Կարճ լուրեր
Եթե ունեք երիկամների հետ կապված խնդիրներ, ավելորդ քաշ կամ զարկերակային ճնշում, ապա լավ կլինի միջուկով կրուասանով և սուրճով չնախաճաշել: Այս մասին ասել է սննդաբան Աննա Բելոուսովան: Այսպես կոչված ավանդական ֆրանսիական նախաճաշը ոչ բոլորին է կարելի: Այն օգտակար չի լինի հիպերտոնիայի զարգացման դեպքում, վնասակար կլինի երիկամների քրոնիկ հիվանդությամբ տառապողների և ավելորդ քաշի հետ կապված խնդիրներ ունեցողների համար:
Աղբյուր՝ gazeta.ru
Կենտրոնում ներկայացված էր լուսանկարների ցուցահանդես՝ նվիրված ՀՀ-ի և ՌԴ-ի դիվանագիտական հարաբերությունների 30-ամյակին: Կենտրոնի սաները հյուրերին ներկայացրեցին Վանաձորի պատմությունն ու կատարեցին երաժշտական ու պարային համարներ: 2019 թ․-ից Երևանում «Դոմ Մոսկվի» կենտրոնը 7-14 տարեկան երեխաների համար ռուսաց լեզվի անվճար ուսուցման ծրագիր է գործարկել Հայաստանի 28 քաղաքներում, ինչպես նաև նախատեսում է ռուսական կենտրոններ բացել բոլոր մարզերում:
Աղբյուր՝ Մոսկովյան մշակութագործարարական կենտրոն «Դոմ Մոսկվի» Երեվանում
47 դոլար արժողությամբ հարսանյաց զգեստ, անվճար վայր և նվեր մեղրամիս: Կալիֆորնիայում բնակվող զույգը ամուսնական երդումներով է փոխանակվել՝ ընդամենը 500 դոլարով կազմակերպված հարսանեկան արարողության ժամանակ: Նրանց հարսանիքի հետաքրքիր կադրերը որսացել է CNN-ի տեսախցիկը:
Փրկարարները որոնում են Լեհաստանի հարավում գտնվող «Զոֆյուվկա» հանքավայրում ուժեղ ցնցումից հետո կապից կորած 10 հանքափորի: Այդ մասին շաբաթ օրը հայտնել է «Jastrz bska Sp ka W glowa» ընկերության մամուլի ծառայությունը, որին պատկանում է հանքը: Ըստ առկա տեղեկությունների՝ դեպքը տեղի է ունեցել ժամը 03:40-ին 900 մ խորության վրա։ Ցնցման հատվածում եղել է 52 աշխատակից, 42-ը ինքնուրույն դուրս են եկել:
Աղբյուր՝ tass.ru
Դինգոները գենետիկորեն տարբերվում են ընտանի շներից, և նրանց էվոլյուցիան ձևավորվել է Ավստրալիայի բնական միջավայրում, հայտնում են գիտնականները, ովքեր ամբողջությամբ վերծանել են դինգոյի գենոմը: Հետազոտողների միջազգային խումբը վերլուծել է Սենդի Մալիքի կոչվող մաքուր անապատային դինգոյի գենետիկական կառուցվածքը՝ պարզելով, որ դինգոն միջնորդ է գայլերի և ընտանի շների ցեղատեսակների միջև:
Աղբյուր՝ theguardian.com
Ապրիլի 23-ին, արքայազն Լուիը դարձավ չորս տարեկան։ Արքայազն Ուիլյամի և Քեյթ Միդլթոնի պաշտոնական էջում հայտնվել են նրանց կրտսեր ժառանգորդի նոր լուսանկարները: Նկարներում երևում է, թե ինչպես է արքայազն Լուին ոտաբոբիկ խաղում ծովափին: Եղիսաբեթ II-ի ծոռի հագին բազմերանգ աստղերով մոխրագույն սվիտեր է, վանդակավոր վերնաշապիկ և կապույտ գույնի շորտ, նրա ձեռքերում կա գնդակ: «Վաղը՝ 4 տարեկան». - ասվում է նկարների մակագրության մեջ:
Աղբյուր՝ gazeta.ru
Վեց մարդ զոհվել է, 7-ը՝ վիրավորվել Սոմալիի մայրաքաղաք Մոգադիշոյում ծովափնյա ռեստորանում տեղի ունեցած պայթյունի հետևանքով, որտեղ այդ պահին գտնվել են Սոմալիի ոստիկանապետը և օրենսդիրները: Ոստիկանությունը հայտնել է, որ ուրբաթ օրը տեղի ունեցած պայթյունի հետևանքով կառավարության պաշտոնյաները չեն տուժել: Շենքում հրդեհ է բռնկվել:
Աղբյուր՝ aljazeera.com
«Ֆեներբախչեի» կիսապաշտպան Մեզութ Օզիլն աջակցել է «Մանչեսթեր Յունայթեդի» պաշտպան Հարի Մագուայրին, ով սպառնալիքներ է ստացել՝ տունը պայթեցնելու վերաբերյալ: «Սա խելագարություն է: Ֆուտբոլը չի կարող այնքան լուրջ լինել, որ խաղացողին ու նրա ընտանիքին սպառնան։ Ես ցնցված եմ: Երբեմն ֆուտբոլը մարդկանց մեջ վատագույնն է ծնում: Հուսով եմ, որ բոլոր մեղավորները կպատժվեն»,- գրել է գերմանացին իր սոցցանցերում:
Աղբյուր՝ sport-express.ru
Իսպանուհի Պաուլա Բադոսան, ուրբաթ օրը Ունս Ջաբիրի նկատմամբ տարած դժվարին հաղթանակով դուրս գալով Շտուտգարտում անցկացվող WTA մրցաշարի կիսաեզրափակիչ, կբարձրանա համաշխարհային դասակարգման աղյուսակի երկրորդ հորիզոնական:
Աղբյուր՝ france24.com
Առաջին էկոլոգիական լողափը Սոչիում կբացվի գալիք հանգստյան սեզոնին, այն կստեղծվի Դագոմիսի ծովափին: Այս մասին «ՌԻԱ Նովոստի»-ին հայտնել են քաղաքային վարչակազմի մամուլի ծառայությունում: Լողափի ենթակառուցվածքը կհամապատասխանի բնապահպանական չափանիշներին: Ներկայում իշխանությունները քննարկում են նախագծի համար անհրաժեշտ սարքավորումների հարցը:
Դա տեղի ունեցավ Օսկարի վերջին արարողության ժամանակ դերասանի մասնակցությամբ սկանդալի պատճառով: Netflix-ը նախատեսում էր Սմիթի հետ նկարահանել «Լուսավորություն» մարտաֆիլմի շարունակությունը: Nation Geographic-ի համար դերասանը պետք է նկարահանվեր «Բևեռից բևեռ» վավերագրական ցիկլում որպես հաղորդավար, սակայն նկարահանումները հետաձգվեցին աշուն:
Աղբյուր՝ kulturomania.ru
Ուիմբլդոնը զգուշացվել է, որ կարող է դատական պատասխանատվության ենթարկվել Բելառուսի թենիսի ֆեդերացիայի կողմից այն բանից հետո, երբ նրան մեղադրեցին անօրինական գործողությունների մեջ՝ ռուս և բելառուս խաղացողներին այս տարվա առաջնություններին մասնակցել արգելելուց հետո: Որորշումը, որը կայացվել է մտավախության պատճառով, թե ռուս և բելառուս մարզիկներին ի վերջո կարող են ստիպված լինել գավաթ հանձնել, թենիսիստ Անդրեյ Ռուբլյովն անվանել է«լիովին խտրական»:
Աղբյուր՝ theguardian.com
Ապրիլի 21-ին Մոսկվայում տեղի է ունեցել Ռոսսելխոզնադզորի ղեկավար Սերգեյ Դանկվերտի և ՀՀ ՍԱՏՄ ղեկավար Գեորգի Ավետիսյանի հանդիպումը: ՍԱՏՄ-ի փոխանցմամբ՝ էլեկտրոնային համակարգերի փոխազդեցության վերաբերյալ կողմերի համաձայնությունը կարևոր քայլ է մատակարարումների հետագծելիությունն ապահովելու համար, ինչը հեշտացնելու է բուսական արտադրանքի առևտուրը երկրների միջև:
Արտիստի մահվան մասին հայտնում է Agense France-Presse-ը՝ հղում անելով նրա որդուն՝ Մաթյո Սիմոնին: Հաղորդվում է, որ Ժակ Պերենը մահացել է հինգշաբթի՝ ապրիլի 21-ին, Փարիզում: Ընտանիքի հայտարարության մեջ ասվում է, որ Պերենը կյանքից հեռացել է «հանգիստ մահով, 80 տարեկան հասակում»:
Աղբյուր՝ kulturomania.ru
Եզրափակիչ փուլում ԵՊՀ ուսանող Արման Հարությունյանը 80 կգ քաշային կարգում՝ ձախ ձեռքով պայքարում, զբաղեցրեց 1-ին հորիզոնականը: 90+ կգ քաշային կարգում՝ և՛ աջ, և՛ ձախ ձեռքով պայքարում, երկրորդ հորիզոնականը զբաղեցրեց Սերոբ Ժամկոչյանը: Յուրա Թարվերդյանն էլ 80+ կգ քաշային կարգում՝ աջ ձեռքով պայքարում, զբաղեցրեց 2-րդ հորիզոնականը: Աջ ձեռքով պայքարի երրորդ տեղում դարձյալ Արման Հարությունյանն էր: Առաջնությանը մասնակցում էին 8 համալսարանների մարզիկներ:
Աղբյուր՝ ԵՊՀ
Ապրիլի 22-ին ՀՀ ՊՆ ռազմական ոստիկանությունում անցկացված խորհրդակցության ընթացքում ամփոփվել են առաջին եռամսյակում կատարված աշխատանքների արդյունքները և հանձնարարականներ են տրվել զորամասերում հանցագործությունների նախականխմանը, կանխմանը և բացահայտմանն ուղղված միջոցառումների ակտիվացման վերաբերյալ, կարևորել միասնական ուժերով կարգապահության ամրապնդմանը միտված զորամաս-ռազմական ոստիկանություն սերտ համագործակցությունը:
Աղբյուր՝ ՀՀ ՊՆ
Մադոննան վաճառում է Լոս Անջելեսի մոտ գտնվող Հիդեն Հիլզ հեղինակավոր թաղամասում տեղակայված իր առանձնատուն: The Wall Street Journal-ի տվյալներով՝ 62-ամյա երգչուհին անշարժ գույքը գնել է անցյալ տարի The Weeknd-ից 19,3 միլիոն դոլարով: Այժմ տունը, որի մակերեսը կազմում է 4 հազար կմ² տարածք, վաճառքի է հանվել 25,9 մլն դոլարով:
Աղբյուր՝ dailymail.co.uk
ԶՈւ բարոյահոգեբանական ապահովման վարչության կին զինծառայողների հետ տարվող աշխատանքների բաժանմունքի սպաներն այցելել են N զորամաս։ Կին զինծառայողների խնդիրների վերհանման նպատակով անցկացված քննարկումն ամփոփվել է սոցիոլոգիական հարցմամբ։ Անդրադարձ է կատարվել նաև զորամասի կանանց խորհրդի գործունեության հետ կապված հարցերին։
Աղբյուր՝ ՀՀ ՊՆ
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
