Կարճ լուրեր
Ապրիլի 26-ին՝ ժամը 10:00-ին, Արագածոտնի մարզի Ուշի բնակավայրում անցկացվելու է «Բնակչության ազդարարում, տարահանում, պատսպարում» թեմայով ուսումնավարժանք: Գործարկվելու է բնակավայրում առկա շչակը:
Աղբյուր՝ ՀՀ ԱԻՆ
«Տոտենհեմի» գլխավոր մարզիչ Անտոնիո Կոնտեն պատրաստ է գլխավոր «ՊՍԺ»-ն, հայտնում է Le Parisien-ը: ՊՍԺ-ն արդեն որոշել է բաժանվել ներկայիս գլխավոր մարզիչ Մաուրիսիո Պոչետինոյից: Ֆրանսիական ակումբը ցանկանում էր նրան փոխարինել Զինեդին Զիդանով, սակայն Մադրիդի «Ռեալի» նախկին գլխավոր մարզիչը ցանկանում է գլխավորել Ֆրանսիայի հավաքականը։52-ամյա Կոնտեն «Տոտենհեմը» գլխավորում է անցած նոյեմբերից՝ պայմանագիր կնքելով մինչև 2023 թվականի ամառը:
Աղբյուր՝ sport-express.ru
Երկուշաբթի լիբանանցի փրկարարները Միջերկրական ծովում շարունակում են որոնել են ողջ մնացածների: Մարդկանցով գերբեռնված մաքսանենգ նավը շրջվել էր ռազմածովային ուժերի կողմից հետապնդման ժամանակ, տասնյակ անհայտ կորածներ դեռ որոնվում են: Շաբաթ ուշ երեկոյան տեղի ունեցաց և համատարած ցասում առաջացրած աղետի հետևանքով զոհվել է առնվազն յոթ մարդ:
Աղբյուր՝ france24.com
Այս մասին պատմել է «Գերբնականը» հեռուստասերիալի նրա գործընկեր Ջենսեն Էքլսը: «Նրա բախտը բերել է, որ ողջ է։ Նա այժմ ապաքինվում է տանը, բայց ես խելքս կորցնում եմ այն փաստից, որ նա այժմ հիվանդանոցում չէ, քանի որ ես տեսել եմ մեքենան», - կիսվել է Էքլսը: Հաղորդվում է, որ Պադալեկին լավ է, բայց մոտակա ժամանակներում չի կարողանա ներկայանալ նախատեսված միջոցառումներին: Հայտնի է նաեւ, որ վթարի ժամանակ դերասանը գտնվել է ուղևորի նստատեղին:
Աղբյուր՝ gazeta.ru
Կյանքի 120-րդ տարում մահացել Է աշխարհի ամենատարեց կինը՝ ճապոնուհի Կանե Տանական, ով 2019 թվականին ճանաչվեց նաև երկրագնդի ամենատարեց մարդը: Տանական վերապրել է երկու համաշխարհային պատերազմ և տեսել հինգ կայսրերի գահակալությունը՝ սկսած ռեֆորմիստ կայսր Մեյջիից և վերջացրած նրա ծոռով՝ ներկայիս կայսր Նարուհիտոյով: Տանական ապրում էր Ճապոնիայի Ֆուկուոկա պրեֆեկտուրայի ծերանոցում և հունվարին նշել է իր 119-ամյակը:
Աղբյուր՝ ria.ru
Եգիպտոսը կիրակի ազատ է արձակել ավելի քան 40 բանտարկյալների՝ մահմեդականների սուրբ ամսվա՝ Ռամադանի ավարտից մեկ շաբաթ առաջ, որը սովորաբար համաներման շրջան է: «Բարեփոխում և զարգացում» կուսակցությունը հայտնել է, որ ազատ արձակվածները եղել են նախնական կալանքի տակ գտնվող քաղբանտարկյալներ: Պետական «Ալ-Ահրամ» թերթի անգլերեն հրատարակությունը հաղորդել է, որ ընդհանուր առմամբ ազատ է արձակվել 41 բանտարկյալ:
Աղբյուր՝ apnews.com
Metallica-ի կիթառահար Քըրք Համեթը թողարկել է իր «Portals» մինի-ալբոմը: IM—ի հաղորդմամբ ձայներիզը թողարկել է Blackened Recordings-ը: Ավելի վաղ երաժիշտը ներկայացրել էր «High Plains Drifter» երգի անիմացիոն տեսահոլովակը։
Աղբյուր՝ kulturomania.ru
Երկուշաբթի Պեկինը մեկնարկեց COVID-19-ի թեստավորման երեք փուլ իր ամենամեծ շրջանի՝ Չաոյանի բոլոր բնակիչների համար այն բանից հետո, երբ հաղորդվեցին տասնյակ դեպքեր, ինչը մարդկանց դրդեց սննդամթերք հավաքել՝ Շանհայի ոճով հնարավոր խիստ կարանտինի վախի պատճառով: է 3,45 միլիոն բնակչությամբ Չաոյանի իշխանությունները կիրակի ուշ երեկոյան կարգադրել են բնակիչներին և այնտեղ աշխատողներին այս շաբաթ թեստավորում անցնել:
Աղբյուր՝ reuters.com
«Չելսիի» գլխավոր մարզիչ Թոմաս Տուխելը հաստատել է, որ լոնդոնյան ակումբի պաշտպան Անտոնիո Ռյուդիգերը այս ամառ կհեռանա թիմից: «Իրավիճակն այնպիսին է, որ նա ցանկանում է հեռանալ ակումբից: Այդ մասին նա պատմել է ինձ մասնավոր զրույցում։ Մենք ամեն ինչ արեցինք, բայց դա բավարար չեղավ: Առանց պատժամիջոցների մենք կարող էինք փորձել պահել նրան, բայց հիմա մեր ձեռքերը կապված են։ Դա իր որոշումն է»,- Տուխելի խոսքերը մեջբերում է Goal-ը:
Աղբյուր՝ sport-express.ru
Ռուս թենիսիստ Անդրեյ Ռուբլյովը Պրոֆեսիոնալ թենիսիստների ասոցիացիայի (ATP) Բելգրադում ընթացող մրցաշարի եզրափակչում լավ խաղի և հաջողության շնորհիվ կարողացավ հաղթել աշխարհի առաջին ռակետ սերբ Նովակ Ջոկովիչին: Նման կարծիք է Ռուբլյովը հայտնել լրագրողներին կիրակի օրը: Հանդիպումն ավարտվել է 6:2, 6:7 (4:7), 6:0 հաշվով՝ հօգուտ Ռուբլյովի: Ռուսաստանցու համար այս տիտղոսը 11-րդն էր կարիերայում:
Աղբյուր՝ tass.ru
Նիգերիայի հարավում նավթավերամշակման ապօրինի գործարանում տեղի ունեցած պայթյունի հետևանքով զոհերի թիվը հասել է 110-ի, հայտնում են արտակարգ իրավիճակների ծառայությունները: Ոստիկանությունը հայտնել է, որ պայթյունը տեղի է ունեցել ուրբաթ ուշ երեկոյան հարավային Ռիվերս և Իմո նավթային նահանգների միջև գտնվող ապօրինի օբյեկտում:
Աղբյուր՝ france24.com
Անգլիայի Պրեմիեր լիգայի 34-րդ տուրի ծրագիրը շարունակվեց Լոնդոնում տեղի «Արսենալի» և «Մանչեսթեր Յունայթեդի» միջև հանդիպումով: Հյուրերը չեն հաղթահարել «զինագործների» գրոհները և պարտվել են՝ 1:3: Հյուրերի աստղ Կրիշտիանու Ռոնալդուն գոլ խփեց, սակայն նրա ջանքերը չբավականացրին ընդհանուր հաջողության համար:
Աղբյուր՝ vesti.ru
«Մանչեսթեր Յունայթեդը» հետաքրքրված է «Բարսելոնայի» կիսապաշտպան Ֆրենկի դե Յոնգի ծառայություններով, հայտնում է Diario Sport-ը: Ըստ աղբյուրի՝ Էրիկ տեն Հագի՝ «Մանչեսթեր Յունայթեդի» գլխավոր մարզիչ նշանակվելուց հետո 24-ամյա հոլանդացին դարձել է անգլիական ակումբի գլխավոր նպատակը: Նշվում է, որ Տեն Հագը, ում գլխավորությամբ կիսապաշտպանը հանդես է եկել «Այաքսում», անձամբ է ցանկանում նրան տեսնել «Մանչեսթեր Յունայթեդում»:
Աղբյուր՝ sport-express.ru
Շաբաթ օրը Եվրամիությունը կարևոր համաձայնություն ձեռք բերեց՝ ուղղված ատելության խոսքին, ապատեղեկատվությանը և այլ վնասակար առցանց բովանդակությանը: Օրենքը կստիպի խոշոր տեխնոլոգիական ընկերություններին խստացնել իրենց ինքնակարգավորումը, օգտատերերի համար հեշտացնել խնդիրների հայտնաբերումը և չկատարման դեպքում կարգավորող մարմիններին հնարավորություն տալ պատժելու միլիարդավոր տուգանքներով:
Աղբյուր՝ apnews.com
Մարչին Պշիդաչի հետ հանդիպումը կայացել է ապրիլի 22-ին: Ներկայացվել է անվտանգային իրավիճակը Հարավային Կովկասում և Հայաստանի կողմից իրականացվող ջանքերը տարածաշրջանային անվտանգության և կայունության ապահովման ուղղությամբ։ Պշիդաչն իր հերթին ընդգծել է Լեհաստանի պատրաստակամությունը՝ աջակցելու տարածաշրջանային խնդիրների լուծմանը թե՛ որպես ներկայումս ԵԱՀԿ նախագահող երկիր և թե՛ որպես ԵՄ անդամ երկիր:
Աղբյուր՝ Անվտանգության խորհրդի գրասենյակ
Բոսնիա և Հերցեգովինայի Հերցեգովինա-Ներետվա կանտոնում ուրբաթ օրը տեղի ունեցած երկրաշարժի հետևանքով առնվազն մեկ մարդ է զոհվել, ևս 7-ը վիրավորվել են: Այս մասին շաբաթ օրը հայտնել է Glas Srpske թերթը՝ վկայակոչելով կանտոնի քաղպաշտպանության օպերատիվ կենտրոնի ներկայացուցչին: 5.7 մագնիտուդ ուժգնությամբ երկրաշարժի հետևանքով վնասվել են տարածաշրջանի մի շարք շենքեր և մեքենաներ:
Աղբյուր՝ tass.ru
Rocket&Tigerli կոչվող նախագիծը բաղկացած կլինի չորս շենքից, այդ թվում՝ մեկը 100 մետրանոց աշտարակով: Համալիրը կկառուցվի Ցյուրիխի մոտ գտնվող Վինտերտուր քաղաքում: Ըստ դիզայնով զբաղվող դանիական Schmidt Hammer Lassen Architects (SHL) ֆիրմայի, նախագիծը կառաջարկի ժամանակակից, բարձրորակ բնակարաններ՝ ցերեկային լույսի առավելագույն ներհոսքով:
Աղբյուր՝ cnn.com
Բռնցքամարտի աշխարհի նախկին չեմպիոն Մայք Թայսոնին կարող են դատի տալ JetBlue ինքնաթիռի ուղևորին ծեծելու համար: Տուժած Մելվին Թաունսենդի փաստաբանը կատարվածը նկարագրել է այսպես. «Մեր հաճախորդը Թայսոնի մեծ երկրպագուն է։ Երբ Թայսոնը ինքնաթիռ է բարձրացել, նա չափազանց ոգևորվել է: Սկզբում նրանց շփումը ջերմ է եղել: Ինչ-որ պահի Թայսոնը չի կարողացել զսպել իրեն։ Այս կոնֆլիկտից կարելի էր խուսափել, եթե պարոն Թայսոնը դիմեր բորտուղեկցորդուհուն»:
Աղբյուր՝ tmz.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
