ի փոխանցմամբ՝ բելգիացի ֆուտբոլիստը մոտ ապագայում կհանդիպի իտալական ակումբի գլխավոր տնօրեն Բեպպե Մարոտտայի հետ՝ քննարկելու հնարավոր վերադարձի պայմանները:
Աղբյուր՝ vesti.ru
Արևմտյան Դարֆուր նահանգի Կրեյնիկ կոչվող հատվածում արաբների և ոչ արաբների միջև մարտերի ընթացքում ևս 98 մարդ վիրավորվել է: Այս մասին հայտնել է Դարֆուրում փախստականների և տեղահանվածների հարցերով գլխավոր համակարգող խորհրդի խոսնակ Ադամ Ռեգալը:
Աղբյուր՝ aljazeera.com
Android Police պորտալի համաձայն 2022 թվականի լավագույն սմարթֆոնների կոչումմանն արժանացել են Samsung-ի և Google-ի գաջեթները: Առաջին տեղում Galaxy S22 Ultra-ն է: Նշվում է, որ կորեական ֆլագմանը ստացել է շուկայում լավագույն դիսփլեյը, բարձրորակ նյութեր և մասեր: Երկրորդ տեղում Google Pixel 6-ն է: Լավագույն սմարթֆոնների վարկանշային աղյուսակում երրորդ տեղը զբաղեցրել է Samsung Galaxy Z Fold3-ը:
Աղբյուր՝ gazeta.ru
Ավելի քան հարյուրամյա պատմություն ունեցող Datsun-ը այն ապրանքանիշերից մեկն է, որոնք օգնեցին ճապոնական ավտոարտադրողներին Երկրորդ համաշխարհային պատերազմից հետո իրենց տեղը գտնել համաշխարհային շուկայում: Nissan-ը երկուշաբթի հայտարարել է, որ այժմ կենտրոնանալու է «հիմնական ոդելների և սեգմենտների վրա, որոնք առավելագույն շահույթ են բերում հաճախորդներին, դիլերային գործընկերներին և բիզնեսին»:
Աղբյուր՝ bbc.com
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
